Tuesday, December 6, 2011

MPTA ten Medium of Instruction chungchang ah Chanchinbumite an kawm

Nimin khan Mizoram Primary Teachers' Assn (MPTA) District Hqrs Lawngtlai chuan LADC hnuai a Primary School a Medium of Instruction atan a Kum 2012 atang a Mizo hman tum chungchang ah Lawngtlai a chanchinbumite Lawngtlai Press Club ah an kawm a. He hunah hian MPTA hruaitute chuan Kum 2003 atangin LADC hnuaia Primary School ah Mizo a zirtirna kalpui thin chu English ah thlak ani an ti a, English a Zirtirna kalpui anih hnu hian zirlai leh zirtirtu ten harsatna nasa tak an tawk tih an sawi a, beidawn vang a School bansan ta naupang engemawzat an awm tawh ani an ti a, CCE (Continuous Comprehensive Evaluation) hman anih atangin Survey, Discussion naupang te neih pui angai thin a, English a inbia a in hrilhfiah tur in zirtirtu leh zirlai ten an tlin loh avangin CCE in a tum an thleng zolo tih an sawi a, hetiang anih avang hian Zirtirna kawng ah Note pe in Teaching method a a chhe ber By-Heart System a kal angai a, hei hian naupang te ah thiamna tak tak a thlen lo tiin, MPTA chuan Kum 2004 leh Kum 2006 a General Conference an neih ah Mizo Medium a let turin Sawrkar ah thlen nise tiin, Resolution an lo passed tawh thu te sawi lang in, tuna sawrkar ding lai hian Kum 2012 atangin Primary ah Medium of Instruction atan Mizo hman an ti ta chu lawmawm an tih thu an sawi. Hetihlai hian Voluntary Retirement Scheme hi hman theih nise chuan thiamlo chung chunga Naupang zirtirna pek ai chuan mithiam zawkte kian a Pension a chhuah pawh zirtirtu te chuan an hreh loh thu an sawi.

December ral hmain Ni 50 thawk hman dawn

MGNREGS hnuai a Job Card neite tan inhlawhfakna kumin December thla ral hmain Ni 50 thawh hman a ni dawn tih thuneitute chuan an sawi a, tunah hian Ni 12 thawhna tur pekchhuah a ni leh tawh a, hei nen hian kumin chhungin Ni 50 thawh hman a ni dawn ta a ni. Tun Sawrkar kum kallai ah Ni 100 thawh hman a nih theih nan buaipui ngaite Office lam chuan an buaipui mek a, thil tul pawimawhte peihfel thawhkhat ni tawh in, vawiin lam hian Aizawl lam ah thawn phei hman beisei a ni a, chatlak lohvin kumthar January thla ah chuan inhlawhfakna tur hi siam leh hmantumin hmalakna kalpui mek a nih thu kan dawng.

Circuit House siamtha mek

Hunreitak Lawngtlai Circuit House siamthat loh a awm tawh chu tunlai hian DC hmalakna hnuai ah siamthat hna thawhmek ani a,Circuit House hi nimin khan Thuthar lakhawmtu thenkhatte cheithat a nih dan a hmun ah an en, a pumpuiin siamthat chhoh mek a ni a, a chungfar thin tihreh nan rangva chih mek niin, VIP Room leh Room dangte pawh chei that mek a niin hmuh a nuam tan viau tawh a ni.

ATM hmantheih

SBI Lawngtlai Branch chuan Pu Ramthianghlima Building ah ATM hmantheih in a peihfel tawh a, nimin lam ah pawh hmangtu an awm nual. heihian State Bank a pawisa lachhuak tur a rei tak tak intlar ngai chu a tihziaawm phah ngei beiseiawm tih thawktute chuan an sawi

Bungtlang ‘S’ Centenary

Bungtlang South khua chuan December Ni 8 hian an khua in Kum 100 a tlin lawmna ropui takin hman an tum, CEM Pu C.Ngunlianchunga chu khuallian tur in an beisei.Bungtlang khawchhuak leh he khua a awm tawh te kim taka telturin an sawm.

Motor Chhiah ah rawtna then theih

The Mizoram Motor Vehicles Taxation (Amendment) Act, 2011 zir chiang tura Mizoram sorkarin a din Study Committee chuan he dan enthat mek chungchangah mipui ngaihdan zau zawk a khawn nise tha a ti a. Pawl emaw mimal emaw a duh apiang hemi chungchanga ngaihdan leh rawtna nei chuan Committee Chairman /Director of Transport, Govt. of Mizoram hnenah December 30, 2011 ral hma in ziaka thlen theih a ni e.

Monday, December 5, 2011

World Disable Day Inrinni khan Lawngtlai ah hman a ni.

Inrinni December Ni 3 kha World Disable Day anih angin,Lawngtlai ah pawh he hun hi SSA BRC Hall ah hman ani.Nl.Laldawmdingi, Resource Person(CWSN) chuan Proggramme kaihruaiin,Pu LZ.Tluanga,DPC chuan World Disable Day hman alo nih dan a sawi a, he ni hman atang hian naupang,a bikin tanpui ngai(Vohbikte) chu ngaihthah mai lova,hmangaihna nen kan enkawl an tul a,piangsualte,kebaite leh pharte hmangaih taka enkawl chu Lal Isua zirtirna ani tih hria a,he lamah rilru thar kan put a tul ani ati. World Disable Day ah hian Pu V.Zirsanga EM(Education) LADC chu khuallian niin Rualbanlo kan tihte hi nuihzat mai lova, hmangaih taka kan enkawl a,dimdawi taka kan kuangkuah hi an tan damna ani tiin khawvel in he ni hi pianphunga rualbanlo te pual liau liau a a buatsaih niin,thupuiah pawh Equality For All tih a hmang nghe nghe ani.chuvangin mi pangngaiten an neih ang chanvo hi heng Vohbikte tan hian phalsak vek ani.chuvangin rualbanlote hi hrethiam taka hmusit leh endawng mai lova kaihruai turin kalkhawmte a chah ani.He hunah hian Nl.Lalchhuanmawii Asst.Co-Ordinator.IEDC.SSA Mission.Lawngtlai District hnen atangin Report on IEDS ngaihthlak niin kum 2011 chhungin CWSN naupang 541 an neih thu a sawi a,Mi panga hnenah wheelchair an pek tawh thu leh Crutch paruk leh Hearing Aid pariat an pek chhuah tawh thu ngaihthlak ani bawk.Tunah hian Lawngtlai Districtah I.E Volunteer 10 an nei mek bawk ani.

Job Card nei 24324

Job card chungchang a RD Department thuchhuah a tarlan a nih dan in, Lawngtlai District ah Job Card endik hma in 26363 a awm a, endik mek niin 2372 paih a ni tawh a, tun dinhmun ah Job Card nei 24324 an awm mek. Mizoram pum ah endik a nih hma in Job Card nei 170085 an awm a, 7153 paih ni tawh in tun dinhmun ah Job Card nei 163265 an awm mek, RD Department thuchhuah ah chuan Job card dinhmun hi danglam thei reng a nih thu tarlan tel a ni a, Job Card 7153 paih a nih vang hian kum khat chhungin sorkar in mipui sum luangral tur cheng Nuai 537.89 a humhim anga chhut a ni.

Chairman Volleyball Trophy zawhfel a ni.

Kum tina an lo neih thin LADC Chairman Volleyball Running Tournament chu Lawngtlai District Volleyball Association te buatsaih chu Inrinni khan zawhfel ani.Kumin hian he Tournamentah hian Mipa team 13 telin,hmeichhia team 6 an tel a,Saiha atanginhmeichhe team khat an rawn tel bawk. Final khelh hma hian inkhawm buatsaih in Pu H.Vanlalthaliana.EM i/c Revenue chu khuallian niin infiam mite ruihtheihthila fihlim a pawimawh thu leh tihtakzetna a pawimawh thu a sawi.Final Mipa ah-Highlander Red( College veng) leh Paithar Volleyball Club te niin Highlander Red te hi an champion a,Hmeichhe lamah Southern Young,Saiha te chuan DoDo Volleyball Club. chanmari hnehin an champion bawk.Champion team hian Rs 7000+Trophy an dawng ani.

Areopagy nawrthluk a ni

Areopagy building thar saktuma hmalakna kalmek a, Zirtawpni zan khan Building awmsa chu JCB pahnih hmangin nawrthluk a ni a, building hmanrua chhia vel senghawiin zanlai thlengin hna thawh a ni a, Areopagy nawrthluk a nih lai hian mipui thahnem takin an thlir a, zanrei thlengin awmchilhtu an awm reng a, hmanrua senghawi zawhloh la awmte senghawi chhoh mek a ni.

Lalhmingsanga pakhatna

Lai Hla Solo Competition zawhfel tak ah Lalhmingsanga Lu ngzarhtum khua chu Pakhatna a ni, Pu C.Ngunlianchunga CEM in lawmman leh Certificate a hlan. Top 5 a tling miparuk te DC Pu Hmingtea’n Rs.1000 theuh a pek bak ah Pi KR Chhingpuii’n Rs.1000 theuh a hlan bawk a ni.

Sipai pawl Khawmpui

Nimin Pathianni hmang khan Sipai Pawl lawngtlai Corp khawmpui vawili na Lawngtlai ah neih a ni a, thupui atan ‘I din ang u’ tih hman niin, thupui hi then sawm ni.

Calender leitheih dawn

Kumtin in Information & Public Relations Department, Mizoram in Calender a siam thin chu kum 2012 ami tur siamzawhfel a ni tawh a, Nilaini atang khian a duh tan DIPRO Office Lawngtlai ah pakhat Rs.40 in a lei theih ang.

Bharat Nirman Campaign Secretary in a khar

Inrinni chawhma dar 10 khan PIC/Bharat Nirman vawi 18 na chu Lengpui Community Hall ah Pu Van Hela Pachuau, Chief Secretary chuan khuallian niin kharna hun a hmang. PIC kharna inkhawmah hian Pu Hela chuan thusawiin sorkar laipuiin, Mizoramah hmachhawp a neih hrang hrangte hrilhfiahna hun PIB kaltlanga a nei chu lawmawm tiin, mipuite hi sorkar hmachhawp hmang tangkai tur leh a neitu dik tak an nih thu a sawi a. Sorkar hnathawkte chu sorkar in hlawh neia a rawih an nih mai thu a sawi. India ram chu hnam hnufualte ngaihtuah thintu anih avangin a vanneihthlak zia hre thar leh turin Pu Hela chuan kalkhawmte a chah a. Ramdangah chuan hnam hnufualte chu rahbehin an awm mai a, India erawh chuan chawikan tumin nasa takin scheme chi hrang hrang a duang thin a ni, a ti. Hetianga PIC hi tangkai hi State Information & Public Relations department hmangin neih thin nise a that a rin thu a sawi bawk. Pu K. Chawngdailova, VCP Lengpui, he inkhawma khual zahawm chuan he hun pawimawh tak hi khawtlang mipuiten hmang tangkai a, an khua leh velah sorkar hmachhawp dik taka thawh anih theih nan tanla thar turin kalkhawmte a chah. Pu H. Zosangliana, President, MJA Hqrs., he huna khual zahawm dang pawhin sorkar hmalakna chu anih thu ang taka huaisen tak leh rinawm taka an kal theih nan hmachhawp chu mipuiin an hriatchian a ngaih thu a sawi bawk. Tun tum PIC/Bharat Nirman vawi 18 na hi Kanghmun ah, 1.12.2011 ah Rawpuichhiap ah, 2.12.2011 ah leh ni 3.12.2011 ah Lengpui khuaah hman niin kharna inkhawmah hian Pu David L. Thangliana, Deputy Director, IPR chuan lawmthu a sawi a, PIB, DAVP, DDK, Songs Drama Division, Field Publicity, AIR, MJA te tang ho buatsaih hi IPR in theih tawpin a tawiawm bawk a, media te kaltlangin inkhawm chungchang a puangdarh thin a ni tiin, Developmental department hrang hrangte inpekna ah lawmthu a sawi bawk. Inkhawm zawh hian CS leh official te chuan free clinic Health &Family Welfare buatsaih fanna an nei a, he hunah hian dam lo thahnem tak an in entir a ni. Chawhnu technical session ah Pu C. Lalduhawma, Secy. MJA leh Executive Member Pu C. Lalhmachhuana te hovin Resource Person Department hrang hrang amite leh mipui kalkhawm ten an nei bawk.

Friday, December 2, 2011

LADC thlasik thutkhawm Nikhat awh chu nimin khan neih a ni

LADC Thlasik thutkhawm nikhat awh chu nimin khan Chairman Pu F.Rohnuna kaihhruaina hnuai ah neih a ni, hun hmasa lam ah November Ni 3 a boral Ex-MDC Pu F.Lalramliana sunna hun neih a ni a, Pu F.Lalramliana hi kum 1982 khan Lawngtlai-III bial atangin thlantlin niin, Executive Member niin Education Department a enkawl, Pu F.Lalramliana hi MLA ah pawh tum hnih thlantlin a ni tawh nghe nghe a ni. Session ah hian zawhna paruk a lut a, heng zing a zawhna Pahnih chu a zawt tu Pu JH Lallianngura a awm loh vang leh a aiawha zawt tur a ruat loh vangin session ah hian zawhna pali zawt a chhan a ni a, Official Bill Reports of the Comptroller and Auditor General of India for the year ended 31st March 2007 chu House ah CEM in a pulut a, chawhnu lam ah sawiho a ni.Pu N.Zangura zawhna chhangin Middle School enkawltu E/M Pu V.Zirsanga chuan LADC Area ah SSA Block Resource Centre pathum a awm thu te, Staff Lawngtlai ah 13, Bungtlang South leh Sangau ah 8 ve ve an awm thu leh an awmna tur hmun niloa Headquarters a dah an awm lo a ti.Pu Lalduhsaka zawhna chhangin CEM chuan LADC Plan Fund sem chungchang ah Equal share tihtawp a ni ang ti a Lai District Congress Committee in Manifesto a dah chu Manifesto a a dah angin kalpui a ni a ti.Pu Tuturu Singh zawhna chhangin CEM chuan LADC Member Salary and Pension chu Aizawl ah thawn a nih tawh thu leh tunah Finance lam in an enmek tih a sawi.Pu V.L Dawma zawhna chhangin Revenue changtu Pu H.Vanlalthaliana chuan LADC Area a Mobilephone Service Provider ten signal tower an bunna ah Council ah phalna an dilloh thu leh chhiah pawh an chawi loh thu a sawi a, zawhbelhna chhangin chhiah an chawi theih leh theih loh leh tuldangte chu lo enzui a ni ang a ti.

Hunpui lo thleng tur hlim taka an hman theih dan tur ngaihtuah a ni

Kumin a Krismas leh kumthar lo thleng tur Lawngtlai ah thlamuang takin hlim taka hman a nih theih dan tur ngaihtuah in nimin khan District Bawrhsap Pu B.Lalhmingthanga ho in a Office Chamber ah Lawngtlai a Department hotute, Tlawmngaipawl leh Village Council aiawh te an thukhawm. Mipui ten thlamuanga hunpui an hmantheih nan theihtawp chhuah in tanho nise an ti a, Lawngtlai khawpui bik ah Magistrate leh Police lam te, YLA leh VC ten thil duhawmlo thleng thei vengin ngawrh takin duty nise an ti a, Halpuah lam chi leh naupang silailem midang tana pawi khawih thei ang chi te, Dawrkai te hnen ah zuarlo tur leh hralh lo turin ngen nise an ti a, Police leh Magistrate duty te bak ah an mahni puibawm tur YLA member te chu vengtin ah insem darh in duty na tur Area insiam tha an ti a, Lawngtlai Bazar ah Information Centre siamin, heta tang hian a tul anga hmalak ngaite bawhzui zung zung nise an tih bak ah December Ni 24,25,26, 30 leh 31 zan bak ah January Ni 1 leh Ni 2 zan ah te tlaivar in duty nise an ti a, December thla chhung in lirthei laka chetsualna laka inven nan Zero Tolerance Week neih tha an ti a, khawpui chhunga Traffic kalphung pawh a tul anga siamrem a, mipuite an him zawk nan ruahmanna awmsa te pawh bawhzui nise an ti. Lawngtlai District Magistrate Pu B.Lalhmingthanga chuan November thla khan Halpuah leh puak thei lam chi te, Silai lem te zawrh leh hralhchhuah leh hman a lo khap tawh a, hemi bawhzui hian Inspection Team ten ngawrh takin hetiang zuar leh hmang an awm leh awmloh enfiah thin nise an ti bawk. Meeting ah hian tel tur a sawmte an telkim tha hle a ni.

World Aids Day hman a ni

Nimin Dec 1 World Aids Day chu Lawngtlai ah World Vision CADP.Gilead Drop in Centre leh District Aids Prevention and Control Committee te tangkawp buatsaihin hman ani.He hun hi Two Wheeler Rally leh Street Play proggramme hman ani,Tlai dar 3 ah Areopagy ah Function neih niin Dr.HC.Thangkima CMO,Lawngtlaichuan kaihruaiin, khuallian Pu B.Lalhmingthanga,DC chuan Mizoram atanga HIV/Aids umbo tur hian mi zawng zawng kan pawimawh vek a,mitin himna hi mitin te kan mawhphurhna ani tih kan hriat a hun takzet ani tiin sorkarin HIV umbo anih theih nan theihtawp in tan ala mek a.Hetih lai hian,HIV Positive kan ni nge nilo tih te pawh hi inhre ngam ila, HIV/AIDS dona kawnga hmasawnna pawimawh tak ani ngei ang ati.Dr.Lalrinfela'n report pe in Lawngtlai Districtah Thisen Test mi 8407 an awm tawh thu leh HIV+ve 79 an awm thu sawiin,kumin 2011 chhung hian Thisen test 1374 awm tawhin,HIV pai 13 hmuh chhuah niin mi 2 te chu Nu Raipuar an nih thu a sawi bawk.

Press Confererence

Vawiin hian LADC a Executive member Pu V.Zirsanga chuan lawngtlai a thuthar thehdarhtute a Office a thingpui inpui pahin a kawm dawn a, Primary School a zirna kalpui Mizo Medium a Sawrkar in thlak a tum chungchang Chanchinbumite hi a sawipui ang. He hun ah hian Thuthar thehdarhtute chu kimtaka tel tur in sawm an ni.

World Disable Day hmang dawn

Inrinni hian SSA BRC Hall ah World Disable Day hman a ni dawn, kumtin in December Ni 3 hi Khawvel pum ah Pianphunga rualbanlote Ni atan a hman thin a ni.

Zanin ah Result

Lai Hla Solo Competition neih mek chu intihsiakna zawhfel a ni tawh a, zanin hian SSA, BRC Hall ah Result puan a ni dawn, he hun hi a hmun a hmanpui turin Organising Committee chuan sawmbik a neih nual vangin, mipui nawlpui tan Hall ah hmun a awm dawnlo tih an sawi.

LSA GEC thukhawm dawn

Vawiin Dar.12:30 hian LSA ,Gen Hqrs.;Lawngtlai chuan an Office,Lawngtlai Bazar ah General Executive Committee annei dawn.He Committee anneih tura an Thu ngaihtuah tur langsar deuh deuh te chu LSA hmalakna chak zawk a kalpui anih theihna turin Special Task Force kalpui dan tur an rel dawn a, Trade Licence enfiah dan tur an rel dawn bakah Tunhnaia LADC Executive Committee in Medium of Instructuion,Mizo Medium-a aleh chungchang , hmalak zel dan tur an rel dawn bak ah LADC Area-a Non-Tribal Mistiri leh helper Work Permit neilo ten Work Permit an siam em tih enfiah dan tur an rel dawn ani.

MZP ten dan tum

MZP Gen. Hqrs chuan P.Chakraborty, Principal Legal Adviser (Principal Secretary tlukpui ) atana rawih nawn leh chungchang nimin khan an ngaihtuah a, Sorkarin kum khat a rawih nawn tawh hnu a thla ruk dang atana rawih nawn a ni leh chu MZP chuan pawi a ti a. Mizo pa, a thawh ang thawk thei an awm lai a hnamdang rawih nawn a ni fo mai chu MZP chuan pawm thiam harsa a tiin a tawp thlengin dodal tha an ti a, rawih nawn a nihna order chu sut leh a nih hma loh chuan vawiin atangin tiam chin awm lovin MZP chuan P. Chakraborty-a pisa kai tur dan an tum.

Petrol man thar

Nimin atang khan Petrol man bithliah thar a ni leh a, rate thar ang chuan Lawngtlai ah Petrol Litre khat M.S Rs. 64.36, XP, Rs. 66.86 a ni.

Manager zin

Mizoram Rural Bank manager Pu R.Zohmangaiha chu Bank lam thil ah Gauhati ah a Training mek, tunthla Ni 13 vel ah Lawngtlai a rawn thlen leh hman beisei a ni.

Sipai lak runpui

26 Assam Rifles bul tumin kumthar February 2012 hian AR Ground Aizawl ah Assam Rifles leh Para Military Force hrang hrang atan Sipai lak runpui (Recruitment Rally) neih tur a ni a, hna ruak 600(zaruk) vel zet hnawhkhah a ni ang Diltute tan an dilna form hian 4th January, 2012 ral hma in Assam Rifles hmunpui Shillong a thlen hman ngei ngei a ngai.

Thursday, December 1, 2011

Residential Special Training Centre Pu V.Zirsanga’n Chandmary-II ah a hawng.

Nimin khan SSA Misssion Lawngtlai chuan Naupang School kailote zirtirna hmun tur Residential Special Training Centre Chanmari II an din chu LADC a Education changtu Executive member Pu V.Zirsanga'n a hawng.Hemipuala inkhawm buatsaih ,Pu LZ.Tluanga,DPC,SSA kaihhruai ah Pu V.Zirsanga chuan Right To Education Act 2009 anga, naupang zawng zawng sikul luhtir tura sorkar laipui hmalakna chu kan ram tan malsawmna ani avangin,mipui ten kan tawiawm a tul takmeuh a.Engkim sorkar tih tura dah vek mai chu khua leh tuite tihtur ani lova, sorkar kan thawhpui a tul ani a ti a, Pu Zirsanga hian LADC Sawrkar in Primary School Mizo Medium a kalpui tumna awm chungchang sawilang in, Zirtirtu zing ah thiam tak tak an awm laiin a tam zawk chuan English Medium a kalpui chu an tlin loh vangin Mizo Medium a kalpui hi Sawrkar chuan tha zawk ah a ngai a, heihian Naupang School kallo leh Nu leh Pa ten Sawrkar School aia Private School a an fate an dah thin pawh a ziawm beisei a ni a ti.Lawngtlai District-ah RSTC 5 hawn tum niin, Sangau,South Lungpher,Vaseikai leh Kamalanagar ah hawn leh tum ani. RSTC hawnna ah hian chanmari II khawtlang hruaituten an tawiawm tha hle a,chanmari II VCP pawhin thu sawiin,an venga hetiang zirna hmun tha buatsaih ani chu lawmawm atih thu a sawi bawk. Residencial Special Training Centre atan hian mimal In luah hawh a ni a, Naupang 20 dahluh phawt an ni dawn a, an nitin Zirna hmarua a thlawnin SSA lam chuan an pek vek dawn bak ah, an ei leh In tur leh silhfel bak ah mutbu thlengin an tumsak vek dawn a, Centre ah hian naupang School kailo enkawl te chu Zirna pangngai an zawm theih nan mithiam ten an enkawl dawn a ni.

Central YLA in hmalakna tur hrang hrang an rel

Nov 29 khan Term thara Central YLA CEC meeting hmasaber chu Central YLA Office ah neih ani. He Meeting hi Pu LZ.Tluanga President CYLA chuan a kaihruai a,meetingah hian YLA Conference Niawhtlang a Nov ni 2-4 chhunga neih zawh taka Rorel thu passed thenkhatte bawhzui dan tur chungchang an ngaihtuah a, YLA Kumpuan "Khawtlang nun siamthat" tih chu YMA pawhin kumpuan a anlo hman tawh anih avangin YMA in an lokalpui tawh dan te zirchian a hmalak nise an ti a.Pu J.Lalrinawma chairman a ruatin Kumpuan Sub-Committee an din nghal bawk.YLA Danpui hman lai mek chu ennawna siamthat nise an ti bawk a, Christmas leh kumthar vuak vetah mipui ten thlamuang taka hun an hman theih nan dan kengkawhtute theihtawpa thawhpui tha an tih bakah hun remchang hmasaber ah meeting neihpui nise an ti a,he hun hi mipui ten hlim taka an hman theih nan Silai mu nei chi leh Halpuah lam chite kawl,zawrh leh hman khap nise an ti bawk.

Wednesday, November 30, 2011

LSA Gen.Hqrs. ten Primary School Mizo Medium a leh tumna tha an tilo

Lai Students Association General Hqrs. Lawngtlai hruaitute chuan nimin khan Lawngtlai khawpui chhunga Primary School te tlawhin LADC Executive Committee ten Medium of Instruction atan Primary School chu Mizo Medium a leh a tum chungchang ah Zirtirtute an kawm kual LSA Gen. Hqrs. hruaitute chuan LADC a Medium of Instruction chungchang ah inrawnkhawmna kumin September Ni 9 a Lai Autonomous District Board of School Education in a buatsaih a tel mi 17 ten Mizo Medium a leh an duhlo a, mi 5 erawh chuan Mizo Medium a leh an duh tih an sawi a, hemi tum hian zau zawka inrawnkhawmna buatsaih leh nise tiin thudah a nih thu sawiin, inrawnkhawmna awm leh tawh lovin LADC Executive Committee chuan Mizo Medium a leh nise tiin thu a passed a, heihi LSA chuan pawi a tiin sawihona neih laia pawl hrang hrang aiawh telte zah lohna ah an ngaih thu an sawi a, kum 10 dawnlai English medium a kalpui a nih hnu ah kawng zatve vel a tawpsan tum ang mai ah LADC Sawrkar chu puhin English Medium a kalpui chhunzawm an duh tih an sawi bawk. LSA hruaitute chuan Nghalimlui khua ah SSA hnuai ah Zirtirtu hmun ruak LADC in Proposal a siamlaiin Mizoram Sawrkar chuan Direct in a rawn la tih Lawngtlai Post hrilh in hriatthiam harsa an tih thu leh Lairam chhung ah thawkthei an awm lo em ni tih Mizoram sawrkar chu an zawt a ni.

Governor leh Sawrlai laipui pawl hotute an inkawm

Mizoram Governor Vokkom Purushothaman chuan nimin khan Raj Bhavan-ah Mizoram chhunga sorkar laipui mi leh sa hrang hrang aiawhte a kawm. Governor hmutute hi AR, BSF, BRTF, CRPF, SIB, Postal, DDK, AIR, BSNL leh banks hrang hrangte an ni.Larsap chuan New Delhi a Governor Conference a zuk hman tumah khan President leh Prime Minister te chuan ramri dep dinhmun chipchiar taka hriat an duh thu an tarlan a sawichhuak a, Mizoram pawh thenawmte nena inri kawngah te, a firfiak leh helho chet lak kawngah te a dinhmun thlithlai reng a tul thu sawiin thla tin sorkar laipuiah thil awm dan thehlut tura beisei anih thu Larsap chuan a sawi.sorkar laipui mi leh sa Mizoram chhunga awmte nen hian a zing thei ang bera inhmuh thin a duh thu amah kawmtute chu a hrilh a ni.

Hawng dawn

Vawiin hian Chandmary-II ah SSA Residential Training School Pu V.Zirsanga Executive Member in a hawng dawn.

Final dawn

Zanin hian Lai Hla Solo Competition neih mek ah Top 5 ten intihsiakna an nei dawn a, Hla hnih theuh an sa ang. Tarlan tawh angin Final Result hi December Ni 2 zan ah puan a ni dawn. Niawhtlang khawtlang chuan Top-5 a tlingte lawm nan intihsiakna zawh hnu aah khawtlang in ruai nen lawm an tum. Lungzarhtum khawtlang pawhin Committee hran indin in ropui takin lawmna buatsaih an tum thu dawn a ni.

YLA Inthlang dawn

Chandmary Branch YLA chuan zanin hian hruaitu thlan tharna an nei dawn a, MJA Lawngtlai District ten inthlanna hi an neihpui ang.

POETRY WRITING FESTIVAL 2011

English Language Teaching Institute (ELTI), SCERT chuan nimin khan Poetry Writing Festival 2011, Higher Secondary School naupangte tan a buatsaih a. He Festival-ah hian Pi Esther Lal Ruatkimi, Secretary, School Education Department chu khuallian niin Padma Shri Lalthangfala Sailo, President MAL chu khualzahawm niin, Pi Malsawmthangi, Director, SCERT chuan inkhawm a kaihruai a ni. He Festival hian a tum chu naupangten thil mawi leh tha ngaihhlut thiamna, naupangte talent haichhuah nan, English tih hmasawnnan leh thu leh hlaa naupangten hma an sawn theih nan a ni a. Higher Secondary School thlanchhuah 15 zingah 8 an tel a, zirlai 25 in poem English in an ziak a ni. He Poetry Writing Festival 2011 a lawmman dawngtute chu : 1st Prize : Vanlalhmangaihi, Class XII Govt. Chaltlang, HSS 2nd Prize : Ramhlupuii, Class XII Govt. Republic HSS 3rd Prize : Lucy H. Lallawmawmi, Class XI Helen Lowry School. Chawhnu lamah he Festival a lawmmante semna leh Proficiency Award in English semna neih a ni a. Proficiency Award hi HSSLC, HSLC, Class VII leh Class IV zirlai English subject a ti thate hnenah pek thin a ni. Tun tumah hian zirlai 43 in he lawmman hi an dawng.

Seminar on Rights of Persons with Disability Act, 1994’ neih a ni

Nimin khan Aizawl Press Club-ah chanchinbumite pualin ‘Seminar on Rights of Persons with Disability Act, 1994’ neih a ni a. Rualbanlo (Vohbik) te chanvo hrang hrang neihte sawihona hun hman a ni a. Pianphunga rualbanlo ten anmahni chanchin ngaihnawm takin an sawi bawk. Rualbanlo (Vohbik) te puala inkhawm hi MJA president Pu H. Zosangliana chuan kaihruaiin, tunhma a kan pi leh pu ten rualbanlote ngaihsak nachang an hriat loh chu tunlai khawvelah chuan ngaihsak an hlawh tain, an dikna chanvo (Rights) pawh kan zah sak tial tuial hi a lawmawm hle a ti. Pi Sangzuali Vangchhawng, SCERT Special Educator chuan Vohbikte humhalhna dan hrang hrangte tarlangin, India Danpui hnuaiah anmahni thawh theih awm tawk a thawk ngei tura chhan hrang hrang avanga rualbanloten sorkar hna lakah 3% an neih thu a sawi a. Chumi rual chuan central sorkar chuan thuneihna sang tak nei- Coordination Committee dinin anni hian rualbanlo te hamthatna leh an chanvo chan theih tur awm ang angte state sorkar-ah a hriattir a ti.rualbanlote (Person with Disability) chungchangah Conmmissioner awm tur a awm loh avanga rualbanloten harsatna an tawh dan hrang hrang a tarlang bawk. Rualbanlote hi medical doctor ten enin 40% chin rualbanlova pawmin 80% chu a nasa zual an ni a ti bawk. Rualbanlote hamthatna leh dikna an neih atanga duhsakna an dawn theih hrang hrangte a tarlang bawk. Vohbik a mi, Jawaharlal Nehru University a Ph.D bei mek Lalbuatsaiha, mitdel chuan a chanchin leh tawnhriat hrang hrangte a sawi a, mitdel a nih avanga Delhi a hnualsuat an hlawh ngai loh thu leh Mizoram-ah anmahni duat a kawng kawhhmuhtu an tlem thu a sawi a. A zirna kawngah puibawmtu mi tha tak tak a hmuh thu a sawi bawk. Mitdel R.S Lalrinpuia, Saiha chuan a chanchin sawiin a fanu thla 17 a hmuh hnuah a mit a del tak thu leh zirna chhunzawm a Saiha College atanga BA zovin tunah Saiha-ah PHE Dept. hnuaiah a thawh mek thu a sawi. Mitdel bawk Chhanchhuaha, Kawnpui chuan a naupan tette atanga ek-in a den avanga a mit a del thu leh zirna chhunzawmin Hrangbana College atanga BA (PA) a zawh hnuah Forest Dept.-ah Forester/Forest Guard dila, rualbanlote tana sorkar-in reservation a siam chu Dept. lamin an hriat loh thu leh nasa taka a beih hnuah a hlawhtlin thu a sawi. Mizoram sorkar chuan Disability Act tlawhchhan hian tunah rualbanlote tan Commissioner la-in staff turte pawh a buaipui mek tih Social Welfare Dept. hotute chuan an sawi a, rualbanlote hamthatna leh an chanvo neihte zahsak a, an phak tawh hna zawn kawngah Mizoram sorkar leh mipui kan thanharh a tul zia uar takin an sawi a ni. Kumtinin Dec. 3 hi Rualbanlote Ni a hman niin SCERT bultumin nimin seminar hi neih a ni. Pi Vanramchhuangi (Ruatfela Nu) chuan lawmthu sawiin hunhnung a chang a ni.

Tuesday, November 29, 2011

Areopagy thar din tur a hmalakna kalpui mek ah Building awmsa chu thiah mek a ni.

Areopagy sakthat tumna kalmek ah nimin atang khan Areopagy Building awmsa chu thiah tan a ni.tuna thiah mek Areopagy Building hi kum 1987 vela sak kha ani a,tul pawimawh hrang hrang ah tangklai tak a hman a ni thin a. Up-Gradation of lawngtlai Town atanga khawpui cheina tur pawisa hmuh atangin cheng Nuaih 75 hmanga sak that tura ruahman ani a, nimin khan thiah tan ani.Ruahmanna ang chuan chhawng thuma sak tur ani a,Restaurant,Auditorium leh Archive te dah tum niin,he hmun atang hian Lai District chhunga thil hlui pawimawhte hmuh theiha phochhuah tum ani.Areopagy rinchhan hian hmun thum atanga pan theih in Fly Over Bridge siam tura ruahman ani bawk.Areopagy hi Lawngtlai khua tilar bertu pakhat anih avangin a sak zawh hun mipuiten an nghak hlel hle ani.

Bank dawrtute tan FLCC Camp neih a ni

Nimin State Bank Of India.Lawngtlai Branch ah Financial Literacy and Credit Counselling Camp(FLCC) neih ani. He FLCC Camp hi SBI Lawngtlai branch Manager Pu Sunirmal Das chuan kaihruaiin,Bank dawr thinte tana hetiang hun an hmang thei hi lawmawm atih thu a sawi a,he huna zirtirna petu Pu R.Zohmangaiha, Manager, Mizoram Rural Bank,Lawngtlai branch chuan Bank Account hrang hrang Saving,Vohbik,Recurring Deposit,Fixed Deposit enkawl dan hrang hrang leh Account hawn dan hrang hrangte zirtirna a pek bakah,Bank hlutna sawiin,kang mei leh chhiatna thlengthei thil chi hrang hrang laka kan sum leh paite alo him zawk theih nana Bank hman tangkai a pawimawh zia kalkhawmte hnenah a sawi.He Camp hi Bank dawr thinte puala buatsaih ni.

LSA in hmalak tum

LSA chuan thuchhuah siamin hmalak an tum dan hetiang hian an tarlang Lawngtlai Khawpui chhunga Hnamdang sumdawngte Trade Licence enfiah thuai atum.hemi rual hian Dan lova sumdawng thinte leh Phalna nei lova Motor hmanga sumdawng thinte enfiah na anei nghal dawn ani.LADC Area chhunga Non-Tribal Mistiri leh helper 'Work Permit' la nei lo zawng zawng ten LADC Revenue Department ah Work Permit siamtir vek turin ahriattir a,LSA ten an enfiah huna Work Permit la neilo man an awm chuan an chungchang ngaihtuah ani ang.CYLA leh MZP hruaitu thlan thar te LSA,General Hqrs chuan thinlung takin a Lawmpui a,Ram leh hnam tana chak taka hna an thawh theih nan duhsakna a hlan nghal ani.

CEC Meeting dawn

Central YLA chuan hruaitu thlan thar te Term a a hmasa ber atan vawiin chawhnu dar 2 hian Central YLA Office ah CEC Meeting an nei dawn.

Zanriah kilpui dawn

Lai Hla Solo Competition a Finalist te chu vawiin tlai hian Organising Committee chuan zanriah kilpui pahin titi hona an neihpui dawn.

NLUP sum hi a buaipuituten kan lo eipui ve a thiang lo C.M in a ti.

Nimin khan Secretariat Conference Hall, New Secretariat Complex, Khatla-ah NLUP Apek Board meeting tum 9-na neih a ni a; he meeting hi Chief Minister leh NLUP Apex Board Chairman ni bawk Pu Lal Thanhawla chuan a kaihruai a ni. Pu Lal Thanhawla chuan NLUP chu miretheite leh kuthnathawka eizawngte khaichhuahna tur a nih avanga a buaipuituten pawisa pakhat mah an lo itpui emaw, an lo eipui ve a thian loh thu a sawi a; NLUP dawngtu hmasa zingah pawh mi rinawm, mi dik leh Pathian tihtute chuan dinchhuahna atana an hman thu a sawi. NLUP suma motor lei a tulna chhan pawh Chief Minister Pu Lal Thanhawla chuan sawifiahin, officer tam tak motor neilo leh chhuhsak an awm a, heng officer-te hnathawhna tura motor leina tur sum chu NLUP bultantirh atanga ruahman lawk a nih avanga mipui chanai a heu loh thu a sawi lang bawk. NLUP hnuaiah hian kum 2010-11 chhungin chhungkaw 45,139 hnenah tanpuina sum ruahman hmasak Rs. vaibelchhe 198.71 atangin September 2011 thlenga pawisa sen tawh chu Rs. vaibelchhe 169.77 a ni. Meeting-ah hian Minister te, MLA te leh NLUP kaihhnawih officer-te an tel kim hle a; meeting-ah hian kum 2010-11 chhunga NLUP hmalak tawhna thlirlet a nih bakah, MIFCO thuam thar dan tur te, hmunphiah leh agarbati kuang siam dan tur te, NLUP vil dan turte bakah thu pawimawh dangte sawiho a ni.

Monday, November 28, 2011

Nupa a insiam tawh, Dan anga la innei lo Nupa Tuak 300 chuang kumin ah innei tha tawh

Kum 2011 january atanga vawiin thleng in The Lawngtlai Post in a chhinchhiah dan chuan Lawngtlai leh a chhehvel ah Nupa a insiam tawh, Dan anga la innei lo Nupa tuak 300 chuang inneih that tir an ni tawh, heng innei tha te hi a tam zawk chu lairam Isua Krista Baptist Kohhran a lawi an ni a, Kohhran hrang hrang ten an huamchhung ah Nupa, Dan anga la innei lote tan a huho a inneihna hun an buatsaih thin a, a huho a inneihna buatsaih Lawngtlai khawpui chhung ah Kohhran pariat kumin chhungin an awm tawh a, tumkhat a innei tha tamber tum chu April 27 khan LIKBK Lawngtlai College Veng Biak In a neih niin Nupa tuak 91 te an inneitha., Inrinni a Mampui a BCM Biak In ah Nupa tuak 29 innei tha te nen kumin 2011 January atanga vawiin thleng a a huho a innei tha te chu tuak 310 an ni. hetiang a a huho a inneihna buatsaih chhan hi Thangthar ten Pathian leh Kohhran Dan thianghlim a inneih an ngaihpawimawh zual theih nan te, Sawrkar in inneih Certificate chu thil pawimawh hrang hrang ah a dah pawimawh vang te niin Kohhran hruaitute chuan an sawi. Nupa a insiam tawh, Dan anga innei tha te zing ah hian Upa leh Rawngbawltu engemawzat an awm bawk.

Chief Secretary ho in ADC hotute thukhawm

November Ni 25 khan khan Chief Secretary Conference Hall, New Secretariat Complex-ah Chief Secretary Pu Vanhela Pachuau hovin Lai Autonomous District Council, Mara Autonomous District Council leh Chakma Autonomous District Council aiawh te leh sorkar mi pawimawh te an thukhawm.He meeting-ah hian NLCPR Schemes leh 13th Finance Commission Grants te bakah Plan Scheme dang te uluk tak leh tha taka Autonomous District Council pathuma kalpui dan tur an ngaihtuah a. Meeting chuan Work Advisory Board leh Purchase Advisory Board din ni se, Board member tur te zingah Deputy Commissioner aiawh, PWD Engineer-in-Chief bakah Finance Department aiawh te member/ Special invitee anga telh ve ni se tih te; District Fund Rules ennawn chung chang te; pawisa vawn leh hman dan audit tihchak lehzual te; DC leh Autonomous District Council te inkara thawhhona tihchak te; hmasawnna hnathawh engkimah quality dah chungnun te bakah Plan siamnaah te leh Developmental Committee-ah District Council huamchhung MLA te telh ve ni se tih te an rel a ni. Meeting-ah hian LADC, MADC, CADC aiawh te bakah Parliamentary Secretary Pu H.Zothangliana, Pu Nirupam Chakma,MLA, Pu P.P. Thawlla, MLA leh sorkar mi pawimawh thenkhat an tel.

Tawngtaina thianfai

Inrinni khan Baptist Mipa Pawl(BMP) Lawngtlai East Pastor Bial te chuan hnatlang an neiin Lawngtlai atanga khual zin turte tawngtaina hmun pathum Saiha lam,Chawngte lam leh Lunglei lam kawtchhuah a tawngtaina hmun an thian fai.hnatlang ah hian member 30 chuang an thawkchhuak ani.

Lai Hla Solo

Lai Hla Solo Competition chu a hmawrbawk ahnai tawh a, Top-5 thlanchhuah fel ni tawhin an ni hian intihsiakna an hmachhawn leh anga, Top-5 atang hian Final Result siam a ni anga, December Ni 2 zan ah Programme puitham tak nen Result hi puan a nih theih nan Organising Committee te chuan ruahmanna an siam a, mipawimawh thahnemtak sawm khawm an tum.

Friday, November 25, 2011

Greater Lawngtlai Water Supply Scheme lungphum C.M in a phum

Chief Minister Pu Lalthanhawla chuan Mizoram ah Project tha tak tak kalpui a ni a, Compansation vangte, kut tling lova sum lak duh vangte Project tha tak tak te hi kan chan mai ang tih a hlauhawm a ni a ti chuvang chuan neitu rilru pu chunga ram tana thawh a tul a, pawnlam mi kan kawl te hian neitu rilru min putsak dawn lo a ni a ti a,he thu hi Nimin chawhma dar 10:30 a Greater Lawngtlai Water Supply Scheme, lungphum, Chhimtuipui bul a Treatment Plan awmna tur ah a phum na hmun ah sawiin. Chief Minister chuan Mizoram pum ah tui thianghlim hnianghnar a hman tur mipui ten an neih theih nan Sawrkar chuan hma a la nasa hle a ni a ti a, chhimlam chu Mizoram chhuahka turin buatsaih mek a ni a, Multi Modal Transport Project hnuai a kawngpui KM 100 laih tur ah KM 10 laih zawh a ni tawh a ni a ti, he hun Pu B.Lalhmingthanga Lawngtlai DC kaihhruai ah hian Parlimentary Secretary Pu H.Zothangliana pawhin thu sawiin, Lawngtlai khawpui in tui hnianghnar a neih theih nan a Chief Minister hmalakna chu chhuanawm a tih thu a sawi. Technical Report a tarlan a nih dan in, Treatment Plan awmna hi tuilakna tur Chhimtuipui atangin KM 1.5 a ni a, hetatang hian KM 6.5 a thui Chawnhu khua a Main Reservor ah ntui pump lutin, Lawngtlai khawpui a Zonal Tank 7 ah Pump ngai lovin semdarh a ni leh dawn a ni. Greater Lawngtlai Water Supply SCheme atan hian cheng Maktaduai 256 leh Nuai 45 ruahman a ni a, kum 2040 thleng in mipui lo pung chho zel nen Lawngtlai khawpui tan mipakhat tan nitin tui Litres 40 pe thei tur a ngaih a ni a ni a, Ministry of DoNER atangin pawisa hi hmuh a ni. Gretater Lawngtlai Water Supply Scheme lungphum phumna ah hian Parliamentary Secretary Pu H.Zothangliana, Pu Lalrinawma Law Commission Chairman, Pu TT Zothansanga MLA, Pu C.Ngunlianchunga CEM bak ah LADC a Executive Member leh MDC te bak ah Official pawimawh an tel tha hle.

C.M in BNRGSK Building a hawng

NLUP chu a dawngtu za a 95 tal in an hlawhtlinpui sawrkar in a beisei a ni Chief Minister Pu lalthanhawla chuan a ti. Nimin November 24 chawhnu lam a Lawngtlai chhuahsan a Lunglei a panna kawng ah Thingkah khua a Bharat Nirman Rajiv Gandhi Sewa Kendra (BNRGSK) Building sak thar a hawnna ah a sawi a .BNRGSK Building thar a hawn hma hian Chief Minister hi Thingkah mipui ten ropui taka lo hmuak in BNRGSk Building thlengin a Nupui Pi Lalriliani nen an zawn a, hemi hnu a Building thar hawnna inkhawm Lawngtlai DC Pu B.Lalhmingthanga kaihhruai ah thusawiin, Chief Minister chuan NLUP hmasa chu ruahmanna fel tawklo vang leh chhan dang dang vanga hlawhltinpui an tam loh thu a sawi a, Synod Social Front ten an zirchianna ah NLUP hmasa chu 40% in an hlawhltinpui a ni a ti a, tunah chuan ruahmanna tha tak hnuai ah NLUP chu kalpui a ni a, a dawngtu 95% tal in an hlawhltinpui Sawrkar chuan a beisei a ni a ti a, Pu Hawla chuan Mizoram a kuthnathawktu mirethei ten leirem an rah theih nan NLUP chu ruahman a ni a, heng mite dawmkan a, eizawnna nghialnghet an neih theih nan NLUP dawng tur a ngaih mi Nuai 1 sing 2 te chuan an sawrkar chhungin NLUP an dawn hman vek theih nan Sawrkar chuan hma a lak thu a sawi a, a thawhkhatna ah chhungkua 45000 hnen ah pawisa an pek tawh thu leh a thawhhnihna atan chhungkua 45000 bawk thlanchhuah mek an nih thu a sawilang tel bawk. Pu Hawla chuan MGNREGS chu Mobile phone leh Pheikhawk ke artui sang nen a thawh chi a ni lo a ni a ti a, diktakin neitu thinlung pu chung a mahni hna theuh thawk turin kalkhawm mipuite chu a chah a, thianghlimna te, ram ngaw leh leilung humhalhna ah te tan la turin a chah bawk. BNRGSK Building, V/C House ti a hriatlar hawn tak hi cheng Nuai 9 seng a RD Department ten an sak niin a dung feet 50 a vang feet 32 niin Square feet 1600 a zau a niin August 17, 2011 atanga sak tan niin Ni 83 chhungin sak zawkfel a ni.

Thursday, November 24, 2011

Chief Minister Lawngtlai ah

Nimin Nov.23 zing dar 10:30 khan Chief Minister Pu Lalthanhawla chuan Kilometres 4 a thui Kawlchaw West to Kawlchawchhuah a Balu lakna tur Kawng LADC Sawrkar in cheng Nuai 30 seng a a laih chu a hawng a, Balu lakna tur hmun Kawlchawchhuah thleng a kal, Kawlchaw West ah hian tukthuan a ei hnu ah chawhnu lam khan Lawngtlai a lut a Circuit House tual ah District Bawrhsap Pu B.Lalhmingthanga ho in Official ten an lo hmuak a, hetah hian thusawiin Chief Minister chuan Sawrkarna an siam tirh in Work Culture leh Work Ethic leh Punctuality a hmuh loh thu leh siamthathna nasa taka an thawh hnu ah hmasawnna hmuhtur a awm chho mek tih a sawi a, kuttlinglo a sumlak chu sawrkar chuan a ngaithgeilo viau tih sawiin Official thenkhat thubuai chhah tak tak nei an awm chho mek a, sawrkar chuan diklo taka tite chu a dim dawnlo a ni a ti a, kum thum chhung an sawrkar hnu ah Coruption case ngaimawh tham Opposition lam pawhin sawitur an hrelo a ni a ti. Sawrkar hnathawkte chu an hna te tui taka thawk tur a fuih in kan chanvo tur nilo sum kan it tur a ni lo a ti a, Backward Region Grant Fund chu hun hmasa lam ah diklo taka hman a ni a ti a, he pawisa hi a thawktuten an ei mai mai tur a nilo a nbi a ti a, tihtakzet a ram siamthat hna thawk turin kalkhawmte chu a sawm.Circuit House tual a hun hmanzawh a nih hnu hian Chief Minister hian Lai Autonomous District Council a tlawh a, Chief Executive Member Pu C.Ngunlianchunga leh LADC Executive Member leh MDC te bak ah LADC Staff ten an lo lawm a, C.M hian LADC Session Hall a tlawh bak ah CEM Chamber ah LADC Sawrkar in thilpek an hlan bak ah Council mamawh te CEM in Chief Minister hnen ah hian a thlen a, Chief Minister hian Council hruaitute rorelna dik, tha leh fel hmanga ram hruai turin a chah. Hemi hnu hian Lawngtlai Bazar Areopagy ah Chief Minister hian Vantlang inkhawm an thu sawiin Miretheite khaichhuahna tur NLUP chu sawrkarna an siam hma a an lo tiam tawh chu tihhlawhtlingin tunah kalpuimek a nih thu a sawi a, NLUP hian sawichhiat a tawk nasa tih sawiin, a sawichhe tute chu NLUP dawng ve reng reng lo turte an ni a, a dawngtute an lawm chuan a tawk a ni a ti, Chief Minister hian an Party zawmthar mi 1284 a lawmlut bawk. Chief Minister hi H.Zothangliana Parliamentary Secretary, TT Zothansanga MLA, Lalrinawma Law Commisssion Chairman, bak ah CEM Pu C.Ngunlianchunga leh DC Pu B.Lalhmingthanga bak ah mipawimawh thahnem takin nimin a a hun hman ah hian an tawiawm.

Tuesday, November 22, 2011

Anti - Tobacco Awareness Campaign neih a ni Lawngtlai District ah puipunna a zialzu an pung

Nimin khan Lawngtlai District Anti Tobacco Society leh Gov't Region Higher Secondary School Lawngtlai tangkawpte buatsaih in GRHSS Hall ah Vaihlo leh a kaihhnawih chungchang inzirtirna neih a ni . He hun ah hian Pu P.C.Lalhmangaihzuala Principal GRHSS chuan ram changkang leh hmasawn zawk ah te Vaihlo leh a kaihhnawih hmang chu nasa takin a tla hniam chho zel a, Mizoram ah pawh District dang ah hmasawnna hmuhtur a awm laiin, Lawngtlai District ah chuan puipuina a zialzu zirchianna ah zial zu an pung zawk a ni a ti a, Zirlai te ah Vaihlo leh a kaihhnawih hman hian ngaihtuahna a ti chhia a, tumruhna leh tih tak taka an nei hleithei lova, zirlaite tan hmelma lian tak a ni a ti. Z.T Vawra Hmar District Co-Ordinator chuan Cigarrette and Other Tobacco Product Act (COPTA) chungchang sawiin zirlaite chu an nun vawng fimkhur a, vaihlo leh a kaihhnawihte intihchhiat tir lo turin a chah. Dr.H.Lalrinfela'n Vaihlo leh a kaihhnawih ten hriselna a nghawng dan chip chiar takin a sawi bawk. Mizoram State Anti Tobacco Society ten kum 2009 a an zirchianna ah Lawngtlai District ah puipuina a zialzu 50% an awm a, 2011 a zirchianna ah 50.91 niin, 0.91% in a pung a, District Anti Tobacco Squad te chuan ngawrh tak in hma lakna tur hrang hrang duangin hma an la mek a ni.Mizoram pum ah 2009 a zirchianna ah puipuina a meizu 61.65 niin 2011 ah 18.18% a nih thu campaign ah hian sawilan a ni bawk.

Mizoram Governor in Mamit a tlawh

Mizoram Larsap Pu Vakkom Purushothaman chuan nimin khan Mamit a tlawh a. SP Office tualah zahna chibai lo hlan in SSA Pipe Band ten hnam hla an lo rem. Chhim Veng YMA Hall a buatsaihah Larsap chuan thusawiin Aizawl khawpui pawn a tlawh vawi 2-na huna an lo chawimawi danah lawmthu a sawi a. Mizoram leilung mawina leh hausakna hi hman tangkai thiam chuan khualzin tam tak hip luh theihna leh chumi atanga sum tam zawk hailuh theihna a nih thu tarlangin Zirna lamah pawh Aizawl chauh nilovin hmun dangte pawh an san thu a sawi a. Zirlai naupangte pawh an zirna kawngah nasa leh zuala zira thiamna pawchhuak ngei tur leh University tha tak tak a lut tura in buatsaih turin a chah a ni.Larsap chuan Mizoten hnam lam mawi tak tak kan neih chu chhuangin hei hi vawng nung reng tur leh state pawn thlenga pho chhuak thin turin a chah bawk a ni.Larsap chuan Sakhua-ah Secular state kan nih angin eng sakhua pawh vuan ila, sakhaw dang vuantute lakah rilru zau tak kan put a tul thu a sawi a. Hetih rual hian Mizoten fahrah enkawlna In leh mi harsate tanpui duhna thinlung an pu hi a ropui tak zet a ni a ti bawk.

Delhi ah zin

District Council pathum aiawh te chu Central sawrkar a an thu thlente bawhzui in Delhi ah an chammek, Pathianni khan LADC aiawh a kal Pu Hmun Hre chuan Delhi a thleng

Lai Hla Solo

Friends’ Club bultum a neih lai Hla Solo Competition chu nizan atang khan Live in Cable TV ten an pechhuak a, Top-20 intihsiakna zan hnihna zanin hian chhunzawm a ni anga, naktuk zan ah Top-10 a tling te hriattheih a ni dawn a, Result hi Live a puan a ni ang. Tarlan tawh angin Competition a tel te hnen ah lawmman tha tak pek an ni dawn a ni.

Mizo Idol hmuak

Zonet Mizo Idol Lalthuthaa chuan nimin tlai lam khan Lawngtlai a thleng a, Areopagy ah ropui taka lo hmuah niin, mipui pungkhawm an thahnem hle. Mizo Idol puala Programme hman chhungin National Highway-54 chu lirthei tan kaltlang theih a ni lova, Highway mai bak ah Vengpui leh Coucil Veng kawng pawh lirthei a inhnawh khat vangin a ping bawk. Mizo Idol hian vawiin ah an khua Saiha a lut ang.

MCU ten Tui Metre Rent leh Petrol pawlhdal an ngaimawh

Mizoram Consumer Union chuan tunlaia petrol pump te petrol pek chhuah teh dan a dik tawk lo nia sawi leh pawlh dal nasat nia sawi chu an enghelh thu an tarlang. Hemi chungchang hi Mizoram Consumer Union Executive Committee, thukhawm chuan an sawiho a, petrol teh dan chu a dik tawk em tih leh a quality a tha tawk em tih enfiah thuai turin thuneitute an ngen a ni. Hemi bakah hian December ni 13-a Zoram pum huapa Annual General Meeting vawi 15-na neih tur chungchangte an sawiho a, he Annual General Meeting hi Aizawl Venghluia Central Hall-ah neih ni se, thu ngaihtuah tur nei Unit hrang hrang leh District Hqrs. te chuan December ni 5-aia tlai lovah an agenda, Hqrs.ah thehlut kim vek se tiin thu an dah a ni. He Executive Committee thut khawmna-ah hian tun hma lama dan dik lova tui metre vuah, Court-in dan dik lova vuah nia a pawm atanga tun thlenga metre rent, PHE Department-in a la lak zuina connection thenkhat a la awm nia sawi a ni a, Consumer Union hruaitute chuan tui bill ruala metre rent, thla khata Rs.10/- lak thin chu dan anga tihtawp tur a nih thu sawiin, metre rent chawi an la awm chuan PHE Department-a tui sem chhuah lam viltu, Executive Engineer hnenah an tui bill xerox copy nena thehlut turin an ngen nghal bawk.

Tawngtaina tlang ah Hnatlang

Nimin khan Lawngtlai Prayer Fellowship te chuan Tawngtaina Tlang ah Hnatlang an nei a, helai hmun hi an samfai. Hnatlang chhuakte hian Pathian hnen ah inhlan tharna neiin Ram tan an tawngtai nghal bawk.

DC ho in Meeting

Chief Minister in Lawngtlai a rawn tlawh hun a lo dawnsawn dan tur ngaihtuah in, a tun hnihna atan nimin khan DC Pu B.Lalhmingthanga ho in Department hotute an thukhawm. Meeting hmasa a ruahmanna an siam te hmalak dan thlir ho niin hmalak zui dan tur te an ngaihtuah ho.

Bungrua thiarchhuah sak

Nimin zing khan Pukpui Arsi ram a Piggery Village a chhungkaw 4 te chu Sorkar leh Pukpui VC ten chhuak tur a a tih ang a, an la chhuah duhloh avangin Pukpui khawtlang Jt. Committee te chuan Pukpui leh Zotlang Inrini ramriah an bungrua an dah chhuah sak.

Monday, November 21, 2011

Chief Minister in Chhimlam a fang mek. District Council hi inkhualtelemna a nilo a ti.

Chief Minister Pu lalthanhawla chuan Mizoram chhimlam a fang mek a,Inrinni zan khan Sangau a thleng a. Tourist Lodge a amah lo hmuahna buatsaihah Chief Minister chuan tun ang zanah pawh Sangau mipui leh mipawimawh tak tak ten an lo la hmuak chu lawmawm a tih thu a sawi a. Tualchhung inawpna Village Council leh Distirct Council te chu inrelbawlna pawimawh tak anih avangin sorkar chuan a ngai pawimawh hle a ni, a ti a. 13th Finance Commission pawhin sum tam zawk a ruahman sak thu a sawilang bawk a ni.Chief Minister chuan V/C leh District Council te hi inkhualtelem-na a ni lo tih sawiin midangten sorkar-na an siamin harsatna an nei thin a, chutiang chu keini chuan kan duh ve lo a ni, a ti. Chuvangin an aiawh an thlante chu uluk tur leh hotu remhria thlang thin turin a chah a ni.Chief Minister chuan District Council te hian thuneihna tam zawk an neih hi tha an tih thu sawiin Direct Funding pawh neise tha an ti a ni, a ti.Chief Minister hian vawiin ah Saiha tlawhin naktuk ah Greater Saiha Water Supply Scheme tur lungphum a phum ang, hemi hnu hian Lawngtlai a riak turin a rawn chhuk mthla anga, Lawngtlai a a cham chhungin Public Meeting a neih bak ah Greater Lawngtlai Water Supply Scheme lung a phum anga, Council Office a tlawh bak ah Department Officer te leh Party hruaitute a kawm bawk ang.Chief Minister hi a nupui Pi Lal Riliani bakah Pu H. Zothangliana, Parliamentry Secretary; Pu R. Lalrinawma, Chairman, Law Commission leh Pu TT Zothangsangsa, MLA ten an tawiawm a , Sangau ah Pu C.Ngunlianchunga CEM leh Lai DCC hruaituten an lo dawngsawng bawk a ni.

Mizo Idol Lalthuthaa tan In thar Saiha mipuiin an sa zo tawh

Mizo Idol 2011 Lalthuthaa saiha te chenna In, ECM veng a mi chu Saiha Joint VC hmalaknaiin a thar hlaka sak zawh a ni ta. He In sakna ah hian ni 7 chhung hnatlang kovin luah theih tura peihfel a ni a, a chhawnga sak a ni.Mizo Idol Lalthuthaa s/o R.Thangkima te In hi a te in a hlui tawh hle a, hetiang dinhmun a lo nih takah hian chhungkhat leh thenrual tha te han lawiluhna atan duhthusamlo deuh nia an hriat avangin Joint Committee, NGOs chuan Joint VC kaihhruaina in In sak sak nise an ti a, Joint VC saiha chuan Rs. 3 lakhs thawhin, khawtlang mi tlawmngai te sum leh thilpek chi hrang hrang hmangin he In hi sak a ni ta a, A dung 36fts leh avang 22ft a zau niin, a in hnuai pawh hi tunhma an in hlui ai pawhin a lian zawk a ni.Hetianga Saiha Dist. tihming thatu, Idol Saiha in an neih tak avang hian an dinhmun leh harsatna te hriain joint committee chuan amah chawimwina leh mite chhawmdawlna nipah fawmin hetiang hian hma an la ta niin joint VC te chuan an sawi. Vawiin hian lalthuthaa hian Lawngtlai a rawn lut dawn a, ropui takin lo hmuah tum a ni a, Zanin ah Lawngtlai ah a riak anga, naktuk ah an khua Saiha a thleng ang.

Zanin ah Lai Hla Solo

Lai Hla Solo Competition chu Inrinni khan BRC Hall ah tan a ni a, zanin hian First Round intihsiakna tan a ni dawn a, Cable TV ten Live in an pechhuak ang. First Round intihsiakna hi naktuk zan ah zawhfel a ni anga, hetatang hian mi 10 thlan chhuah an ni ang. Ruahmanlawk ang chuan he Competition hi November thla tawp hian zawhfel hman tum a ni.

Seminar On Worship

Inrinni khan BCM Lawngtlai Bazar Biakin ah Seminar On Worship neih ani.He Seminar hi Worship and Music Department.Baptist Church Of Mizoram te buatsaih niin,Rev.C.Lalbiaksanga E/S chuan a hawng a,Rev.R.Lalbiakliana hnen atangin thupui,' Pathian chibai buk dan tha.' tih chu zir ho ani a.Upa C.Hrangdula hnen atangin thupui.' Worship a thil pawimawh dangte' tih chu zirho ani bawk.He Seminar ah hian Lawngtlai Area Pastor Bial panga atangin Upa leh Rawngbawltu mi 160 vel an tel

Priya leh Kei

Book of The Year, ‘Beiseina Mittui’ ziaktu Samson Thanruma sulhun khungkhawmna lehkhabu chhiar manhla tak tur "Priya leh Kei" tih lehkhabu chu peihfel a ni tep tawh he lehkhabu ah hian thawnthu tawi dahkhawm a ni. A bu hming putu Priya leh Kei tih thawnthu hi a bu chhung thawnthu hnunung bera dah a ni. Phek 300 a chhah niin Rs.180/- man tur a ni a. January 2012 ah release tum a ni. Priya leh kei tih lehkhabu chhung ah hian heng thawnthu tawi ngaihnawm, chhiar man hla, a chhiartu tan a hlawkna pelet thei chi hrang hrang dahkhawm niin, chung zing ah chuan. Silver Zungbun, Ka Ni Phone- I & II, Hahchawlhna Ramtiam, Thuchah, Samtawnna Sendang, Kan Darthlalang tih te, a Bu hming pu tu Priya leh Kei tih bak ah Thawnthu ngaihnawm tak tak dahkhawm a ni.

National Integration Week hmang mek

Ram leh hnam inpumkhatna hapta, National Integration Week, Qaumi Ekta Hapta tia hriat bawk chu zirtawpni atang atang khan hman tan a ni.Sawrkar Department hrang hranga thawkte chu anmahni Office theuhah an Department hotute kaihhruaiin ram inpumkhatna atan thawk turin an intiam a ni. He hapta hi November ni 19 atanga hman tur a ni a, Inrinni hi sorkar pisa chawlhni a nih avangin Zirtawpni atang khan hman a ni.

MIZORAMIN INDIRA GANDHI NATIONAL SERVICE SCHEME AWARD A DAWNG

Ni 19.11.2011 khan Vigyan Bhawan, New Delhi-ah Pu Ajay Maken, Union Minister for Youth Affairs and Sports chuan Mizoram University chu National Service Scheme (NSS) 2010-2011 hmalaknaa a tihthat avangin State level Indira Gandhi NSS Award a hlan. Award hian tangkafai Rs. 1,00,000.00 (One lakh) a keng tel a ni. Pu Darchuailova, kum 2010-2011 chhunga State Liaison Officer, National Service Scheme, Sports and Youth Services, Govt of Mizoram hna lo chelh thinin Mizoram aiawhin IGNSS Award hi a dawng a ni. Pu Zodintluanga chuan IGNSS Award Mizoramin a dawng chu lawmawm a ti a, state lian zawk leh upa zawk tam tak karah Mizoram min thlang nalh hi a lawmawm hle a ni a ti. He IGNSS Award kan dawn theihna chhan hi Mizoram college hrang hranga Programme Officer te, volunteer te thawhrimna leh inpekna a ni a, anmahni khaikhawmtu State Liaison Officer taimaknate a fakawm hle a ni a ti. Award hlanna programme-ah hian Pu Ajay Maken chuan NSS kalphung chu hun inher danglam ang zela tih changtlung leh a kalhmang thlak a tul thu a sawi a, NSS volunteer tam zawk chu thalai an niin, khawtlanga an chanvo a pawimawh em em a; chuvang chuan an taksa pawh an tihchak a ngaih thu a sawi. NSS Programme leh scheme te hi a hun leh hmun azir zeal tihdanglam (flexible) theih a nih hi a pawimawh thu a sawi bawk a ni. Indira Gandhi National Service Scheme Award hi kum tin University, leh NSS Programme Officer leh Volunteer te hnenah hlan thin a ni. Kum dangah chuan University changtlung leh hlun deuh hlirin an dawng thin a, amaherawh chu kumin hian Selection Committee chuan University thar leh naupang zawk titha tak tak an awm ve thin avangin award hlan ve hi thain an hria a, kuminah hian Mizoram University chu University of Madras bakah thlan chhuahah a tel ta a ni. Kumin hian India ram hmun hrang hranga NSS unit Programme Officer 10 leh volunteer 30 hnenah IGNSS Award hi hlan bawk a ni.

Friday, November 18, 2011

Lai DCC General Assembly neih ah Hruaitu thar an thlang nghal

Nimin khan Lai District Congress Committee chuan Lawngtlai a YLA Hall ah General Assembly an hmang. Chawhma lam hun chu Lai District Congress Committee hruaitu thar thlan nan hun hman a ni a, Returning Officer Lt.Col(Rtd) Z,S Zuala MLA, General Secretary MPCC Lai District enkawltu kaihhruaina hnuai ah inthlan a ni a, Lai DCC ten Office Bearer pathum Official Nominee an siam President V.Lungmuana, Vice President V.L.Hmuaka, Treasurer J.Ropianga Chinzah te chu chuhtu awm lovin R.O chuan tling ah a puang a, Executive Members chutu mi 61 atangin Palai kalte chuan Mi 25 an thlang a Inthlanna hi Pu K.Lalrinthanga MLA, Gen.Secretary MPCC i/c Election bak ah Polling Officers atan a ruat Gov't Lawngtlai College a Lecturer te leh MPCC lam in inthlan buaipui tur a ruat ten inthlanna hi an neihpui. Lai DCC hian kum 10 chuang hruaitu thar an thlang tawh lova, heng hun chhunga an hruaitute chu a ruat a ruat an ni thin a ni. V.Lungmuana President Lai DCC kaihhruaina hnuai ah chahwnu lam ah Assembly hi chhunzawm niin, MLA pahnih Lt.Col(Rtd) Z.S.Zuala leh K.Lalrinthanga bak ah CEM Pu C.Ngunlianchunga ten thu an sawi. Assembly ah hian Palai kal an thahnem hle a ni.

Zirtirtu te tan Orientation/ Refresher hun hmang mek

Nimin khan SSA ,BRC Hall ah School Education Department, Mizoram State Aids Control Society leh SCERT tangkawpte buatsaih in Ni hnih awh Refresher / Orientation Programme for Nodal Teachers on Adolescence Education Programme, Lawngtlai District pualin neih a ni a, he hun ah hian Directorate of SCERT Aizawl atangin Resource Person Kapliana Project Co Ordinator, bak ah Lecturer pathum Lalnunsiami, Laldampuii leh V,Vanlalruati ten Zirtirtu kalkhawmte chu Naupang enkawldan an zirtir a, naupangte chu an zirlai piah lam ah an nitin khawsak dan ah enkawl fimkhur an ngaih thu leh thiam taka enkawl an ngaih thu uar takin zirtirna pek an ni.

Chhiah a ngaiin la hrih dawn

Nimin khan Transport Minister Pu P.C. Zoram Sanglianan chanchinbumite a kawm a . Sorkar in motor chhiah a lak dan chungchang sawifiahin chhiah chu central sorkar guidelines zulzuia Mizoam Taxation & Road Transport Act 2011 anga lak anih thu a sawi . Hemi chungchangah a tul anga ennawna siamtha turin sorkar chuan Study Group/Team pawh a din mek thu a sawi. Siamthat anih hma chuan tuna a tih dan pangngaia kal rih zel a tum a ni a ti.

Solo Competition tan hnai

Lai Hla Solo Competition chu naktuk atang hian tan a ni dawn ta. Naktuk hian Elimination Round neih a ni anga, First Round atangin Live a pekchhuah tum a ni. Nimin khan Organising Board thukhawm in, Competition a tulpawimawh te an ngaihtuah a, hun a chep vangin Competition hi November thla chhung hian zawh hman tum nise an ti a, Final Result puan zan ah Programme pui tham taka buatsaih nise an ti bawk.

Anti-Tobacco Meeting

Nimin chawhnu khan Lawngtlai District Anti Tobacco Squad Meeting DC Pu B.Lalhmingthanga ho in neih a ni a, hmalakna kalmek leh hmalak zui dan tur te an rel, Thawhtanni khian GRHSS ah Campaign neih nise an ti a, Zirlai te zing ah Anti Tobacco Squad din nghal an tum ang. Heibak ah hian thla tin tum hnih tak Meizuk phallohna hmun meizu te vai in thawhchhuah thin nise an ti.

RED RIBBON DRAMA COMPETITION 2011

Red Ribbon State Level Open Drama Competition 2011 chu nimin khan Health Minister Pu Lalrinliana Sailo chuan I&PR Auditorium-ah a hawng. Lemchan intihsiakna ah hian pawl 139 in hming an pe lut a, Intihsiakna First Round chu November ni 21 atanga ni 26 thleng buatsaih a ni anga, Top 20 inelna chu December ni 1 leh ni 2 zanah nei tura duan niin Top 5 Final Round chu December ni 5 a buatsaih a ni ang.

NLUP IMPLEMENTING BOARD THUKHAWM

NLUP Implementing Board chu Chairman Pu R.Selthuama hovin nimin khan an thukhawm a, NLUP kalpui mek dan leh dinhmun te, line department hrang hrangte hmalak dan leh sum hman dan leh mamawh te an thlir ho. Tun thlenga Line Department ten NLUP tanpuina an pek tawh zat (Beneficiaries) chu hetiang hi a ni :- Agriculture 6035 Horticulture 9305 Sericulture 826 Fisheries 1445 Soil & Water Conservation 5482 A.H. & Vety 9827 Industries 10636 Environment & Forests 1409 Total 44,965 1st & 2nd Instalment atana tanpuina sum pek chhuah tawh zawng zawng chu Rs. 1,57,23,74,000 a ni. Implementing Board Meeting ah hian District tina Deputy Commissioner te hnenah NLUP 2nd Phase atana Beneficiary leh Trade thlan tur te chu November, 2011 chhung NLUP Implementing Board ah thehlut tura hriattir an nih thu report a ni a. Kum 2010-2011 chhunga NLUP kalpui dante thlirletin Department ten an kalpui mek danah harsatna an tawhte sutkian dan tur leh her rem ngai leh siamthat ngai lai te chu a remchan angin bawhzui chhoh ni se tiin an rel. Meeting ah hian 2nd Phase atana Department hrang hrang hnuaia Beneficiary awm zat tur (Sectoral Allocation) te, khawpui bika Trade siamrem chungchang te, Monitoring thawh chhoh mek dan te an sawi ho a, thahnemngaihna avanga mipui leh beneficiary lam atanga sawiselna leh rawtna awm thinte sawichhuakin a remchan anga bawhzui chhoh ni se an ti. Mizoram puma District hrang hranga NLUP thawh chhohna leh monitoring hna thawh nana Deputy Commissioner leh Line Department te tana sum hman tur Contingency Fund ruahmanna leh Hmunphiah leh Agarbati sawngbawlna leh hralhchhuahna chungchang te an rel bawk. Department hrang hrang atangin an hmalak dan leh dinhmun te report ngaihthlak a ni a, an thurel te chu NLUP Apex Board ah thlen ni se an ti.

GOVERNOR LEH NGO HRUAITUTE INKAWM

Nimin khan tlawmngai pawl Hqrs. hruaitute leh Governor Pu Vokkom Purushothaman, inhmelhriatna atan leh thawhhona tha an neih zel theihnan an inkawm. Governor chuan Mizorama tlawmngai pawlte hnathawh dan leh mipui tana an thil tih a hriat thawi atanga a ngaihsan zia leh anmahni Kerela State ah ngei pawh hetiang hi a hmuh loh thu a hrilh a. YMA, MHIP leh MUP te pawh anmahni hmazawn theuha hma chak taka la zel turin a fuih a. Governor chuan ama mimala a ngaimawh thenkhat zu leh drug leh vaihlo zial zuk Mizo zinga langsar viau nia a hriatte do tul hlea a hriat thu a sawi a. Hengte hian mihring taksa, rilru leh thlarau a tih chhiat theih avangin heng thilte a tlem theih nana hma chak zawka la turin a ngen. Mizoram chu ram chhung leh ram pawn a khualzin mite tan tlawh chakawm tak tak a ni a, Mizo hnam lamte chu a mawi a, tualtah puan leh thil siam dangte a mawi a, nasa lehzuala tourism chawisan theih anih a beisei thu a sawi a ni. Governor hmutute zingah hian CYMA, MUP leh MHIP Hqrs. hruaitute engemaw zat an tel a n

Thursday, November 17, 2011

D.C ho in ATMA Meeting neih a ni. Nov.25 ah Kisan mela buatsaih a ni dawn.

Nimin chawhma lam khan D.C Pu B.Lalhmingthanga ho in Agriculture Technology management Agency (ATMA) ten DC Office ah meeting an nei a, hetah hian Kuthnathawktuten hamthatna an neih tur leh an hmalam suten sak nan a ATMA hnuai a ruahmanna awm hrang hrang te sawilan a ni. Meeting chuan Kuthnathawktu ten an thlai thar an entirna tur atan Kisan mela November Ni 25 khian buatsaih tha an ti a, hetiang mela hi Lawngtlai District ah hmelhriat a la hlawh vak lo niin The Lawngtlai Post chuan a hria. DC ho a Meeting chuan thlai chingtuten hlawk zawk a an thar chhuah theih nan ATMA hnuai ah theihtawp chhuah a hmalak tha an ti a, Traning lam chi pawh buatsaih nise an ti bawk. Kan hriatdan in ATMA hi Lawngtlai District ah kum 2007 ah din a ni tawh a, nimin Meeting hi ATMA din a nih atanga an Chairman DC ho a Meeting an neih tumkhatna a ni.

Lai DCC O.B Offical Nominee te khingtu an awmlo.

Vawiin hian Lai District Congress Committee chuan YLA Hall ah Assembly an hmang dawn a, he hun hi Lt.Col.ZS Zuala MLA leh Pu K.Lalrinthanga MLA ten an hmanpui ang. Kum sawm chuang zet Lai DCC hian an hruaitu tur thlanna an nei tawh lova, hruaitu thar Member ten an thlan loh kum sawm chuang chhung hi eptu lam a an awm hun lai niin, hruaitu tur chu a ruat a ruat an ni thin a ni. Vawiin hian Lai DCC hruaitu thar thlanna neih a ni nghal dawn a, Official Nominee, President Pu V.Lungmuana, Vice President Pu V.L.Hmuaka leh Treasurer Pu Ropianga te chu nimin a Nomination File hun ah midang chuhtu an awm ve lo a, chuhtu awm lovin vawiin hian tling ah puan an ni dawn tih Lai DCC hruaitu pakhat chuan kan Palai a hrilh. Executive Member 25 thlan tur ah chuhtum a hming pe lut 62 an awm.

C.M dawnsawn dan tur rel

Karleh Nilaini Nov.23 a Chief Minister in Lawngtlai a rawn tlawh tur lo dawnsawn dan tur nimin chawhnu khan DC ho in Council lam leh State Department hotu ten an ngaihtuah a, C.M hi Nilaini ah Saiha tangin Lawngtlai a rawn pan dawn a, Kawlchaw West ah Welcome Gate siamin ropui taka lo hmuah nise an ti a, Lawngtlai a lo thlen hun ah Circuit House tual ah CM hmuah tha an ti bawk. C.M hian Nilaini chawhnu dar 1 ah Areopagy ah Public Meeting a nei anga, a tuk Ningani ah Greater Lawngtlai Water Supply Scheme lunglhum a phum anga, hemi hnu hian Lunglei a pan ang. Nimin a DC ho a C.M lo dawnsawndan tur relna ah hian Department hotute an tel tha hle a, Circuit House tual ah hian DC ho in lo hmuah nise an ti.

Mizo Idol Lawngtlai ah

Mizo Idol 2011 Lalthuthaa Saiha chuan Nov.21 hian an khua Saiha a thleng dawn a, Lawngtlai Areopagy ah Mizo Idol hmuahna ropui taka buatsaih tumin ruahmanna siammek a ni a, thilpek pe duh te tan, Singi, Fainai Cement hnenah inhriattir theih a ni. Mizo Idol hmuahna hi LFG leh MZI lawngtlai tangkawp te buatsaih a neih a ni dawn a ni.

Minister in hawng

Khawvel huap ‘International Conference on Advances in Environmental Chemistry’ chu nimin khan Mizoram University-a Department of Chemistry-in New Administrative Conference Hall-ah a thleng a. He Conference hi ni 16-18 November, 2011 chhung awh tur niin nimin khan UD&PA Minister Pu Zodintluanga’n a hawng a ni.

Petrol man thar

Petrol man thar ber Ni 16.Nov.2011 atanga hman ah Lawngtlai ah MS (Motor Sprit) Litre khat man Rs 65.14 XP (Extra Premium) Rs. 67.64

NRHM/RCH/EP1 Reveiw Meeting neih a ni

Novemebr Ni 15 atanga tan ni thum awh tur NRHM/RCH/EPI Review Meeting chu nimin khan chhunzawm a ni a. Health Minister Pu Lalrinliana Sailo chuan he hun hi a hmanpui. He Meeting ah hian Dr. Lalthanga, State Programme Officer (RCH) chuan tun dinhmuna Mizoram Infant Mortality Rate (IMR) chu SRS Bulletin 2009 ang chuan mi 36 an ni a ti. Khuallian Health Minister chuan Hepatitis ‘B’ Vaccine chu Mizoram in Health lama a tihthat avangin hrivenna dang pek rual a pek theih turin a hawng a. North East State zinga Hepatitis ‘B’ Vaccine a thlawna sem hmasa ber tur kan nih thu a sawi a ni. Health Minister chuan tunhnaiah India rama hriselna lama hmasawn ber leh thawk tha ber lawmman 1-na kan dawn thu sawiin, hei hi a chhan chu AIDS dona kawnga hmalakna te, Blood Donation lama kan tihthat vangte leh thawktute thawhrim vang anih thu a sawi a. Eye Bank pawh North East State zinga nei hmasa ber kan nih thu a sawi bawk a. Tun atang chuan CMO te power tam zawk pek an nih tur thu te, Directorate atang pawhin Monitoring leh Evaluation ngawrh taka tih thin a nih tur thu te, NRHM pawh guideline angin dik taka kalpui anih tawh tur thu a sawi bawk a ni. He Review Meeting hi vawiin 17.11.2011 (Ningani) thleng neih tura ruahman a ni.

Wednesday, November 16, 2011

Hindi Zirtirtute tan Orientation Training nimin khan zawhfel a ni.

Nimin khan Hindi Zirtirtute pual a SSA, BRC Hall a Hindi Orientation Tarinng kharna hun neih a ni a, he hun ah hian Dr Ashok Mishra Resource Person, Central Hindi Institute chuan reoprt pein, Hindi Training hi Ni November 5 atang a tan a nih thu te, LADC hnuai a Hindi Zirtirtu mi 40 an tel thu a sawi a, Khuallian Pu V,Zirsanga a E/M chuan tawng zirtirtu chu hna pawimawh tak a ni a, hnam nihna pholanna pawimawh tak a nih vangin India mite inpumkhatna khua leh tui nihna pholanna tur ah tawng zirtirtu te chu an ropui hle a ni tiin, traning hlawhtlinna lo lanna tur chu school naupang ah a niin, theihtawp chhuah turin a chah. Prof. V.S Sukla, Regional Director,pawhin thutawi sawiin, khuallian leh mipawimawh dangte thilpek a hlan Traning ah hian Exam buatsaih ah Lawmman pakhatna dawngtu chu DebbieZorampari niin pahnihna Lalsawmliani, niin pathumna chu Lalrokhawma a ni a, Exam a tithate hnen ah Khuallian Pu V.Zirsanga’n lawmman a hlan. Nimin a zawqhfeltak, Hindi Zirtirtute tan a Orientation Training a tel te chuan Training a an tel chu hlawkpui hle a an in hriat thu te buatsaih fo nise an duh thu The Lawngtlai Post an hrilh.

Rampum huap Cultural Meet Lawngtlai ah neih a ni dawn

Mizoram Sorkar hnuai a Art & Culture Department leh Central YLA tangkawpte buatsaihin Mizoram pum huap Cultural meet, Lawngtlai a neih turin nimin khan Art & Culture Department aiawh leh Central YLA hruaitute chuan thutlukna an siam.Art & Culture Department a Sr.Research Officer Pu Dova, Lunglei chuan nimin khan Central YLA hruaitute CYLA Office ah kawmin he ruahmanna hi an siam a, duan lailawk ang chuan kum thar 2012, February Ni 10 ah Cultural Meet hi neih nise an ti a, Hnam lam leh Hnam ziarang pholang thei chi hrang hrang te, Hnam hrang hrang ten an entir dawn a ni.He Meet ah hian Art & Culture Minister Pu PC Zoramsangliana chu khuallian atan beisei nise an ti.

Inthlang dawn

Branch YLA hruaitu thlan thar a hun leh tawh a, Central YLA chuan kum 2011, December Ni 5 ral hma in Branch YLA te chu hruaitu thlang thar turin a hriattir mek.

Lai Hla Solo Intihsiak

Friends Club bultum a Lai Hla Solo Competition neih tur chu Inrinni khian tan a ni dawn tawh a, nimin khan Organising Committee te chuan Judge tur leh Host tur bak ah tulpawimawh dangte ngaihtuahin an tifel. tarlan tawh angin intihsiakna a Pakhatna hian pawisa fai Rs.20000/-, Pahnihna in Rs.15000/- Pathumna in Rs.10000/- an dawng ang.

Talk Show leh Rally

LIKBK chuan Lairam Gospel Centeenary lawm tur a inbuatsaihna chu a kalpui chho zel a, December Ni 1 khian Lairam a Chanchintha thlen dan chungchang ah Talk Show neih a ni dawn a, December thla vek hian Lawngtlai atanga Sangau thleng in Gospel Centenary Rally neih a ni anga, hetah hian lirthei thahnem tak ten Rally hi an nei anga, Aizawl Thunders te pawh in he Rally ah hian tel an tum dawn a ni. Sangau ah hian Ruai buatsaih a ni nghal ang. Lairam Gospel Centenary lawmna lian ber chu 2012 November thla ah neih a ni dawn a, Centenary lawmna hun hi kum khat chhung in Programme chi hrang hrang nen hman a ni ang.

Lai DCC khawmpui

Lai DCC chuan naktuk hian YLA Hall ah khawmpui an hmang dawn a, he hun ah hian hruaitu thlanna an nei nghal ang. Kum sawm chuang zet Lai DCC hian hruaitu thlanna hi an nei tawh lo a, an hruaitute chu a ruat in an ruat thin.

MZP Inthlang dawn

Mizo Zirlai Pawl General Headquarters chuan MZP Assembly 2011 chu November ni 17, 2011 (Ningani) hian Vanapa Hall-ah an nei dawn a, MZP Assembly-ah hian kum 2011-2013 chhunga hruaitu tur thlanna an nei nghal ang, Returning Officer atan Dr H Lallungmuana, MZP Adviser chu ruat a ni.

DRC tih tawh tur

SCERT chuan thuchhuah siamin Telescoped DIET - Kolasib, Serchhip, Champhai, Mamit, Lawngtlai leh Saiha a mite chu tun hnuah kawng engkimah Telescoped DIET tih hmang lovin District Resource Centre tih zel tawh tur a ni.

Zawlaidi man bithliah

Nimin khan Excise & Narcotics Minister Pu J.H.Rothuama hovin Champhai Grape Growers’ Society hruaitute leh Excise & Narcotics Department hotute chu Zawlaidi man bithliah chungchangah Minister pisa-ah an thukhawm a. Lungrual takin Winery atangin Zawlaidi um khat an hralhchhuahna theihna rate atan Rs. 130/- chu pawm tlan a ni a, Aizawl-ah chuan Zawlaidi um khat hi Rs. 193/- a vendor ten an hralh chhuah rem ti a ni.

Monday, November 14, 2011

Krismas vuakvet ah Halpuah lam chi Khap a ni leh dawn, Thalaite intihhlimna siam dawn

Kar kalta khan Parliamentary Secretary for Home Pu Lalrinmawia Ralte hovin Department hotu hrang hrangten kumin 2011-2012 Krismas leh Kumthar vuakveta halpuah, halmawi, halzit etc. khapna kenkawh chungchang an sawiho a. Nikum leh kum hmasa lama sawrkarin hlawhtling taka a lo khap tawh angin kuminah pawh hian khap leh nise an ti.He Committee hian Mizoram mipui zawng zawngte hnenah Krismas leh Kumthar vuakveta heng sawrkar ina a khap halpuah, halmawi leh halzit etc. te hi hralha lei lo turin a ngen a. Dawrkai leh sumdawngte pawh uluk takin thupek kengkawhtuten an thlithlai reng dawn a, man an nih chuan Dan anga nataka hrem an ni dawn a ni. Krismas leh Kumthar vuakvet hun remchangah Aizawl leh District khawpui zawng zawngah thalaite intihhlimna YMA te nen tanghova siamtum a ni a. Aizawl khawpui chhungah hmun 5 ah siam a ni anga, Lunglei-ah hmun 2 ah siam a ni bawk anga, District Headquarters dang zawngah hmun 1 theuhah siam tum a ni. Aizawl tih loh District Headquarters hmun dang ah chuan DC leh Tlawmngai pawlte nena tanghova hun hman dan tur ruahman a ni ang.Pu Lalrinmawia Ralte chuan mawhphurtute tanrualna zarah kuminah pawh boruak muanawm tak hnuaiah Krismas leh Kumthar hlimawm tak kan hman theih ngei a beisei thu sawiin Mizoram mipui zawng zawngte he ruahmanna hi lo tawiawm theuh turin a sawm a ni.

Truck Driver Chawlhbuk sakna tur laih mek a ni

Tunlai hian Council veng a FCI Godown bul lawkah Mizoram Truck Driver Assn..Lawngtlai chuan Driverte chawlhbuk sakna hmun tur an lai mek, Lawngtlai FCI Godown hi Chhim lam zawng zawng buhfai chawm tur buhfai dahkhawlna hmun pawimawh tak ani a,hemi anih avang hian Truck Driver Assn.te chuan Driverte chawlh hahdamna tur an mamawh thu Hqrs ah thlenin tuna hmun an laih mek hi cheng Nuaihnih in an lei ta a,a hmun laih nan hian Pu C.Ngunlianchunga CEM.LADC chuan a JCB thawhin,a thlawn vekin a laihsak a, MTDA te chu Pu C.Ngunlianchunga chungah an lawm hle tih Pu Thaliana President hnen atangin kan dawng

C.M lokal dawn

Tun thla tawp lam hian Chief Minister Pu Lalthanhawla chuan Lawngtlai rawn tlawh a tum, ruahman chhin dan chuan Pu Hawla hian Sangau tlangdung a tlawh hmasa dawn a, Chief Minister hi Greater Lawngtlai Water Supply Scheme a hawn bak ah Kawlchaw West a Balu lakna tur LADC in kawngpui a laih hawn tir tum a ni bawk.

Bial khawmpui

LIKBK Bial hrang hrang te chuan Pastor Bial khawmpui an neih chu nizan khan a tiak ta. Bial khawmpui ah hian Kohhran mamawh hrang hrang te rel a ni a, Bial in hma a lak theihna tur thahnem tak Bial hrang hrang a rel a nih bak ah Bial thuneihna pawnlam, khawmpui lian zawka chhawp chhuah tur te pawh tuntum khawmpui ah hian a awm nual niin kan hria. Bial khawmpui ah hian Pathian tharau hnathawh a lang viau ni a hriat a ni.

U - 16 Football ah Lunglei Champion

MFA Inter Distict U-16 Football Championship mamit a khelh zawhfel tak ah Lunglei District hian 1 - 0 in Mamit District hneh in an ChampionHe U-16 Championship khelna ah hian Red Card 5, Yellow Card 41 phawrh niin, Semi final thlengin Goal 48 a lut a ni.Champion te hian Trophy,Certificate bakah Medal an dawng a ni.

Saturday, November 12, 2011

Lai lalte Chanchin ziakna Lehkhabu CEM in a tlangzarh

Nov 11 khan Lai Lalte chanchin Pu Lalchhuanmawia Sailo ziak chu Pu C.Ngunlianchunga CEM.LADC chuan a Office ah a release.He lehkhabu tlangzarhna inkhawm hi Pu ZD.Dengngura President,MJA Lawngtlai District chuan hneh takin a kaihruai a,Pu Lalchhuanmawia Sailo chuan lehkhabu a buatsaih dan tawifel takin report a pe bawk.Lehkhabu tlangzarhtu Pu C.Ngunlianchunga chuan thu sawiin,"Hetiang lehkhabu rotling,dahthat reng tlak buatsaihtu Pu Chhuanmawia fakawm atih thu sawiin,lehkhabu ziah hi a duh nazawngin an tih theih loh,taimakna kengtel anih avangin chhiartheiha lo awm Lai Lalte chanchin ziakna hi kan ram leh hnam tan pawh Ro a tling ngei ang." ti a sawiin.Lehkhabu hi bu 50 Council Librarya dah turin a leisak nghal ani.He Lehkhabu ah hian Lai Lalho bakah Lai hnam tobul leh an thawnthu tihte pawh tarlan tel ani a.Lalho zingah,Lawngtlai Lal,Thingkah Lal,Chawnhu Lal bakah District chhunga khaw hrang hrang Lalte chanchin ngaihnawm takin tarlan ani.He lehkhabu buatsaihtu Pu Lalchhuanmawia Sailo hi Govt' Lawngtlai College ah hun rei tak a thawk tawh a,tunah hian Hrangbana College ah a thawk mek ani.He a lehkhabu ziah Lai Lalte tih hi phek
206 a chhah niin,Rs 100 in dawr hrang hrangah leitheihin a awm ani.

Kawlchaw West a Balu lakna tur leh kawngpui laihmek CEM ho in en a ni

Nov. 10 khan LADC a CEM Pu C.Ngunlianchunga leh Council sawrkar a mipawimawh ten Kawlchaw West atanga Kilometre thum vel hla, Chhimtuipui kam a Balu lakna tur kawngpui laih leh, Balu dinhmun te an en. Helai Balu hi a phurh chhuahna tur kawngpui a that phawt chuan Lawngtlai Khawpui chawm zo zan tur a ngaih a ni a, Balu hi a tha in, mi thahnem takin eizawnna nghialnghet an neih theih phah dawn a ni CEM Pu C.Ngunlianchunga chuan a ti a, tuna kawnglaih mek hna tam zawk zawh a ni tawh a, kawng kawi leh chho ulh lai thenkhat siamrem hret ngai a la awm bak ah Hmun hnih ah Culvert siam ngai a awmte, hengte thawh chhunzawm nghal tur a ruahman a ni a, helai kawng sial nan hian LADC Sawrkar chuan cheng Nuai 30 a ruahman a, LADC a PWD enkawlna hnuai ah thawh a ni. Nimin a helai hmun CEM in a tlawhna ah hian Pu C.Ngunlianchunga hi LADC a Executive Member Pu V.Zirsanga leh Pu Lalneihkhuma te, Planning Board Vice Chairman Pu Hmun Hre leh Deputy Chairman Pu T.Zakunga ten an tawiawm. Ruahman lawk ang chuan helai kawng hi kumin chhungin hawn hman tum a ni,

Tuitl;a ruang hmu tawh

Tunkar Nilaini (Nov.9) a Chhimtuipui, Sahrichhuah a tla Pu R.Sangbera Kum 48 ruang chunimin chawhnu dar 1:30 khan a tlakna atanga lui mawng lam Kilometre 5 vel a hla a, Tuipui Ferry khaw bul ah chhar a ni a, Ruang zawngtu mitlawmngai pungkhawm te leh Police lam ten tul pawimawh an buaipui hnu ah Lawngtlai panpui a ni. Nimin lam a ruang zawn chhunzawm na ah mi 250 vel an thawk chhuak a, Central Young Lai Association hruaitute pawh in ruang zawngtute hi a hmun ah an tawiawm. Ruang zawngtute mamawh a hman tur in Parliamentary Secretary Pu H.Zothangliana'n Lawngtlai Vengpui VC te hnen ah Rs.5000/- a pe a, Mizoram Goverment Drivers Association Sub-Hqrs. Lawngtlai chuan Rs.1000/- an pe bawk, heng bak ah hian Lawngtlai DC leh LADC a CEM te pawh in ruang zawngtute mamawh hrang hrang an lo pe tawh bawk a ni. Chhimtuipui ah hian tuitla an awm zeuh zeuh tawh a, heivang hian tuitla zawnna hmanrua tha an mamawh thu Central YLA chuan sawilangin, sawrkar in ngaihtuah rang thei se an duh tih kan Palai an hrilh,

Tuesday, November 8, 2011

Road Safety Week Pu Lallura Chinzah E/M Transport in a hawng

Nimin zing dar 7:30 khan Mizoram Gov't Drivers Assn.Sub-Hqrs.Lawngtlai buatsaihin Road Safety Week hawnna inkhawm Areopagy ah neih ani.Pu Laltlankima,President MGDA kaihruai ah hian Rev.Lalbiaksanga,E/S BCM chuan hunserh hmangin,Pu Lallura Chinzah,E.M,LADC Transport changtu chuan Week hawngin ,Road Safety Week hman ani thin chu lawmawm a tih thu a sawi a, lirthei khalhtute zingah mi vengva,invawngfel leh fimkhur taka lirthei enkawl thin an awm laiin inthlahdah,mahni mawhphurhna sanzia hrelo engemawzat awm hian harsatna a thlen thin ani a ti a, Driverte chu mihring nunna chunga mawhphurhna sang tak nei an nih avanga mi pawimawh tak an nih thu sawiin Lawngtlaiah pawh lirthei a pung chak em em a,Kolodyne Multy Model Project avangte,Kolodyne Hydel Project avangte hian reilo teah mipui kan pung ngei dawn a,lirthei pawh nasa takin a pung ngei ang.Chutih lai chuan kan kawngpuite a zim em em si avangin,fimkhurna nasa lehzuala kan neih a pawimawh hle a ni a ti.Thusawitu dang Pu J.Rohlupuia,President. ZDU.Sub-Hqrs.Lawngtlai chuan Driverte chu Ruihtheihthila an fihlim a pawimawh ber a,chetsualna tam zawk hi ruih vanga thleng ani fo ani tiin Driverte chu mi in sumtheimi an nih a tul takzet ani a ti.

Pi Saitangi kum 102 hnen ah MUP ten Chawimawina an hlan

Social Welfare Deptt.Aizawl chuan kum 100 tlingte chawimawina proggrame a hman thin kalpui zelna ah Nimin khan Mizoram Upa Pawl (MUP) Sub-Hqrs.Lawngtlai chuan Lawngtlai Vengpuia khawsa mek Pi Saitangi, Pu Hrengalha(L) Fanu kum 102 mi hnenah Upate Chawimawina Thuziak leh Rs 1000/ an hlan. ,Lawngtlai atang hian Pi Saitangi hnenah he chawimawina hi MUP Sub-Hqrs.Lawngtlai Presid
ent Rev.K.Thathuaia chuan a hlan ani.Pi Saitangi hi kum 1908 apiang niin a fate chuan an chhut sak a,Fa hi 8.Mipa 6 leh Hmeichhia 2 anei a,pahnih boral tawhin,Tunah hian a fate 6 in an la dampui ani.Tu 106 a nei mek a, tuchhuan thum(Khupthum) a hmu tawh bawk ani.Pi Saitangi chanchin hria ten an sawi danin Tumah hau ngailo,mi tithinrim ngailo mi anih thu an sawi. Tunah hian Lawngtlai Vengpuiah a fapa upa ber Pu Thanduha hnenah khawsa in,a tute nen hlim takin an awm ho ani.Pi Saitangi hi a hriselna ala tha hle a,a hmel pawh hmuh ala nuam hle niin Lawngtlaia kan Palai chuan a sawi.Hetiang Upate chawimawina hi tun hnai khan Bungtlang'S'a khawsa Pi Zokili kum 103.Pu C.Paliana(L) Fanu hnenah MUP te hian an lo hlan tawh bawk ani.

TLM Meeting zofel

November Ni 4 atanga tan The Leprosy Mission,General Meeting 2011 chu Pathian ni zan khan a tiak ta,Meeting hi LIKBK Lawngtlai Bazar chuan an thleng a.Thupui atan"Pharte thlengphak chanchin tha" tih hman ani. Pathianni tlai khan Areopagy ah Mual inkhawm neih ani a, Rev.LB.Zawna,Vice President TLM.Mizoram in a kaihruai a,T.Vanlalremruata, Promotional Coordinator,Lunglei hnen atangin Pathian thuchah leh report tawi ngaihthlak niin, TLM hian Vacational Training centre 6 a enkawl mek thu leh Phar,enkawltu nei tawh lo,chhungte pan tur nei tawh lo enkawlna hmun 5 an neih mek thu a sawi.

MGDA leh Central YLA ten Chawimawina CEM hnen ah an hlan

Pu C.Ngunlianchunga CEM. LADC chu nimin zing a Road Safety Week hawnnna ah MGDA ten chawimawina thuziak an hlan a,thuziak an hlan ah chuan "Pathian Malsawmna changa Driver dinhmun atanga,kan Lairam leh Hnam hruaitu luber Chief Executive Member dinhmuna a awm chu MGDA.Sub-Hqrs.Lawngtlai chuan an chhuang hle tih an tarlang . Pu C.Ngunlianchunga hi awm loh avangin a thiannu Pi KR.Chhingpuii hnenah an hlan ani Pu C.Ngunlianchunga hi YLA General Conference neih zawh takah khan Central YLA chuan chawimawina thuziak,"Kan ram leh hnam kaihhruai leh enkawlna kawngah Politician tamtak kan neihte zinga ram hmangaih leh rinawm leh diktaka thawktu,chawimawi tlakah kan ngai che a,kan ngaisangin kan chhuang takzet che ani tiin an lo hlan tawh bawk ani.

Taksa,Rilru,Thlarau Damna Kutpui nei mek

Nov Ni 3 atanga tan tawh Nov Ni 19 thleng awh tur,Taksa,Rilru,Thlarau Damna Kutpui chu YLA Hall,Lawngtlai-III ah chhunzawm zel ani.He hun hi zan lamah chauh hman niin,Speaker atan Pastor Glen Hill,USA leh a nupui Pi Mary Alice Hill,International Health lecturer ni bawk chu hman an ni a.Pastor Glen Hill hian Pathian thuchah a sawi hmain a nupui Pi Mary hian Faina leh Hriselna lam Sermon minute 10 vel a nei hmasa ziah thin a ni. He hunah hian inkhawm ban apiangin a duh apiangte tan a thlawnin Steam Bath an ti thin a,mipui ten an hlut hle ani.He Proggramme hi Adventist Kohhran te buatsaih niin,Inkhawm an thahnem thin hle ani.

UPC of Mizoram khawmpui tiak

Nov Ni 4 atanga tan United Penticostal Church (UPC) Mizoram.Lawngtlai District Conference Vawi 15-na chu Pathianni zan khan a tiak ta.He Khawmpui hi Mizoram UPC Biakin,Lawngtlai -I ah neih ani a,Pathian ni zan inkhawm hi Pastor C.Ramsangvawra,District Superintendent chuan a kaihruai a,District Treasurer Upa S.Sangduna chuan lawmthu sawina a nei bawk ani.He Conference ah hian Rev,Vanlalengmawia,Revival Pastor chu Speakerah hmangin,a hnen atang hian thupui hrang hrang hmangin Pathian thuchah ngaihthlak thin ani.UPC Mizoram,Lawngtlai District ah hian bial pathum Lawngtlai Bial,Diltlang Bial, leh Vathuampui Bialte an ni a,kumin khawmpuiah hian palai an kal tha hle ani.Nakum 2012 District Conference chu Diltlangah nghah ani a,November Chawlhni vawi khatna ah neih leh tum ani.

Friday, November 4, 2011

Central YLA Hruaitu thlan tharte

President : L.Z.Tluanga Vice President : V.Thangzova General Secretary : V.Vanlianhrin Secretary : Malsawmtluanga Fanchun Treasurer : S. Lalrothanga Fin.Secretary : C.Lalhmunsiama

Pu F.Lalramliana Ex-MLA, Ex-MDC a boral

Nimin chawhma dar 11:22 khan Lai District bak ah Mizoram huap a Politician langsar tak Pu F.Lalramliana chu Cancer natna vangin Lawngtlai Bazar a a Chenna In ah a boral. Pu F.Rama hi Ram leh Hnam hmangaihtu, a theihna leh thiamna te ram tana hmang a theihtawp chhuah a hna thawk thin a ni a, February 26, 1942 ah a piang a, a Pa chu Pu F.Hrangluaia a ni a, Pu Rama hi unau 10 zing a a upaber dawttu a ni. Kum 1962 December Ni 21 ah Indo-China War laiin Assam Regiment ah a lut a, sipai atang hian kum 1972 ah a bang a, sipai a tan chhungin chawimawina Medal pathum lai a dawng hman kum 1972 ah GRHS ah Zirtirtu hna a thawk a, he hna hi 1982 thleng a thawk a, hemi kum vek hian MDC atan Lawngtlai-III bial atangin Independent Candidate niin MDC atan thlan tlin a ni a, LADC Sawrkar ah Executive Member niin Education a enkawl.1984 ah Saiha Constituency atangin Congress Ticket in MLA ah thlantlin a ni a, 1987 ah lawngtlai Bial atangin MLA ah thlantlin a ni leh a, 1989 ah Pawi District Council Congress Committee ah President a ni bawk. Heilo pawh hi Pu F.Rama hian Ram mleh Hnam rawng a bawlna ah dinhmun pawimawh tak tak luah a nei nual bawk tih a chanchin hrechiang tute chuan an sawi. 1977 ah Pi Thanhliri tuna Agriculture Department a H.A hna thawklai nen hian an innei a, fa pali neiin pakhat a boral.Pu F.Rama hi Kohhran bel tlat mi niin, BCM Lawngtlai Bazar ah a lawi a, a boral hian Rawngbawltu nilai a ni. Pu F.Ramlianliana hi kumin July thla khan Thin Cancer a vei tih mithiamten an hmu chhuak a, phailam leh Aizawl ah te enkawl zui niin, zual lam a pan hret hret a, hun engemawchen In lam ah enkawl a nih hnu ah chatuan ram a panta a ni, Pu F.Ramliana hi vawiin chawhma dar 11 hian Rev.Lalbiaksanga Chinzah Executive Secretary BCM in a vui ang. Pu F.Rama boral thu hian Lawngtlai mai bak ah Mizoram pum a dengchhuak nghal a, uitu leh suntu pawh an thahnem hle a ni.

Scout & Guide Patron ah D.C lalut

Nimin khan D.C Pu B.Lalhmingthanga chu Bharat Scout & Guides Lawngtlai District chuan Patron Member atan an lalut.He hun DC Office a neih hi Dr.RT.Hnialum District Executive Committee Chairman leh Vice President,Mizoram Bharat Scout & Guides chuan a kaihruai in Patron member hi rinawmna thu tiamtirin a lalut.Scout & Guides tobul leh thil tum tih chu Pu Lalduna Chinzah,District Chief Commissioner chuan a sawi a.Patron Member atana lakluh thar DC Pu B.Lalhmingthanga chuan ,Bharat Scout & Guides ah hian High School a kal chhung zawng Scouts a nih thu sawiin, Scouts Master nih chu a thil chak ber anih thin thu a sawi a,Scout & Guides movement a lotel ve tawh thin,Patron atana lakluh anih chu a beisei phak loh anih thu sawiin Scout & Guides in kaihhruaina dan hlu tak tak te hi tunlai khawvel tlu chhe mek,a bik takin kan ram siam that nan an pawimawh em em ani a ti,He hunah hian District Bharat Scout & Guides President Pu C.Ngunlianchunga leh mi pawimawh tak tak te an tel a,Model English School Scout & Guides ten Band Display mawi takin an nei bawk.

Ni 2 awh Workshop nei

Nimin khan Ni 2 awh tur Christian Medical Association Of India chuan Behavior change Communication(BCC) Workshop Lawngtlai Press Club ahtan a ni..Dr.Zochhuanawmi leh CMAI Regional BCC Officer Pu Viaikanmou ten Malaria Awareness pek dan thar he workshopa kal mi sawm bikte hnenah hian zirtirna an pe ani.He hunah hian Groupa in thenin,thupui an zirhote chu sawihona an nei zui thin bawk.Lawngtlai District ah hian CMAI te hian Community Health Volunteer 116 khaw hrang hrang 116 ah an nei mek a,Field Supervisor 3 neiin,DEO pakhat leh DPO F.Zonunsangi te an nei bawk.Heng Community Health Volunteer te hi Baptist Church Of Mizoram kaltlanga thlanchhuah thin an ni.

Dr.AK,Gogoi an KVK Lawngtlai a tlawh

Nimin khan KVK North East enkawltu Dr.AK,Gogoi,Zonal Project Director,Zone III,ICAR,Umium(Barapani)Meghalaya chuan KVK Lawngtlai a tlawh.Dr,AK.Gogoi hian Mizoram chhunga KVK te hnathawh a enkual mek a, KVK Lawngtlai a tlawh naah hian KVK Complex,Chawnhu leh Sihtlangpui KVK Farm a an hmalakna te a enkual a,an hmalakna chu tha atih thu leh tan la sauh sauh tura a duh thu sawiin,KVK a thawktute chu Lo neitute leh Kuthnathawktute tana malsawmna ni zel tura a duh thu a sawi.Dr.AK.Gogoi hian Northeast-a KVK 72 te enkawl mektu niin,Mizorama KVK te hnathawh dan chu tha atih thu a sawi. Pu DS,Verma,Assistant Finance and Account Officer,ZPD.Barapani leh Pu J.Lalzamliana,Deputy Director,Agriculture Deptt.( Research & Education)Mizoram,Aizawl techuan an tawiawm ani.

Tuirini & Tuivawl Hydel Project MoU ziakfel

42MW pechhuak thei tur Tuivawl leh 38MW pe chhuak thei tur Tuirini Hydel Project bunna tura thawhhona thuthlung Memorandum of Understanding (MoU) chu nimin khan Mizoram sorkar leh SPML Energy Ltd., Kolkata ten an ziak a. Thawhhona thuthlungah hian SPML Energy Ltd. aiawhin Chief Finance Officer Pu Lalit Kumar Khetan leh Mizoram sorkar aiawhin Chief Secretary Pu Vanhela Pachuau ten an hming an ziak a ni. Chief Secretary Pu Vanhela Pachuau chuan he hna kalpuina turah hian Mizoram sorkar chuan theihtawp a chhuah ang a, tualchhung mite tan inhlawhna tam thei ang ber ruahman turin SPML hotute a chah a ni. SPML aiawhtu Pu Lalit Kumar Khetan chuan an Company chu liantham cheng vaibelchhe 1500 virvelna anih thu leh ramchhung state lian zawk Karnataka, Hmachal Pradesh leh Uttarakhand-ah te kawlphetha dehchhuah hna an thawh mek thu a sawi a. Mizoram chu kawlphetha indaihlohna state nia an hriat thin, kawlphetha hnianghnar state ni ngei tura theihtawp an chhuah tur thu leh tualchhung mite pawh a tam thei ang ber an rawih an tum dan te a sawilang a ni.

AICS C.M in a tlawh

Mizoram Baptist Kohhran enkawl Pathian thu zirna AICS te sawmna angin Pu Lal Thanhawla, Chief Minister chuan a tlawh a. Pu P.C. Lalthanliana, Minister of State, Social Welfare etc. chuan a tawiawm.Kum 2013 Serampur College, Convocation an thlen tur leh an mamawh turteCM hnenah hian an lo thlen chu CM chuan theih tawp chhuahpui an tum thu a hrilh AICS ah hian Principal bakah Faculties 5, Missionary Training 10 leh zirlai pangngai 91 an awm a ni.

Thursday, November 3, 2011

Blindcare Control Society of Mizoram ten Chanchinbumite nimin khan an kawm

Nimin khan Blindcare Control Society of Mizoram hruaitute chuan Aizawl Press Club ah chanchinbumite an kawm a, mitdel kawngsira zai thin te tanpui turin an pawl chu Oct.19,2011 khan din a ni an ti.BCS Chairman KT Hmar chuan Mizoram chu kutdawh awmlohna ram a ni tiin tuipui ral thlengin an lo sawi thin a, mahse kum hnih khat lek chhungin kutdawh hi kan pung ta hluai mai a, hei hi Kristian ram tan chuan a zahthlak hle a ni. kutdawh kan tih mai, a bikin mitdel te tanpui dan hi awm se kan duh a, sawrkar hnathawk te hian thla khatah Re. 1 pe thei hram se tih kan ngen pui a, hei hi Chief Minister hnenah pawh thlen kan tum a ni. Hei bakah mitdel te tan hian eizawnna kawng dang an thawh theih ang angte ngaihtuah sak kan tum bawk a ni a ti. BCS chuan mitdel tanpuinan lucky ticket te an siam bakah theitui te an zuar thin a, mitdelte tana mit pe turin an campaign thin tih an sawi bawk. Hei bakah hian mitdelte pual hian Blindness day siam nise, mipuiten an ngaihsak deuh zawk an rinthu an sawi bawk. Press mite zawhna chhangin Aizawl khawpui ah kawngsira zai thin mitdel 8 an awm a, Mizoram chhungah mitdel leh mit thalo 8000 vel an awm nia an hriat thu an sawi bawk.

Swachchata Utsav Sanitation Festival C.M in Serchhip ah a hawng

Central sorkarin district tina hmang tura atih angin, nizan hmasa khan Serchhip District chhunga hman tur, ‘Swachchata Utsav’, Sanitation Festival chu C M Pu Lal Thanhawla chuan a hawng.C.M chuan Mizo te hian nasa taka than kan duh anih chuan kan rilru leh ngaihtuahna te a thianghlim hmasak a tul a ni a ti a. Chumi nei thei tur chuan kan taksa te, kan in leh a chhehvelte, kan thawmhnaw leh bungbelte, kan khawtlangte a fai tur a ni a ti. Kan Pathianin ‘In thianghlim tur a ni, kei ka thianghlim si a’, atih hi zawm thei tur chuan rinawmnate, taimaknate, chhelnate, leh Amah tihnate kan neih a tul a ni a ti a. Serchhip district hi khawvela a ber kan nihna, cancer vei tamna ber kan ni hi kan thianghlim tawklo hle a ni tih a chiang a, chuvangin taksa leh rilru thianghlimna ah nasa taka tan kan lak angai a ni a ti.Faina Kutpui hawnna hi musical concert neia lawm a ni a. A buatsaihtu department hotu Er. Lalfanliana, Engineer-in-Chief, PHE Department in thutawi sawi bawkin Sanitation Festival hi ram puma hman mek, Total Sanitation Campaign tih chak nana central sorkar ruahmanna a nih thu a sawi a. A tum ber chu thingtlang mi, abikin BPL chhungkua te leh aganwadi centre a inthiarna hmun thianghlim an neih theih nante, vantlang tan sanitary complex siam leh bawlhhlawh paihna siam leh thil dang tam tak te a ni a ti.

Pu Hiato Delhi ah

PHE Minister Pu S. Hiato chu nimin khan Medical Check up nei turin New Delhi ah a kal

MZI Gen.Conference

Vawiin hian Reiek ah MZI General Conference neih tur a ruahman a ni a, he hun hi Parliamentary Secretary Pu Lalrinmawia Ralte in a hmanpui ang. Mizoram a Zaithiam te inzawmkhawmna pawl lianber khawmpui ah hian Zaithiam thahnem tak an tel ang.

Lalut dawn

Vawiin chawhnu dar 1 hian District Bharat Scout & Guides te chuan an Patron atan Lawngtlai DC Pu B.Lalhmingthanga chu rinawmna thu tiamtirin an lalut dawn. Scout & Guide te hian President atan CEM an lo lalut tawh a, CEM apiang chu an President tur niin DC apiang chu an Patron tur atan an hmang dawn a ni.

ARUNACHAL PRADESH PRESS TEAM TEN MIZORAM NUAM AN TI

Sawrkar thuchhuah in a tarlan danin Arunachal Pradesh (AP) sorkar rawn tirh AP Press Team te chuan khan I & PR Department, Mizoram kaihhruaiin Reiek khua a Mizo Khua (Mizo Typical Village) an tlawh a, Tourism Department ten lo dawngsawngin hlim takin hun an hmang a, Aizawl Bazar leh hmun dangte pawh an tlawh a ni. Aizawl Chaltlang Tourist Lodge-ah Information & Public Relations Departmnt buatsaihin chawhlui kil hona leh inkawm hona hun tha tak MJA Hqrs. hruaitute leh Asian News International (ANI) TV Team Delhi te nen an nei bawk. AP Press Team te chuan Mizoram an rawn tlawh hun chhung tawite ah zir tur tam tak, sorkar hmalakna ah te, Mizo mipui taimakna leh hawihhawmna ah te an hmuh thu an sawi. I & PR Department hnathawh danah entawn tur tam tak an hmuh thu sawiin, Officer leh Cameraman ten mipui mamawh media te kaltlanga an puanzar thin te, MJA leh I & PR chu pumkhat ang mai a an thawhho theih dante state dang tan entawn chi anih thu sawiin, hetiang ang anih chuan I & PR leh media mite chu mipui leh sorkar department ten an ngai pawimawh lo thei lovang tiin, Chief Minister ber pawhin I & PR leh Media te chu a duhsak tih an hmu chu awhawm an ti. Journalist Welfare Society Mizoram sorkar-in a siam chu tha an tiin, Welfare Fund atanga Journalist ten I & PR kaltlanga hamthatna an dawnte chu neih ve ngei theih nan an state sorkar-ah thlen an tum thu AP Team te chuan an sawi.AP Team te hian nimin zing khan Aizawl chhuahsanin an state lam an pan.

Wednesday, November 2, 2011

Hnam tenaute dawm kanna tur Programme MSDP hmalakna kalmek DC ho in nimin ah ngaihtuah a ni

Nimin khan D.C Chamber ah District Level Commt. on Multi Sectoral development Programme (MSDP) chu D.C Pu B.Lalhming-thanga hoin,District level monitoring on MSDP ho a neih ani. Meeting ah hian MSDP hnuaia Rural Housing Scheme hmalak dan tur sawiho ani a, Lawngtlai District ah hian Rural Housing Scheme hnuaiah insak tur 2022 ruahman niin, hengte hi Block Wise a sem ani Lawngtlai RD.Block leh Bungtlang'S' RD.Block ah 502 niin Chawngte RD.Block ah 1420 leh District Quota ah 100 te anni.He meeting ah hian MSDP hnuai a Lawngtlai District hnuai a hmalak tawhte Chairman Pu B.Lalhmingthanga chuan sawiin Health Dept hnuaiah Sub- Health centre, Casualty Room,Isolation Ward leh Male & Female Ward te sak that anih thu a sawi a, Education Sector ah Primary leh middle School engemawzat sak that mek niin, Additional Class Room pawh school engemawzat ah sak that mek ani bawk.Girls Hostel pawh 2 sak mek anih thu tarlan ani a, ICDS hnuaiah Anganwadi Building 71 sak mek ani a, heng bak ah hian hmalak lehna tur engemawzat chhawp mek anih thu DC hian a sawi .Drinking Water Supply leh ITI Building (Chawngte) ah te sak tur a hmalak mek anih thu tarlan ani. He meeting ah hian LADC a CEM Pu C.Ngunlianchunga, CADC a CEM Pu Kali Kumar Tongchongya leh leh LADC a Chairman Pu F.Rohnuna te tel in, Line Department aiawh te an tel tha hle ani.

Mizoram tan APL Buhfai 16000 MT pek belh a ni dawn

Sawrkar thuchhuah in a tarlan danin Niminpiah khan khan Food & Public Distribution changtu Union Minister of State Pu K.V. Thomas chuan Mizoram Governor Pu Vakkom Purushothaman sawmna in Mizoram House, New Delhi a tlawh. Minister hi Secretary, Ministry of Consumer Affairs, Food & Public Distribution leh officer dang ten an tawiawm Mizoram Governor leh Union Minister te hi boruak inpawh taka inkawmin Mizoramin ei leh bar hnianghnar tak kan neih theih nan sorkar laipui atanga tanpui a inhuam thu a sawi.Pu K.V. Thomas, Union Minister chuan kumin kum tawp hmain Mizoram tan kum tina dawn thin pangngai bakah APL Rice Special Allocation 16000 MT pek theih anih tur thu a sawi a. He buhfai hi December hmaa lak anih chuan tuna rate aia tlawm zawkin Mizoram tan buhfai pek a ni ang a ti bawk. Pu H. Rohluna, FCS&CA Minister in kumtina Mizoram tana Chini 666 MT pek thin 1000 MT a tipung tura a dilna pawh Union Minister chuan a phalsak nghal a, hei hi official level ah la chinfel zui tur a ni ang. FCS & CA Minister leh Official dangte chu he meeting a thu dahte bawhzui turin New Delhi ah an chamzui rih ang.

Lawngtlai chak nghal

Nimin atanga tan Mamit a Inter District Under-16 Football ah Lawngtlai in Champhai 2-1 in an hneh a, Aizawl leh Serchhip 2-2 in an in hnehtawk. Vawiin ah Mamit leh Kolasib bak ah Saiha leh Lunglei ten an khel anga, naktuk ah Lawngtlai leh Serchhip an inkhel ang. Mamit a Inter District U-16 Football Championship 2011 hi Pu Lal Thanzara, Parliamentary Secretary President Mizoram Football Association nibawk chuan a hawng.

Ar leh Artui lakluh khap

Thenawm State thenkhatah Bird Flu (Avian Flu) a len leh tak avangin Aizawl DC chuan Section Cr.P.C 1973 (Act No.II of 1974) in thuneihna a pek angin ar, artui leh ar atanga thil siam chi reng reng thenawm State atanga Aizawl District chhunga lakluh a khap a.

YLA Gen.Conf. tan ta

YLA General Conference vawi 25 na chu nizan khan Niawhtlang ah tan a ni ta. Nizan khan Palai lawmna inkhawm neih a ni a, vawiin ah President Pu V.Thangzova kaihhruaina hnuai ah rorel a ni ang.

NLUP-IN MIZORAM SUM LEH PAI DINHMUN A CHAWI KANG DAWRH THEI - Suddha Pillai

Mizoram tlawha lo zin Planning Commission Secretary Pi Suddha Pillai chuan nimin khan Sihphir a tlawh a, NLUP tanpuina dawngtu loneitute thlai chin dan te a hmunah a en a, harsatna an tawhte a sawipui. Pi Suddha Pillai hian Tlangnuam RD Block Sihphir-a MGNREGA hnuaia Bharat Nirman Rajeev Gandhi Sewa Kendra (BNRGSK) hmanga in sak, Rs. 9,66,000 /- senga sak thar chu a hawng nghal bawk. Inkhawmna tawite neih ah Pi Pillai chuan thusawiin Mizoram state mawi leh nuam tak a rawn tlawh thei chu lawmawm a tih thu a tarlang a. Inkalpawhna kawngpui te nei tha lo chunga mipui ten Sorkar hmalakna pui ber NLUP an tuipui zia chu ropui a tih thu a sawi lang bawk. Sorkar hmalakna hrang hrangte chu mipui chawikan nan leh tihhmasawn nan veka ruahman a ni a, tangkai taka lo chhawr chu mipui mawhphurhna a ni, a ti. NLUP chuan Mizoram sum leh pai dinhmun a chawi kang dawrh thei dawn a ni tiin tihhlawhtling tura theihtawp chhuah turin mipui te chu a chah a, Sorkar Laipui chuan NLUP hlawhtlinna chu beiseina sang tak nen a lo thlir thu a tarlang bawk. Ram chhung hmun danga naupang chaw tha hmu lo hmel dawldang Mizorama a hmuh loh avangin lawmthu a sawi a, state dangte tan entawntlak a ni, a ti. Nu leh Pa te chu naupang enkawl kawngah theihtawp chhuaha tan la zel turin a fuih a, lehkha zir taihmak te, hriselna leh thiamhlimna kawngah te leh thawhrimna kawngah te uluk taka naupang zirtira kaihruai thin turin a chah. Hriselna hi Pathian thilpek a ni tiin khawtlangin chin tha lo kan neih thinte chuan hriselna a tichhe thin tih hriaa thangthar ten an rawn chin ve zel loh nana uluk taka zirtir thin turin kalkhawmte chu a chah bawk. Mizoram State Planning Board Member Secretary Pu P.L.Thanga pawhin thusawiin NLUP dawngtu ten thahnemngai tak leh rim taka an thawh hah man an hmuh let ngei theih nan, Iskut hralhna man hniam lutuk chu Planning Commission Secretary chuan a ngaihmawh thu sawiin Sorkar leh DC lam pawhin an lo enpui tur thu a sawi a. Planning Commission Secretary Pi Pillaii hian Sihphira anthurium chinna hmunte a fang a. Delhi lama let thla turin Sihphir atang hian Lengpui airport a pan nghal a, Phunchawng daia SRI (rang zawk leh tam zawka buh thar dan) hmanga Pu C.Kapzela buh chinna hmun te a tlawh thla a, SRI hmanga buh chin hlawk dan leh tharchhuah a pun dante, leitha (fertilizer) an hman tangkai dan te an thlirho bawk. source : diprmizoram

Tuesday, November 1, 2011

LSA Gen. Hqrs. hruaituten Chanchinthar thehdarhtu an kawm

Nimin khan LSA Gen. Hqrs chuan an Office ah Press Conference ko in, Matric Form fillup chungchang ah Private School bik tan a tam thei ang ber a an chhut sak in Rs. 1070/- bak pello tur a an ngaih laiin, New Angel Public School (Private) Chawngte 'C' chuan Rs.1000/- atanga Rs.2500/- an lak thu LSA Gen. Hqrs. President V.L.R.Hmachhuana chuan sawi in, zirlai harsa zawkte hnen atanga hlawkna um a pawisa lak a ni hi LSA chuan lungchhiat thlak a ti takzet a ni a ti , thil diko titute chu thuneituten an chungah Action la se an duh thu sawiin Matric Exam, Form Fill-up nan a pawisa uchuak taka la an awm chuan Zirlaite hnen ah pekir leh se an duh thu a sawi bawk.Dan in Matric Exam tur Selection Test neih a phalloh chung pawh a, High School thenkhat Pass Percentage chhiat hlauh vanga Seclection Test neilui leh Zirlai thenkhat thlauhthlak awm ni a LSA chuan a hriat chungchang pawh sawiin, Dan ang taka kalpui nise an duh tih an sawi.Sawrkar in Lawngtlai District a High School zirtirtu indaihlohna hriatsak a, High School 15 a Science leh Mathematics zirtirtu a dah vangin LSA chuan lawmawm an tih thu leh Sawrkar chungah lawmthu an sawi tih LSA President chuan sawi a Lawngtlai District chhunga thawktu atan District chhung ami ngei Sawrkar chuan la thin se an duh tih a sawilang tel bawk,Lawngtlai District chhung ah High School, Headmaster awmlohna 4 Zirtirtu Post hnawhkhahloh awmna School 7, bak ah thawktu dang hnawhkhah loh an awm nual thu an sawi.RMSA Zirtirtu atan a lak vanga UPS Zirtirtu Post ruak hnawhkhah nan Advertisement chhuah lova LADC Sawrkar chu Proposal List siama State in a pawmpui tur a thawn ah puhin hriatthiam har an tih thu an sawi a, Art Education leh Physical Education Zirtirtu ban taka hmun ruak hnawhkhah lo a awm reng chu hnawhkhah thuai a nih theih nan Sawrkar chuan hma la se an duh tih an sawi bawk.

Motor Parking chungchang DC ho in ngaithuah a ni.

Nimin khan DC Pu B.Lalhmingthanga ho in a Office Chamber ah Lawngtlai khawpui chhung a Motor Parking leh Parking fee khawn chung chang mipawimawh ten an ngaihtuah. Meeting hmasa lam a bawhzui tur a tih, Motor Parking Area thlithlai tur a tih ten report an pe a, Lirthei chi hrang hrang khawpui chhung ah Parking Area 21 siam tur a ruahmanna chu Meeting chuan a pawm a, heibak ah hian State Sawrkar in Parking Fee khawn tur a a tih angin November thla chhung hian Parking Fee khawn turin Tender tichhuak in tihfel hman tum nise an ti bawk. lawngtlai khawpui chhung chep chho zel a, Parking atan a hman thin thenkhat chu hmun thawl lam ah sawn a ni dawn a, Private Car Parking awm mumallo pawh mumal zawka siam a ni tawh dawn a ni. Meeting ah hian DC hi Addl DC Pu Vanlalngena bak ah SDO(S) Lalhmunsanga Lawtlai ten an tawiawm a Transport Department leh Police lam hotu te Meeting ah hian an tel.

MSDP Meeting

Vawiin chawhma dar 11 hian DC ho in Multi Sectoral Development Programme Meeting neih tur a ruahman a ni.MSDP hnuai ah hian Hnam tenau zawkte tan Sawrkar chuan hmasawnna hna hrang hrang a thawk chho mek.

Form laktheih

Lai Hla Solo Competition a tel tumte tan lawngtlai bik ah 99 dawr, Rin Rin Shopping Mall ah tel dilna form laktheih a ni tawh. Sangau, Niawhtlang leh Saiha ah te Form hi laktheih a ni bawk.

YLA Gen. Conference

Zanin atang hian Niawhtlang ah YLA General Conference vawi 25 na chu tan a ni dawn ta. Zanin hian Pu A.Malsawma Vice President CYLA kaihhruaina hnuai ah Palai lawm inkhawm neih a ni anga, Pu C.Z. Thanliana Treasurer CYLA in Palai lawmna thuchah a sawi ang.

Ration Card lem 9398 chu hmu chhuak

Aizawl DC kaihhruaina hnuaia DCSO(E) leh DCSO(W) ten Aizawl District chhunga Ration Card enfel hna, thla khat chuang an lo thawh chu an zo fel ta a. Hetah hian mihring 62926 chuanna Ration Card lem 9398 chu hmuh chhuah niin paih nghal a ni. Aizawl DC chuan Ration Card endik hna thawktu - Village Level Monitoring Committee te leh Local Council ten an tawiawm that em vangin an chungah lawmthu a sawi a, Ration Card lem endik hna chu kalpui chhunzawm zel anih tur thu a sawi bawk. He hmalakna hian kumtin Sorkar sum tam tham tak luang ral tur a veng dawn a ni. :source dipr

Arunachal Pradesh Press miten Mizoram rawn tlawh

Arunachal Pradesh State atangin Press Team 13 te chuan nimin zing dar 1 khan Aizawl an thleng a, Press Team hi Pu Obang Tyang, Dy. Director, I&PR, Arunachal Pradesh chuan a ho . Nimin chawhma lam khan Press Team te hian Rajiv Gandhi Stadium, Mualpui a buatsaih mek leh A.R. Ground cheithat mekte an tlawh a, I&PR Department leh Sports & Youth Services hotuten an tawiawm Chief Minister Pu Lal Thanhawla chuan Press mite hi lo ngai pawimawhin, chawhnu dar 2 khan a office a lengah a sawm a, Mizoram kut chhuak an hriat rengna tur thil te a hlan a ni. Chief Minister chuan Press Tour hian North East State hrang hrang te inkara inunauna leh inpumkhatna tinghetin hmarchhak state ten harsatna leh buaina kan tawh thin tam tak a tiziaawm ngei ang, a ti. Press Team te hi nizan khan Zarkawt Biak In thalai inkhawm an tel a,vawiin hian Falkawn Mizo khua an tlawh bawk ang a, Aizawl khawpui fantir an nih hnuah tlai dar 6 ah Information & Public Relations Department buatsaih chawhlui Tourist Lodge, Chaltlang ah an kil ang.