Thursday, April 28, 2011

Nupa Tuak 91 ten Inneih thutiam chhamin Pathian leh Kohhran hriatpuiin an ineitha

Nimin khan Lawngtlai College Veng Lairam Isua Krista Kohhran(LIKBK) Biakin ah Tuak 91 ten in neih thutiam an chham. Lawngtlai College veng LIKBK Local Church chhungkua a Pathian leh Kohhran hriatpui naa inkutsuihna la neilo te tan Kohhran Committee chuan hun a buatsaih a, hemi atan hian Tuak 93 in hming an pe lut a, Tuak 2 te chu dam lohna avangin an lo kal thei lo a, Tuak 91 te chuan inneih thutiam hun chu an hmang thei ani.He inneihna hi Bialtu Pastor Rev. V.Lalhmingsanga'n a neihtir a,kohhran mipuite pawhin an hlut hle ani. He inneihna ah hian Kohhran Upa 2 leh Rawngbawltu 11 an tel ani.Inneih inkhawmah hian kohhran mipui an kal tam hle a,Biakin lenglo khawpin an tam ani."Kan sawm che Isu kan zingah,he inneihna ruai min kilpui an"tiin Kohhran Zaipawlten thiam takin hla an rem bawk ani.Kutsuih tirtu Rev.V.Lalhmingsanga chuan "Vawiin ni a Kohhran hoten hun danglam tak kan tawng hi Pathian malsawmna ani a, he inneihna hian Kohhran chhungkuaah in unauna thar kan neih phah ngei ka beisei a.Rawngbawltu thar Lalpan min pe ngei ang.Mahni theihna zawn theuh ah Rawngbawl tura kan in pek thar ni lo ni mawlh rawhse"tiin innei tharte fuihna thu a sawi. Innei tharte pual hian Kohhran chuan ruai a buuatsaih sak a,Vawk inches 48, Ar kg 20 talhin,bawngsa kg 50 an lei bawk.

Ram tana Tawngtaina hun Larsap in a hmanpui

Love India Missions, Mizoram chuan nimin khan rampum aiawhin lawmthu sawina leh sual thupha chawia tawngtaina Aizawl Lammual-ah an buatsaih a, he hunah hian Pu Lakhera chuan he Ni hi Mizoram chanchinah chuan ni danglam bik leh chhinchhiah tlak a ni, a ti. Khawvel hmun hrang hrang thlirin chhiatrupna rapthlak tak tak te, ruah, thlipui leh khawkheng namen lovin boruak sik leh sa a tibuai a; heng hi a chhan kan chhut chuan mihring ten kan awmna leilung hi kan ti chereu leh suasam nasat vanga thleng a ni a. Kan nunphung kan tihdanglam loh chuan heng aia nasa chhiatna pawh tuar thei dinhmunah mihring te hi kan ding reng tawh a ni, a ti. Pathianin inhmangaih a, inngeih dial diala awm tura min duh laiin khawvel ram leh chi hrang hrang karah innghirnghona leh tharum thawhna te a tam tual tual hi a pawi a ni tiin Larsap chuan sual thupha chawi mai bakah tun atanga kawng dik zawk kan zawh theuh theihnaturin dil a pawimawh a ni, a ti. Pathian malsawmna leh chakna kan dil zel ang a, kan mihringpuite leh ram tana rawngbawltu tha kan nih theuh theihna turin tan i la sauh sauh ang u a ti.

L.S.A S A W M N A

Dt.19th-20th May,2011 hian Lai Students’Association(LSA) chuan General Conference Vawi-23na YLA Hall,Lawngtlai-III ah kan hmang dawn ani.General Conference hmang tur hian Headquater,Jt.Headquater,Sub-Hqrs,Branch leh School hrang hrang-a LSA Member zawng zawng te kan insawm ani e.
Sd/-K.Thansiama(Mama)
General Secretary
Lai Students’Association
General Headquaters;Lawngtlai

Thursday, April 21, 2011

Lawngtlai Driver in April 12 zan a kut a tuar chungchang ah inremna siamfel a ni.

Mizoram Truck Drivers Association Sub. Hqrs. Lawngtlai ten an himna a derthawng ni a an hriat vanga tunthla Ni 14 atanga Saiha District chhung a an tlan ngam loh chungchang ah nimin chawhnu khan Lawngtlai leh Saiha a MTDA hruaitute, Central YLA leh MTP hruaitute leh chhungkaw lam aiawh ten inremna an siam a. April Ni 12 zan khan Kawlchaw dai ah Pu K.Lalvulmawia chu Lawngtlai atanga Tuipang a Buhfai a dah hawlam chu MTP duty ten kut an lo thlak a, hemi hmalam kum 2001,2007 leh 2008 ah pawh Lawngtlai atanga Load dah a kalten harsatna an lo tawk tawh tih Pu T.Thaliana President MTDA Lawngtlai chuan a sawi a, hetianga Drivers te chung ah thil duhawmloh a thlen tak fo ah chuan MTDA Sub.Hqrs. Lawngtlai Members te chuan Saiha District chhung a load dah chu an ngam tak loh vangin April 14 atang khan an kaltal;o a ni a ti a, Drivers te chu mipui rawngbawltu an nihna anga mipuiin hmun tamtaka thataka an thawhpui laia uchuak taka kut hial an tuar chu hriatthiam har an tih thu a sawi. MTP Duty ten Kawlchaw dai a Drivers kut an thlak Pu K.Lalvulmawia motor khalh neitu Pu C.Thanghluna chuan a In ah Saiha atanga MTP leh MTDA hruaitu, Ngaihdam dil tur a lo kalte chu lo dawngsawngin, engemawchen an sawiho hnu ah inremna hi an siamfel ta a ni.

Manifesto tihhlawhtlinzat

PRISM lehkhabu Vapar a tarlan a nihdan in Thla 28 (46.66%) chhung sorkar-na chelh tawh congress kaihhruai Mizoram sorkar chuan inthlan dawna manifesto an siam 165 zinga 32 (19.40%) chu an thawk zo tawh a. Bawhzui mek 54 (32.72%) leh hmalak lohna 68 (41.21%) an nei a. An manifesto letlinga hmalakna 3 (1.81%) an nei bawk. Congress sorkar hian thla 32 chhung hun an la nei a ni.

Governor in Brig.T.Sailo hnen ah Mizo Award a hlan

Mizoram Governor Lt. Gen ( Rtd) M.M Lakhera, PVSM, AVSM,VSM chuan nizan hmasa khan Vanglaini Chanchinbu buatsaih Mizo Award chu Mizoram Chief Minister hlui Brig T Sailo hnenah a hlan. Hlanna inkhawm hi Art and Culture Multipurpose Auditorium, Beraw Tlang ah neih a ni. He Award hian cheng nuaikhat leh no mawi a keng a ni.Governor chuan chawimawi phute chawimawi nachang hriat te, chawimawi tlakte entawn nachang hriat te hi hnam changkang zia a ni a ti a.Mizo Award atana nominee te chu C.Pahlira, C.Rokhuma, Rev. H.S Luaia, Lalhmingliana Saiawi, Sangthankima, Brig T. Sailo leh Rev Vanlalnghaka te an ni

Book of the Year

Samson Thanruma lehkhabu ziak Beiseina Mittui tih chu Mizo Academy of Letters chuan Book of The Year atan a thlang.Book of the Year hi kumtin thlan thin ani.

Union Agriculture Minister lo

Union Agriculture Minister Pu Sharad Pawar Mizoram tlawh a lo zin tur dawnsawn dan tur relin Agriculture Minister Pu H. Liansailova hovin sorkar mi pawimawhte an thukhawm a. Pu Sharad Pawar, Union Agriculture Minister hian April ni 29 khian zankhat riakin Mizoram a rawn tlawh dawn a. Mizoram dinhmun dik tak leh harsatna a tawhte a hmun ngeiah enfiahin hmarchhak hmun hrang hranga mi tam zawk eizawnna, tlangram lo neih dan (Shifting Cultivation) a en anga, Mizo lo thenkhat fanpui a ni ang. Ruahman lawk dan chuan Union Minister hian Aizawl a cham chhungin Chief Minister leh mi pawimawh dangte a kawm anga, All Mizoram Farmers Union hruaitute a hmuh bakah College of Veterinary Sciences, Selesih leh Horticulture Farm, Chite a tlawh anga, Press mite kawmna hun a hmang bawk ang. Pu Sharad Pawar hi Union Agriculture Secretary, Additional Secretary, Jt. Secretary, ICAR Director General leh Central sorkar official pawimawh dangten an tawiawm ang a. April ni 30 tlaiah Mizoram a chhuahsan leh ang.

Wednesday, April 20, 2011

Mirethei te dawmkan ngai mi 116 te hnen ah SJSRY atangin Tanpuina sem mek a ni


Ministry of Urban Development & Proverty Alleaviation hnuai a Swarn Jayanti Shahari Rogar (SJSRY) khawpuia cheng miretheite dawmkanna tur a hmalakna kalmek ah nimin khan Lawngtlai khawpui chhung a Urban Women Self Help Group a member 83 leh Urban Self Employment Programme hnuai a member thlanchhuah mi 33 te hnen ah bultanna tur pawisa sem chhuah tan a ni, he hun hmanpuitu Pu Beila Khithie Nodal Officer SJSRY chuan central sorkar chuan khawpui a cheng mirethei, mahni a inhaichhuak theilote dawmkan nan a ruahmanna a siam chu a tihlawhltingtu ni theuh tur a tan la turin tanpuina dawngtute chu a chah a, hna an thawh that dan a zirin hmalakzuipui chu sorkar in a inhuamreng a ni a ti. nimin khan Urban Women Self Help Group 16a Member 60 te hnen ah Rs. 3000/- theuh a sem a ni a,Urban Self Employment Programme hnuai a member thlanchhuah mi 22 te hnen ah Rs. 7500/- theuh a pek an ni a, vawiin hian sem chhunzawm a ni ang. Heng tanpuina dawngtute hian hnathawh tur hrang hrang an mahni tuizawng leh tihtheihturte an thlang chhuak a, chung zing ah chuan Dawrte siam, Nepnawi leh chawhmeh lam chi zawrh te leh ranvulh lam te chu a langsar zualte an ni.

BADP Council enkawlna hnuaiah dah dawn

Central Sorkar hmalakna hnuai a International Boundary hrul a awm tenhmasawnna an neih theih nan a Project kalpui lai mek BADP chu tun sorkar kum atang hian a enkawltu tihdanglam hret a ni dawn a, thudawn danin District Council huamchhunga BADP hmalakna reng reng chu District Council Sorkar kut ah dah a ni tawh dawn ani.BADP hnuai ah hian hna tangkai tam tak thawh a lo ni tawh a,mipuiin an tangkaipui hle.

Social Audit

MGNREGA hnuai ah nimin khan Lawngtlai Council Veng ah Social Audit neih a ni a, Audit hi tumkhat neihna niin tel an tha thawkhat viau in kan hria. MGNREGA a thawktute leh VC lam ten mipuiten hriatthiamloh an neih te an hrilhfiah a, chak zawka hmalakna kalpui dan tur a rawtna te sawiho a ni bawk

Auto Rickshaw ten Rate an hman chu STA in a la Approve lo

Lawngtlai khawpui a Auto Rickshaw ten Fare an hmanlai chu State Transport Authority Approved Rate a ni lo tih District Tranport Officer chuan The Lawngtlai Post zawhna chhangin a sawi a, fare hi Approve turin State Transport Authority lam ah an thawn tawh thu leh reilote ah Approved a nih a beisei awm thu DTO chuan a sawi a, hetihlai hian tuna Auto Rickshaw hman man hmanlai chu thenkhat in diktak an hman laiin, thenkhat hmandik fumfe vaklo pawh an awm ni a sawi a ni a, DTO chuan Association lam nen inrawn tlang in mumal takin sorkar chuan thil kalpui tumin hma a lak mek thu a sawi.

Rangva sem




Nimin khan Chawngte BDO Office tual ah mirethei Inchungtur neilo te tan Pu Nirupam Chakma MLA chuan Rural Housing Programme atangin Rangva a sem, CADC huamchhung a Village Council 69 atangin chhungkua 101 te chu Rangva dawngtur a thlan an ni Rangva hi Feet 9 a sei niin chhungkua khat tan phek 32 zel a sem a nih thu Chawngte atanga thudawn chuan a tarlang
Nimin khan Chawngte BDO Office tual ah mirethei Inchungtur neilo te tan Pu Nirupam Chakma MLA chuan Rural Housing Programme atangin Rangva a sem, CADC huamchhung a Village Council 69 atangin chhungkua 101 te chu Rangva dawngtur a thlan an ni Rangva hi Feet 9 a sei niin chhungkua khat tan phek 32 zel a sem a nih thu Chawngte atanga thudawn chuan a tarlang

Sa man ngaimawh

Tunhnai a Lai DCC Executive thukhawm chuan Lawngtlai a Sa man chu ngaimawhawm an tih thu sawiin, Council sorkar chu hmala tur a ngen tha an ti.

HEALTH DEPARTMENT IN HRILENG SAWIFIAH

Tunhnai deuha Thanzamasora khuaa natna leng chungchangah Health & Family Welfare Department chuan a hnuai ami ang hian thuchhuah a siam. Thanzamasora khuaa mi 5 thihna chhan “Indian Tick Typhus” natna anih thu Health Department in a puanzar chungchangah zawhna te a awm nual a, natna thar, Mizoram ah lo awm ta nia ngai a chanchinbu a lo lang pawh a awm hial a. Thanzamasora khuaa damlo mi 5 te thisen la in National Center for Disease Control (NCDC) Delhi ah thawn ani a, Ig.ELISA hmanga test an ni a,”Indian Tick Typhus”, natna heng mi 5 atang hian hmuhchhuah a lo ni ta a ni.Ui vulh leh Rodent (sazu chi) te bawmtu hrik (tick) hian bacteria chi khat Rickettsia Conorii Indica a pai a,tick hian mihring a sehin he natna hrik hi a chhakchhuak a, he natna hi an lo vei ta a ni. Natna thar a ni lo a, hrileng anga inkaidarh chi pawh ani lo.He natna hi hmun zim te (pocket area) a thleng mai chauh ani a, natna vang tak poh a ni. Thanzamasora khua hi ramhnuai hual vel khua a ni a, an ui vulh leh in sazute hi tick hian a bawm duh zawng tak anih a rinawm.

Kum 2004 khan Kerela state ah thingpui huan a thawkte zing ah he natna hi hmuhchhuah a lo ni tawh bawk a, kum 1999 September ah French khual zin in a lo vei tawh bawk a ni.He tick scientific hming hi Rhipicephalus Sanguineus tih a ni.13.4.2011 ah Doctor-te chu Thanzamasora khua ah kal leh in Tick hi ui atangin an khawn khawm a, Delhi a thawn tur a buatsaih mek a ni. Damdawi Benzylbenzoate in an ui vulh lai te bual tir an ni. Indian Tick Typhus enkawlna damdawi hi Doxycycline, Tetracycline,Cloranphenicol leh Clarithromycin te an ni. Hrileng anga ngaih leh hlauh tur a ni lo e.

Monitoring Committee din

Nimin khan Council chuan MGNREGA hnuai ah Village Monitoring Committee an din a, Chairman atan Pu K.Lalvula leh Secretary atan Pi Zodinpuii te an ruat

V/C Association Hruaitu in siamrem

Lawngtlai District Village Council Association te chuan VC thar a lo pian tak vangin an hruaitu thenkhat VC ni tawhlo an awm vangin hruaitu an siam a, hruaitu thar thlan pangngai chu General Conference neih hun ah nise an ti.

LDVC Assn. Hruaitute

President : C.Zothanpuia
Vice President : Thanghuta
General Secretary : Zirsanga
Asst.General Secretary : Elvis Lalthangzuala
Finance Secretary : Lalthuthlungliana
Treasurer : C.Lalduhawma
Advisers 1. C.Vanchhunga
2. Thlengkima

Tuesday, April 19, 2011

World Relief hotute leh LIKBK hruaituten hmalak ho dan tur an ngaihtuah



Niminpiah Pathianni khan Lairam Isua Krista Baptist Kohhran Hruaitute leh USA a awm, Zohnahthlakte inpumkhatna atan a hma latu Pu Zotumthanga leh a thawhpuite chu Lawngtlai Bazar a LIKBK Conference Hall ah Pu C.Hrangzuala Gen.Secy LIKBK kaihhruaina hnuai ah an inkawmho. He inkawmkkhawmna ah hian LIKBK Hruaitute chuan an Kohhran dinhmun kimchang takja sawiin, Kohhran dang nen a an thawhhodan te, hmalakna hrang hrang an kalpui te an sawi. hemi hnu hian LIKBK Damdawiin Lairam Christian Medical Centre leh F.J.Rappers Memorial Hospital saklai te Hnuchham enkawlna Lairam Motherless Home te an tlawh pui a,Pu Zotumthanga rawn tawiawmtu mi pathum zing a mi Mrs.Jenny Xiang, Director, World Relief pawhin Mizoram hmun hrang hrang dinhmun an zir mek thu leh a tul ang a hmasawnna kawng hrang hrang ah theihtawp a hmalakpui an tum thu Pu Zotumthanga leh a thawhpuite chuan an sawi. Hengmite hi Lawngtlai ah riakin nimin khan Lunglei an pan .Pu Zotumthang a hi M.A (Political Affairs), Harvard University USA a tang a zirchhuak ani.

Tuichhak fang

Tunkar chhung hian Lawngtlai East bialtu MLA Parliamentary Secretary Pu H.Zothangliana chuan Sangau tlangdung a tlawh dawn,MLA hi Deputy Chairman Pu T.Zakunga pawhin a tawiawm ang.

LSA in ngen

VLAA Written Test a lungawi lohna neite chu LSA office Lawngtlai-ah April 27 hmain Ziakin Mahni hming,Veng leh Lungawi loh chhan thehluh tur in LSA Gen Hqrs. chuan an ngen.

Sunday, April 17, 2011

Chamdurtlang kawng thar Minister in a hawng



Tunkar Ningani (April 14) tlailam khan Minister Pu H.Hiato chuan Lai Autonomous District chhung khawthlang lam Vathuampui MDC Constituency chhung a Chamdurtlang khaw kawng a hawng. Hawnna inkhawm Chamdurtlang a neih, Pu Lalneihkhuma Vathuampui Bialtu MDC kaihhruai ah Minister chuan kawngpui tha tak Chamdurtlang in an nei chu a lawmpui thu a sawi a, PHE Minister chuan khawtlang an Tui thianghlim an mamawh thu an thlen chu a rang lama lo ngaihtuah sorkar in a tum tih a sawi a, Eng an neih loh pawh a theih ang anga lo ngaihtuahzui a tum tih a sawi. Minister chuan Congress sorkar chu hnam tenau zawk te ngaihven tu sorkar a nih thu a sawi a, tuna Mizoram a Chief Minister Pu Lalthanhawla kaihhruai ah pawh hnam tenau zawk ten chanvo tha tak an nei theuh a ni a ti. He hun ah hian Pu H.Zothangliana Parliamentary Secretary leh Pu C.Ngunlianchunga Chief Executive Member LADC te pawhin thu an sawi, kawngpui hawn tak hi Vathuampui khaw luhhma Kilometre 4 vel atangin a peng a Kilometres 7 a thui niin Truck kaltheihna khawp a zau a ni a, sorkar kum kalta a Mizoram Sorkar in LADC Sorkar ah Additional Fund Cheng Nuai 150 a pek atangin Rs. 28,24,500/- seng a LADC, PWD ten an laih a ni. Chamdurtlang khua hi In 106 awmna niin Bru, Pang, Bawm leh Hnam tenau dang te inchenpawlhna khua a ni.
Minister hian khua 11 a tlawh a, a tlawh khua ten an lo lawmin ruai nen an lo hmuak deuh vek a, tlai khat ah hmun li lai a ruai a kil tumte pawh a awm. Minister hian Bungtlang South a amah lo lawmtute hnen ah mipuiin an aiawhtur a an thlanchhuah te chuan an mipuite mamawh tur chu an ngaihven lian ber a nih thu a sawi a, tui lam a harsatna te pawh sutkian a nih theih nan hmalakna chaktaka kalpui a nih thu sawiin an dil hma in Bungtlang south tan tuilakna siam nan Cheng Vaibelchhe 2.27 ruahman fel a nih thu leh Tourist Lodge sak tur a tihfel a nih thu a sawi a, Lawngtlai tuilak nan Vaibelchhe 25, Saiha tuilak nan Vaibelchhe 21 sunction a chhuah tawh thu leh Tender pawh chhuah a nih tawh thu a sawi a, heibak ah hian hmun tamtakah PHE leh Tourism chuan hmalakna a kalpui thu a sawilang bawk.

Minister hi Pu H.Zothangliana Parliamentary Secretary, Pu C.Ngunlianchunga CEM, LADC bak Pu TH Thiabi Mara District Council a Executive Member leh LADC Sorkar a Executive Member paruk leh PHE Department hotute leh Thuthar thehdarhtu ten an tawiawm.

Tuesday, April 12, 2011

Anti Malaria Month Advocacy Meeting Health Minister in a neihpui


Nimin khan Health Minister Pu Lalrinliana Sailo hovin Chanmari YMA Hall-ah ‘Anti Malaria Month Advocacy’ (Malaria beihpui thlakna thla) meeting neih a ni. Malaria Do beihpui thlakna hawngtu Health Minister Pu Lalrinliana Sailo chuan State Vector Borne Diseases Control Programme (SVBDCP) in Malaria Do na atana Drama Competition a buatsaih lawmman semna a neih zawhah thu sawiin Malaria natna avanga thi kan la awm thin chu pawi a tih thu leh Mizoram zim te, tlawmngai pawlte nen a thawhhona tha tak awmna hmunah hian Malaria avanga thihna awm thin hi kan tih bo theih ngei a rin thu leh hemi tihhlawhtling tura thawhhona tha leh zual te, thawktute pawh in tumna tak tak nena hna thawk tura chahin mipuite pawhin mithiam zawk te thurawn ngai pawimawh a kan zawm a pawimawh, a ti. Health Department chu mite tana damna hna thawktu kan nih angin malsawm zel tlak department kan nih theih nan, Missionary rilru pu chunga, Pathian tihna tak tak nena hna thawk theuh turin kalkhawmte a chah bawk. Malaria hi kan vai do a tul a, natna reng reng hi tute pawhin kan vei theih a, mahni hriselna theuh kan ngaihpawimawh a ngaih thu leh he Malaria Do thla pawh hi a thlawn maia hmang lovin rilru thar pu chunga tumruhna nena Malaria natna a lo tlem ngei a beisei thu a sawi bawk.

M.J.A Members ten Gauhati leh Itanagar tlawh dawn

Information Depart ment buatsaihin, MJA member te chuan Arunachal leh Assam ah NE Press Tour an nei dawn.NE Press Tour ah hian MJA Member (1) Pu Zonunsanga Khiangte, Editor, Lenlaini/News Editor, ZONET, Zing daifim Aizawl (2) Pu Lalrinmawia Sailo, Editor, Zoram Thlirtu, Aizawl (3) Pu C. Lalhruaitluanga, Cameraman, Highlander, Aizawl, (4) Pu Zohmingmawia, News Editor, The Aizawl Post, (5) Pu Lalnunzira, Stringer, DDK Aizawl, (6) Pu James Lalramruata, News Editor, Romei, Aizawl (7) Pu Lalhlupuia, Editor, Lenrual Champhai, (8) Pu R. Lalmuanpuia, Editor, Zotlang, Lentu, Mamit, (9) Pu C. Ramengmawia, Editor, Lamkal, Serchhip leh (10) Pu B.B. Pacho, Editor, Awsicharu, Saiha te an kal ang a, Pu David L. Thangliana, Deputy Director, I&PR in a hruai ang.Ni 18.4.2011 ah Guwahati thlawk thla in, hemi ni vek hian Itanagar an kal ang a, ni 19.4.2011 ah Ranganadi Hydel Project an tlawh anga, 20.4.2011 ah Thingtlang khua a, mau sawngbawlna hmun tlawhin, hemi ni vek hian Arunachal State I&PR Minister, official leh Press mite te nen an inkawm ang. Ni 21.4.2011 ah Guwahati an pan ang a, ni 22.4.2011 ah Local Site seeing an nei ang a, ni 23.4.2011 ah Aizawl panin an rawn thlawk haw leh tura beisei an ni.

MGNREGA ah Ni 8

Lawngtlai RD Block chhung a MGNREGA a Job card neite tan Ni 8 chhung inhlawhna tur tihchhuah a ni a, veng thenkhat ah chuan kar kalta tawplam khan inhlawhfakna hi tan a ni.

MSU in phut

Mizo Students Union GeneralHqrs. chuan April ni 5, 2011-a Mizoram sorkarin RMSA leh SSA hnalak result a tihchhuah chu a buarchuar nia sawiin, district hrang hrangte tan ‘Common Merit’ sorkarin siam anga a sawi chu result chhuah vek tawh hnu-a siamchawp leh mai ni-ah an ngai a. He hnalakna Appointment Order chu April ni 15, 2011 hmaa cancel tur in sorkar an phut.

Chawlh Puang

Mizoram Larsap chuan Negotiable Instrument Act 1881 in thuneihna a pek angin April 14 (Ningani) hi Dr. B.R. Ambedkar piancham anih avangin sorkar chawlhah a puang.

Bru laklet tihthuanawptum an awm

Bru refugee, Naisingpara camp atanga lak let tuma inbuatsaihna chu ngawrh taka bawhzui zel a ni a, hetih lai hian he ruahmanna tihtlawlh tum pawl an awm ve reng nia hriat a nih avang leh, hmun thenkhatah hel pawl inlar an awm nia sawi a awm avangin Police-te chu inralrintir reng an ni. Mizoram, Tripura leh Assam Police-te chuan operation an nei thin a,

2010-2011 chhungin sorkar chhiah lakluh 28.85% in a pung

Kum 20010-2011 chhung khan Mizoram sorkar chuan chhiah chi hrang hrang atangin cheng nuai 11397.19 a lalut a, kum hmasa aia sum lakluh tamna hi 28.85% a ni. Taxation Department hotute hnen atanga thudawn danin, chhiah hmuh zat tura bituk hi cheng nuai 11,034 a nih laiin, cheng nuai 363.19 in khum a ni a,hetihlai hian chhiah lak hna kalpui nana sum sen zat hi za zela 6.88 a ni. Chhiah chi hrang hrang hmuh zat hi Professional tax atangin cheng nuai 836.48, CST atangin cheng nuai 1.7, VAT atangin cheng nuai 7226.35, POL atangin cheng nuai 3825.2 a ni a, hei bakah hian Entertainment tax atangin cheng nuai 47.62 hmuh ani bawk.

Monday, April 11, 2011

Lawngtlai Bazar ah Furniture Workshop a kang, Cheng Nuai 12 hu vel a kangral


Inrnni zan dar 11:30 vel khan Lawngtlai Bazar Veng a Pu L.T.Sawma, Pu Singh-a ti a hriatlar Furniture Workshop chu a kang a, kangmei chhuak hi hriat a nih in a lo nasat deuh hman tawh vangin bungrua chhuh hman fumfe a awm lo, kangmei a chhuak tih hriat a nih ve leh mitlawmngai thahnem tak pung nghal in Fire Service lam pawh hriattir nghal niin an ni lam pawh an thleng ve nghal a, kangmei hi hmundang kangkai lovin thelhmih theih a ni a, a zan la la in mitlawmngai pungkhawm ten kangtuar te chhawmdawl hna thawk zui nghal in, bungrua senghawi tul te an seng hawi nghal. Kangmei chhuah chhan tak hi hriat a ni lo. Workshop kang ah hian Khawl leh hmanrua te, Furniture siamlai te kangchhe zat chu a vaiin cheng Nuai 12 hu lai a tlin a rinawm thu kan dawng.Furniture kang zing ah hian Pulpit siamlai pawh a tel.

Lalpa Pawl Nan

Mahni ngaihin intifing suh la;
LALPA chu tih la, sual kalsan rawh.

Thufingte 3:7

L.S.A Gen.Hqrs. bultuma Faina Hapta hman chu khar a ni



LSA bultum a Faina Hapta hman chu zirtawpni khan LSA Vice President S.Lalmalsawmsanga kaihhruaina hnuai ah kharn a ni , Khuallian Pu H.Chhuanawma LADC a E/M,i/c Forest chuan taksa , rilru leh bungrua te kan vawngfai tur a ni a, chumi rual chuan kan chenna hmun hma te pawh fai taka kan vawn a tul a, chu chu Pathian anna a nih bak ah hriselna leh lehkhathiamna bul a ni a ti a, Zirlaite chu faina lama midang zirtirtu ni theuih tur in a fuih. Pu Chhuanawma chuan ramngaw venhim a pawimawh a, thing kung pakhat theuh tal zirlaite chuan thian ah siamin a enkawl hna thawk se chu chuan kan chenna khawvel a tinuam dawn a ni a ti.ram kang veng turin zirlaite chuan tihtheih tam tak an nei a ti bawk. LSA President V.L.R, Hmachhuana pawhin Faina lama zirlaite hmalakna chu midang te kaiharhtu ni se a duh thu a sawi.Hapta khar hma hian khawpui chhung zirlaiten an thianfai.

Fire Prevention Awareness Campaign neih a ni.

Zirtawpni khan Lawngtlai a SSA Block Resource Centre Hall ah Lawngtlai Academy of Letters leh Environment & Forest Department LADC tangkawp te buatsaihin Fire Prevention Awareness Campaign neih a ni a, Pu K.Hre-Kung, President Lawngtlai Academy of Letters kaihhruai Awareness Campaign ah hian Pu K.Lalromawia, DCCF, LADC chuan kangmei vanga harsatna kan tawh nasat zia leh ramngaw leh nungchate an ral nasat tawh zia sawiin, mitin ten he harsatna hi kan titawp thei a ni a ti, thusawitu dang Pu Samson Thanruma chuan Power Point Presentation hmangin kalkhawmte chu Ramngaw leh Nungchate humhalh chu mipui mawhphurhna a nih thu a sawi bak ah Pu H.C Lalnunthara Kangmei ven hi mitin mawhphurhna a nih thu a sawi bawk.Heta telte hian hlawk an ti viau niin kan hria

Bangturin phut

MNF chuan thuchhuah siamin, RMSA leh SSA hnuaia hna lakna dik lo taka tih nia sawi awm chu zahthlak tawpkhâwka an ngaih thu an tarlang a; he thil avang hian Education Minister, Lalsawta chu báng turin an phût.

LSA Press Release


Press Release
No.01/09/ 04/2011

Dated 8th April 2011 (Friday) khan Pi. Esther Lalruatkimi,Director of School Education,Gov’t of Mizoram chuan Lawngtlai District chhunga Primary leh Middle School Provincialization lawmna hunpui CYLA Hall Lawngtlai - III- a an hmanna ah Khuallian atan a an sawmna angin alo kal a. A lo kal dawn tih kan hriat rualin Gov’t Region Higher Secondary School(High School Section) Science & Mathematics Zirtirtu Pu. Lalremruata, B.Sc. ( Mathematics Teacher ) Dated 17th Feb, 2010 a Thingsulthliah -a an Transfered leh Pu. NG.Deben Singh B.Sc. B. Ed chu kumin 2011 hian Reiek High School- a min Transfered sak leh zel avanga Zirlai ten harsatna an tawrh thu leh tun thlenga Post ruak hnawhkhah ala nih loh chungchang thlen kan tum a,D.E.O. Lawngtlai District pawhin kan hmuh theihna turin hun remchang min zawnpui bawk a.

Hemi ni hian, L.S.A General Headquarters Lawngtlai huaihawtin zirlaite nen Lawngtlai Khawpui alo Thianghlim nan hmalakna neih Ni atan hun kan hmang a, Zirlai hruaitute leh Zirlai tam takin Khawpui chhung kan thianfai a,kan buai em em a, buai chung chungin Zirlaite min enkawltu ber lokal chu Welcome pawh kan tihve turah kan ngai a.DEO in min rawn angin YLA Hall,Lawngtlai-III ah hmuh zawk kan tum a, ‘A chauh thu leh hun min siam sak theih loh thu’ DEO hnen atangin kan hria a,Joint Director hmu zawk turin min ti a.A ti ti bawrh bawrh ri erawh kan hre pha! Beidawng duh lovin a thlenna Circuit House ah Tlai Dar.5:00- ah kan kal chilh leh a,an nau hnenah a kut ngei a Lehkha pek tur kan neih thu leh hun reilo te tal min siam sak turin kan ngen leh a. A chauh thu chhuanlam bawkin kan ngenna chu min hnawlsak leh ta a ni.

Hetiang taka Laifa zirlai pawl hruaitute hmu duh lova,Zirlaite harsatna thlen tum,hrethiam duh lo Director,School Education Department kan nei hi ‘Vanduaithlak kan ti hle. ’ Mizoram chhunga Minority-te min hmusit hle ah kan ngai a ni. Lai Students’Association te chuan Ram leh Hnam tan tiin, a tihtheih apiang tih ve zel a in huam em em lai a,Zirlai Pawl hmu duh tlat lo Director kan neih reng chuan, Zirlai ten harsatna kan la tawk fo dawnin kan hria a.Chuvangin; hetiang ang a Zirlaite harsatna hrethiam duh lo Director hi tunhnuah Mizoram ah hian awm tawh lo se kan ti a ni.

Tin,kan hmuh tumna chhan ber Gov’t Region Higher Secondary School(High School Section) Science leh Mathematis Zirtirtu Transfered an nih leh, tun thleng a athlaktu dah anla ni lo hi L.S.A General Headquarters Lawngtlai chuan PAWI kan ti hle a, tun thla (April) chhung ngei hian kan Sorkar zahawm tak Zirna ngaipawimawhtute hian Zirtirtu Post ruak hi min hnawhkhahsak ngei turin kan phut tlat a ni.

He kan thilphut hi Mizoram Sorkar ten kan hun tiam chunga, min tih hlawhtlinsak loh chuan, a tul ang zela hmalak kan tum tlat a ni.

Issued by:Lai Students’ Association,General Headquarter: Lawngtlai

Confidential awm lo pawiti

C.M Pu Hawla chuan, sorkar-ah thuruk vawn (confidential) awm lo lutuk chu pawi a tih thu a sawi a, ‘Hnam ang pawhin rin-awmlohna a kawk thei a ni,’ a ti.Sorkar officer lian te tana Administrative Training Institute (ATI)-in ‘Office Management & Administration’ tih chungchang training an buatsaih, hawnna inkhawmah thu sawiin CM chuan, sorkar hnathawkte chu an thawh leh an hlawh a in mil leh mil loh chhut ngun thin tura chahin, ‘Kan zavai hian siamthat hna kan thawk thei a ni,’ a ti bawk.

Friday, April 8, 2011

Lalpa Pawl Nan

Mi thatchhe rilru chuan thil a duh thin a, nimahsela engmah a nei chuang lo va,
Mi taima rilru erawh chu tihtlai a ni ang. Thufingte 13:4

School Education Department in RMSA leh SSA a hna lakdan an sawifiah

Mizoram Sawrkar hnaui a School Education Department chuan thuchhuah siamin tunhnaia RMSA leh SSA hnuaia hna lak dan a sawifiah a. RMSA leh SSA-a Teacher leh hnathawk dang laknaah hian diltute tana a awlsam zawk nan District hrang hrangah application thehluhna leh Interview buatsaih a ni a. Merit list erawh chu ram pum huap in siam a ni thung. Hetiang a nih avang hian Aizawl District-a hna diltute chu District dangah pawh tling thei an ni a, District danga diltute pawh Aizawl District-ah tling thei an ni tho bawk.Chanchinbu thenkhat a lo lang, a tling zingah Interview lo leh Application form pawh la chhuak lo anga lo lang hi sorkar remruatna an hriat loh vang a ni a. Aizawl District atanga District danga dah te hi, chu District-ah chuan hna diltute zingah an lang lo ngei ang a, mahse dilna an thehluhna leh Interview-na District ah chuan an lang ngei a ni. Hei hi Mizoram pum huap a Common Merit list siam vang a ni.

Week khar dawn

LSA Gen.Hqrs. bultum a Lawngtlai a Faina Hapta hmanmek chu vawiin hian khar a ni dawn a, vawiin hian Zirlai ten khawpui chhung kawng dung thianfaiin hna tlang an nei anga, chawhnu dar 2:30 ah Week kharna inkhawm hi Areopagy ah neih a ni ang

HSLC Result tihchhuak tak ah 69.99% an Passed

Nimin a MBSE in Pawl 10 Exam Result a tihchhuah tak ah tum dang zawng aiin Passed Percentage a tha a, HSLC Passed Percentage hi 69.99% a tling pha a ni. A pumpui ah F.Lalvenhimi Mt.Carmel leh Sujeia Singha St Pauls High School te chuan Pakhat na an hauh. Exam zing ah 7716 an passed a, heng zing a 339 chuan Distiction ah passed in First Division a passed mi 1623 awm. Exam beistu zing ah mi 3031 te chu an failed. Exam zawng zawng passed vekna School 144 awm in Failed vek na school 29 a awm bawk. lawngtlai khawpui chhunga High School zing ah South Heath Academy,MLJ,School leh NES te an passed vek.

Week khar dawn

LSA Gen.Hqrs. bultum a Lawngtlai a Faina Hapta hmanmek chu vawiin hian khar a ni dawn a, vawiin hian Zirlai ten khawpui chhung kawng dung thianfaiin hna tlang an nei anga, chawhnu dar 2:30 ah Week kharna inkhawm hi Areopagy ah neih a ni ang.

Eirulo

Thenzawl a SBI Branch thar a hawnna ah Pu Lal Thanhawla CM chuan a Congress Sorkar a Minister te leh MLA te chuan pawisa sen pawh an eiru lo tih a sawi a, sorkar in a tum ber chu rorelna dik leh fel neih a nia ti a,Pathian laka an lawmna ber pawh eirukna leh hlemhletna laka an fihlim na chu a nih thu a sawi.

Lawngtlai Khawpui a High School te HSLC Result

GRHS ,LAWNGTLAI
Apr-42,Pass-19
A.LALRAMNGAIHZUALI C(M)
B.LALSANGZUALI C(M)
B.MALSAWMSANGI C(M)
C.VANLALREMRUATZELI C(M)
J.REMHLUPUII C(M)
LALNUNTLUANGI III
LALRAMNUNSIAMI III
LALRINDIKI C(M)
LALRINZUALI C(M)
LALRUATDIKI C(M)
VANLALDINNGHETI III
ALBERT LALDINMAWIA C(M)
B.LALCHHANHIMA C(M)
B.MALSAWMSANGA III
C.LALAWMPUIA III
C.LALLIANTLUANGA III
CT.LALTHANZAMA III
GIDEON H.LALREMMAWIA II
H.LALNUNTHIANGHLIMA III
H.ROCHHARLIANA III
IVAN LALNUNPUIA C(M)
J.LALREMLIANA III
K.LALRAMTHARA III
LALDENGLIANA III
LALFAKZUALA III
LALHMINGCHHUANGA III
LALLAWMZUALA III
LALRUATFELA III
STEPHAN RUTHLAND III
V.LALHRIATPUIA III

LAIRAM HIGH SCHOOL
Apr-11,Pass-6
GOSPEL
VANLALHMANGAIHZUALI C(M)
K LALRINCHIANGI C(M)
LALPARMAWII III
A BENJAMIN III
DAVID C LALFAKMAWIA III
LALNGURPUIA III
LORRAIN LALZAMLOVA III
VANLALPUIA III

M.L.J. ENGLISH SCHOOL
Apr-13,Pass-13
ESTHER HLAWNCHHING III
L RINSANGPUII III
LALHUANGLIANI II
LALTHANPUII II
MELLORY LALLAWMPUII II
T NGURREMSANGPUII II
V LALHLIMPUII II
B LALRAMNUAMA I
C LALVAWNCHHUNGA II L in Mz
FRED B LALZAMLOVA III
NGURZAPLIANA II
OBIDA LALTLANSANGA II
S LALHRUAITLUANGA II

DOWNTOWN HIGH SCHOOL
Apr-54,Pass-51
C HMINGTHANSANGI II L in Mz
CAROLIN T LALRINZUALI II
DOROTHY LALHRIATPUI
II L in E,Mz
E LALHRUAITLUANGI I L in E,Mz
F VANLALHMANGAIHSANGI II
GOSPEL ZATHANGLIANI II L in Mz
H LALCHHANHIMI I L in E, Sc,Mz
HANNAH LALHRIATPUII II
HC ANNIE LALHLIMAWMI I
HC DEBORA LALNUNZIRI I L in Mz
LALHMANGAIHKIMI I L in Mz
LALHRUAITLUANGI II L in Mz
LALMALSAWMSANGI II
LALRAMENGI II
LR HMANGAIHSANGI III
LUCY LALFAKMAWII II
LYDIA J LALHRUAITLUANGI I L in SS,Mz
MARRY LALSANGKIMI I
MC LALHLIMAWMI II L in Mz
MERCY LALRUATFELI SAILO I L in Mz
R LALHMUNMAWII I L in Mz
S LALROTHANGPUII II L in Mz
B LALREMTLUANGA II L in Mz
B LALROTLUANGA I L in Mz
B NGURSANGLURA I L in Mz
BAGGIO LALDINTHARA I
C LALREMTLUANGA I L in Mz
C LALRINHLUA I L in Mz
C LALRUATFELA II L in Mz
DAVID ZOTHANPUIA II L in Mz
H LALENGMAWIA I L in Mz
JACOB R LALPEKLIANA II
JOHN HLONDO II L in Mz
JOHNY MALSAWMSANGA I L in Mz
JONATHAN ZOMUANPUIA II
K LALBIAKDIKA I
LALRAMNGAIHMAWIA I L in SS,Mz
LALROFELA I L in SS,Mz
LALTHAFAMKIMA II L in Mz
LALVENSANGA II
LALZUITLUANGA KHAWLHRING I L in Mz
R VANLLALNGAIA II
RORELTHANGA II
SUMAN PRIYO II
TITO TONGCHANGYA III
V LALLAWMKIMA I L in M,Mz
VANLALHLUNA II L in Mz
VANLALHLUTA II L in Mz
VANLALMALSAWMSANGA II L in Mz
VANLALMUANVELA I L in Mz
VANLALRAMA II L in Mz


GOVT. CHANDMARY HIGH SCHOOL
Apr-2,Pass-1
C LALHAWNGZAUI C(M)
MERCY VULMAWII II L in Mz SOUTH HEATH ACADEMY
Apr-17,Pass-17
GRACY LALRAMDINNGHETI
II L in Mz
KHAWLHERLIANI II L in Mz
LALLIANZUALI II L in Mz
LALRAMHLUNI II
RUNREMSANGI III
ST ELIZABETH
LALNUNZIRSANGZELI II LinMz
ZAIHLIMPUII II
A GEORGE MICHAEL II
BAWIHMUNSANGA III
C LALTANPUIA III
CHURCHILL I L in Mz
F LALCHHANHIMA II L in Mz
JUBILLE VANLALSAWMLIANA III
LALPEKHLUA II
LALZAHAWMA III
ROBERT SIANGLIANTHANGA
I L in Mz
V LALNGURSANGA II L in Mz

JEHOVAH-JIREH
Apr-31,Pass-28
ANNIE LALBIAKVELI III
C LALNUNSIAMI III
ESTHER LALLUNGHNEMI III
ESTHER NGURTHANZUALI
II L in Mz
FELIJIA LALHRUAITLUANGI
HNIALUM I L in E,Mz
H LALENKAWLI II
HMINGTHANSANGI I L in Mz
HRILSANGZUALI CT II
JESSICA K
VANLALHRUAITLUANGI III
JUDY VL HMUNCHUNGNUNGI
CHINZAH III
LALRAMSIAMI III
LALTHANPUII III
LALTHARZELI III
T VANRAMCHHUANGI III
THELMA LALRINNGHETI
FANCHUN II
VANLALHRIATPUII III
C LALRAMROPUIA II
H LALCHHARLIANA II
H LALHMAHRUAIA I
H LALROHLUPUIA II
IMAMUEL C LALMUANPUIA II
LALNGILNEIA MT II
LAMEK VANLALHRIATPUIA
I L in E,Mz
NIXON H LALDAILOVA II
RH CHINZAH III L in Mz
RUALKHUMA II
ST LALDAWNGKIMA III
V ROHLUPUIA III
Private
Apr-19,Pass-2
ZONUNSANGI III
VANLALMALSAWMDAWNGKIMA III

ZATUM MEMORIAL SCHOOL
Apr-6,Pass-2
ESTHER VANLALNUNPUI
II L in E,Mz
GRACY LALHRUAIZELI III
DON BOSCO
Apr-35,Pass-27
ANDY VANLALRENGPUII C(M)
CATHERINE LALRUATFELI I
LALNUNFELI II
K. LALRUATMAWII I L in Mz
LALDINPUII II
LALHRUAITLUANGI II L in Mz
LALPANMAWII II L in Mz
LALTHLENGLIANI II L in Mz
MARY RINNEIHAWMI III
MIMI LALDINPUII II L in Mz
R. LALREMRUATI II
VANLALAWMPUII I L in Mz
VANLALDINI II
AMAL S. KRISHNAN I
FRANCIS ZAIHMINGTHANGA
III L in Mz
IMANUEL LALREMRUATA III
JOHN LALNUNTLUANGA
II L in Mz
K. LALHRUAILIANA III
LALAWMPUIA RENTHLEI III
LALCHUNGUNGA III L in Mz
LALRINAWMA THIANHLUN II
LALRINFELA I L in Sc,Mz
LALTHANPUIA PACHUAU II
LC. LALRAMROLUAHPUIA II
R. LALNUNCHAMA C(M)
SOLOMON LALCHHUANLIANA
II L in Mz
STEPHEN LALRAMDINTLUANGACHINZAH II
TAITESEN ZONUNSIAMA
I L in Mz
ZORAMSANGLIANA II L in Mz

Gov’t S P H/S
Apr-16,Pass-8
ANGEL LALENGMAWII III
C LALHMUNSANGI III
F VANLALFELI III
H ERICA RORELDIKI III
H SAIDINGPUII II
R VANLALMALSAWMSANGA III L in Mz
RICHARD LALRAWNGBAWLA III
T LALAWMPUIA III
N.E.S
Apr-16,Pass-16
C REBECA II
EMILA ROHMINGLIANI I L in Mz
F LALROMAWII I L in Mz
L LALRAMENGMAWII I L in Mz
LALHREZUALI I L in Mz
LALLUNGHNEMI I L in Mz
LALZADINGLIANI I L in Mz
LAWKHIRUNG II
BENJAMIN LALHRIATZUALA I
DAVID R LALTHAZUALA
I L in Mz
HAMBADU I L in Mz
JEREMY LALLUNGAWIA
I L in Sc,Mz
JOE V LALRAMPANDIKA
I L in Mz
JOEL R VANLALZAUVA I L in Mz
SAMUEL LALTHIANGHLIMA
I L in Mz
VANLALNUNPUIA I L in Mz

Thursday, April 7, 2011

lalpa Pawl Nan

Mitthi zing ata an thawhlehin nupui pasal an innei dawn tawh lo va, vana vantirhkohte ang an ni dawn tawh zawk a ni. Marka 12:25

editorial

STATE AH BEISEITUR A TAMLO

Mizoram hi State hnufual, mahni a thawhchhuah nei tamlo, intodelh lo a nih vangin Central sum chu a sum hnar neih len ber a ni a, heivang hian State a Sorkarna chelhtu lam pawhin Central lungtihawiloh hlauhna an neilian hle. A sum hmuh te chu a hnathawkte enkawl nan a hmang nasa a, mipui tan State Sorkar Budget atangin beiseitur a tamlo hle a, vanneihthlak takin Central hmalakna atangin ruahmanna chi hrnag hrang a awm hlauh thin a a lawmawm hle. State atanga beisei tur a tamloh em vangin duh angin mipuiin hmasawnna an chuangkai thei thin a lova, State a Sorkar kan neih te lah chuan hmasawnna kumhlun siam theitur lam an thlauhthlak thin vang leh hmasawnna tak tak neitur a hmalakna an neih tam loh vangin mipuite chu an beidawng fo thin a ni.Tu pawh sorkar se,hmasawnna kumhlun siamtheitur lam a tan la ngam an pawimawh a,mipuiin beisei tur pawh an nei tam thei deuh ngei ang.

Chhiah lakkhawm Lawngtlai Zone ah Nuai 18.11 in a pung Chhiah pek ah Mipui an harh chho mek

Kum 2009-2010 a Lawngtlai Zone Taxation department ten chhiah an lakkhawm aiin Kum 2010-2011 chhung a chhiah an lakkhawm chu Cheng Nuai 18.11 zet in a pung tih Pu P.Lalrinmawia Superintendent of Taxes chuan The Lawngtlai in a kawmna ah a sawi. Superintendent chuan chhiah pek ah District mipui te an harh chho zel chu lawmawm a tih thu a sawi a, tun aia tan lak erawh a la tul a ni a ti a, chhiah tling khawm chu Department te thawhrimna vang chauh ni lovin, chhiah petu mipui te vang liau liau a ni a ti a, chhiah tha taka pe tute hnen ah lawmthu a sawi bawk. Kum 2009-2010 chhung khan Department in chhiah lakkhawm tur zat Target an neih chu Cheng Nuai 60 a ni a, an lakkhawm zat chu Nuai 69.69 niin Target an neih hi Nuai 9.69 zet in an lo khum tawh a, Sorkar kum kalta 2010-2011 chhung a Target an neih chu Nuai 84.31 niin, kum hmasa a an Traget aiin Nuai 24.31 in a pung a, hetiang zat a tam Target hi nei mahse, ram mipuite chhiah pek ah an harh chhoh zel vang in chhiah tling khawm chu Cheng Nuai 87.80 zet a tling a ni.

Census Provisional Paper tlangzarh

Nimin khan Home Minister Pu R. Lalzirliana chuan I&PR Auditorium-ah kum 2011 Chhiarpuia Mizoram dinhmun lailawk tarlanna “Paper -I of 2011 Census (Provisional Population Totals)” a tlangzarh. Pu Lalhmingthanga, Dy. Director, Census Operations, Mizoram chuan 2011 Chhiarpui hna thawh a nih dan report tawi a sawi .Minister chuan , Chhiarpui hi India ram inrelbawlna dana hlawhtling ber a ni tih a sawi a. 2011 Chhiarpuia Mizoram dinhmunte sawi langin sex ratio a lo pung ta chu lawmawm a tih thu a sawi a. Ziak leh chhiar thiam tam lamah 3-na ni mah ila 2001 Chhiarpui atanga chhutin 2.78% zetin ziak leh chhiar thiam kan pung hian kan hma lakna a pho lang a, thil ropui leh lawmawm tak a ni a ti bawk.2011 Chhiarpui hi Mizoram state nih hnu-a vawi 3-na a ni a, Mizoram Directorate of Census Operations in a hranga Chhiarpui a buaipui vawi 4-na a ni thung. 2011 Chhiarpui atan hian Charge Officer 64, Supervisor 491 leh Enumerator 2370 chhawr an ni a. He Chhiarpuia a lan dan chuan Mizoramah mihring 10,91,014 awmin mihring punna hi 22.78% a ni a. Khua 830 awmin heng zinga 23 chu town a ni a; mihring chenna khua 719 awmin mihring luah loh khaw hming nei si 111 a awm bawk. Paper -I of 2011 Census hi dinhmun lailawk tarlanna chauh a la ni.

Hla Kungpui Mual Silver Jubilee Minister ho inlawm

Nimin khan Zofa zinga Thu leh Hlaa mi hmingthate chawimawi nan a Khawbung khua a din Hlakungpui Mual kum sawmhnih pangana (Silver Jubilee) lungphun chu Pu P.C. Zoramsangliana, Minister Arts & Culture chuan khuallian niin in a hawng.Hawnna inkhawm Hlakungpui Mual a neih Dr.Vanlalrengpuia, Chairman Mizo Hlakungpui Mual Silver Jubilee Committee kaihhruai ah hian khuallian chuan he hun ropui tak, thu leh hlaa kan kungpuite chawimawinaa hun pawimawh a chang hi a lawmin a phu lo hle a ni a ti. Sailo Lal Kairuma, lal fing leh fel takin a din khua Khawbung, a pian atanga lal fing tak kaihhruai khua hian thil thui tak thlirin Zoram rohlu in din hi kan ramin a tangkai puiin a ngaihsanawm a ni tiin, Mizo mizia nena inrem tak kan Pathian fakna hmanraw pawimawh tak phuahtute hi an hlu a, kan mizo rimawi te nen a inrem a, Pathian fakna tlak a ni a ti.Khawbung khua a mau mit muala mau danglam bik tak humhalh tura kalkhawmte chu sawmin Minister chuan khuanun a duan ang taka maumit muala mau te chu i humhalh ve ang u, tiin sawm a ni. Lungphun a hawn rual hian Khuallian hian 1986-2011 chhunga Hlakungpui Mual a sengluh tawhte thlalak leh chanchin phochhuahna Exhibition a hawng nghal.

BDO ORDER

No.D.21029/9/09-BDO(LTI)
OFFICE OF THE BLOCK DEVELOPMENT OFFICER
R.D BLOCK LAWNGTLAI
Dated Lawngtlai, the 4th April,2011

O R D E R

No.D.21029/9/09-BDO(LTI): Lawngtlai RD Block huamchhunga Village Council zawng zawng te leh VLA zawng zawng te Dt. 12-15 April, 2011 ah Lawngtlai BDO Conference Hall ah Training neih tur a ni a, kimtaka kalkhawm tur a hriattir in ni e.
A hmun : BDO Conference Hall
A hun : Dt. 12 - 15 April 2011 (10:00 AM)

Sd/- T.VANLALMALSAWMSANGA
Programme Officer (Mahatma Gandhi NREGA)
&
Block Development Officer,
(3 - 1) R.D.Block, Lawngtlai

DELHI-A LEHKHA ZIR TUR LEH HNATHAWK TURTE TANA HRIATTUR

Ministry of Women & Child Development leh Ministry of DoNER bultumin North East atanga hnathawk leh zirlai hmeichhia te tan Working Women’s Hostel, Jasola (Apollo Hospital kiang) ah sak thar a ni a. He Hostel a awm duhte tan dilna Resident Commissioner, Mizoram House kaltlanga thehluh tur a ni. North Eastern State hrang hrang intawm tur anih avangin seat ngaihven ran nise. A hnuaia number ah hian zawhfiah theih a ni.

1. Pu H.L. Rochungnunga - 09868110943 (M)
Jt. Resident Commissioner 011-26884677 (O)

2. Pi Irene Zohlimpuii Chawngthu - 09560517806 (M)
Asst. Resident Commissioner

3. Pu V. Zaithanmawia - 07503020255 (M)
Dy. Liaison Officer

4. Pu Lalhmingthanga Ngente - 09868991550 (M)
Caretaker

Delhi a hnathawk tur emaw lehkha zir turte chuan an address leh contact number pein, Nodal Officer (Welfare)/Caretaker, Mizoram House hnenah in report tur a ni. He ruahmanna hi buaina leh harsatna tawh palh thil thu a in tanpui awlsam zawk nana tih a ni.

1. Dr. Zepuii - 09868220014 (M)
Nodal Officer (Welfare)

2. Pu Lalhmingthanga Ngente - 09868991550 (M)
Caretaker

Wednesday, April 6, 2011

Lalpa Pawl Nan

Sum hi atirah deh chhuah thuai theih mah sela, A tawpah malsawm a ni kher lo vang.
Thufingte 20:21

editorial

HNAM ZIARANG PHOLAN LAMAH TAN LAK A TUL

Lai Hnam hi hnam fing hmasa leh themthiam, Culture tha tak nei, Hnam ziarang pholan tur chhuanawm leh tunlai leh thangthar thleng pawh a hmuhnawm leh hlut tham nei a ni a, thu a inhlanchhawn bak chu tun dinhmun ah hian thangthar zawk tan hnam ziarang hmuhtur a tam lo hle, Hnam lam(Cultural Dance) erawh chu chhawmnun a ni chho zel a, a lawmawm a, chhawmnun ve zel rem silo, Pi leh Pu hunlai a vantlang thiltih hona ang chi te, kut ni vangthla an hman dan te, hun pawimawhbik an sawngbawl dan te chu a hria ten tapchhak zawl ti ti an sawi bak inhlanchhawnna a awm meuh lova, tunlai khawvel thangchho zel ah, heng Hnam ziarang pholan theih tur ang chi te hi nguntaka chhuiin, lemchan hmangin emaw pholan ni thei se, hemi atan a sum mamawh pawh sorkar hian phalrai deuh se, chumi atang chuan hun hmasa lama Pi leh Pu te thil lo tihdan tlangpui thangthar ten an lo hre thei anga, hnam anga hmasawnna leh Nationalism lam ah pawh rah tha a chhuah zual ngeiin a rinawm a ni.

Industry Department ten NLUP pawisa an sem chhuak mek

Mizoram State Sorkar Flagship Programme NLUP chu Lawngtlai District chhung a Assembly bial pahnih Lawngtlai East leh Tuichawng bial ah te Industry Department hnuai a Trade thlangtute hnen ah NLUP pawisa sem chhuah mek a a ni a, kar kalta khan Lawngtlai East Assembly bial chhung Sangau tlang dung ah sem chhuah niin nimin khan Lawngtlai khawpui chhung a Vengpui, Council Veng, Bazar Veng leh Lawngtlai-III a NLUP dawngtur a thlan Industry hnuai a mite hnen ah Sub Divisional Industries Office Lawngtlai ah Pu C.Dokulha SDIO leh a thawhpui ten pawisa hi an sem chhuak leh. Tun dinhmun ah Lawngtlai West huamchhung a Trade thlangtute chu Approve a la nih loh vangin pekchhuah ve theih an la nilo tih SDIO chuan a sawi. NLUP hnuai a Indistry Trade thlangtu te hi Tuichawng bial ah 183 awmin mi 20 hnen ah tanpuina pek an ni tawh a, Lawngtlai East bial ah Benifiaciaries 164 awmin nimin a an pek chhuah nen mi 135 hnen ah sem chhuah a ni tawh, Industry hnuai a Trade thlangtu te hi an Trade thlan a zirin First Instalment a pawisa an dawn zat hi a inanglo nual a, tumtum a an pawisa dawn hi hnathawhna tur hmunhma siam na tur niin Puanthui thlangtute chu Rs.25000/- pek an ni a, Blacksmith ah Rs.19300/- Carpentry-II ah Rs. 7400/- Haircutting ah Rs.22000/- Agarbati Stick ah Rs.8000/- Tinsmith ah Rs.19000/ Photography ah Rs.10000/- sem niin, a dang zawng chu Rs.20000/- theuh sem an ni. Lawngtlai District chhunga Assembly bial pathum ah Lawngtlai West bial a Benefiaciaries la Approved loh nen NLUP Industry hnuai a dawng tur mi 492 an awm.

Dy.Chairman in Chanchinbumite tawiawmna hnuaiah a Room a luah

LADC a Deputy Chairman Pu T.Zakunga chuan nimin khan a room a luah tan a, MJA Member te chuan Deputy Chairman Room luah hi an tawiawm, Pu T.Zakunga hi MJA Lawngtlai District ah dinhmun pawimawh tak tak lo chelh tawh thin niin tun ah hian Executive Committee Member nilai a ni a, room thar a luahni a Media lam a thawhpui ten an tawiawm chu lawmawm a tih thu sawiin, kalkawng hran deuh zawh in kal mahse, MJA te chu a ngaihtuahna luah rengtu an nih thu te, thawhhona tha tak hnuai ah ke pen zel a nih theih nan a tangkai theihna ang ang ah chuan tlanchhiat a tumlo tih a sawi a, he hun ah hian Pu ZD Dengngura President MJA pawhin thu sawiin, an Member thahnemngai tak Pu T.Zakungan MDC inthlan ah hlawhltinna a chan hnu ah Council sorkar a dinhmun pawimawh tak a luah thei chu MJA ten thinlung takin an lawmpui tih a sawi. Pu T.Zakunga hi LADC Budget Session neih zawh tak ah Deputy Chairman atan thlan tlin a ni

Kolasib ah Ar lakluh khap

Mizoram dep Myanmar rama natna chi khat Avian flu a len avangin leh hei hi mihring leh nungcha te tana natna hlauhawm kaichhawn theih a nih avangin Kolasib District Magistrate Pi Niharika Rai, IAS chuan Dan in thuneihna a pek hmangin Myanmar ram atanga Ar leh ar atanga siam ei theih reng reng Kolasib District chhunga lakluh a khap a. Thupek hi thla hnih atana siam phawt a niin, a bawh chhia an awm chuan Dan anga an chunga hremna lekkawh a ni ang.

Plan pundan

Congress party chuan kumin atana Mizoram Annual Plan sum hmuh punna chu za zela 13.33 niin a sawi. Hemi chungchanga thuchhuah an siamah MPCC chuan nikum Plan sum, Rs 15,00,00,00,000/- atanga chhuta kumin atana Plan sum hmuh Rs 17,00,00,00,000/- in a pung. MNF sorkar lai kum 10 chhunga Plan sum pun chhoh dan pawh kum 2000-2001 ah 11.38%, 2001-2002 ah 2.24%, 2002-2003 ah 4.87%, 2003-2004 ah 11.62% in a pung tih thuchhuah ah chuan an tarlang tel.

Lawngtlai District Batminton Association Hruaitute

President : P.Lalrinmawia
Senior Vice President : Kanu Mitra
Vice President : T.Vanlalmalsawmsanga
Secretary : Remlalnghaka
Joint Secretaries : H.Samuel
: N.Lalramriliana
Treasurer : R.Zohmangaiha
Financial Secretary : H.C.Vanlalruatpuia

PWD-in Kawngpui siam nan nuai 5493 hmu; Nuai 1170 hmang tawh

Mizoram chhunga National Highway paruk siamthatna atan Mizoram PWD chuan kum 2010-2011 chhung khan central sorkar atangin cheng nuai 5493 a hmu a, kawng siam nan cheng nuai 1170.977 hmang tawhin, nuai 4322.023 chu hman lohin a la awm.National Highway paruk - NH 44A, NH-150, NH 54, NH-154, NH-54(A) leh NH-54(B) te thuamthatna atan hian Ministry of Roard Transport & Highway chuan 2010-2011 chhung khan Periodical Renewal atan cheng nuai 2300, Special repair atan cheng nuai 201, Ordinary repair atan nuai 1353, Flood damage repair (chhunzawmna) atan nuai 139, Flood damage repair (a thar) atan nuai 1500; a vaiin cheng nuai 5493 chu Mizoram PWD in a hmu niin Mizoram Road Transport Union (MRTU) chuan an sawi.Heng sum an hmuh atang hian February 2011 thleng khan Mizoram PWD chuan ordinary repair atan nuai 455.919, Flood damage repair (a thar) atan nuai 267.55837, Periodical renewal atan nuai 304, Special repair atan nuai 143.50 te an seng tawh a ni.MRTU-in RTI Act hmanga an zawhna, department-in a chhan dan chuan National Highway 54 bik atan Ministry of Road Transport & Highways chuan cheng vaibelchhe 50.08 chu State PWD hnenah a pe tawh bawk a ni. Hetiang zat sum dawng chunga, sum tam tak hmanloha a la awm chu mipuite chanvo kawngtha neihna tura hmalakna chuan ngaihthah a hlawhzia a tilang hle niin MRTU chuan an sawi.NH 54, Hrangchalkawn leh Lawngtlai inkar contractor atan Bengal Prakalpa Nirman Pvt. Ltd, Salt Lake, Kolakata chu October ni 22, 2009 khan work order pek a ni a. Mahse, he company hian hna an thawh theih loh avangin Mizoram sorkar chuan suspend mai se an duh thu MRTU chuan an sawi a. National Highawy No. 44A hnathawktu atana thlan, M/s Gyatri Project Ltd., Hyderabad leh M/s Tantia Construction Ltd. Kolkata, M/s GP projects, Silchar te pawhin an hna chu tha takin thawk se an duh thu MRTU chuan thuchhuah siamin an sawi bawk.

Tuesday, April 5, 2011

LSA ten Thuthar lakhawmtute Thingpui an inpui Faina Hapta an hmang mek

Nimin chawnu khan LSA Gen.Hqrs. hruaitute chuan Lawngtlai bazar a an Office ah Lawngtlai a Thuthar lakhawmtute chu leng ah sawmin Thingpui an inpui. LSA hruaitute chuan an hmalakna kalmek thenkhatte an sawilang a, chungzing ah chuan General Confernce vawi 23 na chu May Ni 19 leh 20 ah YLA Hall a neih an tum thu te, Conference ah hian hruaitu thlan tharna an neih tur thu te, Lawngtlai District a MGNREGA hnuai a Village Level Administrative Assistant lak ah sawi neuh neuh a awm tih LSA tenan hriat thu leh thil chiangzawk a chhuifiah a nih theih nan RTI Act hmangin Answer paper leh Answer Key te an dil mek thu te, an dilna chu chhan a la nih loh thu leh Ni 30 chhung ngei a chhanna an hmuh an beisei thu leh hemi chhunga chhanna an hmulo a nih chuan thuneitu sang zawk a kal an tum thu te an sawilang a, Zirtirtu mahni Post a awmlo te an Post ah theuh an awmtheih nan hmalakna kalmek ah Executive Member i/c Middle School Education an titi pui tawh thu leh E/M chuan hmalakna kalpui a nih tur thu in a lo chhang tih an sawi a, LSA chuan lawngtlai khawpui in Faina lam a nasa zawka hma a sawn theih nan Faina Hapta hman tha an tih thu leh nimin April 4 atang a hmantan a nih thu sawilang in, April 8 a a kharna hun siam an tum thu te, hemi Ni hian zirlai ten khawpui chhung thianfai a Cleanliness Drive neih an tum thu te, mipui ten faina lam ah tan la thar theuh se an duh thu te Thuthar lakhawmtute chu an hrilh. LSA hruaitu K.Thansiama General Secretary, Kapkima AGS, Lalhuappuia Treasurer leh Lalzarzova GEC ten Thuthar lakhawmtute hi lo kawmin Chanchinbumite hi MJA President Pu ZD Dengngura leh Senior Journalist Pu V.Lallianzuala ten an ho a ni.

Parents’ Day

Nimin khan Council Veng Primary School buatsaih in an School ah Parents Day hman a ni a, Pu Lalneihkhuma E/M chuan khuallian niin a hmanpui

Speed Rader Gun neithar

Aizawl Traffic Police te chuan Lirthei tlan chak dan tehna Speed Rader Gun an nei thar a, he an hmanraw thar hi nimin khan an hmang chhin. Gun pakhat hi Cheng Nuai 1.3 man a ni.

Vawiin ah NLUP

Industry Department chuan vawiin hian Vengpui, Council Veng, Bazar leh Lawngtlai-III huamchhunga Industry Trade thlangtu te hnen ah NLUP pawisa an sem dawn.

Room luah dawn

LADC a DeputyChairman thar Pu T.Zakunga chuan vawiin hian a Room a luah tan dawn a, Media lam a a thawhpui thin Chanchinbumite chu kim taka he hun hmanpui tur hian a sawm.

Fisheries Office tilian dawn

Sorkar chuan Lawngtlai ah District Fisheries Office thar hawn a remti tawh a, remchang hmasa ber ah hawn tumin hmalakna kalpui mek a ni.

ABBREVIATED SHORT TENDER NOTICE

Short Sealed Tenders are invited on behalf of the Governor of Mizoram and will be received by the Director, Food, Civil Supplies & Consumer Affairs upto 12 noon of 11.4.2011 and will be opened by him on the same day at 1:00 PM for carrying foodstuff for main Routes. Details can be seen in the Office of the Director, Food, Civil Supplies & Consumer Affairs Department on all working days.
Sd/-
(K. RIACHHO)
Director
Food, Civil Supplies & Consumer Affairs Department
IPR No.5 (9 cms) Mizoram : Aizawl
-------------------------------------------------------------------------------------------

Monday, April 4, 2011

6th Pay atan a pawisa hmuh te thildang ah hman a awm lo

LADC Sorkar in a hnuaia hna thawkte hlawhbi sang zawk 6th Pay anga pek tur pawis a hmuh te thildang ah pakhat mah hman a ni lo, Pu C.Ngunlianchunga CEM chuan a ti. He thu hi karkalta zirtawpni Budget Session tawp ni ah House a Budget pass hma chhiah a eptu lam ten Budget ah mipui chanai a awm lo ni a an hriat thu leh Sorkar chuan 6th Pay atana pawisa a hmuh te pawh a hmanna tur nilo ah a hmang ni a an sawi chu House ah vek chhangin CEM chuan 6th Pay atana sorkar in pawisa a hmuhte diktaka a hman a nih leh nih loh chuan LADC hnuai a hnathawkte hian an hrechiang hle a ni a ti a, pawisa an hmuh ang ang chu a tahtawlin an pek chhuah thu leh tun dinhmun ah Plan Staff te chu an la pektheih loh thu a sawilang tel bawk a, reilote ah pektheih beisei a ni CEM chuan a ti.

Chhimtuipui Khuap tur hmalakna kalmek Pu Hun Hre-a ho in an en

Inrinni khan Pu Hmun Hre Vice Chairman Planning & Development, Pu F.Rohnuna Chairman LADC. Pu F.Manghnuna Ex-MLA leh Pu C.L.Lianzuala member Secretary Planning Board ten Chhimtuipui khuap tur a hmalakna kalmek te a hmun ah kal in an en. heng Lawngtlai atanga a kalte hi Central Water Commission SDO Pu N.P.Pandey leh NTPC Engineer P.K.Singh ten lo dawngsawngin hmalakna kalmek te chipchiar takin an lo hrilhfiah. Tun dinhmun ah tuikhuahna tur hmun leilung awmdan an enfiah mek ah leichhung lam a rinawm tawk leh tawk loh en nan Bore Hole hmun nga ah verh niin hmun li chu zawhfel tawh a ni a, Hole verh hna hi April thla chhung hian zawhfel hman beisei a ni a, an zawhfel hun ah Central Electricity Authority ah Report an thehlut anga, an ni lam in an pawm chuan tuikhuah hna hi a takin tan theih a ni dawn a ni. Bore Hole an verh tawh ah hmun khat ah chuan leichhung Metres 27 a thuk ah mauzung an hmuchhuak a, heihi Engineer lam te pawh in mak an tih thu an sawi. Chhimtuipui khuahtur hi MW 460 pechhuak thei tur a chhut a ni.

NLUP semmek

Tunkar chhung hian Industry Department chuan an enkawlna hnuai a NLUP Trade thlangtu, Lawngtlai Vengpui, Council Veng, Bazar leh Lawngtlai-III huamchhung a mi te hnen ah NLUP pawisa an sem chhuak dawn. He Department hian kar kalta chhung khan tuichhak lam ah an lo sem tawh bawk.

CADC Session zo

Zirtawpni khan CADC Budget Session chu Pu Susil Chakma Chairman kaihhruaina hnuai ah zawhfel a ni a, Session tawpni hian CADC Annual Budget Estimate,2011-2012,Nuai 2432.18, Supplimentary Demant For Grant 2010-2011 Cheng Nuai. 913.20 te lungrual takin an passed.

M.R banchhan

Kar kalta tawplam khan LADC hnuai a Muster Roll a chhawr lai mi 141 te chu Sawrkar an banna order a ti chhuak a, hemi chungchang a The Lawngtlai Post Chief Executive Member a biakpawh na ah CEM chuan State lam tang in Plan Fund an hmuh loh vangin Council sawrkar chuan heng M.R a a chhawrlai te a chhawr zui zel theih loh vanga Sawrkar chuan ban ta an nih thu a sawi.

Chhiar sual palh

Deputy Chairman thlanna ah Pu T.Zakunga Vote 22 hmu a, Pu Tuturu Sing Vote 5 hmu ang a House a Chairman in a puan chu Offcial lam chuan a tihdikna siamin Pu T.Zakunga,n Vote 21 hmu in, a khingpui Pu Tuturu Sing an Vote 6 a hmuh thu sawiin Offcial lam chuan tihsual palh ah pawi an tih thu an sawi.

P.D thlah

DRDA Staff te chuan Zirtawpni khan Pu H.Laizika Project Director, hmundang a sawnchhuah chu an thlah

Journalist sawm

LSA te chuan Lawngtlai a Journalist te leng ah sawmin vawiin hian an Office ah thingpui an inpui dawn

P/S KG I & II hawn belh dawn

School Education Minister Lalsawta chuan, ‘Zirna siamthat chu sorkar-in ngaih pawimawh ber zingah dahin, sorkar primary sikul-ah KG I & II hawn belh bakah zirlaiten Sap-tawng leh Mizo tawng an thiam kawp thei tura tanlak tum a ni,’ a ti.

Minister chuan Zirna enkawltu nih chuan mawhphurhna a sang a, zirna lamah rual kan awt a nih chuan tan lak sauh sauh a ngai a

India rampum Census thar berah Mizoram-in literacy percentage-ah 3-na a hauh tih sawiin, India rampum zirna, District malkhai -ah Serchhip District chu 1-na a ni thei leh Aizawl District-in 2-na an la hauh thei chu lawmawm a tih thu a sawi bawk.

Annual Plan ah kum hmasa aiin NLUP atan sum dah a tlem

Annual Plan 2011-2012-ah chuan NLUP atan cheng vbc 334 dah a ni a, kum hmasa 2010-2011-ah khan vbc 234.82 dah niin, nuai 82 in kum tharah hian a tlem zawk a ni.
Kum 2011-2012 chhunga Mizoram State Annual Plan vbc 1700 chu March ni 18 khan Mizoram chief minister Lal Thanhawla leh Planning Commission Dy. Chairman Montek Singh Ahluwalia te chuan an sawi fel a. March ni 22 khan Planning Commission chuan he sum ruahmanna chipchiar (Scheme of Financing) chu a tichhuak leh bawk.
He Scheme of Financing-a a lan dan chuan, cheng vaibelchhe 1700 zing-ah hian Central atanga tanpuina (Central Assistance) atangin vaibelchhe 1596.09 hmuh a ni ang a, State-in loan hrang hrang a lak (borrowings) atang -in vaibelchhe 435 hmuh tum niin, State in a thawhchhuah ve tur (State Own Resources (non-loan portion) a sum hmuh atanga thawh tur chu minus (-) 342.79 ni tura chhut a ni thung.
Plan fund vaibelchhe 1700 zingah hian loan hrang hrang atanga hmuh tur (state borrowings) atangin vaibelchhe 435, Special Plan Assistance (SPA) leh Special Central Assistance (SCA) atangin vaibelchhe 450 a tel. SPA hnuaiah hian New Land Use Policy (NLUP) atan vaibelchhe 234 ruahman a ni a, vaibelchhe 91 chu SPA dang atangin, vaibelchhe 125 chu SPA atanga hmuh tur a ni. Vaibelchhe 91 leh 125 hmuhna tur project erawh hi chu ruahman sa a la awm lo.

2011 Chhiarpui a Mizoram dinhmun tlangpui

Kum2011 chhiarpui, provisional result tihchhuah ah, Mizoramah mihring 10,91,014 an awm a, heng zingah hian mipa 5,52,339 awmin hmeichhia 5,38, 675 an awm. Mipa 1000 zelah hmei -chhia 975 awmin, Sq km khat bialah mi 52 zel awm ang a ni a, 2001 chhiarpui atanga chhutin 22.78% in mihring an pung a ni.He chhiarpui provisional result-ah hian India ram pumpui-ah mihring 1,210,193,422 an awm a, heng zingah hian mipa 623,724,248 leh hmeichhia 586,469,174 an awm a ni. India ramah hian mipa 1000 zelah hmeichhia 940 an awm a, Sq km khat bialah mihring 382 awmin, kum 2001 chhiarpui a\ang-in 17.63% in mihring an pung a ni.Mizo mipui 847,592 (91.58%) te chuan ziak leh chhiar an thiam a. Hetah hian mipa 438,949 (93.72%) leh hmeichhia 408,643 (89.40%) in ziak leh chhiar hi an thiam a ni. Chhiarpui hmasa-ah khan Mizoram chu ziak leh chhiar thiam tamna-ah pahnihna a ni a, tunah erawh chuan pathumna-ah chhuk-in, pakhatna Kerala (93.91%), pa-hnihna Lakshadweep (92.28%) a ni.Provisional data in a tarlan dan chuan India rama ziak leh chhiar thiam punna chu 9.21% a ni

Saturday, April 2, 2011

Criket Final

World Cup Criket Final chu vawiin chawhnu lam atang hian India leh Sri Lanka ten an khel dawn ta. Venhimna uluk tak leh riptakin kalpui a ni a, he inkhel tur hian an inkhelh hma hauh atangin boruak a nei lian chho hle tawh a ni.

Chhimtuipui khuahtur tlawh dawn

Vawiin nhian Pu Hmun Hre, Vice Chairman, Planning & Development Board LADC leh Pu F.Rohnuna Chairman LADC te chuan Power MW 460 pe chhuak thei tur Chhimtui khuap tur a hmalak mek chu a hmun ah an tlawh dawn. Heng LADC a mipawimawh pahnih te hi NTPC hotu te chuan tuikhuap tur a an hmalakna kalmek te an lo thlir pui dawn a, Sihtlangpui khua a Navodaya School an rawn tlawh haw nghal bawk ang.

LADC Budget Session thlirletna


Lai Autonomous District Council pakua na Budget session ni ruk chhung awh chu March 27 atang khan tan a ni a, session neih chhung in Official Bill put luh zing ah The Lai Autonomous district Council (Group ABC&D) Recruitment Rules, 2011, The LADC Employees Performance Appraisal Report Rules 2011 The LADC General Service Rules 2011 te chu a langsar zual niin heng te hi passed vek a ni. March Ni 28 khan Cheif Executive Member Pu C.Ngunlianchunga’n Budget Estimate 2011-2012 leh Supplimentary Demand for Grant 2010-2011 leh Annual Plan 2011-2012 te House a pharh a Budget hi a pumpuiin cheng Nuai 6472.96 a ni. Private Member Resolution pahnih lut zing ah Bualpui NG East bialtu MDC Pu P.T Lalchuanglura putluh Chawnhu khua aDC Bungalow sak zawh tawh chu DC in luah thuai se, tuna DC Bungalow a hmanmek hmun chu Council ah peklet a nih theih nan hmalak nise tih chu House ah passed a ni. Chandmary bialtu MDC Pu C.Lalsawmzuala zawhna leh zawh belhna chhangin Executive Member Pu H.Chhuanawma chuan Kaladan Multi Modal Tranport kawngpui laih mek ah LADC Forest Department in Forest Clearance a la pek loh thu leh Feb.17, 2011 khan PWD hnen ah insawifiah tur a hriattirna lehkha pek a nih tawh thu leh a chhanna nghahmek a nih thu in a chhang a, Opposition Group Leader Chawngte P bialtu MDC Pu Lalduhsaka zawhna chhangin Executive Member Primary Education changtu Pu lalneihkhuma chuan zirtirtu khawpui chhunga tamlutuk leh thingtlang lam a zirtirtu indaih lohna tam tak awm chu sorkar in siamrual a tum thu leh April thla laihawl vel atang hian zirtirtu sem rual hna chu thawh tan beisei a ni a ti. Pu laduhsaka zawhna vek hi chhangin CEM Pu C.Ngunlianchunga chuan LADC huamchhunga Village Council inthlan na neih ah Model Code of Conduct hman a nih loh thu leh LADC in VC inthlanna dan a hman ah Model Code of Conduct hman chungchang tarlan a nih loh vanga hmanglo an nih thu a sawi. April 31 a session Zero Hour hmangtangkaiin Pu C.Lalsawmzuala Lawngtlai atanga Zorinpui Land Custom Station pawh tur a Motor kawngpui laih mek Lawngtlai AOC atanga Lawngtlai khawpui tlaklam a kaltur a tih chu PWD lam ten khawpui chhung paltlang tir tumin hma an la ni a a hriat thu sawiin, hetiang a kawngpuiin khawpui a paltlang chuan zangnadawmna ringawt ah pawh pawisa tamtak sen a ngaih tur thu leh khawpui thang chho zel ah lirthei veivak tan pawh hatsatna la thlentu a nih theih tur thu a sawi a, hemi chungchang hi CEM chuan sawizawmin Sorkar chuan Official in hetiang thil a awm an hriat loh thu a sawi a, khawpui chhung kawngpui paltlang tir chu tha a tih loh thu a sawi a, sorkar chuan lo enzui an tum tih a sawi. Sesssion tawpni April 1 ah Deputy Chairman thlan a ni a, Vawmbuk bialtu Congress Member Pu T.Zakunga leh Sakeilui bialtu Independent member Tuturu Singh te chuan Nomination an file thu leh an ni pahnih chu Dy,Chairman chuhtu an nih thu Chairman Pu F.Rohnunan a puan hnu ah inthlanna hi secret ballot in neih chhunzawm a ni a, Pu T.Zakunga chuan Vote 21 hmunin a khingpui Pu Tuturu Singh chuan Vote 6 a hmu a, Pu T.Zakunga chu Deputy Chairman thar ah thlan tlin a ni ta a ni. House Leader Pu C.Ngunlianchunga leh Eptu lam hruaitu Pu Lalduhsaka ten Deputy Chairman thar chu duhsakna an hlan hnu ah Pu T.Zakunga chuan LADC ah dinhmun pawimawh tak mai a chang thei chu Pathian remruatna vang liau liau a nih thu leh amah chu mithar, kum lam ah pawh naupangte a nih vanga a tul ang ang a mah chu fincvhhuah thin turin Member te chu a ngen. Session tawpni hian LADC Budget Estimate, Annual Plan leh Supplimentary Demand for grant te chu House ah passed a ni a, Passed a nih hma hian eptu lam member te chuan Budget ah mipui chantur a awm ve lo ah ngaiin Budget passed a nih lai hian House an chhuahsan.Hemi hnu hian Budget te passed fel a nih hnu hian Chairman Pu F.Rohnuna chuan session chuntiamchin awmlo vin a titawp ta a ni.

Friday, April 1, 2011

Lalpa Pawl nan

Mi fel rilru thâtna chuan anmahni a hruai ang a, Mi vervekte luhlulna erawh chuan anmahni a tiboral ang. Thufingte 11:3

editorial

PLANNING BOARD HI

Nimin Session ah Planning Bord Vice Chairman chuan Budget siam chungchang ah hriat a neih tam loh thu a sawilang a, hetiang a sawi ngam Vice Chairman an awm hi a vanneihthlak a, sorkar timualphotu nilo vin, sorkar tan inenletna siamtu a ni thei se a duhawm a, tute pawh sorkar se, Planning Board hian a nih tur angin ngaihpawimawh a hlawh tawklo deuh niin a hriat a, hei hian Council Sorkar chauh a huap lova, State Sorkar ah pawh Planning Board hmang tangkai zawk tur a ngenna pawh Central lam atanga lokal ten an nei tawh nghe nghe a ni. He Board hi a nihna tur anga hman thiam chuan ram hmasawnna nasa tak thlen thei a ni a, chu chu tuna Council Sorkar ding mek pawh hian a hrechiang viau in a hriat a, Vice Chairman ah pawh mi vengva, tawnhriat ngah Central lam thleng a michak tur a dah hian sorkar hawiher a lanfiah tir viau in a hriat a, vawi lehkhat a hman tangkai vak erawh fuh zat lohna a awm thei a, zawi zawi in ngaihpawimawh a hlawh chho zel in a rinawm a ni.

Multi Modal Transport Transit Project kawng thenkhat Allignment sawn tumna a awm ni a sawi a ni.

Khawchhak ram te nen a insumdawn tawnna tur atan a sorkar hmalakna kalmek zing a pakhat, Zorinpui Land Custom Station pawh tur a kawngpui laihmek chu hmun thenkhat ah a hma a kawng lo zawn tawh sa thlak a, Lawngtlai khawpui paltlang tir tuma hmalakna a awm ni a a hriat thu nimin a LADC Session neih ah Chandmary bialtu MDC Pu C.Lalsawmzuala chuan Zero Hour hmang tangkaiin a sawi a, he kawng kalna tur a ruahman na siam hmasak tawh chuan thlanmual thenkhat pawh a hrut chhiat dawn vangin nimin a Chanmary veng a Naupang pakhat thi pawh thlanmual ah phum lovin mimal ream ah phum a nih thu Pu sawma chuan a sawilang tel a, kawngpui hian Kawngpui hian Lawngtlai khawpui a paltlang chuan lirthei kalvel ten harsatna tamtak an tawk thei a, heibak ah hian Compansation cheng tam tak sen a ngai dawn a, hemi chungchang hi Council sorkar in a hriat tawh leh tawh loh a zawt nghal a, Pu Sawma thusawi hi chhang in House Leader, Pu C.Ngunlianchunga CEM chuan AOC atanga kawngpui laih tan a, Circuit House liam a kaltir tumna sawn tum a hmalakna a awm leh awmloh Official in Council Sawrkar chuan a hriat loh thu a sawi a, hetianga hmalakna a awm leh awm loh chu Sorkar in ngun taka a lo ngaihven tur thu a sawi, kawngpui hi sawn a, khawpui paltlang tir a nih dawn chuan Compansation ringawt pawh a tam lutuk dawn

PD chhuak hnai

Pu H.Laizika Project Director DRDA Lawngtlai chu hmundang ah sawnchhuah a ni dawn a, a hna thar zawm turin a kal hnai dawn tawh niin kan hria.

M.R 141 ban

LADC Sorkar chuan a hnuai a thawk M.R 141 te banna order nimin tlai khan a tichhuak

Lawmthu sawi

Lawngtlai District Boxing Association chuan Kum 2010-11 chhunga LADC EM i/c Sports & Youth Pu V.Zirsanga’n District pawn a an fehchhuahna tur atana pawisa a pek thin avangin lawmthu an sawi a.

Hnathawkte hriattir

Central Civil Service (Conduct) Rules 1964 dan angin Mizoram sorkar Finance Department chuan sorkar nena inzawmna neilo, mimal leh pawl sumdawnna thilah Mizoram sorkar hnathawk te chu, sorkar-a an nihna tarlanga inhnamhnawih hauh lo turin a hriattir.

RUALBANLOTE TANA STATE LEVEL WORKSHOP PU PC LALTHANLIANA’N A HMANPUI

Nimin khan CBR Partners, Mizoram huaihawtin Aijal Club-ah “State Level Network on Disability and Advocacy, Mizoram” neih a ni a. He workshop hawnnaah hian Social Welfare Minister Pu PC Lalthanliana chu Khuallian niin.Pu PC Lalthanliana chuan rualbanlote tana rawngbawltute hnathawh chu ropui a tih thu a sawi a. Sorkar pawhin rualbanlote a ngaihsak a; kawng hrang hrangin hma a laksak tih a sawi. Mizoram Sorkar chuan rualbanlote tan bik Commissioner Office thar a hawng dawn a, thawktu tur Assistant Commissioner leh staff dang 10 lakna turin phalna lak a ni tawh tih a sawi. Persons with Disability Act, 1995 (sec 33) in a phut angin Mizoram Sorkar hna lakna hrang hrangah 3% chu pianphunga rualbanlote tan hauh a ni a ti bawk.Pianphunga rualbanloten mahnia eizawnna an dapna turin National Handicapped Finance Development Corporation (NHFDC) hnuaiah Mizoram Sorkar chuan Mizoram Rural Bank (MRB) chu State Channelising Agency atan a ruat a.Social Welfare Department leh MRB hian February, 2010 atang khan hma lain loan la tur mi 122 a thlang chhuak tawh a ni. Sorkar laipui hnuaia ADIP scheme atangin kut lem, ke lem etc leina tur dawn niin NGO leh DDRC te nena tangkawpin hetiang mamawhte chu a thlawnin pek an ni thin bawk. Piansual avanga khumbet mi 200 hnenah Disability Pension thlatin Rs. 250 pek thin a ni a; pianphunga rualban loten intodelhna hna an thawhna atan Economic Rehabilitation to Handicapped Persons scheme atangin kum 2008-2009 chhung khan mi 262 hnenah tanpuina pek a ni.Pu PC Lalthanliana chuan lehkhathiam zinga pianphunga rualbanlote tan bik Educated Unemployment Allowances siam niin Employment Exchange-a an in register atanga kum 3 chhunga hna an hmuh loh chuan thlatin stipend pek an ni a, he scheme hnuaia stipend dawng mek mi 25 an awm a ti a. Kum 2008-2009 khan naupang 850 hnenah Handicapped Student Stipend pek niin Rs. 3,78,900/- sem a ni a; kum 2009-2010 ah chuan naupang 813 hnenah Rs. 2,01,000/- sem a ni a ti bawk. National Programme for Rehabilitation of Persons with Disabilities (NPRPD) scheme hnuaiah Mizoram Sorkar chuan State Referral Hospital atan Presbyterian Hospital, Durtlang a ruat a, State Referral Center (Mentally Retarded) atan Spastic Society of Mizoram leh District Referral Center atan Indian Red Cross Society, Mizoram State Branch te ruat a ni tih a sawi bawk.
source:diprmizoram.gov.in

MZP in lawmthu an sawi

Nimin aMZP pisapui ah Executive Emergency Meeting neih chuan tunhnaia Forest Department in Forest Guard hna a lakah K.Biakmuana tling tawh lak a ni leh lo chungchanga MZP hmalakna thlir a ni a, thuneitute’n MZP ngenna ngai pawimawha a tlinna hmun ngei ah K. Biakmuana chu Forest Guard hna thawhtir anih dawn tak avangin MZP chuan lawmawm an ti hle.
Zirlaite’n hamthatna hrang hrang Scholarship, Stipend, Book grant etc an dawn thin ah harsatna a awm lova a hun taka an lak theihna turin theihtawpin hma a la thin a. Kum 2010-11 chhungah pawh a hun taka zirlaiten an dawn avangin MZP chuan lawmawm a ti hle bawk.
Hetihlai hian Central sorkar atanga sum a lo thlen tlai avanga Budget Allocation-a telh hman loh Minority Scholarship (General) Fresh tih chauh loh chu a dang zawng te pek kim vek a ni tawh a. A rang thei ang bera Minority Scholarship (General) Fresh dawng tur zirlaite’n an dawn theih nan MZP leh Mizoram Scholarship Board hmalakna chu a dawng tur zirlaite hian lo ngaichanga lo hrethiam turin MZP te chuan an ngen nghal bawk.