Monday, November 15, 2010

Nimin khan EVM te enfel a ni Inthlangturin inbuatsaihna a kalmek.

November 18 a LADC a MDC thlan neih tur a Vote thlakna hmanrua hmantur Electronic Voting Machine te chu nimin khan Electronics Corporation of India Limited Hyderabad a mi Engineer pahnih ten an endik, EVM endikna ah hian Political Party leh Chanchinbumi te an tel a, endik zawh a nih hnu hian Vote thlak nan a hmantheih turin buatsaih nghal a ni. Party lam aiawh ten EVM a Battery awmsa chu Expiry date October 2010 chu engtia tihtur nge tih an zawhna chu District Election Officer, Council inthlanna a Returning Officer ni bawk Pu Thlamuana Lawngtlai DC chuan Battery thar a thlak vek tur a nih thu leh Battery thar a awm vek tawh thu a sawi. Polling Station 97 a hmantur in EVM 140 ruahman a ni a, tun a Lawngtlai a kawllai chu a vaiin 145 ani. Inthlangtur a inbuatsaihna kalchho mek ah vawiin Thawhtanni hian hmun hla zual a Duty tur Polling Party 17 te chuan an duty na hmun tur an pan tawh dawn a, Election a hmantur in Motor 70 man niin hengte hi AOC Field ah dah an ni. Polling Station 97 zing ah Sensitive Polling Station panga Pangkhua, Archhuang, Sangau Dinthar, Hruitezawl leh Zochachhuah te a awm.Election Officer Pu Beila Khithie chuan MPF te hmalakna chuan inthlan boruak a vawngdai viau niin kan Correspondent a hrilh a, khawi hmun atang mahin inthlan kaihhnawih ah thil duhawmloh thleng an dawng lo a, Duty tur a ruat te pawh tunhmalam atanga lo tithang tawh te an nih vangin an rintlak em em a ni a ti.

Congress Campaign ngawrh

MDC thlan neih tur ah Congress Party chuan sorkar na chan ngei tumin hma an la ngawrh viau niin a hriat a, Aizawl lam atangin an rawn thawk rip viau a, chanchin ziaklai hian Lai District chhunga Minister leh MLA paruk vel an awm niin kan hria a, DCA Minister Pu Zira chuan tuichhak lam a fan hnu ah nimin Pathianni kha Lawngtlai ah a hmang a, a zinna ah Party dan kalha che Party atanga hnawhchhuah pawh an nei nual ni a sawi a ni. Pu Zira bak ah Pu Nirupam Chakma, Lalrinmawia Ralte, H,Zothangliana, lalrinliana Sailo, Joseph Lalhlimpuia leh H.Zothangliana te pawh in Lai District an thutchilh mek a, vawiin lam hian Sport Minister Pu Zodintluanga pawh rawn thleng tur a beisei a ni.

MPF Duty ngawrh

Inthlan kaihhnawih ah dawt leh inbumna lam chi te, sum hmang in thlem leh inlei te leh thildang, inthlannan a hmanrua thalo hman a nih loh nan MPF te an Duty ngawrh hle a, Local Forum thenkhat te phei chu tlaivar a Duty te pawh an awm mek, hetianga hmalak a nih vang hian Politics boruak pawh a vawngdai viau niin a hriat.

Polling Party ah mi 325

Tunkar Ningani a MDC thlanna neih tur ah Polling Party 97 awmna tur ah mi 325, Police Duty te tello vin ruat an ni. Presiding Officer, First Polling leh Second Polling Officer atan mi 97 theuh ruat an ni a, Third Polling atan mi 34 ruat an ni bawk, Polling Station thenkhat Voters tlemna deuh ah chuan Second leh Third Polling Officer te an tel a ngai dawn lo. Inthlan buaipui tura ruatte hian Inrinni khan Final Reharshal neiin Training pawimawh an zofel tawh.

MAP&MRP Duty dawn

LADC inthlan na ah Mizoram Police MAP leh MRP Duty tur a tihfel an ni vek tawh a, Police Duty tur hi an vaiin mi 350 an nih thu Election Office atangin kan dawng.

Friday, November 12, 2010

Sorkar siamturin midang sawm dawnlo. MNF in Sorkar siamkhawp Candidate an neilo R.Lalzirliana DCA Minist

Nimin khan District Council Affair Minister Pu R.Lalzirliana chuan Areopagy Lawngtlai ah MPF Lai Autonomous District Forum President Rev.H.Lalsangliana kaihhruaina hnuai a inkhawm buatsaih ah thu sawiin District Council in Direct Finanace(State kaltlang lova Central atanga District Council ten sum an hmuhtheihna tur) a neih theih nan Chief Minister leh MP Pu CL.Ruala te chuan Central ah lehkha an ziak tawh a, Aizawl lam ah pawh Direct Finance hi Party thenkhat chuan an helh viau a ni a ti. Congress sorkar chhungin LADC ah sum tamtak pek a ni a, kum 2008-09 a Budget Nuai 960 chu 2009-10 ah chuan Nuai 1540 zet in tihpun a ni a kum 2010-2011 Budget phei chu cheng Nuai 1890 zet in a pung a ni ti a, Lawngtlai khawpui Tui lam a harsatna sutkian a nih theih nan Lawngtlai Greater Water Supply Scheme atan Central chuan cheng Vaibelchhia 25.60 a pawm tawh a Nuai 905 chu a rawn release tawh a ni a ti a, hemirual hian Saitual tan pawh Nuai 750 release a ni bawk a ti. Pu Zira chuan Lawngtlai a tlawh chhanber chu Mipuite Lairam thar dinpui tur a sawm a nih thu sawiin, MDC inthlan tur chu ram Politics a inrelbawlna siamthat nan a bultan nan a hman a pawimawh thu leh mirintlak thlanchhuah a pawimwh thu a sawi a, LADC a Council inthlanna neih tur ah MNF te chuan Candidate pasarih chauh an neih vangin Sorkar nan siamthei an nilova, vanduai thil ah Congress chuan sorkarna siamthei khawp MDC a neilo a nih pawhin tuna Independent a dingte chu an lo tling a nih pawhin sawrkar siampui ah a sawm dawn lo a ni a ti a, NLUP chungchang sawiin Pu Zira chuan tunah pawisa awmsa vek a ni a, a sawisel tute hian an thil lo tihtawh MIP ang lek a kalpui a nih an rin vang a ni a, NLUP hi sorkar in a ruahman dan angin sem a ni dawn a ni a tiLairam mipuite chu Lai District in hma a sawn theih zel theih an an Party Congress Candidate te vote tur in a ngen bawk.

Hnawl takte ai chuan tun amite hi an tha zawk

MPF kaihhruaina hnuaia nimin a Public Meeting Arewopagy a neih ah Lawngtlai East bialtu MLA Pu H.Zothangliana Parliamentary Secretary chuan thusawiin Independent Steering Committee chungchang sawiin nihna nei lova awmthiam miahlo engemawzat Lairam ah an awm a ni a ti a, Council inthlan neih tur ah Congress Party in MDC Candidate a siam chungchang sawiin Party Ticket changtute chu mitha ziktluak an ni veklo tak na a, ticket beisei hnawl takte ai chuan an tha hle a ni a ti. He hun ah hian Pu H.Lalrinmawia Parliamentary Secretary pawhin thu a sa

Press Meet

Vawiin chawhma dar 10 hian CM hlui MNF Gen.Hqrs. President Pu Zoramthanga chuan Lawngtlai a thuthar thehdarhtute nen inkawmhona MNF Office ah a nei dawn.

Sorkar chawlh

Mizoram Sorkar chuan 18th Nov, 2010 a Lai Autonomous District Council Inthlan lo awm turah tha taka vote thlak a nih theihna turin inthlanni hi Lawngtlai District tan bik Sorkar chawlh-atan a puang

MNF President Areopagy ah

Council inthlanna neih tur ah an Party leh an tanpuite hmalakpui tur in nimin tlai khan MNF President Pu Zoramthanga chu Lawngtlai rawn thleng tur a ngaih a ni a, ruahmanlawk ang chuan tukin zing dar 7 hian Areopagy ah MPF te kaihhruaina hnuai ah Public Meeting neiin thu a sawi ang.

Thursday, November 11, 2010

Council Inthlan neih tur atan Campaign beihpui thlak chhoh mek a ni

LADC Term 9 na atan inthlan hun Karleh Ningani a neih tur chu chu karkhat chauh in a dang tawh a, Political Party leh independent Candidate te chuan an hmazawn theuh ah tan an lak nasat zual lai a thleng chho mek a, bial tin ah Campaign beihpui thlak chhoh mek niin, Campaign boruak erawh ri hut hut lam hriattur a awm lo, nimin tlai khan District Council Affairs Minister Pu R.Lalzirliana chu Lawngtlai lut tur a beisei a ni a, vawiin hian Lai DCC Office ah thu a sawi ang. MNF Gen.Hqrs. President Pu Zoramthanga pawh vawiin hian Lawngtlai thleng tur a ngaih a ni bawk. Inthlan Campaign a felfai zawk theih nan MPF Local Forum thenkhat chuan Joint Platform siamin Candidate ten an thiltum te an sawi. Local Forum engemawzat chuan Information Office siamin, inthlan Campaign dan an thlithlai reng a ni. Tuntum LADC inthlanna neih tur ah hian Congress chuan Bial 25 an chuhkim vek dawn a, MNF chuan bial sarih chuh in, bial dang 18 ah Independent Candidate te an pui ang.Congress chuan inthlan manifesto an siam ah Distrcit Council chu dinhmun sangzawk a awm theih nan Direct Finance neih thuai a nih theih nan Sixth Schedule siam that a nih theih nan chaktaka hmalak an tum thu te, Council inrelbawlna thalo lai siamthatte, Kaladan Multi Modal Project a hlawhtlin thuai theih nan a hmalak te LADC Area a khua, Motor kawngin a la pawh loh te pawh tir vek an tum thu te ei leh bar leh hriselna lam te thalaite hmasawnna tur te an tarlang a, MNF lam pawhin District Council in thuneihna lianzawk a neih theih nan a hmalak te, Planning Committee mumal zawk a din te, Lai District a Politics siamthat nan Political Reform Committee din te inrelbawlna a that zawk nan Administration Reforms kalpui te, tunlai hmasawnna thlir chung a Zirna kalphung siamthat te Hnam ziarang vawnhim kawng ahmalak te bak ah thalaite hmasawnna tur te, hriselna leh ei leh bar a intodelh nan ahmalak an tum thu te tarlan a ni bawk.

Inthlan buaipuitu tur ten Training an nei

Nimin khan YLA, Hall, Lawngtlai-III ah LADC inthlan buaipui tu tur Presiding Officer leh First Polling Officer te tan Training buatsaih a ni a, Election Officer Pu Beila Khithie chuan inthlan buaipui tu ten felfai takin an hna an kalpui a pawimawh a, an kut ah inthlanna felfai leh felfai lohna thui tak a innghat tlat a ni a ti a, thahnemngai tak a an hna theuh hlenchhuak turin a chah a, Inthlan buaipuitu ten ziakfel tur an neih te chipchhiar takin a ziakdan tur a hrilh Election Commission Dimond Jubilee kum a ni a, Voter tin te Photo E/Roll ah an chuan vek theih nan hmalakpui turin a sawm nghal bawk. Pi Saizikpuii SDyM Lawngtlai chuan Electronic Voting Machine felfai taka hman dan a zirtir bawk. Polling Station 97 awmna LADC inthlanna neih tur ah hian Presiding Officer leh First Polling Officer 130 ve ve ruat an ni a, Inrinni khian Final Reharshal neihpui an ni ang.

Postal Ballot thlak theih

Inthlan buaipuitu ten awlsam zawk a Vote an thlak theih nan Returning Officer chuan Postal Ballot hmanga Vote thlak dilna hun a hawng mek a, Postal Ballot hi Vote chhiar hma in Retrurning Officer hnen a thleng hman tur a ni a, thlak duhte tan a awlsam zawk nan DC Office ah Ballot Box hun a bawk a ni.

CADC Bye-Election hun ruatfel

District Council Affairs Department chuan Chakma Autonomous District Council chhunga Kamalanagar ‘N’ Constituency atana bye-election nei tura ni 29th October, 2010-a hriattirna a lo chhuah tawh bawhzuiin 9th Nov, 2010 khan hriattirna dang a ti chhuak leh a. He hriattirna thara tarlan angin CADC chhunga Kamalanagar ‘N’ Constituency atana bye-election neih tur atan hetiang hian ruahmanna siam a ni:
Filing of Nomination 11.11.2010 Scrutiny of Nomination Papers (after 3:00pm- 12.11.2010
Last Date of Withdrawal of Nomination 15.11.2010 Date of Poll (7:00AM - 4:00 PM) 02.12.2010 Counting ofVotes 03.12.2010

Tuesday, November 9, 2010

MJA ten an Member pui an lawmpui rualin MDC Candidate pahnihte duhsakna an hlan

Nimin chawhnu dar 1:30 a Lawngtlai District MJA Office Bearer Meeting, Lawngtlai Press Club a Presidents' Room a neih, MJA President Pu ZD Dengngura kaihhruai ah, Aizawl Municipal Council inthlan a MJA Member Pu Biakthansanga Councellor atan a thlantlin ani chu lawmawm an tih thu leh hunremchang hmasa ber ah lawmpuina thuziak hlan nise tha an ti a, hetihrual hian Lai Autonomous District Council inthlanna neih tur ah MJA member pahnih Pu T.Zakunga Vawmbuk bial a INC candidate leh Pu C.Lalsawmzuala Lawngtlai Chandmary bial a Independent Candidate te chu hlawhtlinna an chan ngei theih nan duhsak na an hlan. Vawiin a MJA Meeting hian LADC inthlan neih tur thlir in sorkar lam in hma an lakna chu tha a an hriat thu leh MPF leh Political Party ten inremna thuthlung an lo siam tawh chu tha an tih rualin, tha taka zawm a hlawh theih nan Party leh Candidate tin leh an mahni puituten tan la zual se an duh thu te sawilan a ni a, inthlan kaihhnawih ah Chanchinbumite chu thuziak kawng ah fimkhur zual tur leh inpumkhatna tichhe thei leh boruak thalo chawk thei zawng thuziak lak ah fimkhur turin an inchah bawk.

MDC Bial a Voter awmzat

No. Constituency Voters

1. Sangau East 1205
2. Sangau South 1224
3. Sangau West 1321
4. Cheural 1052
5. Lungtian 1283
6. Lungpher South 1587
7. Vawmbuk 1605
8. Bualpui NG West 1269
9. Bualpui NG East 1093
10. Lawngtlai Bazar 1334
11. Lawngtlai Vengpui 1692
12. Lawngtlai Chandmary 1982
13. Lawngtlai Council Veng 1573
14. Lawngtlai College Veng 1815
15. Lawngtlai - III 1886
16. Lawngtlai AOC 2132
17. Paithar 1766
18. Diltlang 1508
19. Chawngte ‘P’ 1657
20. Sakeilui 2780
21. M.Kawnpui 2216
22. Bungtlang South 1832
23. Sekulh 1570
24. Tuithumhnar 1902
25. Vathuampui 1954
Total 41238

Monday, November 8, 2010

LADC ah Hlawhbi thar tur State atangin hmuh a la ni lo -C.Ngunlianchunga CEM

Inrinni chawhnu dar 1 khan LADC a CEM Pu C.Ngunlianchunga chuan a chenna In ah Lawngtlai a thuthar thehdarhtute a kawm a, CEM chuan Council inthlan kaihhnawih ah mithenkhat ten Council Sawrkar chu pawisa awmsa vek tawh a a hnuaia hnathawkte hnen ah 6th Pay recomendation anga hlawh pe duh lo leh hlawh tur a pawisa lo kal chu thildang a hmang ang a sawina awm chungchang sawifiahin, Kum khat leh thla sawm chhung a Congress sorkar hnuai ah hmasawnna hna tamtak thawh a ni a, hlawhbi thar Staff ten an lak ve ngei theih nan pawh hmalak niin, August 8,2010 a Executive Meeting chuan a lo passed tawh a,. State sorkar ah Cheng Nuai 1478 dil a ni a, State sorkar atangin Second Instalment ah Nuai 1127.80 hmuh niin, he sum hi hlawhbi thar hmanna tur a pek an nih loh thu leh a hmanna tur ruahmansa vek a nih thu a sawi a, Additional Fund Cheng Nuai 350 an hmuh pawh Fisheries ah Nuai100 Agriculture & Horticulture ah Nuai 100 Minors Works ah Nuai 150 hman turin ruahmanna siamsa a ni a, hlawhbi thar tur hi State lam atang in dawn a la ni lo hrim hrim a ni a ti a, Politics a inbeihna atan hmanrua rintlak hman ni thin se a duh thu a sawi a,inthlanna thinghlim tak rampum ah neih a nih theih nan MPF te duhdan chu tha a tih thu sawiin zawm theuh nise a duh thu a sawilang tel bawk CEM tawiawmtu Pu C.Zoramthanga Executive Secretary LADC chuan Budget Estimate Council sorkar in a neih chu cheng Nuai 4252.60 a ni a, he sum hi hmuhkim ni ta se, hlawhbi thar pek hun tur a ruahman kumin August thla atang a pek tur pawisa a awm theih tur thu leh sorkar kumthar ah cheng Nuai 60 vel zet a la chuang thei tur a an ngaih thu a sawi. Press Meet ah hian CEM hi Executive Secretary Pu C.Zoramthanga bak ah Pu Lalrinliana Poonte Senior Finance Officer leh Pu F.Chungluaia Superintendent of Finance ten an tawiawm.

MDC INDEPENDENT STEERING COMMITTEE

Dt.3.11.2010 a MDC Independent Steering Committee chuan Election Infomation Office atan Pu Manghmunga Chinzah In Council Veng a ruat a, lehkha lut leh chhuak bak ah bial hrang hrang a Independent Candidate te dinhmun a hnuai a hming sign-tu hnen ah report tur a ni.

Tin, kan ngenna ngaipawimawh a Independent Candidate leh Recognised Party te Nomination paper min withdraw sak tute hnen ah lawmthu kan sawi e.

Chairman : Manghmunga Chinzah Ex-CEM
Vice Chairman: C.Zungchema Ex-CEM
J.B.Rualchhinga Ex-EM
Treasurer : V.L.Dawma
Gen.Secretary: Lalramfawna
Advisers : Sapliana Ex-EM & Ex-MLA
C.Thanghluna Ex-CEM & Ex-MLA

Bawm khar

Secretary Campaign Committee, Lai DCC atanga thudawnin a tarlan danin Tuithumhnar bial atanga Independent Candidate Pu T.Lalthlamuana chuan Party hruaitute leh INC Candidate Pu JH Lallianngura te ngenna ngaipawimawhin a bawm a khar.

Kaltluang

Council inthlanna nei tur a Election Department lam inbuatsaihna chu tluang takin kal chhohpui mek a ni a, tulpawimawh te tihfel nghal theih te chu tihfel chhoh mek a ni.

Friday, November 5, 2010

Council inthlan tur ah Campaign beihpui thlak chhoh mek a ni

LADC a Council Sawrkar pakua na siam tur a inthlanna neih tur chuan a vawrtawp a thleng chho tan mek a, Candidate tur te a chiang chho tawh a, bial tin ah Campaign beihpui thlak chhoh mek niin, boruak sa hulh hulh lam chi erawh khawi bial ah mah a awm lemlo niin a hriat a, hetihlai hian Candidate leh an mahni thawhpuitute chuan hnehna chan ngei tumin an bial chhung ah tan an la nasa hle tawh a ni. Bial ngaihnawm zual tur leh mipuiin an ngaihven deuh zing ah CEM Pu C.Ngunlianchunga leh Pu lalropuia Chinzah te inkhinna bial Lawngtlai Bazar te, LaiDCC President CEM pawh nilo tawh Pu F.Rohnuna leh Ex-Dy.Chairman Pu Thangchemsanga te dinna bial Sangau East bial te, Ex-CEM Pu B.Thanchunga leh INC Candidate Pu lalchuangliana te dinna bial Sangau West te, Lawngtlai Vengpui Pu VL Hmuaka leh Pu VL Dawma te inbeihna tur te chu a langsar zual zing ah a tel a, bial 25 zing ah tun dinhmun ah Candidate zing ah thafal zual bik awmna bial a tam lemlo niin a hriat theih a, Campaign theih hun chhunga Candidate leh an Campaigner te hmalak dan chuan awmzia a nei viau tur ah angaihtheih hrih niin The Lawngtlai Post chuan a hria a ni.

2005 MDC thlana Candidate te Vote hmuh zat

Pangkhua

Thangchemsanga MNF 518
F.Rohnuna INC 512
L.Lawmkima Ind. 232

Sangau East
B.Thanchunga MNF 550
H.Sangkhar INC 439

Sangau West
Lalchuangliana INC 668
V,Vanthawng MNF 660

Lungtian
H.Biakzauva Ind. 557
Lalzahawma MNF 470
C.Lalkunga 26

Lungpher
Lalhnuna MNF 637
F.Rualirha INC 474

Phawngpui
ManghmungChinzah Ind 602
T.Tialvunga MNF 390
C.Lalfakzuala INC 5

Vawmbuk
U.Zathang Ind. 316
L.Chungmanga MNF 314
T.Biaknawla INC 147
F.Thiaulinga Ind 5

Bualpui East
Lalbiakmuana INC 437
L.Zathang MNF 435

Bualpui West
H.Alchunga MNF 497
B.Lianhranga INC 443
HC Lalhumhima ZNP 5
Chalmawia Ind. 5

Lawngtlai Bazar
C.NgunlianchungaINC 444
C.Vantlungluaia MNF 354
C.Zobuanga Ind. 351

Lawngtlai Vengpui
V.L.Hmuaka INC 590
V.L.Dawma Ind. 579
JH Vanramngaia MNF 583
Lalbiakthanga Ind. 4

Lawngtlai Chandmary
SamuelChinzah INC 827
C.Zungchema MNF 795

College Veng
JB Rualchhinga Ind. 680
Chhuanawma MNF 625
Zatuma INC 43

Lawngtlai-III
B.Lalhuma MNF 678
S.Laltinkhuma Ind 594
R.Chhuanvela Ind. 271

Lawngtlai AOC
C.Thanghluna MNF Uncontest

Paithar
V.Zirsanga INC 512
V.L.Hminga MNF 488
J.Rohlupuia Ind. 298

Diltlang
F.Manghnuna Ind. 652
C.Laldingkima MNF 618

Chawngte ‘ P’
Lalduhsaka MNF 735
A.Lalhmunsanga Ind 560

Sakeilui
Nabin Kusum MNF 1167
Puspa Ranjan INC 1020

Bungtlang South
N.Zangura Ind. 839
Thanglawma Ind. 758
B.Hmunthanga MNF 709
DC Chondro Ind. 14

Sekulh
A.Vandailova Ind. 421
LallawmsangaApetow MNF 411
M.Lalrintluanga ZNP 139
N.Vanthanga Ind. 133
Malungrai INC 42
Vanlalthanga Ind. 80

Tuithumhnar
Lalthlamuana MNF 434
JH Lallianngura Ind 361
Sanzamlova Ind 318
JC Ngurluaia Ind 222
JH Lalhupa INC 196
UJ.Dangia Ind. 14
Zudisia ZNP 6
F.Liandawla Ind. 3

Vathuampui
C.Lalneihkhuma INC 599
C.Lalbiakthanga MNF 439
K.Vanlalthlira Ind 460

MJA Member 2 leh Adviver MDC Candidate

Tuntum Council in thlanna neih tur ah MJA Lawngtlai District Member pahnih Pu T.Zakunga Vawmbuk leh Pu C.Lawmsangzuala Chandmary te chuan MDC nihtumin an in Candidate a, MJA Adviser Pu C.Ngunlianchunga pawh a bial ngai Bazar ah a ding leh bawk.Tihian MJA mi leh sa pathum Candidate an awm mek.

Aizawl Municipal Council a Councellor thlan tlinte

Ward Councellor Party
No

1. Lalrinenga Sailo MNF
2. Hmingthanzami ZNP
3. Lalthanliana MPC
4. Lalmalsawmi MNF
5. Rosiamngheta MPC
6. Zamanthangi MNF
7. Zarzoliana ZNP
8. P.C.Lalhmingthanga MNF
9. P.C.Lalruatsanga MPC
10. Lalzirliana INC
11. Lalchhuanmawii ZNP
12. Laldinsangi INC
13. W.Chhuanawma ZNP
14. Lalrimawia ZNP
15. C.T.Zakhuma INC
16. C.Lalsawivunga MPC
17. F.Lalhuthangi INC
18. Biakthansanga MNF
19. Ramhlunsanga INC

Thursday, November 4, 2010

MDC Candidate zing ah MNF Candidate 1 telin 14 an in hnukdawk.Candidate 85 an awm dawn

November 18 a LADC a MDC thlanna neih tur atan chuh tum a hming pe, inhnukdawk duhte tan a inhuhdawk hun chu nimin tlai dar 3 khan a tawp ta a, chuhtum a hming pe mi 100 zing ah Lawngtlai-III bial atangin C.lalbiakthanga Independent Candidate chu endikna ah a tla a, he hnu hian Candidate a tan tling mi 99 awm in, heng zing a mi 14 te chu an inhnuk dawk. Tihian tuntum a LADC inthlanna neih tur ah Candidate 85 an awm dawn ta a ni. Inhnukdawk mi 14 zing ah 13 te chu Independent an ni a, AOC Bial atanga MNF Candidate A.lalhmunmawia chu a inhnuhdawk vangin MNF chuan Candidate pasarih an nei dawn ta a, Congress chuan bial awm zawng bial 25 an chuh kim dawn a ni. Tihian inmalbeihna tur bial pariat awmin Candidate pathum awmna bial pariat bawk a awm a Candidate pali awmna bial pali awmin Panga awmna bial khat a awm a, Candidate paruk awmna bial pathum awmin Candidate parih awmna bial pakhat a awm bawk. Heng bial Sangau East leh West,Bazar, vengpui,Paithar, Diltlang,Lungpher leh Vawmbuk ah te Candidate te an inmalbeih dawn a, Lungtian,Council Veng,Vathuampui,Bualpui East, College Veng,AOC, Chawngte’P’ leh Sakeilui bial ah te Candidate pathum an awm a, Cheural,Bungtlang,L-III leh Sangau South ah te Candidate pali awmin Bualpui West ah Candidate panga an awm a, Chandmary,Sekulh leh Tuithumhnar ah te Candidate paruk theuh awmin M.Kawnpui bial ah Candidate pasarih an awm.

LADC inthlan neih tur a Bial hrang hrang a MDC Candidate tur te

SANGAU EAST
F.Rohnuna INC
Thangchemsanga Ind

SANGAU SOUTH

S.T.Laldailova INC
R.Sangkam Ind
H.Sangkhar Ind
B.Panghaka Ind


SANGAU WEST

Lalchuangliana INC
B.Thanchunga Ind

CHEURAL
L.Lawmkima INC
Hrechina Ind
L.C.Kapthanga Ind
Rafael LR Chenhrang Ind

LUNGTIAN

F.Hranglura INC
HL.Lungrualkima Ind
S.Lalhriatpuia Ind

LUNGPHER SOUTH
F.Rualirha INC
Lalhnuna Ind

VAWMBUK
T.Zakunga INC
L.Chungmang Ind


BUALPUI WEST
PT Lalchuanglura INC
H.Vanlalrema MNF
Rorelliana Ind
H.Alchunga Ind
Zahminga Ind

BUALPUI EAST
Lalbiakmuana INC
H.Tialiapa MNF
Vanlalsanga Ind

LAWNGTLAI BAZAR
C.Ngunlianchunga INC
Lalropuia Chinzah Ind

LAWNGTLAI VENGPUI

V.L.Hmuaka INC
V.L.Dawma Ind

CHANDMARY

Samuel Chinzah INC
C.Zungchema Ind
C.Lawmsangzuala Ind
N.Lalzova Ind(LPP)
V.Thatvunga Ind
Thangchungnunga Ind

COUNCIL VENG

Lallura Chinzah INC
B.Lalmalsawma Ind
Manghmung Chinzah Ind

COLLEGE VENG

Chhuanawma INC
Championthanga Ind
VL Hmingsanga Ind

LAWNGTLAI-III

Hmunhre INC
H.Hrangliana MNF
B.Lalhuma Ind

LAWNGTLAI AOC

H.Vanlalthaliana INC
ST Biakchungnunga Ind
C.Thanghluna Ind

PAITHAR
V.Zirsanga INC
JB Rualchhinga Ind

DILTLANG
Lalngailova INC
C.Laldingkima Ind


CHAWNGTE ‘P’
A.Lalhmunsanga INC
Lalduhsaka Ind
Sapliana Ind

SAKEILUI

Puspa Ranjan INC
Tuturu Singh Ind
Suresh Ind

M.KAWNPUI
N.Sangnawni INC
Aditikumar MNF
N.Zangura Ind
Indumoni Ind
Nilomoy Chakma Ind
Lalhmingmawia Ind
B.Lalthuama Ind

BUNGTLANG SOUTH

V.Lungmuana INC
Thanglawma Ind
C.Lalsangzuala Ind
Joseph A.Khawpuimawia Ind

SEKULH

Lallawmsanga Apetow INC
Hrangchhuana MNF
A.Vandailova Ind
Malungrai Ind
J.Lalrawngbawla Ind
Hmingmuanthanga Ind

TUITHUMHNAR

JH Lallianngura INC
K.Lalrinawma MNF
H.Ronawna Ind
Lalthlamuana Ind
H.Sangkunga Ind
Punochondro Ind

VATHUAMPUI
C.Lalneihkhuma INC
C.Rongura MNF
K.Vanlalthlira Ind.

Candidate Inhnukdawk te

Sangau South
V.Vanthawnga Ind
Lungpher
Vanlalhruaia Ind.
Thangirha Ind.
Mangmung Chinzah Ind
Vawmbuk
T.Biaknawla Ind.
Bualpui West
B.Lianhranga Ind.
Bualpui East
C.Mangkunga Ind.
College Veng
J.Ropianga Chinzah Ind
Lawngtlai - III
L.Lalrinawma Ind.
Lawngtlai AOC
A.Lalhmunmawia MNF
Chawngte ‘P’
J.Vanlaldina Ind.
Lalhruaitluangi Vandir Ind
Sakeilui
Nabik Kumsum Ind.
Tuithumhnar
JC Ngurluaia Ind.

MDC Independent Candidate te an intelkhawm

LADC a Council inthlanna neih tur ah Independent Candidate te chu nimin khan Pu Manghmung Chinzah te In ah inhmukhawmin lungrual taka thawhho tha an ti a, hlawhtlinna chang a, sawrkarna siam theih a nih pawhin Steering Committee in thuneihna sangtak neise an ti a, Steering Committee hruaitu tur inruatfel nghalin Chairman ah Pu Manghmung Chinzah, Vice Chairman ah Pu J.B Rualchhinga leh Pu Zungchema te an ruat a, Treasurer ah Pu V.L.Dawma niin, General Secretary atan Pu Lalramfawna an dah bawk.

MPC ten Congress tihtlak tum dawn

LADC a MDC thlanna neih tur ah MPC Party chuan Congress Candidate te tihtlak an tum dawn tih District President Pu H.Remmawia chuan The Lawngtlai Post zawhna chhangin a sawi a, tute nge an puih ang tih zawhna chu Pu Remmawia chuan Independent Steering Committee suktlek chu an kaldan tur pui ber a nih tur thu a sawi a, bial a zirin an puih tur Candidate chu a danglam thei hret hret a a rinawm thu MPC President chuan a sawilang tel bawk a ni.

CADC ah Bye-Election

Mizoram Sorkar, District Council Affairs Department chuan ni 29 Oct, 2010 khan hriattirna chhuahin Chakma Autonomous District Council-a 5-Kamalanagar ‘N’ Constituency chu a bialtu Pi Aroti Chakma, MDC a boral avangin ni 9 July, 2010 atang bial ruak-ah a puang a. Mizoram Governor chuan sub-rule (1) of Rule 144 of the Chakma Autonomous District Council (Constitution, Conduct of Business etc.) Rules, 2002 in a sawi ang leh thuneihna a pek angin he bial ruak atan hian ni 2 Dec, 2010 dar 7:00AM - 4:00PM ah Bye-Election neih turin a puang a ni. Inthlanna a hmantur E/Roll siammek a ni.

Tuesday, November 2, 2010

LADC inthlanna neih tur ah chuh tuma hming pe mi 100 an awm

November 18 a LADC a MDC thlanna neih tur atan chuh tumte tana hming pek luh hun chu nimin tlai dar 3 khan a tawp a, inthlanna a chuh tum a hming pe lut 100 an awm, heng zing a 66 te chu Independent a chuh tum an ni. rorellai Congress chuan bial awm zawngzawng bial 25 an chuh kim vek a, Chief Executive Member nilai Pu C.Ngunlianchunga chuan a bial ngai Lawngtlai Bazar a chuh leh dawn a, Lai District Congress Committee President Pu F.Rohnuna chu Sangau East bial ah a ding ang. Nimin zing khan Lawngtlai Bazar a an Party Office ah MPCC a Gen. Secretary Pu C.Chawngkunga chuan Congress candidate tur te hi a puang. nimin chawhma lam khan MNF Party pawhin an Office ah an Candidate tur mi pariat te hming Pu Rohmingliana MNF Gen.Hqrs. Aizawl a General Secretary chuan a puang. Inthlanna a chuh tum a hming pek luhte hi naktuk ah endik a ni anga, inhnukdawk duhte tan November 3 thleng hun hawn a ni dawn a ni. Rorellai Congress Ticket a MDC ding tur te zing ah hian MDC la ni ngailo mithar ti a sawitheih mi 11 zet an awm a, heng zing ah hian Lawngtlai AOC bial a ding tur Pu Vanlalthaliana Ex-MLA pawh a tel.

Congress leh MNF Candidate tur te

MDC ELECTION A CONGRESS CANDIDATE TUR TE

Sangau East F.Rohnuna
Sangau South S.T.Laldailova
Sangau West Lalchuangliana
Cheural L.Lawmkima
Lungtian F.Hranglura
Lungpher F.Rualirha
Vawmbuk T.Zakunga
Bualpui NG West P.T.Lalchuanglura
Bualpui NG East T. Lalbiakmuana
Lawngtlai Bazar C.Ngunlianchunga
Lawngtlai Vengpui V.L.Hmuaka
Lawngtlai Chanmary Samuel Chinzah
Council Veng Lallura Chinzah
College Veng H.Chhuanawma
Lawngtlai - III Hmun Hre
Lawngtlai AOC Vanlalthaliana
Paithar V. Zirsanga
Diltlang A.Lalngailova
Chawngte ‘P’ A.Lalhmunsanga
Sakeilui Pushpa Ranjan
M.Kawnpui N.Sangnawni
Bungtlang South V. Lungmuana
Sekulh Lallawmsanga Apetow
Tuithumhnar J.H.Lallianngura
Vathuampui Lalneihkhuma

MNF CANDIDATE TUR TE

Vathuampui C.Rongura
Sekulh Hrangchhuana
Tuithumhnar K.Lalrinawma
M.Kawnpui Aditi Kumar Tongchongya
Lawngtlai - III H. Hrangliana
Lawngtlai AOC A.Lalhmunmawia
Bualpui East Tialiapa
Bualpui West Vanlalrema

NI PAWIMAWH ZUAL

Nov.3 Last date of Withdrwal

Nov. 18 Vote thlak ni
7:00 AM to 4:00 PM

Nov.22 Vote chhiar zing dar 7 atangin

Nov.24 Member thlan tharte thutiamtir a lakluh

Nov.26 Chairmanthar thlan leh Sawrkar thar din

Chuhkim dawn

Nimin a MNF Party Office a MDC candidate tur puanna inkhawm neih ah MNF District Hqrs. President Pu N.C.Nguntlunga chuan Official in Candidate pariat chauh puan ni mahse, MNF chuan bial awm zawng zawng bial 25 chu an chuh kim vek dawn tih a sawi. Candidate puanna inkhawm ah hian Office khat tlat in Party mite an tel.

Hmeichhe Candidate

Candidate

LADC Sorkar Term kua na ah chuh tuma hming pelut mi 100 zing ah M.Kawnpui bial a Congress Ticket a ding tur Pi N.Sangnawni chiah hmeichhe Candidate tur an awm niin kan hria.

LADC thutchilh

Pu H.Zothangliana Parliamentary Secretary leh MPCC hruaitu dang te chuan LADC inthlanna neih tur vangin Lawngtlai ah an awm mek.

Campaign tan

Party lian pahnih Congress leh MNF ten an Candidate tur an tih chian tak vang leh Nomination File fel a nih tawh vangin bial tin ah inthlan Campaign ngawrh zawk in kal chhoh pui mek a ni.

Monday, November 1, 2010

Tumdang ang lo deuhin Draft E/Roll Inrinni khan tlangzarh ani. Officer kaltlem lutuk DC in a ngaimawh

Kum thar 2011 January 1, behchhan a Electoral Roll siam thar tur atan Inrinni khan tumdang anglo takin Programme mumal tak siam in Draft Roll tlangzarh na hun DC Conference Hall ah neih a ni a, Pu Beila Khithie Election Officer chuan inkhawm kaihruaiin, kumin hi Election Commission Golden Jubilee a nih vangin Commission lam chuan puitham taka Draft Roll tarchhuah te, Final Publication te neih turin ruahmanna a siam vangin tumdang anglo takin hun hman a nih thu a sawi a, Draft Roll tlangzarh tu Pu Thlamuana District Election Officer chuan Electoral Roll ngaihpawimawh a tul zia thu a sawi a, tuna E/Roll siam mek hi thlakak chuanna Photo E/Roll a ni a, E/Roll a thlalak chuanglo te chu Commission thupek angin thlala turin lehkha pek a ni anga, an kallo a nih chuan E/Roll atangin paih an ni dawn a ni a ti. DC hian Draft E/Roll a tlangzarh hi Political Party tin te chu Hard leh Soft Copy a pe nghal a ni.He hun ah hian Pary hrang hrang Congress, MNF,ZNP leh BJP hruaituten thu an sawi a, E/Roll felfai leh rintlak neih a pawimawh thu an sawi uar hlawm hle. zaithiam zai bak ah SSA Pipe Band ten rimawi ngaihthlak nuam tak an tum bawk.DC chuan Sawrkar hunpawimawh ah Sorkar Officer te an kal tlem lutuk chu in enfiah a ngaih thu a sawi.Draft Roll ah hian Tuichawng Constituency ah Voters 23386 awmin EPIC nei 87.00% an awm a, Lawngtlai West ah Voters 21479 zing a 88.00% ten EPIC an nei a, lawngtlai East bial ah Voters 20454 awmin heng ziong a za zel a 89.00% ten EPIC an nei. Constituency pathum a Vote awmzat chu 65319 niin heng zing a 57746 ten EPIC neiin la neilo 8089 an awm mek a ni.

Tukin zing hian Congress in MDC Candidate tur an puang dawn

LADC ah MDC thlang tur a inbuatsaihna chuan boruak a nei lian chho viau tawh a, mipui ten an ngaihven ber zing a mi, rorellai Congress Party atanga Candidate tur te chu tukin zing hian Lai DCC Office ah puan a ni dawn a, nimin khan Aizawl lam atangin Pu H.Zothangliana, Parliamentary Secretary Pu C.Chawngkunga,General Secretary Mizoram Pradesh Congress Committee Pu Nirupam Chakma MLA leh Pu Hiphei Ex-MP ten Lawngtlai an rawn pan a, nizan lam khan rawn thleng hman tur a ngaih an ni. Mipui lam ten Ticket chang tur an inrinsiak nasa viau in a hriat ani, Candidate puanna inkhawm hi zing dar 7 ah tan a ni ang. Hetihlai hian MDC a din tumte tan a hming pek hun chu vawiin hian a tawp tawh dawn a, Nomination File awm nual tawh mahse dintum tamzawk te chuan vawiin lam ah Nomination hi an File a rinawm.Tarlan tawh thin angin MDC thlang turin November 18 khian Vote thlak a ni dawn a, a vawi khatna atan LADC Constitution Conduct of Business Rule 2010 ang in Vote thlakna hmanrua atan Ballot Box hmang lovin, Electronic Voting Machine(EVM) hman a ni dawn a ni.

SMS khap

Inthlan vuakvet ah midangte tibuai thei zawng a a hlawm a Cellphone leh Internet hmang a SMS thawnchhuah chu Model Code of Conduct kalh a chetna a nih vangin Returning Officer chuan LADC inthlan neih chhungin hetiang a SMS thawn hi khap a nih thu Inriinni khan a sawi.

Meeting ko

Tukin zing dar 8 hian DC Chamber ah Pu Thlamuana District Election Officer chuan LADC inthlanna tur ah District Level Standing Committee Emergency Meeting a ko a, member te kimtaka tel turin a ngen.

Nomination File

LPP President Pu N.Lalzova chuan Inrinni khan Chandmary bial chuh tur in Returning Officer hnen ah Nomination a File.

Thlang Nasa

Rev.J.Lalbiaknia phuah Lairam thar i siam ang aw tih Music Video chu Inrinni zing khan Rev.C.Hrangzuala G/S LIKBK in a tlangzarh a, hemi hnu hian Private TV pahnih RL Cable Network leh KT Vision ah te Demand Channel ah dahluh nghal niin, he hla hian thlan a hlawh in, mite thinlung ah thu a sawi nasa viau niin kan hria.

Officer kaltlem

Inrinni a Draft E/Roll Publication neih ah Sawrkar Officert kal an tlem hle a, hetihlai hian Political Party, Tlawmngaipawl leh Thuthar lakhawmtu lam te erawh an tel tha viau a, LADC atang pawh in a mawi tawk chu he hun ah hian an tel a, State Sorkar Officer te Sorkar hun pawimawh ah tel an tlem lutuk chu Function a tel thenkhat thusawina hun chantte chuan ngaimawhawm an tih thu an sawi chhuak.

Hun sawn

Lawngtlai District Chess Association(LCA) ten kar kalta a Chess Tournament buatsaih an tum chu an thulh a, inthlan boruak reh hnu lam ah neih an tum tih thu kan dawng.Hun sawn

Office hawn tum

Tukin in hian MPF Council Veng Local Forum te chuan Office hawn an tum a, Council Veng MPF te hian an vengchhung ah inthlan kaihhnawih a tihtur leh tihloh tur an duh te thuchhuh siamin veng chhung ah an sem darh mek.

Friday, October 29, 2010

LADC E/Rolls ah Voter 41238 awmin MDC bial Voters tamna ber Sakeilui ah Voters 2780 an awm

November Ni 18 a Council inthlanna neihna tur LADC Electoral Roll tarchhuah a ni a, a pumpui in MDC bial 25 a h Vote neithei mi 41238 awmin, heng zing a 20942 chu hmeichhia niin 20296 chu mipa an ni. MDC bial Vote neithei tamna ber chu Sakeilui MDC bial niin Voters 2780 awmin Vote neithei tlemna ber Cheural ah chuan Vote nei mi 1052 an awm. MDC inthlanna neih tur ah hian Political Party lian pahnih Congress leh MNF te chuan an Candidate tur an la puang lova, LPP te erawh chuan Lawngtlai Chandmary bial Voters 1982 awmna ah Official candidate neih tha an ti a, an Party President Pu N.Lalzova chu he bial a ding tur hian an tifel.. Inthlanna a chuhtumte tan vawiin chawhma dar 11 atanga November 1, karleh Thawhtanni thleng Nomination a file theih dawn a, nimin lam ah inthlanna chuhtum engemawzat chuan Nomination paper an lachhuak. Inthlanna felfai leh muanawm tak a awm theih nan Election Department lam chuan hmalakna chaktakin an kalpui mek.MDC bial thar Council Veng bial ah Voters 1573 awmin M.Kawnpui bial ah 2216 an awm.

Lairamthar Music Video

MPF Lai Autonomous District Forum leh World Vision tangkawpte bultum a siam Rev.J.Lalbiaknia phuah ‘Lairamthar i siam ang aw” tih Music Video chu tukin zing hian Areopagy ah Rev C.Hrangzuala G/S LIKBK in a tlangzarh dawn. He Music Video ah hian Lai District a zaithiam langsar leh zaithiam hriathlawh chho mek mi sawmpasarih zet an inlan a, Music leh Audio Recording hi CZ Records kutchhuak niin, Video editing ah hian CZ Records leh 4R Pictures te an tangkai hle bawk.Vawiin lam ah chuan Cable TV Demand Channel ah thlan theihin dahfel nghal a nih a rinawm. Lai District a Music Video siam tawh a sum sen tamna ber leh belhchiandawl tak ni tur a ngaih a ni.

MZP Platinum Jubilee Home Minister in a hmanpui

MZP Platinum Jubilee lawmna Zawlnuam a neih chu Home Minister Pu R. Lalzirliana n hmanpuiin Platinum Jubilee Magazine a tlangzarh a. Thu sawiin Minister chuan zirlai kalkhawmte chu zirna-ah quantity aia quality ngai pawimawh tur leh kut hnathawh uar leh zual tur-in a fuih a, MZP chu Sorkar khalh ngiltu leh thurawn pe thintu pawl pawimawh tak pakhat a ni a ti bawk. Pu Zira chuan chimralna lak ata Mizo hnam humhim tur te, eiruk leh hlemhletna do tlat tur te, Mizoram leh hnam tluchhe tur venghim tur te in zirlaite chu a chah a. Taimakna nen lo chuan hnam tluchhe tur kan veng thei dawn lo a; tih tak takna leh tumruhna tel lo chuan hnam kan humhalh thei dawn lo a ni a tiin a sawi. India ram state hrang hranga Mizo awmte inpumkhat leh inhmangaih tawn hi Mizoram tih zauhna atan a pawimawh a ti bawk. Khuallian chuan Mizoram Sorkar-in dik lo taka chetna a ngaizam mai mai lo a ni tih a sawi a. Hnamdangte hmuhsit leh tihduhdah ngawt hi Pathian duhdan a ni lo a ti bawk a ni.Khuallian chuan MZP chu zirlaite mamawh chhanna ni tura inbuatsaih tur te, zirlaite kaihruaia ram leh hnam tana mi chhenfak awm buatsaih tur leh hnamdangte zinga Mizoram leh Mizo-te hmel ti mawitu ni zel tur te-in a duhsakna a hlan a. Zirlai te pawh ram tan mahni zawna rinawm taka thawktu ni theuh tur in a fuih.

PROGRAMME FOR PUBLICATION OF DRAFT PHOTO ELECTORAL ROLLS

PROGRAMME FOR PUBLICATION OF DRAFT
PHOTO ELECTORAL ROLLS



Venue : DC’s Conference Hall
Date and Time : 30.10.2010, 11:00 Am



1. Chairman : Election Officer

2. Inauguration of thepublication of the
Draft Roll to defferent Political Parties : Deputy Commissioner

3. Band : SSA Pipe Band

4. Short Speech : Add.Deputy Commissioner

5. Solo : K.Lalthanpuii

6. Short Speech : 1) President, LDCC
2) President, MNF
7. Solo : ST Rochhingpuii

8. Short Speech : 1)President MPC
2)President, ZNP
3)President, BJP
9. Light Refreshment

10. Band : SSA Pipe Band

11. Vote of thanks : Chairman

Thursday, October 28, 2010

Booth Level Officer te pualin E/Roll 2011 Training nimin khan neih a ni

Election Commission ruahmanna ang a Electoral Roll, E/Roll a awm te thlalak chuanna siam tur a Lawngtlai District a hmalakna kalmek ah nimin khan DC Conference Hall ah Booth Level Officers te pualin Traning buatsaih a ni a, Pu Thlamuana DC chuan he Training hi hawngin Electoral Roll siamna ah fimkhur tak a hna kalpui a ngaih thu leh thawktute chu thahnem ngai taka thawk tur in a chah. He hun ah hian Pu Vanlalngena Add. DC leh Pu Beila Khithie Election Officer ten zirtirna an pe a,he Training ah hian Lawngtlai District a Assembly bial pathum Lawngtlai East Constituency leh West Assembly bial bak ah Tuichawng Constituency a Booth Level Officer te an tha hle. Tun a E/Roll siam thar tur ah hian Vote nei ten Photo ID Card an neih bak ah E/Roll ah an thlalak chuantir vek a ni dawn a ni.

H R I A T T I R N A

OFFICE OF THE DEPUTY COMMISSIONER
LAWNGTLAI DISTRICT : LAWNGTLAI
(ELECTION BRANCH)



H R I A T T I R N A
Dated: Lawngtlai the 27th October 2010



No.H.14014/2/2010-EO(LTI) : Dt. 27/10/2010 a Commissioner leh Secretary, District Council Affairs Department, Aizawl lehkha No. H.14011/1/2010-DCA/L in a tarlan angin, Mizoram Governor chuan a hnuai a tarlan ang hian LADC inthlan chungchanga hunbi thliah chu a hnuai a tarlan ang hi a ni :



1. Nomination File hun : 29/10/2010(Dar 11:00 AM
atangin 1/11/2010 dar 3:00PM

2. Nomination paper enfiah/endik : 2/11/2010 Dar 3:00 PM atangin

3. Inhnuhdawhna ni hnuhnungber: 3/11/2010

4. Vote thlak ni : 18/11/2010 Zing dar 7:00 atanga
tlai dar 4:00 PM thleng

5. Vote chhiar Ni. : 22/11/2010 Zing dar 7:00 AM
atangin Result puan thleng

6. MDC thlanthar thutiamkamni
leh District Council thar : 24/11/2010
Chairman tur Nomination
siam ni.

7. Chairman thlanna neih ni
Council Hall a neih hun leh : 26/11/2010
LADC Sawrkar thar din ni




Lai Autonomous District Council (CCB) Rules 2010 a dan 148 leh 151 in a phal ang in Pu Vanlalngena, Addl Returning Officer leh Addl.Deputy Commissioner, Lawngtlai chu LADC inthlan 2010 a Nomination Paper te dawng tura ruat a ni




Sd/-
Returning Officer
1-25,Lai Autonomous District Council
I&PRO(L) No. 12/2010 Lawngtlai

Notice of the Final Publication of Electoral Roll

OFFICE OF THE DEPUTY COMMISSIONER
LAWNGTLAI DISTRICT : LAWNGTLAI
(ELECTION BRANCH)


Notice of the Final Publication of Electoral Roll



It is hereby notified for Public Information that the final electoral roll for the 1-25 MDC Constituencies of Lai Autonomous District Council has been prepared with reference to 1st Jan. 2010 as the qualifying date and in accordance with the rule 146 of the Lai Autonomous District Council (Constitution, Conduct of Business) Rules, 2010. A copy of the said Roll has been published today the 27th Oct. 2010 and will be available for inspection at my Office



Sd/-
( THLAMUANA )
Returning Officer
Place: Lawngtlai 1-25 MDC Constituencies
Date 27.10.2010 Lai Autonomous District Council
I&PRO(L) No.13/2010 Lawngtlai

LPP ten Chandmary bial a Candidate tur an tifel

Nimin khan Lairam Peoples Party (LPP) thuneitu sang chu an President Pu N.Lalzova ho in MDC inthlan lo awmtur thlir in an thukhawm a, Lawngtlai Chanmary MDC Bial ah Official Candidate neih tha an ti a, he bial a LPP Ticket a ding turin Pu N.Lalzova President LPP chu an ruatfel tih thudawn a ni.

Team Champion

Aizawl a State Level PYKKA Sport ah Lawngtlai District Hmeichhe Boxer te chu Team Champion an ni. Mipa Boxer te pawh a che tha thawkhat hle

Monday, October 25, 2010

Mizoram UPC Khawmpui a tiak ta

Kar kalta Zirtawpni (Oct 22) atanga tan, YLA Hall, Lawngtlai-3 a neihMizoram UPC, Ladies Auxiliary Department General Conference tum 16 na chu nizan khan a tiak ta. Inrinni khan rorel palai ten YLA Hall ah ro rel in, Unaunu C.Renghlupuii President kaihhruai ah an thu passed langsar zual zing ah General Conference kumkhat dan a neih thin rawtna chu kaldamn pangngai angin kumtin a neih chhunzawm tha an ti a, kum 2011 thupui atan In kawngte chu chhut ngun rawh u(Hagaia 1:5) hman nise tih Bawngkawn bial, Dinthar bial leh Lunglei South bial atanga lut chu tha an ti a, kum 2011 Budget atan Rs. 6,93,000/- (nuai ruk singkua sangthum) an passed a, Kum 2011 General Conference chu Khawhai bial ten Biate a thlen an dil chu tha an ti tlang bawk. Rorel lai hian rorel palai ni ve lo te chuan Pathian fakna inkhawm Vengpui Biakin ah an nei. Nimin Pathianni chawhnu khan Lalpa Zanriah Sacrament kilho in Rev.Chhunglawma General Superintendent in a buatsaih. Khawmpui tawp zan nizan khan Secretary General LAD leh Organising Committee atangin Repoprt ngaihthlak a ni a, Pastor H.Vanlaltlana hnen atangin Pathian thuchah an ngaithla. Khawmpui neih chhungin thlarau lam a inpawlhona tha tak neih a ni a,Khawmpui chhungin an Member chatuanram panta mi 53 te sunna hun an hmang a,Report a alan danin Member 5936 an awm Palai kalten khawmpui chu thlarau lam ah hlawkna nasa tak an neih phah thu an sawi. Khawmpui thlen kawng ah Lawngtlai khawpui chuan Kohhran bik sawi lovin Young Lai Association te ruahmanna in mikhual sem leh hna tul dang te thawh a ni a, Palai kalte chuan Lawngtlai in khawmpui a lo thlen dan chu entawn tlak leh fakawm an tih thu an sawi uar hle.

Friday, October 22, 2010

Chief Secretary leh Officer te an inkawm

Niminzing khan Chief Secretary Pu Vanhela Pachuau chuan Lawngtlai a thleng a, chawhma dar 10:30 atangin Lawngtlai Circuit House ah a mah lawmna hun leh inkawmhona Pu Thlamuana DC kaihhruaina hnuai ah neih a ni a, State Sorkar leh LADC hnuai a Officer thahnem tak an tel. LADC aiawhin Pu C.Zoramthanga Executive Secretary chuan LADC hnuaia thawk ten 6th Pay anga hlawh an lak ve theih nan a hmalak sak tur a a ngenna chu Chief Secretary chuan Council Budget ah hlawh thar tur chu khung phawt a ngaih thu in a chhang a, State Sorkar Department hrang hrang ten harsatna an neih an thlen zing ah thawktu indaihloh na a nasat thu C.S hnen ah hian an thlen deuh vek a, an thu thlen langsar zual zing ah AH&Vety in Lawngtlai District ah Hospital a nei lo leh tuna Lawngtlai a Dispensary chu Hospital puitling a hlang kai a ngenna te, Lawngtlai Treasury Office in nikhat a pawisa a pek chhuah theih zat Cheng Nuai 30 chu Council pahnih Lai leh Chakma Council te an enkawl tel vangin sum hlawm tam zawk pekchhuak thei tur a tihlen rawtna te a tel a, Chief Secretary chuan Sorkar Department leh Council lam ten mamawh an neih an sawi te chu a theih ang ang a lo enzui a tum thu a sawi a, Sorkar hnathawk te chu Sorkar in midang te aia awhawm in a siam a, dinhmun thatak ah a din tir a, Plan pawisa chu hmasawnna hna thawh nan a hman vek theih loh in thawktute hlawh leh enkawl nan hman a ngai thin a, chu chuan hmasawnna hna pawh a kalchak tir thei lo a ni a ti a, Sorkar hnathawk te chu an dinhmun hrechiang a, thahnem ngai taka an hna rinawm taka thawk turin a fuih. Lawngtlai a tlawh chhan ber chu NLUP a nih thu sawiin, NLUP chu a hlawhtling taka kalpui a nih ngei theih nan Sorkar Officer ten mawhphurhna lian tak an nei a, theihtawp a tan lak a ngai a ni a ti. Ramngaw leh Nungcha humhalh na lam ah nasa zawk a tanlak tul a tih thu leh Mizoram chuan khualzin mite tam zawk a hipluh theih nan tuna a neihsa ramngaw leh nungcha te, a ram leilung te hi hman tangkai thiam a tul a ni a ti. Chief Secretary hi Pu T.Sangkunga Secretary AH&Vety leh mipawimawh dangten an tawiawm Chief Secretary hi Officers Club Lawngtlai leh LADC ten Lai Puan an pe a, DC chuan hun chep tak kar ah Chief Secretary in Lawngtlai a tlawh chu lawmawm a tih thu a sawi. chawhnu lam khan Chief Secretary hian Lawngtlai chhuahsanin Aizawl a pan.

Thursday, October 21, 2010

LIKBK Social Mission Deptt. ten CEM Relief Fund leh Kumpuan tanpui nan Rs.5000/- ve ve an pe

Nimin khan Lairam Isua Krista Baptist Kohhran, Social Mission Department te chuan Chief Executive Member Relief Fund atan leh Young Lai Association Kumpuan Ruihtheihthil Do tanpui nan Rs. 5000/- (Sangnga) ve ve an hlan. Heng pawisa te hi Rev.H.Lalsangliana Associate General Secretary i/c Social Mission in CEM, Pu C.Ngunlianchunga leh Central YLA President Pu V.Thangzova te hnen ah a hlan. CEM Pu C.Ngunlianchunga chuan miharsa leh chanhai zawkte tanpuina tur mimal pawl leh Kohhran atang te a dawn a ni thin chu hlu a tih thu leh midang te tana inpek duhna a lian chho zel chu Pathian hnathawh nasa tak a ni a ti a, LADC ah hian miharsa zawkte tanpui nan Discreationary Fund dah a ni thin a, nitin in tanpui ngai te tanpuina hi pekchhuah a ni deuh reng a, he Fund ringawt hi chuan a daih zai tam thin lova, Relief Fund tling khawm atangin miharsa zawk ten malsawmna an lo dawn phah thin a ni a ti. LADC ah hian CEM Relief Fund hi tunhma lam chuan lut lo awm bawk thin mahse, kumin 2010 chhung hiana lut nasa zual a, nimin thleng in kum 2010 chhunga Relief Fund lut zat chuan Rs.46,000/-zet a tling tawh a ni.CentralYLA President Pu V.Thangzova chuan Kohhran huang atanga kumpuan hmalakna tichak tur a tanpuina an dawng chu thil chhinchhiah tlak tak a nih thu sawiin, ruihhlo dona kawng ah mahni insengso a, theihtawp chhuah a hmalakna ah tha tichak tu pawimawh tak a ni dawn a ni a ti.

L-3 leitlahniam mithiamin en

Lawngtlai-3 huamchhunga leitlahniam chu nimin piah tlai khan Pu Lianngura Pachuau Asst. Geologist chuan a hmuna a en a, helai leitlahniam ven a nih theih nan thuneitu sang zawka rawtna a thlen dawn a ni. Thudawn danin leitlahniam ven nan hian checkdam tha tak siam leh leihnuai a tui lut tam lutuk tih ziaawm nan tuiluanna tur tha tak siam te chu helai leitlahniam leh tawlh ven nan chuan pawimawh hmasa tur ah ngaih a ni.

C.S lokal dawn

Chief Secretary Pu Vanhela Pachuau chuan vawiin hian Lawngtlai a rawn tlawh dawn a, vawiin chawhma lam hian Circuit House ah State leh Council a Sorkar Officer te nen inkawmhona hun an hmang ang.

MLA Trophy

Lawngtlai East MLA Football Trophy chu Nov.9,2010 khian Bualpui ‘NG’ ah tan tum a ni, He Tournament LDFA buatsaih a neih tur ah hian Champ[ion ten pawisafai an dawn tur ringawt pawh Rs. 15000/- a tling. Hriatchianduh nei tan LDFA hruaitute zawhfiah theih a ni.

Lairamthar

MPF bultum a Lairamthar i siam ang aw tih Music Video chu October 27 khian tlangzarh tum a ni. Tarlan tawh angin He Music Video ah hian Lai District a Zaithiam 17 zet in an aw an thawh.Tunah hian Shooting zawhfel a ni tawh a, Video Editing neih mek niin, thlir tlak leh ngaihven hlawh tak a nih ngei beisei niin a hla hi Rev J.Lalbiaknia phuah a ni.

LGWSS pawm

Lawngtlai Greater Water Supply Scheme chu pawm a nih tawh thu dawn a ni a, mamawh hmasa a hman turin Cheng Nuai 40 vel pekchhuah turin ruahman a nih thu thudawnna chuan a sawilang tel.

Wednesday, October 20, 2010

Lawngtlai-3 kawngchhiat vangin Motor lian an kaltlang duh lo,kawngchhia siammek a ni.

Lawngtlai-3 huamchhung a leitlahniam vanga National Highway 54 chhia chu lirthei tan kalharsa leh motor lian ritphur te tan phei chuan kal hlauhawm tak ni tawh a an hriat vangin nimin piah atang khan Lawngtlai District Truck Owners Association te chu motor lian ritphur te kal tlang an phallo a, heivang hian Lawngtlai Supply Godown atanga buhfai phur Truck sawm (10) chuang te chu an tangkhang mek. Truck Owners Association hruaitute chuan helai kawng hi thuneitu lam ten an beisei angin an ngaihsak tawk lo ni a an hriat thu an sawi a, kawng thlang lam chu min belh zel thei leh Motor lian ritphur tan phei chuan zawh chim mai hlauhthawn awm tak a nih vangin helai hmun hi paltlang ngam chi ah an ngailo tih an sawi. Hetihlai hian PWD Multi Modal Project Division -I te chuan helai kawng diak leh kal harsa chu siamthat hna an thawk mek a, nimin lam ah pawh Boulder phah in lirthei tan kal a awlsam zawk nan hma an la a, kawng siamthat hna hi a zualpui chu nimin tlai lam khan zawhfel hman beisei ni in, Lirthei neitu lam te erawh chuan an Motor leh Driver te tan a him tawk a an ngaih hun ah lo chuan helai kawng hi paltlang an tum lo tih an sawi.

Leitlahniam vangin Chenna In chhia

Hetihlai hian he lai hmun lei tlahniam vang hian kawng chhiatna bul a Pu Zoramthanga In, RCC Building chu a chhe nasa viau tawh a, In neitute chuan kum 1995 atangin an In chu a tlahniam tan tawh a, kumin August thla atang khan a hniam chak leh zual tih sawiin, a tir a an In awmna aiiin Feet 8 vel lai in a tlahniam tawh tih an sawi.Lei tlahniam huam chhung aIn te hi a tlak hniam rualin zawi zawiin thlang lam ah a tawlh hret hret tih helai a chengte chuan an sawi.Tarlan tawh angin he leitlahniam vangin In pakhat chu thiah a lo ni tawh a, lei hi a chet deuh reng vang leh, ruah a sur in tui taiput a awm nual thin vangin a la chet belh zel a rinawm tih khawtlang hruaitu te an sawi. Helai hmun leilung awmdan hrechiang tur hian Geologist te chuan nimin tlai lam khan an enchiang niin kan hria.

LSA Sport Pu V.Zirsanga E/M in a hawng

Ruahmanlawk angin LSA Sport 2010 chu nimin khan CYLA Mual ah tan a ni a, Pu V.Zirsanga E/M in a hawng. Pu Zira chuan zirlai Naupang te chu an zirna leh infiamna thiam taka kalkawp tir tur in a fuih. E/M hi Sport Officer leh Secretary Legislative leh Staff engemawzatin an tawiawm a, E/M hian tanpui nan Football leh Volley ball a pek bak ah Rs.3000/- a pe tel. Sport ah hian Jt.Hqrs telin LSA Branch 16 an tel

E/Roll Summary Revision 2011 nei dawn

Election Commission chuan Electoral Roll Summary Revision 2011 nei turin ruahmanna a siam a, hemi zulzui hian Lawngtlai District Election Officer Pu Thlamuana chuan District Level Standing Committee a siamfel tawh a, Meeting hmasa ber chu October 22 chawhnu dar 1:00 ah koh a ni. Member atan Sorkar Officer pawimawh te bak ah Party aiawh te, Tlawmngaipawl aiawh leh Chanchinbumite ruat an ni a, DC chu Chairman niin Election Officer chu Convener a ni.

Tuesday, October 19, 2010

LADC Inthlanna ah EVM hman a ni dawn. E/Roll ah Mithar thun leh Transfer a theih dawn loh

Nimin khan Lawngtlai DC Office Chamber ah District Level Standing Committee for general Election to LADC 2010 chu an Chairman Pu Thlamuana Lawngtlai DC ho in an thukhawm a, LADC a MDC inthlanna hmabak mek ah hmalakna kalpui mek leh hmalak zui dan tur te an sawi ho. Meeting ah hian Pu Thlamuana, Returning Officer ni bawk chuan LADC E/Roll siammek chungchang sawiin,LADC (Constitution, Conduct of Business) Rules 2010 chu October 4, 2010 atanga hmantan turin Gazette ah chhuah a nih vang in Electoral Roll siam na tur a meeting hmasa in ruahmanna a neih te chu engemawzat kalpui theih a nih dawnloh thu a sawi a, dan thar ah chuan E/Roll siamna tur ah hming siamthat leh Paih chauh a theih vangin, mithar thun te, Transfer te chu a theih dawn loh tih a sawi a, Member te atangin MDC inthlanna ah hmanrua thalo hmanga hming inpaihsak tumna a awm theih thu sawilan niin, Returning Officer chuan Sectoral Officer te hnen ah lo hrilhfiah an nih tur thu a sawi. Council Dan thar hman a nih tak vangin Vote thlak nan a Ballot Box hman thin chu Electronic Voting Machine hman a nih tur thu te, Candidate ten MDC Candidate tur atan Dan in a phut an tlin ngei tih chian nan Affidavit an siam a ngaih thu te sawilan a ni bawk. EVM chungchang ah khawihchingpen theih ni a sawi thin chu Returning Officer chuan mithiam chungchuang tan hmanrua tha leh hun thawl deuh nen chuan tihchingpen theih ni a sawi a ni a, hetiang hi nimahse, inthlan nan a hman tur EVM te chu an hmanna hmun tur Polling Booth hriatlawk theih a ni lo va, nguntaka enfiah a nih hnu ah chhinchhiah na thatak siam vek a nih thin vang leh inthlan buaipuitu te Candidate leh Agent te hmuh lai ngeiin a him leh him loh enfiah a nih thin vangin engmah hlauhthawn tur a awm lo a ni a ti a, Election Officer Pu Beila Khithie chuan inthlanna felfai neih a nih theih nan Member te chu thahnem ngai taka thawk tur in a ngen a, Electoral Roll tha tak neih a nih theih nan tanhona tha a pawimawh thu te a sawilang.

LSA Sport tan dawn

LSA Soprt chu vawiin atang hian Central YLA Mual ah tan a ni dawn. Pu V.Zirsanga Executive Member i/c Sport in a hawng ang. Football leh Volleyball hmang in intihsiakna neih tur a ruahman a ni a, Saiha leh Aizawl atangin infiammi engemawzat chuan nimin khan Lawngtlai an rawn thleng tawh.

TUIALHTHEI MAN THAR

IOC thuchhuak angin tuialhthei man chu 16.10.2010 zanlai atang khan Mizoram hmun hrang hrangah hetiang hian tih danglam a ni.
Sl. Location MS (Pertol) per lits.
No. Existng rate New rate XP

1. Aizawl 49.83 50.53 53.03
2. Champhai 49.96 50.67 53.17
3. Kolasib 49.71 50.42 52.92
4. Lawngtlai 49.77 50.48 52.98
5. Lunglei 49.83 50.53 53.03
6. Serchhip 49.83 50.54 53.04
7. Hnahthial 49.78 50.49 52.99
8. Saiha 50.84 50.55 53.05
9. Vairengte 49.66 50.37 52.87

H R I A T T I R N A

MJA,Lawngtlai District leh The Friends Club tangkawp ten Mamit leh Ngopa a chhiattawkte tanpuina pek kan tum a, Mimal, Pawl, Office anga tanpuina pe duh te tan Phone No. 9436148769 / 9862843773 ah in hriattir theih a ni. Ni 22.10.2010 (Zirtawpni) ah lakkhawm a ni ang.

Sd/- H.Lalrinmawia
Gen. Secretary
MJA, Lawngtlai District

Monday, October 18, 2010

Oct’ 4 atanga tan First Adventure Course Training zawhfel a ni.

October 4 atanga tan Lai Autonomous District Council, Sport &Youth Services Department bultuma neih First Adventure Course Training Camp chu kar kalta Zirtawpni October Ni 15 khan zawhfel a ni. He Training kharna hun hi Pu V.Zirsanga Executive Member Sport in hmanpuiin, thalai, he Training a tel ten an thiam an entir a, Pu Zirsanga chuan Adventure chu tangkai taka hman theih a beisei thu sawiin, Pi leh Pu atanga hmun pawimawh khamkar leh tlawhpawh harsa a awm te pawh Adventure lam a thiamna hmangin tlawh pawh a mipui hmuh a pholan a nih ngei theih nan tan la turin a fuih. Training hi Pu Thathluna Chinzah Sport Officer leh Pu H.Lalramenga Secretary LADC ten thutchilh in an tuipui hle. Pu Thathluna chuan tuna Lawngtlai District Adventure Club din chu tihlen chhoh tum a ni mek a, khua leh Veng tin ah Club din a nih theih nan ruahmanna siam mek a ni a ti a, Thalai tam tak helam a tuimite talent haichhuak turin LADC chuan theihtawp a chhuah mek a ni a ti bawk. Training hi Nalkawn leh a chhehvel a National Highway kobang, kham sang lai ah te neih a ni a, Training a tel te chuan nuam an tih thu leh Sport E/M leh Sport Officer ten an tuipui takzet tih an hriat vanga lawmawm an tih The Lawngtlai Post in a tlawhna ah an lo hrilh.

Aizawl pan dawn

Tun thlan Ni 20 atanga tan tur State Level PYKKA Sport a tel turin Lawngtlai District a infiammi engemawzat chuan vawiin hian Aizawl pan an tum. Infiammi dang engemawzat in naktip hian Aizawl an pan bawk ang. heng infiammi te hi District Soprt Committee Secretary Pu C.Lalhmangaihkima leh Trainer Pu Lalramriliana ten an hruai ang.

LAWNGTLAI DISTRICT CHESS ASSOCIATION C I R C U L A R

A hnuaia hun leh hmun tarlan ah hian Executive Member i/c SYS, LADC Trophy, Running Tournament buatsaih a ni dawn a, Chess khel mite tel theuh turin kan in hriattir e.

A hun : Dt. 28 & 29, Oct’ 2010
A hmun : Press Club
Chief Guest : Pu Thathluna Chginzah DCSYO, LADC
Entry Fee : Rs. 100/-
Prize : 1st - Trophy + Certificate + Rs. 4,000/-
2nd- Trophy + Certificate + Rs. 3,000/-
3rd- Certificate + Rs. 2,000/-
Consolations (4th - 8th) Rs. 200/- @

Sd/- C.Lalhmangaihkima
Secretary
Lawngtlai District Chess Association

Friday, October 15, 2010

Mampui Airport tur en

Nimin khan Lawngtlai atanga KM 20 vel a hla mampui khaw bul a tlang dung tha tak chu Thlawhtheihna tumhmun atan siam chi a nih dawn leh dawn loh Wing Commander (Retired) Lalzawma Mizoram Sorkar a Principal Consultant, Civil Aviation ho in en a ni a, helai hmun hi tlangdung tha tak, mampui khua nen inzawm niin, khawtlang hruaitute chuan mihring chenna chin tello pawhin Kilometre 2 leh a chanve zet a nih thu leh a tul chuan mampui khua a In leh lo tih chhiat a ngaih pawh in harsatna an siam loh tur thu Pu Zawma hi an lo hrilh.Pu zawma chuan tun tum a Thlawhna tumhmun tur an en chu hmalakna hmasa ang chauh a nih thu leh mithiam ten ngun zawkin a hmun ah kal a an la zir chian a ngaih tur thu a sawi a, thlawhna tumhmun atan chuan mit a en mai chuan remchang tak tur ah chuan a ngaihtheih a ni a ti. Pu C.Ngunlianchunga Lai Autonomous District Council a Chief Executive Member chuan mampui ram a thlawhna tumhmun tur en a ni chu lawmawm a tih thu a sawi a, mampui khawtlang inpekna chu a lawmawm in entawn tlak a tih thu a sawi. Hemi hnu hian Pu Zawma hian Lawngtlai a Assaam Rifle Camp chung a Helipad chu a en leh a, Helipad tha tak a siam a nih theih nan tuna a Helipad a hman lai chu nawr hniam deuh tul a a rin thu leh Car Parking leh Waiting Shed sakna tur te pawh a hmun chuan a zo tur a a ngaih thu a sawi.Pu Zawma hi Er. Lalthanzuala E.E. Lunglei in a rawn tawiawm a, Lawngtlai atangin LADC a CEM Pu C.Ngunlianchunga bak ah LADC Sorkar a Executive Member pahnih damlohna vanga tawiawm ve thei lo te tiam lovin Executive Committee Member zawng zawng in an tawiawm a, mampui khawtlang hruaitute leh Central Young Lai Association hruaitute pawhin Pu Zawma hi an tawiawm bawk. Kum 1994 kha tih lai a Congress kaihhruai Sorkar a din lai khan Civil Aviation a Director Pu Sanghmingthanga ho in Mampui Thlawhna tumhmun tur hi en a lo ni tawh a, nimin a an teh dan chuan Thlawhna tumhmun awmna lai hi tuifinriat zawl atanga tehin Metres 1080 niin Longtitude Degree 22.31 North leh latitude Degree 92.50 East a awm a ni

Thursday, October 14, 2010

LADC a inthlanna tur a tulte buaipui chhoh mek a ni. E/Roll siam hna thawh mek a ni.

Nimin chawhnu dar 1 khan Lawngtlai DC Office Chamber ah Lai Autonomous District Council inthlanpui hmabak mek ah Returning Officer Pu Thlamuana Lawngtlai DC kaihhruaina hnuai ah District Level Committee an thukhawm. Pu Beila Khithie Election Officer chuan hmalakna kalmek sawiin, Draft roll chu vawiin atangin tarchhuah a nih thu te, sawisel tur nei leh sawi duh neite tan tunthlan Ni 17 thleng hun hawn a nih thu te, E/Roll felfai tak neih a nih theih nan Sectoral Officer te leh an bial tur te ruat fel a nih tawh thu leh, inkalpawhna kawng thalo te siam turin PWD leh 71 RCC thunbeitutehnen ah thlen a nnih tawh thu te bak ah hmalakna kalpui mek dang te a sawi a.Meeting Chairman Pu Thlamuana chuan inthlanna dik leh felfai neih a nih theih nan Meeting a tel te chu tan la tur a chah. Meeting ah chuan thildang bak ah Polling Booth thar pahnih siambelh te, Polling Booth pakhat sawn leh pakhat nuaibo a nih theih nan a hmalak nise an nti . Meeting ah hian Political Party aiawh te, BDO te MJA lam leh Tlawmngaipawl hruaitute an te.LADC Sorkar Term kallai hi tunthla Ni 27.10.2010 hian a tawp dawn a, Inthlanna a hman tur Electoral Roll siam hna chu nimin atang khan tan niin, Draft Rool tarchhuah a ni a, MDC E/Roll hi a pumpuiin October 27 khian peihfel hman tum a ni. Draft Roll atan hian MLA inthlanna a hman Electoral Roll chu hman a ni. Draft Rool tarchhuah tak ah hian Vote neithei mi 37900 chuang an awm.

Human Rights chungchang ah Police ten Debate an nei

Nimin Lawngtlai SP huaihawtin DC's Conference Hall, Lawngtlai ah 'Human Rights hi Mizoram Police hian a ngai pawimawh tawk lo' tih thupui hmangin Lawngtlai Police ten Debate an nei. Speaker pu Vanlalngena Addl.DC chuan thuhma sawiin mihring te dikna chanvo humhalh hi sorkar in a ngaipawimawh hle a, hetiang lam hawi Lawngtlai SP in Debate a buatsaih chu thillawmawm tak a ni a ti. Debate Judge atan Pu Lalramsanga 1st Class Magistrate, Pu V.Lallianzuala Editor Lairam Daily Newspaper, Pu V.Saingura te ruat an ni. Debate ah hian Mover lam ten Point an hmusang zawk. Mover lam ah Inspr. B.Singh, SI B.Thansanga, S.I.Fredy Lalramthara te an tanga, Opposition ah Inspr.Lalchangliana, S.I.Ricky lalduhawma leh S.I.Zirtluanga te an tang thung.Police Department a thawk ten an tawiawm.

Kawng hawn hun

Haulawng leh Lunglei inkar World Bank kawng siam mek chu hetiang hian hawn hun thar Lunglei DC chuan a siam a ni. Lunglei atanga kal tur te tan, zing dar 8:00AM thleng hawn a ni ang a, chhun ah dar 1:00PM atanga Dar 2:00PM bakah tlai lam ah dar 6:00 PM atanga a hnulam zawng hawn a ni ang. Haulawng lam atanga Lunglei pan te tan zingkar ah dar 7:00AM thleng hawngin chhunah dar 12:00 atanga dar 1:00 AM inkar bakah tlai lamah dar 6:00PM atanga a hnu lam hawn a ni dawn a ni. Essencial commodity phur leh Challan neite erawh chu engtik lai pawhin an tlang thei dawn a ni.

Halpuah khap leh dawn

Home Minister chuan nikum Krismas leh Kumthar vuakvet a halpuah leh halmawi khapna thupek kenkawh chu a hlawtling hle a tiin mipui pawhin muanawm taka heng hun pawimawh te chu an hman phah theih a ni a ti a nikum ang bawka halpuah leh halmawi chi hrang hrang chu kumin 2010 Krismas leh 2011 Kumthar lawma hunchhung hi chuan hneh tak leh khauh taka khap leh nise an ti a. Hemi chhungchangah thurel dangte chu - Home Department-in a hriattir hnu-ah DC/District Magistrate zawng zawng ten a tul angin an mahni bial chhung huam chinah khapna thupek chhuah se an ti.

NLUP ah Vbc 238.80 pe

Nimin a Congress Legislature Party thutkhawmna ah Pu Lalthanhawla chuan nimin piah khan Central Sorkar chuan NLUP a hman turin Cheng Vbc234.80a rawn pe tih a sawi a, Aizawl a Municipal inthlan zawh ah khawpui huam chhunga hmalak tan a ni ang a ti.

LIVE PROGRAMME

DDK chuan Commonwealth Games Closing Ceremony October ni 14 a neih tur chu tlai dar 6 atanga a tawp thlengin Live in a pe chhuak dawn a. Satellite leh Terrestial transmission a pekchhuah a ni ang. CWG Closing Ceremony hi DD National leh DD HE, DD News leh DD Channel dangah te pawh Live a pekchhuah a ni ang.

RED RIBBON CHOIR COMPETITION 2010 HUN SAWN

Doordarshan leh MSACS tangkawp buatsaihin Red Ribbon Choir Competition 2010 neih hun tur chu Zaipawl ten inbuatsaihna hun tam zawk an neih theih nan sawn hlat a ni a. Zone / District-a intihsiak chu November 29 - December 04.2010 chhunga neih tur a ni a. Tel tur hming pek luh hun pawh Ni.22.10.2010 thleng hawn a ni bawk. Final hun tur chu la inhriattir leh a ni ang.

Intihsiakna a tel tur te tan intihsiakna hla Copy chu Pu Lalngheta Ralte (Phone: 9862843773) Doordarshan Stringer, Lawngtlai hnen atangin lam theih a ni.



Sd/- Chairman
Working Committee
Red Ribbon Choir Competition 2

Wednesday, October 13, 2010

Ram hlan dawn

Vawiin hian World Vision India, Chhimtuipui Area Development Programme chuan Sihtlangpui leh Ngengpuikai ah ram an neih te chu khawsak harsa zual thlanchhuah te hnen ah an hlan dawn a, Pu H.Laizika Project Director DRDA in a hlan ang.

Public Information Campaign Kolasib District ah nimin atang khan tan a ni

Bharat Nirman Public Information Campaign chu nimin khan Bilkhawthlir Kolasib District ah tan a ni.PIB bultuma sorkar laipui hmalakna leh ruahmanna puanzarna beihpui, hi Bilkhawthlir Community Hall-ah Pu K. Lalrinthanga, MLA Serlui Constitutency chuan a hawng a. DAVP, Field Publicity leh KVIC ten thlalak leh thildang mipui hmuh tura an pho chhuahte a hawng nghal bawk.Pu Mangjagam Touthang, IIS, Member Secretary, Core committee, PIC in inkhawm hi a kaihruai a. Khuallian Pu K. Lalrinthanga chuan thu sawiin, sorkarin mipuite hmakhua that nana hna a thawh hrang hrang te hrilh hriatna hun PIB in a buatsaih hi a lawmawm hle a ni, a ti a. India ram ropui taka Prime Minister Dr. Manmohan Singh leh UPA Chairperson Pi Sonia Gandhi te vangin economic dinhmun a tha chhova. India sumpai dinhmun alo that tak avangin scheme tam tak mipui dawm kanna tur zam a lo ni ta a. India ram hausakna hi thingtlang mirethei ber ber ten an hmang tangkai tur a ni tih hi kan hruaitute thuthlung a ni, Pu Lalrinthanga chuan a ti.Mizoram sorkar chuan heng central scheme te hi a hmang tangkai hle a. Nikum khan ni 100 inhlawhna pawh tluang taka neih zawh a niin, kumin ah pawh ni 100 inhlawh hman ngei kan in beisei a. Tuirial Hydel Project pawh thar thawh leh in kawng dang dangah hmasawnna rahbi a in chhawp teuh a. Heng ruahmanna te hi a sukuk loh chuan Zoram dinhmun chu a tha chho hle ang a ti bawk a ni.PIC hi Mizoram-ah kum 2006 atang khan neih tan a ni

SIPAI LAK RUNPUI

Sipai lak runpui, Army Recruitment Rally chu Lunglei Thuamluia Mual-ah November 18-21, 2010 leh Aizawl Zamabawk Field-ah 24-28 November, 2010 chhung hian neih leh a ni dawn.Thu chiang chipchiar zawka hre duh chuan Army Recruiting Office, Aizawl Phone No. 0389-2351166 leh 0389-2351518 ah zawhfiah theih reng a ni.

HAUH LAWK THEIH

Directorate of Information & Public Relations chuan Mizoram Calendar leh Diary 2011 te chu a buatsaih leh mek a. Sorkar department, Corporation, Financial Institution, Institution leh office hrang hrang ten an mamawh tur hauh lawk duhte tan office hun chhungin a in hriattir theih.
GOVERNMENT OF MIZORAM
DISTRICT COUNCIL AFFAIRS DEPARTMENT


N O T I F I C A T I O N
Dated Aizawl, the 6th Oct. 2010


No.H.14011/1/2010-DCA: Whereas under sub rule 1 of Rule 8 of the Lai Autonomous District Council (Constitution, Conduct of Business etc) Rules, 2010 as amended from time to time, the term of existing Lai Autonomous District Council is due to expire on 27.10.2010.
And whereas a General Election has to be held for the purpose of Constituting a new District Council for the said Autonomous District Council
Now, therefore, in exercise pf the powers conffered by sub-rule 1 of Rule 151 of the Lai Autonomous District Council (Constitution,Conduct of Business ect.) Rules 2010 as amended from time to time the Governor of Mizoram is pleased to appoint the following dates and time and respect to revision and preparation of the electoral rolls for the purpose as follows:-

1 13.10.2010 Wednesday Publication of Draft E/ Roll
2 13.10.2010 Wednesday Filling Claims and objections
3 18.10.2010 Monday Disposal of claims and objections
4 23.10.2010 Saturday Printing of E/Roll
5 27.10.2010 Wednesday Final Publication of E/Roll


Sd/- LALSAWMI
Secretary to the Government of Mizoram
(2 - 2) District Council Affais Department

CHIEF MINISTER MIZORAM T H U C H A H

Ram pumpuiin a hman thin ‘NUNGCHATE HAPTA’ (1 - 7 October) Vawi 56-na kan lo thleng leh ta hi a lawmawm hlein ka hria. he hun kan hman hian keini Mizote hi kan inngaihtuah nawn leh fo a pawimawh hle a ni.


Khawvel a thang zela, changkanna leh hmasawnna hrang hrangin kan ram thlengin a rawn tuam mek zel a ni. Tunah chuan Mizoram pawh State dangte ruala ke pen vein khualzin pawh kumtinin an lo pung chho ve ta zel a ni. Heng khualzin kan lo hip theihna tur ber chu kan ramngaw leh a chhunga cheng nungchate, kan boruak, sik leh sa nuam em em leh Mizo hnamzia chi hrang hrang leh ‘TLAWMNGAIHNA’ te hi an ni a, hengte hi kan vawn nun reng a pawimawh takzet.


Kan rama nungchate hi kan pelh leh an chenna ramngaw tha kan thiah avangin an tlem chho mek zel bawk a. Tuna keini ram luah mek tute hian mawhphurhna lian tak kan nei a, neitu rilru tak tak nen heng kan ram rohlute kan dimdawi a, kan tuchhuan thlenga humhalh turin mitinin tan la zual sauh turin kan inchah leh duh a ni. Kan ramngaw ti chereu a, nungchate suattu a tang lovin a humhalhtu nih i tum theuh ang u. Chuti lo zawng thangthar ten min dem lutuk dah ange.

Kum 2010 Nungchate Hapta kan hman ah hian Mizo mipuiten dawhthei leh zahngai taka kan rama cheng ve tura SIAMTU ruat nungchate chunga ngilneih chhuah turin mitin ka ngen e.


Aizawl Sd/-
1st October,2010 (LAL THANHAWLA)

Monday, October 11, 2010

AOC ah NH 54 chhia

Inrinni zan khan Lawngtlai AOC Veng a FCI Godown bul kawn lai a NH 54 chu a min a, motor lian ritphur ten an zawh ngamlo. Helai hmun hi DC leh PWD hotu ten an tlaweh nghal a, AOC Veng YLA te pawhin theihtawp chhuah in hma an la mek bawk

BRGF ah Cheng Nuai 1726.50 hmuh beisei ah Nuai 628 hmuh a ni a, Block tina ah semrual a ni.

Zirtawpni khan Lawngtlai DC Conference Hall ah Backward Region Grant Fund, District Level Planning & Implementation Committee chu an Chairman Pu Thlamuana Lawngtlai DC ho in an thukhawm a, kum 2010 - 2011 chhung a District hnufuial dawm kanna tur a Central atanga pawisa hmuh Cheng Nuai 628 hmandan tur an rel. Chairman chuan 2010-2011 atan BRGF first instalment a pawisa hmuhtur a beisei, State pawhin a pawmpui chu Cheng Nuai 1726.50 a nih thu leh tun a hmuh chu cheng Nuai 628 a nih thu a sawi a, Member te chuan pawisa hmuh a tlem tham deuh vangin hnathawhtur ruahman tamzawk chu thawhtheih a nih dawn loh vangin, thawhtheihtur a ruahmante pawh sum ruahman thenkhatte chu tihhniam nise an ti. Meeting ah hian Lawngtlai East Bialtu MLA Pu H.Zothangliana Parliamentary Secretary, CEM pahnih, Pu C.Ngunlianchunga LADC leh Pu Kaili Kumar Tong Tongya, Pu H.Laizika Project Director DRDA leh member dangte an tel. BRGF hmang hian Lawngtlai District chhung a hmasawnna hna thahnem tak thawh a lo ni tawh a, thawh chhunzawm chhoh mek aCheng Nuai 628 hmuh chu Lawngtlai District a Block pali ah hetiang hian Meeting chuan a semrual Lawngtlai Block Cheng Nuai 185.32 Chawngte Block Nuai 217.35 Sangau Block Nuai 93.13 Bungtlang South Block Nuai 94.51 heng bak ah hian cheng Nuai 37.69 chu Project Manangement Unit atan dah a ni.

Kohhran Khawmpui nizan khan zawhfel a ni

Tunkar Zirtawpni atanga tan Lairam Isua Krista Baptist Kohhran hnuai a Pastor Bial Inkhawmpui chu nizan khan a tiak. Pastor bial hrang hrang ten inkhawmpui neihna tur a ruat Kohhran ah te khawmpui hi hmangin hun hmasa lam chu rorel nan hman a ni a, Kohhranpui, Hmeichhe Pawl leh Thalai pawl ten a hrang theuh in ro an rel a, an thu passed zing a rorelna sang zawk a thlen ngai chi te chu inkhawmpui lian neih hun a ngaihtuah turin thehluh a ni dawn a ni.Khawmpui neih chhungin Bial hruaitu thlan that ngaite chuan an thlang nghal bawk. Pastor bial tin ah inkhawmpui thupui thlanbik neiin Speaker tur a ruat ten Pathian thuchah an sawi thin . November thla Kum 1999 khan Isua Kista Kohhran (IKK) leh lairam Baptist Kohhran (LBK) te chu Kohhran pakhat ah inchhungkhawm in Lairam Isua Krista Baptist Kohhran hi a lo piang ta a, tun dinhmun ah Pastor bial 15 neiin Kohhran member inchhiarna hnuhnung ber ah chuan Member 24350 an awm. Hetihrual hian nimin Pathianni hmang khan Baptist Church of Mizoram pawh in Pastor bial khawmpui an nei mek bawk a, Presbyterian hnuai a Presbetery hrang hrang pawhin khawmpui an nei bawk a ni

Faina Hapta Oct.8 khan khar ani.

October 2 atanga Lawngtlai a Faina Hapta hman chu Zirtawpni khan Pu Beila Khithie Election Officer kaihhruaiin DC's Conference Hall ah Lawngtlai ah kharna inkhawm neih a ni. Pu Thlamuana DC chuan thusawiin Faina lama hmasawnna nasa tak awm chho mek chu lawmawm a tih thu sawiin, kumtinin Faina Hapta hman a ni thin a ni a, kumtluan a fai tur a hmalak a pawimawh a, Hapta hmanchhung chauh a fai lo in faina hian daihrei se a duh thu na sawi. Lawngtlai khawchhung faina lam a a lanmawi harna pakhat chu kawngpui chhe lutuk vang ni a a hriat thu sawilangin, kawngpui siamthat a nih hun chuan faina lama hmalakna pawh a lang mawi deuh ang a ti. Kharna inkhawm ah hian Hapta hmanchhung a intihsiakn ahrang hrang a pakhatna atang pathum na hnen ah tangkafai leh Certificate hlan a ni. Office fai ber ah SP Office thlan a ni a, Vengfai ber ah Lawngtlai Bazar Veng thlan a ni. School fai ber ah Model English School thlan niin Hotel/Restaurant/TeaStall faiber ah Sugar & Spice Restaurant Lawngtlai Bazar thlan a ni a, Hapta hmanchhung a Faina lam ziak tha ber Chanchinbu ah The Lawngtlai Post thlan a ni. Lawmman te hi Pu Thlamuana DC , Dist.Level Committee on Cleanliness Week Chairman in a hlan.

USA ah Paper Present dawn

Miriam L.Conney, Pu Lalramliana Cloney fanu tuna Saiha College a Lecturer nilai chuan Rocky Mountain Modern Language Association Annual Conference October 14-16 chhunga Albuquerque, New Mexico,USA a neih tur ah Paper Present tur a thlan a ni a, naktuk hian Delhi atangun USA hi a pan ang.

Member lawmlut

MJA Lawngtlai District chuan Member thar pali an neih te chu Zirtawpni khan Press Club a Presidsents’ Room a inkhawm buatsaih ah Pu ZD Dengngura President in a lawmlut

E/Roll Training

Inrinni khan LADC inthlan neih tur a Electoral Roll Revision neih tur ah DC’s Conference Hall ah Training neih a ni. Draft Roll hi tunkar Nilaini ah tarchhuah a ni anga.

Thursday, October 7, 2010

Faina Hapta hmanmek ah Khawpui lunlai thenfai hnatlang nimin khan neih a ni.

Lawngtlai a Faina Hapta hman mek a nimin khan Lawngtlai khawpui laili leh dawrkai leh mipui punkhawmna Lawngtlai Bazar veng Village Council leh YLA Branch te chuan Faina hnatlang an ko a, veng chhung thenfaihna thawkin, tuihawkluankawr leh kawngpuikam hniam te an thianfai a, Areopagy atangin mipuite chu faina lam a tanla tur in aurinna hmangin an fuih reng bawk a, an huamchhunga dawrkai leh mipui lengvak te chu bawhhlawh a bawm a paih tur leh englaipawha faina lama tanala turin an chah. Lawngtlai a Faina Hapta hmanmek ah hian Office, Zirna In, Hotel, Thingpui Dawr leh Restaurant fai thlang chhuak turin endik tur a ruat ten an hna an thawk tan tawh a, Faina Hapta hi kumdang zawng aiin Lawngtlai ah hman a ni nasa a, Sorkar Department lam leh mimal thlengin Hapta hman chhunga Office leh mahni In leh a vel thianfai hmuhtur an awm nual a, LADC Education Department pawhin thuchhuah siamin an hnuaia zirna In te chu tanla turin an hriattir. 

Ex-MLA in Sorkar chu hlawhchham ah a puh

Nimin khan MNF District Hqrs. Lawngtlai chuan Lawngtlai a an Party Office ah mithar lawmluhna inkhawm an President Pu NC Nguntlunga kaihhruaina hnuai ah an nei a, Pu Lalthlengliana Ex-MLA, MNF Gen.Hqrs. a General Secretary, District Council Affairs changtu chuan mithar lawmlutin, Congress chuan an sorkar vanglai tak an thleng chho mek a, MLA 32 neiin hneh takin thuneihna an chang a, kawng hrang hrang a Mizoram sorkar chu a hlawhchham der a ni a ti a, NLUP chu a dawntum te an mangang hle tawh tih sawiin, sem hun tur a sawi pawh vawi engemawzat a liam tawh a ni a ti. Mizoram Sorkar chu mikhual sorkar ti a sawiin, mikhual rorelna hnuai ah ram tan damna tak tak beisei chi a ni lo a ti.

MNF ah lawmlut

Nimin khan Pu Hrangliana Treasury Officer atanga tunhnai mai a Penson bak ah P.T.Vanlalliana Hruitezawl a BJP President leh Vanlalthanga Sabualtlang Ex-VCP te chu MNF Party ah Pu Lalthlengliana Ex-MLA in a lawmlut.

Unit Inthlang lo

Council Veng Congress Unit thiat tak, nimin a inthlanna neih tur a ruahman chu Lai DCC chuan tiamchin awmlo in a sawn hla.

Khawmpui

Naktuk zan atang hian kohhran lian thenkhat te chuan Pastor bial khawmpui an tan dawn a, hun hmasa lam chu rorel nan hman a ni anga, khawmpui hian Pathianni thleng a awh ang.

Loneitute zin

Agriculture Department,Lawngtlai bultumin tunkar Thawhlehni khan Inter-District Training cum Exposure Visit-Champhai leh N.Vanlaiphai a nei turin loneitu thlan chhuah mi 20 te chuan Lawngtlai an chhuahsan a, heng loneitu zinchhuakte hi October ni 11 ah lo let leh tur a beisei an ni.

Faina thuchah

Zanin hian Faina Hapta hmanmek ah DC leh CEM bak ah District Level Committee in thuchah sawi tur a a thlan ten Cable TV kaltlang in Faina Hapta Thuchah an sawi ang.

MLA lokal dawn

Lawngtlai East bialtu MLA Pu H.Zothangliana Parliamentary Secretary chu vawiin hian Lawngtlai a rawn thlen beisei a ni.

SMS tha tawh

Central Sorkar in Ayodhya thubuai vanga Internet hmang a a ruala SMS tamtham tak thawnchhuahna a way 2 SMS leh a dnag engemawzat ramchhunga hetianglam a service neite an SMS thawnchhuahna a tihtawplailawk chu nimin chhun atang khan dan pangngai a an service chhunzawm Central chuan a remti.

Fare mumallo

Tunlai hian Lawngtlai Auto Rickshaw hmanman chu a inanglo nual a, thenkhat in Rate hlui an hman laiin thenkhat chuan Rate thar an hman tawh thu sawiin Fare an la thung. Hetiang a nih mek lai hian Rickshaw hmanman hi District Transport Officer ho in Driver leh Owners ten an siam a, chu Rate chu State Transport Authority ah pawmpui tur a thawn a nih thu DTO chuan kan zawhna chhangin a sawi a, pawmpui a nih leh nihloh erawh chanchinziaklai hian kan hrethei lo.

Monday, October 4, 2010

Faina Hapta hmangmek

Kumtina hmanthin Faina Hapta , India Hnampa Mahatma Gandhi piancham October 2 denchhen a hmanthin chu Lawngtlai ah pawh hman mek a ni a, hapta hawnna inkhawm hi Inrinni zing khan Areopagy ah Pu Thlamuana DC kaihhruaina hnuai ah neih a ni a, Pu C.Ngunlianchunga CEM chuan Faina lam a hmalakna kalpui thin a ni chu thiullawmawm tak a nih thu leh Faina lam ah mipui te thanharh chhoh deuh deuh a tul thu leh hmasawnna pawh chaktakin a kal tih a sawi. Hapta hmanchhung hian kumdanga lo tih thin angin Veng, Hotel leh Restaurant, Sorkar Office leh Zirna In Fai thlan chhuak in lawmman pek a ni leh dawn a, Daily Newspaper Faina lam ziak tha te hnen ah pawh lawmman pek a ni bawk dawn, District level Meeting Pu Hmunsanga Lawtlai SDO(S) kaihhruaina a neih chuan heng fai thlanchhuak tur hian mawhphurtutur pawh a ruatfel vek tawh a, Hapta kharna inkhawm hi tunkar tawp hian DC Conference Hall ah neih a ni anga, hetah hian lawmman te hi sem a ni dawn a ni.District Level Meeting chuan mipui te chuan Faina ngaipawimawh in mahni theihna zawn theuh ah hmala uar deuh deuh se a duh.

NIC Lawngtlai thuamthamek

Lawngtlai DC Office a NIC chu thuamtha in tihlen chho mek a ni a, tun hnai mai ah pawh 2 Mbps Leased Line Internet Connection an nei thar a, 34 Mbps Leades Line Connection nei tur in hmalakna kalpui mek a ni bawk. NIC hi tangkai takin hun rei tak kalpui a lo ni tawh a, Sorkar in a hman tangkai piah lam ah mimal, Internet hmang duh ten an pan reng bawk a, awllai awm lovin Office hour piah lam ah pawh thawktute inpekna vangin Internet hmang mamawh ten tangkai takin an hmang fo thin a ni. NIC atang hian Thlawhna leh Rel Ticket hauhlawk duh te tan a tihtheih reng bawk a ni. Internet connection hi DC Office leha chhehvel a Office pawimawh ah te pawh an pechhuak nual tawh a, MJA Lawngtlai District OB Meeting in Press Club ah Connection pe tur a an beiseina pawh NIC lam chuan thil harsa a nih loh tur thu The Lawngtlai Post an hrilh. Khawvel thangchho zel ah IT lam a hmasawnna chuan Office leh mimal hna tamtak Internet hmang a thawh ngai a tam tawh vangin hetiang a NIC hi thuamthat a ni chho zel hi ram tan hmasawnna chhuanawm tak a tling a ni.

Accredited Journalist thar

Rauthla Editor Elvis Lalthangzuala chu Mizoram Sorkar in Accredited Journalist ah a pawm thar.Accredited Journalist te hi State Sorkar chuan Group ‘A’ Officer nen intluktlang ah a ngai

Lairamthar

MPF Secretary Rev.J.Lalbiaknia hla phuah Lairam thar i din ang aw tih hla chu tunlai hian Music Video a siam tur in hmalak mek a a ni a, Video Shooting tam zawk chu zawhfel a ni tawh a, zaithiam 17 zet ten he hla hi an sa a, a ranglam in tlangzarh tum a ni.

Wildlife week hmangmek

National Wildlife Week vawi 56-na chu hman mek a ni a, Pu Laltlanhlua Zathang DFO Lawngtlai chuan mipuite chu Nungcha leh ramngaw humhalh na lam ah tan la thar tur in a ngen.

Chhinchhiahna siam

Kumin a Lawngtlai District in Mizoram a ram kangmnei veng tha lawmman pakhatna a lak chhinchhiahna DC Office ah siam chu hawnthuai tum a ni.

Tuesday, September 14, 2010

CYLA in ngaimawh

Tunlai hian MDC thlan neih tur a chuhtum mithenkhat hnen ah Tlangval thenkhat in pawisa an dil thin tih Central YLA chuan an hriat thu kan dawng a, hetiang a pawisa dil ching te hi Central YLA chuan an ngaimawh hle a, hetiang a tih chingte manchhuah an nih chuan an chung ah nataka action lak Central YLA chuan an tum thu kan dawng.

Parvon man

Kumpuan Duty ten niminkhan Lalhmangaihi Thingdawl hnen atangin Parvon Capsule 80 an man

AIR Artiste tan

AIR Aizawl chuan AIR Artist te an Website ah kimtaka dan luh an duh a, AIR Aizawl Station a hla khung tawh zawng zawng te chu October 10,2010 ral hmain an chanchin tawi leh an thlalak Passportsize, Station Director, AIR Aizawl hnen ah thehlut turin an ngen, hriatchian duh nei tan Phone No. 9436140462 ah zawhfiah theih a ni.

MIZORAM SORKAR HNATHAWK GROUP THEN DAN

India Danpui Article 309 leh Rule 6, CCS(CCA) dan tlawh chhanin Mizoram Governor chuan Mizoram sorkar hnuaia Civil Posts te chu a hnuaia tarlan ang hian a thliar hrang fel.
1. Pay Band-4(37400-67000) hnuai a Grade Pay 9500,8900,8700 la te leh Pay Band-3 (15600-39100) hnuai a Grade Pay 7600, 7100, 6600, 6100 leh 5400 la te chu Group ‘A’ emaw Class 1 officer an ni.

2. Pay Band-2 (9300-34800) hnuai a Grade Pay 4800,4600, 4400 leh 4200 la te chu Group ‘B’emaw Class -II emaw an ni ang.

3. Pay Band-1(5200-20200) hnuai a Grade Pay 2800, 2400, 2000, 1900 leh 1800 la te chu Group ‘C’ emaw Class-III emaw an ni ang.

4. Pay Band -1S (4440-7440) hnuai a Grade Pay 1650 la te chu Group ‘D’ emaw Class IV emaw an ni ang.

Monday, September 13, 2010

Lawngtlai District PYKKA Sport Central YLA Playground ah neih mek a ni.

September 16 thleng awhtur Lawngtlai District PYKKA Sport chu Central YLA Playfround ah neih mek a ni.Zirtawpni khan Pu Thlamuana DC Lawngtlai PYKKA District Chairman nibawk in a hawng, hawnna inkhawm Pu C.Hrangthianga Vice Chairman Distrcit Sport Committee kaihhruai ah Khuallian Pu Thlamuana chuan infiamnakhawvel ah thingtlang kilkhawr zawka chengte tan pawh a dinchhuah theih a, Mizoram in infiamna lam a mihlawhlting a neih engemawzat te chu thingtlang lam mi an ni a ti a, infiammite chu insumtheihna leh tumruhna nen a fan fan turin a chah. He hun ah hian Pu Vanlaltlamuana Field Assistant Mizoram State Soprt Council pawh in infiammite fuihna thu a sawi. Lawngtlai Dist. a Block pali zing ah Chawngte Block chu he Sport ah hian an tel thei lova, Block dang pathum, Lawngtlai, Bungtlang South leh Sangau Block a infiammi te atangin State PYKKA Sport nrih a Lawngtlai District aiawh tur thlan a ni dawn a ni.Hun hmasa lam chu Athletics ah intihsiakna neih a ni a, vawiin lam ah Sport hi chhunzawm leh a ni ang.

MNF Office ah M.P

Naktuk hian MNF District Office Lawngtlai Bazar ah Pu lalhmingliana MP (Rajya Sabha) chuan thu a sawi dawn, thusawi ngaithla turin mipuite MNF Party chuan an sawm

Khawlum zel tihziaawm nan Zirtirtuten Seminar neiin hmalakna tur an duang

September 10 khan YLA Hall Lawngtlai ah DIET Lawngtlai leh World Vision India Chhimtuipui Area Development Programme tangkawp te buatsaih in District Level Seminar on Teachers Responsibility in Global Warming tih chu neih a ni. Prof. H.Lalramnghinglova Mizoram University leh Pu Laltlanhlua Zathang DFO Lawngtlai te thuziak zirho a ni. Khawvel lum chho zel ven nan leh tihziaawm a nih theih nan Seminar a telte chuan hmalakna tur ruahman in Resolution paruk an passed a, chungzing ah chuan Mahni School theuh Green School a siam tur a hmalak te, Green Teacher ni tur a thing pathum tal phun te, Carbon Monoxide pe chhuak thei khawl te niklhat ah darkar khat tal Off te a tel a ni.

BDO in sem dawn

World Vision leh Friends Club, leh Cable TV tangkawpte buatsaih Kum 18 hnuailam tana Solo Competition neih mek ah zanin hian Top-5 a tling mi pasarih ten intihsiakna an nei anga, naktuk zan ah Result puan a ni ang, Result puan zan hian Pu T. Van lalmalsawmsanga BDO chu khuallian atan beisei a ni a, BDO hian lawmman a sem nghal ang.

Bike MZ 03 C/1341 in Lalnunpuii a su

Nimin chawhnu dar 1:15 vel khan College Veng a mi Lalnunpuii (13) Pu Lalchhuanmawia fanu chu an kawt a a awmlai Bike in a su a, Lalnunpuii hi a khingkhang ruh a tliah bak ah hliam dang pawh a lu leh hmundang ah tuar nual bawk,LCMC ah enkawl mek a ni. Police te chuan thubuai an ziaklut nghal; BIke hi Number Registration Plate a ziak a nih dan chuan MZ 03 C-1341 a ni a,MZ 03 hian C a la kai lo niin a hria ten an sawi.Bike khalhtu Lalrenga Council Veng chu Police ten an kawl.

Thursday, September 9, 2010

LADC Session ni hnih awh tur chu nimin khan tan a ni

LADC. thlasik thutkhawm, ni hnih awhtur chu nimin khan LADC Session Hall thar ah, Council Chairman Pu F.Manghnuna kaihhruaina hnuai ah tan a ni, Chairman chuan rorelna tluang taka kalpui a nih theih nan Member te chu thahnemngai taka rorel turin a chah a, Session hall thar ah LADC Sorkar Term kallai a Session Hnuhnungber ah House chu inhnialbuaina In nilova dik taka rorelna In a nihtheih nan Member tinte tanla turin a chah a, nimin Session ah hian MNF Member pahnih Pu B.Thanchunga leh Pu Thangchemsanga ten zawhna pahnih ve ve an zawh bak ah Pu Manghmunga Chinzah in zawhna pakhat a zawt bawk. Pangkhua bialtu MDC, MNF Member Pu Thangchemsanga zawhna chhangin Pu C.Ngunlianchunga Chief Executive Member chuan Chamdur leh Mautlang inkar Medium Truck Road laih nan Council chuan Cheng Nuai 30 a hmang a, heibak ah hian BRGF atangin Cheng Nuai 10 dah a ni a ti a, kawng hi laihtlang niiin, thal lai chuan TATA 407 pawh buhfai phurin a lut a, zawhna zawttu in kawng chhe lutuk anga a sawi chu kawng thar reng reng chu leimin a tam a, thenfai fo a ngaihthin vangin he kawng pawh hi leimin in a hnawh tih a sawi a, kawngpui dang pawh leiminin a hnawh hi sawitur a tam a ni a ti bawk. Pu B.Thanchunga zawhna chhangin CEM chuan LADC Session Hall hawn tak chu a Building leh Side Preparation ah a vaia pawisa pek chhuah tawh chu Rs. Nuai 240.88 a ni a, tunah hian Final bill siamfel a la nilo a ti. Pu B.Thanchunga zawhna SSA atanga zirtirtu lak mi 38 ban chungchang chu Pu V.Zirsanga Executive Member Middle Education chuan chhangin heng zirtirtu ban tak te hi an hna an thawh that loh vang a ban ni a tarlan a ni a, ban zingah hian mifel tak tak tamtak an awm a, lak leh an nih theih nan hmalakna kalpui mek a ni a ti. Sixth pay LADC a hman a nih ve dawn leh dawn loh chungchang zawhna chhangin Pu C.Ngunlianchunga CEM chuan hman anih ve theih nan LADC Executive chuan thutlukna a siamfel tawh a, State Sorkar ah Sunction dil mek a ni a ti.Chawhnu lam session ah Chawngte bialtu MDC Pu Lalduhsaka Resolution LADC Forest Deparetment in Saikhawthlir, Buhvum leh Dilkhan ram Reserved Forest chu Wildlife Sunctuary ah puan ni rawh se tih a pu lut a, sawiho a ni. Session hi vawin ah chhunzawm leh a ni ang, tuntum session ah hian zawhna House a chhan tur pakua (9) a lut a, Private Member Resolution pahnih a awm bawk.

JNV hawng dawn

Vawiin tlai lam hian Pu C.L.Ruala MP chuan Sihtlangpui khua a JNV School chu a hawng dawn, nimin khan MP hian Lunglei District a JNV School chu a lo hawng tawh bawk.

Release dawn
Dr.J.Doungel ziak Evolution of District Council Autonomy in Mizoram chu Pu F.manghnuna’n Sept.14 khian a release dawn.

MLA in Press Club a tlawh Computer set a pe

Lawngtlai a chamek, Lawngtlai East bialtu MLA, Pu H.Zothangliana Parliamentary Secretary chuan nimin chawhnu khan Lawngtlai Press Club a tlawh a, MLA hi MJA Vice President Pu V.Lal Lianzuala leh hruaitu dang ten an lo dawngsawng. Press Club, President Room a inkhawm tawite buatsaih ah Pu Zothangliana chuan Chanchinbu mite chu mipuite kawng tha kawh hmuh a fuih thar fo turin a chah a,MUlti Sectoral Development Fund chu reilote ah Lawngtlai Dist. ah hman a beiseiawm a ti. MLA hian MJA Press Club a dah turin Computer Set a pe a, MJA lam chuan hunreitak atanga an lo awh em em, thuneitute pawh an lo dil fo tawh, an hlawhchham hnu ah MLA in a pe chu lawmawm an tih thu uar takin an sawi.

Wednesday, September 8, 2010

MLA in hmasawnnatur sawi

Nimin a LADC Session Hall tharna hawnna inkhawm ah Pu H. Zothangliana, Parliamentary Secretary leh bialtu MLA ni bawk chuan Mizoram Sorkar hmalakna avanga Minor Irrigation Sub Division Lawngtlaia dah a nih tur thu te, UD&PA hnuaia Social Infrastructure Lawngtlai tan Rs. 778,88,000 tihfel a nih thu te, Greater Lawngtlai Water Supply Scheme thawh tan thuai a nih dawn thu te a sawi a. Mitinin an chanpual tur diktak an chan theih hun – khawvar hun a lo her chhuah theihnan rorelna dik a pawimawh tih sawiin LADC Session Hall atang hian rorelna dik chu luipui angin luang chhuak se a duh tih a sawi a. Mipuiin roreltu tha an duh a, chutiang bawk chuan roreltute pawhin mipui tha an duh a ni tiin that inlawm tawn chuan rah tha a chhuah dawn a ni a ti bawk.

LADC Session Hall Minister in a hawng

Nimin khan Pu R. Lalzirliana RD Minister chuan LADC Complex, ah LADC Session Hall leh Lawngtlai District Library Building a hawng. Minister hi Parliamentary Secretary pahnih, Pu H. Zothangliana leh Pu Lalrinmawia Ralte ten an tawiawm.Pu Zira chuan dar 10:30am khan Lawngtlai District Library Building hawngin hnathawhna reng rengah hna uluk leh zawh that a pawimawh a tih thu a sawi a. Library leh Archive te hi thangthar zel ten an lo la zir tur leh an lo en zel tur a nih bakah competitive exam hrang hrang beituten an hman tangkai fo tur a ni tiin chutiang atan chuan duhsakna a hlan a ni.Hawnna inkhawm hi Lawngtlai BDO T. Vanlalmalsawmsanga MCS in a kaihruai a. Library hi BADP Scheme Cheng nuai 20 senga sak niin a dung 45 ft, a vang 28 ft a ni a. LADC in a enkawl dawn a ni.Hemi hnu dar 11:00am ah Pu R. Lalzirliana Minister District Council Affairs etc hian LADC Session Hall a hawng a, a chhung a fang nghal bawk. Minister chuan thu sawiin building tha neih a hlut rualin mipui kaihruaitu tak tak zawk chu kan thu Minister chuan Sorkar hmalakna hrang hrangte sawi langin kan thawhrimna te hi LALPA tel lo chuan a thlawn mai a ni a ti a. Kan ramah power leh leilung hausakna te kan haichhuah tak tak hunah chuan kan ram hausakna leh thing leh mau ringa kan chhehvela thilsiamna hmun tam takte hi kan luahlan thei dawn a ni a ti bawk. Politics ah te, zirna ah te, eizawnna leh hna hrang hrangah te hian rinawmna hi a pawimawh a, rinawmna hian lallukhum a keng tel a ni tiin kan rinawm chuan Pathianin a hunah min chawisang mai thin a ni a ti bawk. Minister chuan LADC Session Hall chu dikna kenkawhna hmun ni sela, rorelna dik humhalhna hmun niin Mizorama hnam zia rang mawi tak takte a nihna anga a lo parchhuahna hmun ni bawk se tiin duhsakna a hlan a ni.Session Hall hawnnaah hian Pu C. Ngunlianchunga Chief Executive Member, LADC chuan Mizoram Sorkar duhsakna changa LADC fund (Plan & Non-plan) a pung chu lawmawm a tih thu a sawi a. LADC chhunga hmasawnna hrang hrang te, hmasawnna hrang hrang thawh tur leh thawh mek atana Sorkarin Additional Fund a pek avangin lawmthu a sawi bawk. CEM chuan Session Hall hi a rang thei angbera luah a nih theihna tura a hmalakna te sawiin Session Hall ah hian rorelna dikin hmun chang se, midang lo luah zelturte pawhin mi rethei leh chanhaite tana chanvo an siamna hmun ni zel se a duh tih a sawi a ni.LADC Session Hall hi 12 Dec, 1997 atanga sak tan niin kum 14 chhungin sak zawh a ni a, 10000 sq. ft (929 Sq. m) a zau a ni a, chhawng 3 a sang a ni. Site preparation-ah Rs. 28,25,000/- hman ral niin a building sak nan hian Rs. 212,63,000/- hman a ni bawk.Session Hall hawnna programme hi Pu F. Manghnuna, Chairman LADC in a kaihruai a, Rev. C. Hrangzuala, General Secretary, Lairam Isua Krista Baptist Kohhran, Lawngtlai in hunserh a hmang. Er. V. Boiliana, EE (PWD), LADC chuan Technical Report a pe a, Nl. Lalrochhingpuii, LDC, LADC leh CYLA Choir ten zaiin mipui an awi a. Pu C. Zoramthanga, Executive Secretary, LADC chuan Vote of Thanks a sawi bawk a ni.

Tuesday, August 3, 2010

Lalpa Pawl nan

Mi tha chuan LALPA duhsakna a hlawh ang a,Suahsualna rilru pu mi erawh chu thiam loh a chantir ang.
Thufingte 12 : 2

editorial

LADC LEH LDMA INBE LEH SE
Lawngtlai Dist. Merchant Association te chuan sumdawnna ah chimral a awm hlau in hma an la a, an hmalakna kalmek ah Council lam nen inep theihna tur ang chi Order a chhuak niin an sawi a, Order erawh an hmuh ve loh thu an sawi tel thung a, a hmutur diktakin lehkha an hmulo chung a,mita la a, thupuitlingah pawm a, Dawr hial khar a hmalakdan tur an ngaihtuah kha chimral hmauhna vang liau liau niin a hriat a, Council a SRO in Order a tihchhuah ni a sawi pawh hi Sorkar in mipuite hamthatna a zawnna kawng a hmalakna tho niin a hriat a, a hmutur diktakin an hmuhloh chhan erawh chhuichian atan thiltha tak a nih a rinawm a, hetihrual hian, Dawr hial khar a hmalak a ni chho ta hian inepna thalo a pawchhuak tih a hlauhthawn awm a, Council lam leh LDMA te hian E/M ho meuh in thawhhona tha neih an tum thu an lo sawi tawh a, heihi tinung zelin inbiakna nei leh thuai se a duhawm ngawt mai.Tute mahin inchimralna hi an duh lo a, duhlo ve ve ten rual taka hma an lakho theih dan tur hi inpawh tlang taka an ngaihtuah nawn a tulin a hriat a ni.

Merchant Association ten Council Sorkar chu August thla chhunga an thu sut tura ngen tha an ti

>Lawngtlai August 03:Nimin zing dar 5 atang khan Lawngtlai khawpui chhung ah Dawr khar a ni a, Dawr hi vawiin nilengin khar a ni. Hetianga Dawr khar a nihna chhan hi Vawiin a JH Lorrain Hall Lawngtlai Bazar a Lawngtlai District Merchant Association General Meeting neih ah sawilan niin, Association hruaitute chuan- Lai Autonomous District Council nen Sumdawnna lam a inchimralna thleng tur ven kawng ah hmalakhona thatak neih a nih mek laiin, Merchant Association ten Dan lova sumdawng te dapchhuah hna an thawhthin chu Senior Revenue Officer LADC chuan titawhlo tur a hriattirna a siam a, chu lehkha Merchant Association President/ Secretary Address a siam chu Association lam chuan an dawn loh laiin, Inrinni khan Lawngtlai bazar a Council Staff Duty te a tangin lehkha tihchhuah a ni tih an hriat ve chauh thu sawiin, sumdawnna kawng ah inrahbehna thlen thlentur dang tur a Association hmalakna chu hmala theilo tur a tih an nih vanga Dawr chu khar an nih thu an sawi a, Meeting ah hian hmalak zui dan tur ngaihtuahin, Council Sorkar chuan Order a chhuah tawh chu August thla chhunga sut tur a ngen tha an ti. He Meeting an pawl President Pu H.Remmawia kaihhruai ah hian July 21, 2010 a LADC a Executive Member, Revenue enkawltu ho a Joint Meeting an neih ah Council leh Association chuan lungrual taka hmalak ho tha an tih lai a, Association lam te kut phuar thei zawng a Order tihchhuah a ni leh, chu Order chu Bazar Inspector lam ten a Copy an neih theih lai a, Merchant Association lam ten an hmu ve silo chu hriatthiam har an tih thu an sawilang tel bawk.

DC in sawipui dawn

Vawiin hian Multi Model Transport kawngpui sial tur chungchang ah Pu Thlamuana DC chuan Lawngtlai-III Branch YLA leh VC te leh Central YLA hruaitute a titi pui dawn

NLUP Campaign

August 5&6 hian Lawngtlai ah NLUP Awareness campaign neih tur a ruahman a ni

Monday, August 2, 2010

Sorkar leh Chanchinbumite an tanrual chuan ram in hmel mawi leh rimtuitak a nei ang

Lawngtlai August 02 :Kar kalta Zirtawpni khan MJA Lawngtlai District Office Bearers te chuan hunrei tak atanga an Adviser lo ni tawh leh nilaimek, tunhnai a Lai Autonomous District Council Sorkar in Executive Secretary atan a ruat thar Pu C.Zoramthanga chu a Office ah lawmpuina hun an hmang a, Pu C.Zoramthanga chuan ram changkang apiang ah chanchinbu chu dah san a ni thin a, Lawngtlai District ah hian mipui lam chu sawiloh, Sorkar Officer zing ah pawh chanchinbu pawimawhna man phalo engemawzat an la awm tih sawiin, chanchinbu pawimawhna vawnghim tur in chanchinbumiten tan an lak a, thubelhchiandawl chauh chhuah thin turin MJA te chu a chah a, Lai District siamtha turin Sorkar leh Chanchinbumiten tanrualna tha an neih a pawimawh a, thawhhona thatak hnuai atangin LADC chuan hmel mawitak rimtui tak a nei thei dawn a ni a ti a, MJA MJA hruaitu lam pawhin an Adviser nilai in LADC a dinhmun pawimawh tak a luah chu thinlung taka an lawmpui thu sawiin, Council Sorkar in Chanchinbumite tana hamthatna a siam te an duhkhawp loh lai leh rawtna hrang hrang te an thlen a, Executive Secretary chuan a theih ang ang a lo bawhzui a tum thu MJA te chu a hrilh. LADC ah hian 29 April 1972 atangin Executive Secretary an thutan a, vawiin thleng in a mihring zawnga chhutin Executive Secretary mi pasarih awm tawhinPu C.Zoramthanga hi E/S 10 na a ni.

LWA ten Pangpar lem siam an zir zo

July 27 atanga tan Lai Women Association Hqrs. Lawngtlai, Ferendo Peace Home Durtlang leh NABARD Mizoram Regional Office Aizawl tangkawp te buatsaih, Lawngtlai Vengpui a Skill Development Training on Artificial Flowers Making chu Inrinni khan zawhfel a ni. He Training ah hian Lawngtlai khawpui chhunga LWA Branch hrang hrang leh LWA Hqrs. hruaitute atanga mi thlanbik 25 ten Pangpar lem siam hi an zir a, zirlaite chuan hlawk an tih thu an sawi uar hle. LWA Hqrs. President Pi H.Vanlalhruaii chuan pangpar lem siam chu LWA Member engemawzat in sum hailuh nan a hmang mek tih The Lawngtlai Post hrilh in hmeichhe dinhmun chawikan nan a hmalakna tha tak a ni a ti. Tun tum hi hetiang Training an neih tum thumna a ni a,

Bial thar lawm dawn

Vawiin hian Lawngtlai Bazar Veng Congress Unit leh VC te chuan MDC Constituency thar VCP Pu C.Sangchhunga In ah ruai nen lawm an tum. Bialtu MDC Pu C.Ngunlianchunga CEM leh Pu F.Rohnuna President Lai DCC ten he hun hi an hmanpui ang. Kar kalta lam khan Vengpui bial thar pawh lawm a lo ni tawh

LDMA Meeting

Vawiin hian Lawngtlai Dist. Merchants Association chuan JH Lorrain Hall ah General Meeting an ko a, hmalakze;l dan tur ngaihtuah an tum, Meeting an neih chhungin Dawr an khar dawn niin kan hria.

MPF Campaign

August 6 khian Areopagy ah MPF chuan vantlang inkhawm koin Campaign neih an tum, MPF hruaituten hmalakna leh hmalakna tur bak ah mipuite zirtiorna an pe ang.

Aug. 11 ah sawn

Officer Club tuaithar tur a inhmuhkhawm hun chu August 11 ah sawn a ni.

DAMDAWIIN NGEIA NAU NEIH THEIHNA TURA SORKAR HMALAKNA

Heihi Backward District pathum (3)- Mamit, Saiha leh Lawngtlai District ah hman tur a ni. Khua atanga Nau neih theihna hnaiber thleng chauh bill theih a ni ang. Nu nau nei tur chu a zawnin emaw a kalna tur Motor an ngaihtuah sakin emaw a hnuaia mi ang hian NGO ten lawmman an dawng / bill thei ang.

1. Motor kal theih lohna hmun atanga Nu naupai zawn man ah Rs.150/- per KM.

2. Motor kal theihna, mahse reqular service awmlohna leh motor hire tur awmlohna hmun atanga Nu naupai zawn man ah Rs. 150/- per KM.

3. Motor kal theihna, mahse reqular service awmlohna leh Motor hire tur awmna hmunah Motor hire manah Rs.100/- per KM.

4. Motor reqular service awmna leh a paltlang khuaah chuan Rs. 50/- per KM Bill theih a ni ang. Mahse NGO ten Nu naupai 1 leh ASHA Motor chuanman an Bill atangin an tumsak anga, hei hian Nu naunei hawlam fare a huamtel ang. Tin, Ticket lak leh Motor lo chanpui te pawh NGO ten an buaipui vek tur a ni.

5. Serial No. 1,2,3 leh 4 khuaah hian NGO pakhat zel identify an ni ang.

6. NGO te leh Official te hian he cheme tan hian inremna (Agreement) ziah tur a ni.

7. NGO ten Nu nau nei tur an zawn dawnin raipuar an zawn tur leh a pasal / enkawltu phalna emaw remtihna lehkha (Format awmsa) lak hmasak phawt a, chumi chu bill ah pawh thil tel tur a ni.

8. He lehkha (Format awmsa) hmang vek hian Nau neih theihna hmuna SN/HW/Doctor ten an hnen thleng an zawn ngei a ni tih an lo Certify ang.

9. He lehkha (Format awmsa) hmang vek hian fill-up tur leh Signature lak ngaite an lakfel vek hnu ah Nu in nau a neihna hmun PHC/CHC/DH atangin Bill an la chhuak thei ang.

10. Kilometre zat / khaw inkar hlat zawng hi District/ CMO Office ah neihsa a ni.


NB: 1) Nu naupai zawn / hruai tur chu a nau neih inrin hun hma ni thum (3) aia tlai lovah kalpui thin nise

2) He scheme hian Private Hospital pawh a huam ang.

3) He scheme ah hian NGO ten an kallam (Oneway) chauh an bill thei.

4) Nu nau nei tur khua atanga Nau neihna hmun hnaiber thleng chauh bill theih a ni.

5) He scheme hian Nau neih theihna khua i.e. PHC/CHC/DH chu a huam lovang

ISSUED BY CHIEF MEDICAL OFFICER, LAWNGTLAI DISTRICT:
RCH/NRHM SECTION

Wednesday, July 28, 2010

July 29 Thursday :Lalpa Pawl Nan

¶Kan vaiin pa hmun kan ni lo vem ni?
Pathian pakhat siam pawh kan ni lo vem ni?
Engatinge kan pate thuthlung tihbawrbânga,
leh unau kan in
bum thin?
Malakia 2:10