Mizoram Upa Pawl Gen. Hqrs. chuan MLA te hlawh tihsan tum chungchangah, tunhnai -ah chuan an hlawh tihpun hun lo hle-a an hriat thu an sawi. MUP thu-chhuah chuan, Dan siamtu (MLA) la ni ve ngai lote leh engtikah mah ni ve ngai lo tur, khua leh tui dik takten ngaihdan an puanchhuah mek lai chuan MLA tanglai te, MLA ni tawh (FLAM) te, MLA nih tumte chu lo insum rih turin an ngen a. ‘Anmahni chanpual tur sawi an nih avangin mipui an lamah an tan phah lo mai thei. Chuvangin, lo ngawih hi an tan a tha zawk ang,’ an ti.