Wednesday, July 28, 2010

July 29 Thursday :Lalpa Pawl Nan

¶Kan vaiin pa hmun kan ni lo vem ni?
Pathian pakhat siam pawh kan ni lo vem ni?
Engatinge kan pate thuthlung tihbawrbânga,
leh unau kan in
bum thin?
Malakia 2:10

July 29: Editorial

SESSION A NGAIHTUAHTUR AWMLO HI

Nimin khan LADC Session neih a ni a, Session a ngaihtuahtur thulut a awm mumallo ni a sawi a ni a, heihian ngaihtuahna a tithui thei viauin a rinawm, Mipuiin an aiawh a roreltur a an thlante hian rel tur an neilo thei hi mak ti duhtan chuan a thilmak tak a tling in a rinawm a, rorellai lam chu lo hil deuh pawhnise eptu lam tal in ‘aw’ an nei lo chuan makti duhtute tanfung ah rahbi a tuk belh sakin a rinawm, hetihrual hian roreltute hian rorelna In a rel ngawt lovin, relthluk tawhsa bawhzui lam ah hmalakna kalpui mek a ni a, chutihlaia thildang han belh leh chu hmalakna a ko lutuk emaw, rel tawhsa te a hlawhtlinna mipuiin an hmuh theih nan a rel khawl teuh aia hmalakna kalpui an duh vang ah a ngaihtheih a, hetiang hi a nih chuan a lawmawm hle ah ngaihtheih a ni ang, chubakah, Council lian a ni lova, Dan in Session neih hunbi a siam vangin lohtheih loh a neih a tul si a, kumkhat a vawi hnih khat session ah reltur tlangpui chu ngaihtuah hman a nih si vangin ngaihtuahtur hi a tlem ta ah pawh a ngaihtheih tho in a rinawm,roreltute felloh vang lam ah chuan ngaihtheih a ni awm love.

Zirlai titha

Lawngtlai July 29:Tunhnai a NEHU hnuai a BA Exam result chhuak ah Lalrempuii D/O J.Lalhmingsanga, Electric Veng Lawngtlai chu General ah Pahnihna a ni a, Lalrempuii hian Full Marks 1400 ah Marks 849 hmuin pakhat chuan Marks 850 a hmu a, Mark khatin pakhatna mark hmuh hi a phalo.

Art&Culture Dept.LADC Circular

No.K.16011/16/10-LDC/A&C/
LAI AUTONOMOUS DISTRICTCOUNCIL ART & CULTURE DEPARTMENT
LAWNGTLAI


C I R C U L A R



District Council Library chuan hma a sawn zel a, Library Building Tha tawk tak Council Complex ah sak mek a niin zawhfel tep a ni a, kumin chhung ngei a luah hman tum a ni.


Library-ah Lehkhabu thar lei belh zel a ni a, mumal taka enkawl reng a ni bawk. Tin, Lai House Aizawl-ah khualzinte leh zirlaite tan chhawr tangkai theih turin Library changtlung tak buatsaih mek a niin, Lawngtlai atangin Lehkhabu thahnem tak thawn phei a ni tawh bawk. Heng kan Library te hi mipui trn hmang tangkai a kan zavai ta a nih angin lehkhabu kan dah ang ang te hi duat tak leh dim taka chhiar thin turin kan in ngen a ni.


Sd/- V.Vanlianhrina
Art & Culture Officer
Lai Autonomous District Council;
I&PO(LADC) No. 35/10 Lawngtlai.

Mizoram Sorkar leh UIDAI inrem

Lawngtlai July 29:Kar tir lam khan New Delhi ah Mizoram Sawrkar leh Unique Identification Authority of India (UIDAI) chuan thuthlung (MoU) an ziakfel a. He thawhona hi Mizoram Sawrkar aiawhin Chief Secretary Pu Van Hela Pachuau leh UIDAI aiawhin Shri Davinder Kumar, DDG, UIDAI ten an ziakfel a; Shri R.S Sharma DG &MD, UIDAI pawh a tel bawk a ni. Thuthlung ah hian Mizorama Unique Identification (UID) kalpui dan tur tarlan a ni. Chiangzawka hreduh tanThuthlung hi UIDAI website: www.uidai.gov.in ah enthei in dah a ni.

LADC Session

Lawngtlai July 29 :Nimin khan LADC session neih a ni a, zawhfel nghal a ni. Session ah hian Business engmah lut a awm lova, zawhna chhantur pawh lut a awmlo niin kan hria.

Pe dawn

Lawngtlai July 29 :99 Dawr, Rin Rin Shopping Mall a Manager Pu Chhartea chuan naktuk zing hian LDFA hruaitute hnen ah Refree Jersey a pe dawn

Vawiin ah Commonwealth Meichher Aizawl lut dawn

July 29 Commonwealth Games Meichher chu vawiin 1:30PM hian Aizawl luhpui a ni dawn,Vanapa Hall ah lawmna inkhawm neih nghal a ni ang

Hunsawn

Lawngtlai July 29: MJA ten an Adviser Pu C.Zoramthanga LADC Sorkar in Executive Secretary atan a dah lawmpuina hun nimin a neih an tum chu remchanzawk na vangin naktuk ah sawn a ni.Tarlan tawh angin MJA lam hian lawmpuina thuziak hlan an tum.

Tuesday, July 27, 2010

July 27 Lalpa Pawl Nan

Mi tichaktu ah chuan engkim ka ti thei a ni.
Philippi 4 : 13

July 27 Tuesday :Editorial

MAMAWH AIA TAM HNAMDANG AN AWM

Mizoram hmundang chu sawiloh, Lawngtlai bikah mai pawh hian mamawh aia tam hnamdang an awm tawh niin a hriat a,heng hnamdangte hian aram leilungfate tihtheih ve reng thawkin kan lak atangin sum tamtak min hui sak reng a,hemi tiziaawm tur hian a ben a inben rem lam aiin,kan harhchhuah a tul ber awm e. Vai Dawrkai engemawzat chuan a ram leilung fate Trade License hmangin Dawr an kai ni a sawi a ni a, hengte hi ngaihzam mai chi a nih lohna chin a tam thei viau awm e, chimrala kan awmlohna turin ILP leh thildangte Dan behchhan theihna te a tangkai viau rualin, a pawimawhber ah chuan chimral hlauhna vanga harhtharna hi a ni awm e. Kan harh siloh chuan ILP hi hlip lo mahse, mamawh aia tam ni a ngaih hnamdangte hian min chenchilh tho tho in a rinawm a, kan mihringpuite an ni a,dan piahlamah an chungah engtinmah kan tih a thiang silova,chuvang chuan hnamdang tam ta lutuk kan ngaimawh takzet a nih chuan kawng hrang hrang ah kan harh thar hi a tul takzet tawh niin a hriat theih a ni.

MGNREGA hnuaia Job Card neite Dak In in Insuarance tha tak a siamsak thei

Lawngtlai July 27 :Central Sorkar in ramchhunga mi harsa te dawmkan nan a hmalakna a kalpui mek, Mahhatma Gandhi NREGA hnuai a Job Card nei te tan Department of Post (Dak In ) chuan Insuarance tha tak a siamsak thei. Lawngtlai DC Pu Thlamuana chuan nimin a MJA Member a mah hmutute chu hemi chungchang hi hrilh in, Job Card Holder ten an duh chuan Dak In ah Insuarance hi an ti thei a, Insuarance tihtheihna Company dang aiin a mantlawmin lukhawng pawh a neitha viau niin Pu Thlamuana chuan a sawi a, Job Card Holder pakhat tan Rs,65/- chawiin Insuarance hi tihtheih tur a ruahman a ni a, kumtin Annual Premium Rs.15/- chawi zel a ngai dawn a,hemi hnuai a Insuarance neite chuan Cheng Nuai khat thleng chhiat an tawhin zangnadawmna an dawng thei dawn a ni. India ram pum ah he Insuarance Scheme hi kalpui theih tur a ruahman a ni a Lawngtlai Dak In ah pawh kalpui thuai a nih a beiseiawm .MGNREGA hnuaia Job Card neite tan chuan vanduai tawh palh apawh lukhawng a nei tha viau dawn niin a hriat a ni.

MJA Member nihna hlihsak

July 27:Nimin a Mizoram Journalists Association Lawngtlai District Emergency Meeting, Press Club a neih chuan an Member nilai Lai Aw Editor chu thuleh awm hma chuan MJA Member a nihna hlihsak an remti. Hetianga an tihna chhan hi Editor hian Chanchinbumite zahawmna a tibawrhbang niin Committee chuan an hria a ni.

Central YLA Lawmthu Sawina

‘Ruihtheihthil Do’ na kawnga ke pen mekte tha tih chakna turin Tanpuina LWA Hqrs. Lawngtlai chuan Rs.2000/- Central Kumpuan Committee hnen ah an hlan a, Ruihtheihthil do na kawng a ke pen mekte support na LWA hnen atanga kan dawng hi Central YLA chu a lawm takzet a, Lairam tan Nu nih an tling hle in kan hre bawk.

E.S lawm dawn

MJA Lawngtlai District chuan hunreitak atang tawh a an Adviser lo ni tawh leh nilai mek Pu C.Zoramthanga chu LADC Sorkar a Executive Secretary hna a chelh tak vang a lawmpuina hun naktuk hian neih an tum.He hun hi chawhnu dar 1 ah neih tum a ni a, MJA Member te chu kimtaka telturin an inhriattir

Lawngtlai a Hospital te a lun hle

Kumin hian kum kalta lam aiin Lawngtlai a Hospital te an lun zual a, natna chi hrang hrang a tam zual niin a hriat. A bikin District Hospital chu a lun zual a, OPD lam a inentir tur pawh an thahnem thei hle a, Doctor leh thawktu dang duty te pawh an hah viau niin a hriat a, hetihrual hian LCMC leh Christian Hospital pawh a lun hle

Club tuaithar tum

Hun engemawchen Lawngtlai Officers Club ten hmalakna fumfe nei lo a an reh hnu ah tunlai hian he Club hi tuaithar leh tumin hmalak mek a ni a, thlathar August 13 khian inhmukhawmin hruaitu thar thlanna pawh neih nghal tumin hmalakna kalpui mek a ni a, DC’s Conference Hall ah he hun hi hman a ni anga, inthlanna hi MJA leh CYLA hruaituten an neihpui dawn niin kan hria.

Charge inhlan

Nimin chawhnu khan DC Office Chamber ah District Sport Committee Chairman Pu Thlamuana kaihhruaina hnuai ah tunhnai a Lawngtlai District Sport Committee hruaitu tur a thlan tharte hnen ah hruaitu hmasa ten charge an hlan fel.

Friday, July 23, 2010

LWA in Kumpuan tanpuina an hlan

Lawngtlai July 24:Lai Womens Association (LWA) Headquarters Lawngtlai chuan nimin khan YLA Kumpuan Ruihtheihthil do hmalakna chakzawka kalpui a nih zel theih nan tanpuina tangkafai Rs.2000/- an hlan. Central YLA Office ah LWA General Secretary Pi Hranghlunchhungi'n tanpuina hi hlanin Central YLA Kumpuan Chairman Pu C.Lalhimnakulhpuian a dawng. Central YLA chuan kumpuan tanpui nan a thilpek pe thintute chung ah lawmthu an sawi.

Editorial July 23

THUTHA IN MIN CHIAH HNEH TAWH

Mizote aia vantlang huap pawh a thutha in hrilh nasa hi an awmlo maithei. Kohhran,NGO leh Pawl ding neuh neuh ah te helamhawia inzirtirna hi uartaka kalpui a ni thin. Kan hretama, kan hriatbelh zel a, kan hriathnu kan hrenawn fo bawk. Hetiang a nihmek lai hian thatna lam aiin sualna lam ah than a tha mah emaw tihtur a ni lawi si. Kan hrehnem a, thuthain min chiah hneh viau tawh a, a taka zawmtu an pawimawh zia thu thlengin a ning duh tan chuan ninawm tham kan inhrilh tawh bawk. Mahse, awmzia a nei tam lemlo in a hriat thung si a, a beidawnthlak zawnga ngaitu tan chuan khabe dawma thutkun ngawih ngawihna tham a tling tawh hial ang.Hetiang khawp hian min chhiah hneh mahse, a rah a la hmin tak tak thei si lova, a rah hmin, eitlak a nih thlenga hmalak a ngaihzia tilangfiahtu ah hmang hlauh thei ila, beidawnna chu beiseina meichher chikaitu ah hmang thei ila, chuchuan thutha in min chiah hnehna hi tangkaitakin ahmang thei ngeiin in a rinawm tlat a ni.

White Ribbon

White Ribbon Society Lawngtlai Member te tan Da Collection, Lawngtlai Bazar ah Badge a lak theih,Member ni thar duh tan fee Rs. 50 pein inziah luh tir theih anih thu kan dawng

LDSC hruaitu thlang

Lawngtlai July 23:Nimin khan Lawngtlai Dist.Sport Committee hruaitu thar thlan a ni a,State Sport Council in Chairman atan a ruat DC Pu Thlamuana leh Pu T.Thangthuama ten inthlanna an neihpui hruaitu thar thlanchhuahte chu Vice Chairman: Pu C.Hrangthianga, Secretary Pu C.Lalhmangaihkima Asst. Secretary Pu Alex Lalzawmpuia Treasurer: Pu S.Vanlalkulh

Chhinchhiahna siamtum

Lawngtlai July 23:Nimin a Independence Day hmandan tur relna hun tawp lam ah Pu Thlamuana DC chuan kum 2009-2010 chhungin Mizoram pum ah Ram kang vengtha ber lawmman Lawngtlai District in Trophy, Certificate leh Tangkafai Rs. 20000/- (singhnih) a dawn thu sawilangin mipuite, Tlawmngaipawlte, Sorkar Department te thawhrimna vang liau liau a nih thu a sawi a, he Trophy hi kawl hlen tur a nih loh vangin lawmman pakhatna Lawngtlai District in a dawn hriatreng nan DC Office Complex ah chhinchhiahna siam turin ruahmanna neih mek a nih thu a sawi. He hun a tel te chuan District in lawmawm hle a hriaiin kut bengin an lawm a ni.

Census thawhkhatna Lawngtlai Dist. ah zofel

Lawngtlai July 23:Kum sawm dan a chhiarpui neih thin a hmalakna kalmek ah Lawngtlai District chhung ah Chhiarpui thawhkhatna National Population Reserch (NPR) leh House Listing chu zawhfel a ni tawh a, nimin khan Lawngtlai District a Block pali Chawngte, Sangau,Bungtlang South leh Lawngtlai Block a Chhiarpui thawhkhatna a chhiarpui hnathawktute thil chhinchhiah te chu Census thuneitute hnen a thawn turin Dak In lam a thawk te kut ah hlanfel a ni, he hun ah hian Lawngtlai Rural Charge Officer Pu T.Vanlalmalsawmsanga BDO Lawngtlai leh Urban Charge Officer Pu Lianzuala Planning & Development Officer Lai Autonomous District Council te chuan Chhiarpui thawhkhatna zawhfel tak, hmunpui lama thawntur te chu Dak In lam a thawktute hnen ah an hlanfel.

Lawngtlai a Indian Independence Day hmandan tur DC ho in relfel a ni.

Lawngtlai July 23:Nimin khan Lawngtlai DC Office Chamber ah Pu Thlamuana Deputy Commissioner ho in kumin a Indian Independence Day, lawngtlai District a hmandan tur ngaihtuah in District Level Committee an thukhawm a, kumin Independence Day chu Pathianni a nih vangin zing dar 7:30 ah Central Young Lai Association Mual ah hun hman nise an ti a, khuallian atan State Minister sawmtur remchang ngaihven nise an ti a, kumin Independence Day chu Pathianni a nih vangin At Home pawh buatsaih loh mai tha an ti a, Independence Day lawm nan kumdang a lo tih thin angin Football Tournament buatsaih tha an ti a, hemirual hian Batminton Tournament buatsaih tel nise an ti. Day ah hian Lawngtlai a Hnuchham enkawlna leh Damdawiin ah te thilpek hlan tha an ti a, Ram leh Hnam in inpumkhatna thazawk a neih theih nan Day ah hian Biak In tin ah tawngtaina neih tha an ti a, Kohhran ah ngenna siamnise an ti. Heibak ah hian Day hmanna tur a inpuahchah ngai chi hrang hrang a mawhphurhtur te an inruatfel nghal a, hmalakna thlir ho turin August 11 khian thutkhawm leh nise an ti.