Wednesday, May 18, 2011

Christian Hospital a Ultrasound leh X-Ray khawl thar CEM in a hawng.

Nimin khan Christian Hospital Lawngtlai a hman tur Ultrasound leh X-Ray khawl chu LADC a CEM Pu C.Ngunlianchunga'n a hawng. Hemipual a inkhawm tawite buatsaih Dr.Lalramzauva Medical Superintendent kaihruaiin, Technical Report a pe nghal a, Ultrasound hi BKHP Mizoram leh Lawngtlai Area a Bial leh Kohhran hrang hrangte thawhkhawm a lei a ni a, a dahna tur leh a khawl man atan hian avaiin Rs.35,0000 senral a ni a, X-Ray khawl hi Pahnih dah niin BCM Medical & Health atanga lei a ni a, a dahna tur leh a khawl man atan hian cheng Nuai thum vel sen a ni bawk. Khuallian Pu C.Ngunlianchunga chuan Lal Isuan tihdam rawngbawlna chu a ngaipawimawh hle a,amah zuitu ten chu tihdam rawngbawlna chu chhunzawm zel in, tuntum a Christian Hospital Lawngtlai in Khawl thar hmanga Lal Isua rawngbawlna an chhunzawm theitur hi a lawmawm ka ti takzet a, Lairam mipui aiawhin lawmthu ka sawi a ni, he khawl hi mirethei, chanhaite tan malsawmna lo ni zel rawh se a ti bawk. Tin, Doctor leh Nurse, a biktakin Kohhran Damdawiin a thawkte hi Damlote tan nelawm tak zaidam tak lo ni zel ula, damlote tan a Damdawi pakhat inni tih hi lo in hre reng turin ka duh che u a ni a ti.He Christian Hospital Lawngtlai hi kum 2007 a din tan niin, tunah hian changtlung zawka enkawl chhoh mek a ni a, a Building pawh chaktak a sakthat mek zel a ni a, room sakzawh thar apiang chu Ward atan luah nghal zel a ni a, tun dinhmun ah he Hospital ah hian Ha enkawlna khawl thar pawh dah thar a ni bawk. He Hospital hi khum 35 awm theihna tur a buatsaih mek a ni.

Council Veng ah Zirna lam hawi Seminar neih a ni.

Nimin khan Lawngtlai council veng chuan Continous and Comprehensive Evaluation for Parents & Teachers Seminar neih ani. He hun hi Village Council buatsaih niin,VC Vice President Tv.Elvis Lalthangzualan a kaihruai a,Khuallian Pu Lallura Chinzah LADC Executive Member chuan thusawiin" Naupang enkawlna chungchangah nu leh pate mai nilovin zirtirtute pawimawhna hi kan hriat fo a pawimawh a,naupangin sikula an zir ringawt hi duhtawk mai lovin,in lamah nu leh pa ten kan chhunzawm sak zel hi a pawimawh hle ani.Zirtirtuten naupang zitirna kan pek hi Pathian rawngbawlna ani tih hrerengin,rawngbawltu hnathawk thalo chu rahchhuah hmuh tur a awm ngailo tih hi i hre reng angu" a ti. He hunah hian Nl.Marylin Lalnunmawii DIET Lecturer leh N.Ramfangzauva DIET Lecturer te paper buatsaih CCE Chungchanga nu leh pa leh sawrkar lam mawhphurhna tih chu zir ho ani a, . Council veng chhunga zirna sikul hrang hranga zitirtute leh nu leh pate an kal tha hle.

LSA Conference

Ni hnih chhung awh LSA General Conference naktuk a YLA Hall a tan tur a inbuatsaihna pehfel a ni tawh a, Conference ah hian Pu H.Zothangliana Parliamentary Secretary chu khuallian a ni ang. Conference tawp ni Zirtawpni chawhnu lam ah MJA te buaipuina hnuai ah LSA Gen.Hqrs. hruaitu thlan thar a ni ang.

Monday, May 16, 2011

Lawngtlai District Merchant Association Office CEM in a hawng



Zirtawpni, May 13 khan lawngtlai District Merchant Association Lawngtlai Bazar a Pi Zathangi Building ah Office thar an hawng a, Office thar hi LADC a Chief Executive Member Pu C.Ngunlianchunga'n a hawng a, thusawiin CEM chuan Economics a inchimralna veng turin Sumdawng pawl te chuan tihtur tamtak an nei a ni a ti a, sumdawnna a hmalakna ah ram leh hnam himna ngaihpawimawh a tul hle tih sawiin mite tana hnawksak lo leh dipdal lo zawng a hmalak a pawimawh rualin mahni dikna chanvo humhim tur chuan theihtawpa hmalak a tul a ni a ti. Hnam dangte hi thian ah kan siam a tul a, chutihrual chuan kan Inpui leh Khumpui erawh min luahpui a remlo a ni a ti. Sumdawnna lama hmasawn nan Sumdawngpawl te leh Council Sorkar chu rualtaka a kal a ngai a ni a ti. CEM hian Merchant Association te tanpui nan Rs.2000/- a pe.Pu H.Remmawia Merchant Association President chuan dankalh a sumdawngte chuan ram dinhmuna a ti derthawng tawh takzet a ni a ti a, tanrualna tha tak nen hmalak a tul a ti.Merchat Association Secretary Report a a lan danin Member 226 an awm mek a, Vai dawr 60 chuang awmin, Mizo License hawh a hnamdang dawrkai 16 awmin Vai License nei 7 an awm a, Voter ID neilo dawrkai 10 chuang an awm mek bawk. Office thar hawnna ah hian LADC a Executive Member Pu Lallura Chinzah leh Pu H.Vanlalthaliana bak ah MDC pahnih ten an telpui

Scientific Advisory Committee neih a ni


Zirtawpni tlai dar 3 khan KVK Chawnhu ah KVK Lawngtlai District hnuaia Scientific Advisory Committee Meeting vawi 1-na neih a ni. SAC Chairman Dr. OP Singh, Director of Agriculture (Research & Education), Mizoram, chuan Meeting hi a kaihruaiin Line Department hnuaia member ten KVK hmalak tawhna te thlir hoin an hmalak zelna tur, Action Plan 2011-2012 thlir hoin siam that ngai lai te siam thain an pawmpui.He Meeting ah hian Member tel an thalo hle a, Department hrang hrang Head te chu Member an ni deuh vek a, Meeting ah hian Member zatve aia tam an tello.

Chawi nawn

Lawngtlai District Merchant Association te chuan Ramdang bungrua ah Custume Duty ten chhiah an chawitir thin a, kalkawnga chhiah an chawi hnu ah Dawr ah Duty ten an check leh in an chawi tir leh tho tih sawiin Foreign Bungrua ah Receipt an pek theih loh vangin an chawi nawnfo a,a tir ah chuan pawisa an chawi hi a tam tham deuh thin a, an chawi zat titlem tur a an ngenna chu a hlawhtling tawh a ni an ti.

Friday, May 13, 2011

Fisheries Minister Pu H.Liansailova’n District Fisheries Development Office a hawng

Nimin khan Fisheries Minister Pu H.Liansailova'n Lawngtlai District Fisheries Development Officer Office a hawng, hawnna inkhawm Pu T.Sangkunga Secretary Fisheries Department kaihhruai ah Minister chuan Sangha tharchhuah theiohna hmunhma tha tak tamthamtak awmna Lawngtlai District ah Fisheries Development Office hawn a ni thei ta chu lawmawm a tih thu sawiin, kuthnathawktute tan hmalakna tiawlsam tu a nih ngei a beisei thu a sawi a, Mizoram in kumkhat chhunga Sangha a mamawh zat atanga chhut in State chhunga tharchhhuah chuan 10% pawh a kai phalo a, Sangha tharchhuak tam thei tur a hmalakna chu Sorkar chuan a ngaipawimawh hle a ni a ti a, Office thar hawn tak chu sum lam a indaihlohna vangin bungrua leh thawktu lam pawh duhthusam a indaih sorkar in la dah theilo mahse, a enzui zel dawn a ni a ti, NLUP chungchang sawiin Minister chuan mithenklhat ten a hlawhchham ring mahse, hmalak tawh dan atangin hlawhchham thei a ni lo a ni a ti a, a dawngtu mipui te ah tihtakzet a hmala hmuhtur an tam viau ni a sawiin a, Line Department lam pawhin thahnem an ngai hle a ni ati.Khualzahawm CEM Pu C.Ngunlianchunga pawhin thusawiin, nichhinchhiahtlak hmasawnna chhuanawm Lawngtlai district in a neithar leh ta chu Sorkar lam a hotuten hmalakna vang ni a sawiin Lai District mipui aiawhin lawmthu a sawi a, a bikin tui khuahtur tamna hmun District khawthlang lam mipuite tan chuan a lawmawm zual hle dawn a ni a ti, he hun ah hian NLUP ApexBoard Chairman Pu R.Selthuama, DC Pu Thlamuana leh Fisheries Association President te pawh in thu an sawi.Dr. O.P Singh Director, Fisheries chuan report pein Office building chu kum 2003-2004 ah NLCPR atanga Cheng Nuai 9 senga sak niin Quarter pawh Nuai 3.5 senga sak a ni a ti a, Lawngtlai District ah Sangha khawi chhungkua 1224 an awm mek a, Sangha khawi theih na tur ram Hactare 6000 a awm thu leh tun dinhmun ah Hactare 609 chauh Dil atan siam a ni ati.Pu T,Sangkunga chuan Sangha tharchhhuah a tam theih nan a vawnthatna mamawhna a lian hle a, Union Minister Pu Sarad Pawar chuan Cold Storage sakna tur in Cheng Vaibelchhia 10 minpe a ni a ti. Office thar hi Pu Lalzamlova Hmar in a thutchilh nghal a,AFO-1 Demonstrator 2 bak ah UDC-1 dah nghal a ni bawk a ni.

Legal Metrology Inspector dah thuai dawn.

Lawngtlai ah Legal Metrology Department awmloh vangin tehna chi hrang hrang te chu dik fumfe a awm meuh lo tih Pu C.Ngunlianchunga chuan nimin a Fisheries Office hawnna ah sawiin, Sorkar lam chuan theihtawp chhuah in Legal Metrology Lawngtlai a dah a nih theih nan hmalakna a kalpui a, tundinhmun ah Department puitling pangngai dah mai theih a nih loh vangin hmalakna chu tawpsan mai lovin, Ram leh Mipui te mamawhna a san em vangin ngenngawl takin hmalakzui a ni a,State Sorkar chuan Staff dang tellovin Inspector pakhat Lawngtlai ah a rawn dah dawn a ni a ti a, Office tur pawh LADC Office remchang laiah siamsak hrih a ni anga, amah puitur Staff pawh Council Staff atangin siamrem a ni hrih dawn a ni a ti.

NLUP Meeting

Vawiin chawhma dar 11 hian Lawngtlai DC Conference Hall ah NLUP Meeting neih tum a ni a, Line Department te kimtaka teltur a hriattir an niin,hmalakna kalmek leh hmachhawpte an thlirho ang.

Hawng dawn

Lawngtlai District Merchant Association Office ,Pu C.Ngunlianchunga CEM in vawiin hian a hawng ang

Kawr pe

99 Dawr Rin Rin Shopping Mall chuan Lawngtlai Traffic Police te haktur Kawr, sawm nimin khan an pe, hetiang kawr hi Khawpui lam ah pawh an hman thin ang niin, a biktaka Kolkota atanga an chah niin a petute hian an sawi.

Meeting dawn

Vawiin chawhnu dar 2 hian Dr.O.P Singh Director ho in KVK Complex Chawnhu ah Scientific Advisory Committee chuan Meeting a tumkhat nan an nei dawn.Line Department bak ah NGO aiawhte Member an ni.

YLA Branch thar

Central YLA chuan Lawngtlai Electric Veng YLA Branch thar chu a pawmpui tawh niin thu kan dawng a, Branch hruaitu lailawk tur pawh a hnuai ami ang hian ruatfel a ni tawh.

President
T.Lalsangpuia
Vice President
T.Laldinthara (Patea)
Secretary
C.Lalhriatpuia
Asst.Secretary
Andrew Vanlalhlupuia
Treasurer
Lallianmawia
Fin.Secretary
C.Lalfakzuala(Bawiha)

Zu khap hlawhtlinglo

MLTP Act hmanga Mizoram a Zu khap bur chungchang zirchiangtu Study Group ten MJA te ngaihdan a zawhna nimin khan MJA Gen.Hqrs. chuan a ngaihtuah a, Zu Khap Burna Damn hman mek chu a hlawhtling lo niin an hria a, hlawhtling chuang silo Dan hman reng chu MJA chuan thalo a ti bawk, Zu rui te khuahkhirhna dan khauh zawk a siam MJA chuan an duh.

Thursday, May 12, 2011

Office hawng dawn

Vawiin hian Fisheries Minister Pu H.Liansailova chuan Lawngtlai District Fisheries Development Officer Office a hawng ang. Office atan Information Office bul a Agriculture Department in an luah thin, Fisheries Department Building hman a ni dawn. Office thar hawnna ah hian LADC a CEM chu Khualzahawm a ni ang.

Wednesday, May 11, 2011

Boxer Lalenkawli’n a theih chhung chu Lawngtlai leh Mizoram tihmingthatu nih a duh


Amateur International Boxing Association(AIBA) in World Junior Boxing Championship a buatsaih hmasak ber Turkey a neih a Kg 46 a Champion Lalenkawli chuan a theih chhung chu Lawngtlai leh Mizoram ti hmingtha tu niha duh thu nimin a amah kawmtu kan Palai a hrilh. Enkawli chuan tun dinhmun ah Vishakapatnam a Sport Authority of India(SAI) a awm tur a sawmna a dawn thu a sawi a, Mizoram pawn a a awm chuan Lawngtlai leh Mizoram hming a khelh a harsat a rin thu sawiin, Lawngtlai leh Mizoram ti hmingthatu a nih theih chhung chu nih hram hram a duh vangin thutlukna feltak siam harsa a tih thu a sawi a, Mizoram pawn lam a awm chuan a kalzelna tur ah hamthatna pawh awm nasa thei deuh tur a ngaih ni mahse, thu tlukna chu siam mai harsa a ti hle tih a sawi. Enkawli hian Lai District Mipui ten an lo lawm dan leh chawimawi dan chu a rinphak bak a nih thu leh thinlung taka a lawm thu a sawi a, Boxing khawvel a hriat a hlawh theihna bul ber chu Pathian a nih thu leh, Boxing a amah lo kaihruai thin tute chung ah a lawm takzet tih a sawi bawk.

Purun thar hnem

Lawngtlai Chandmary-II a cheng Pu K. Lalbualthanga chuan kumin hian Purun a thar hnem hle a, hetiang a thar tam hi tunhma lam ah pawh Lawngtlai District ah hian an la awm ngai lo niin kan hria. Hetianga kuthnathawktu hlawhlting hi a hria apiangin a chhuanawm thu an sawi uar hle. Pu Bualthanga hian Nalkawn lam ah lo a nei a, heta tang hian chhunbgkaw chawmna khawp Purun hi a tharchhuak niin thu kan dawng.

PRISM lokal tum

PRISM hruaitute chuan tunthlan chhung hian Lawngtlai rawn tlawh tumin ruahmanna an siam a, Lawngtlai District a an thawhpui LDDVC te nen hmalak ho dan tur leh kal zel dan tur te sawiho an tum a, LDDVC ten hmachhawp an neih mek leh an hmalakna kalmek te pawh an thlir ho rin a ni.

Office hawng dawn

Tunkar Zirtawpni khian Lawngtlai District Merchants Association chuan Lawngtlai Bazar a Pi Zathangi Building ah Office thar an hawng dawn, Office hawng tur hian LADC a CEM Pu C.Ngunlianchunga an beisei.

Tuesday, May 10, 2011

AH&Vety Department ten NLUP Tanpuina an semchhuak mek

Mizoram Sorkar Flagship Programme NLUP atangin AH & Vety Department Lawngtlai chuan an hnuai a Trade thlangtute hnen ah tunlai hian hmalakna tur pawisa Lawngtlai District Vety Officer Dr.Laltlankima ho in an pechhuak mek , nimin khan chhungkua 115 hnen ah hmalakna tur pawisa hi Chegue in an pe chhuak leh, District Vety Officer Office Lawngtlai ah tanpuina hi pekchhuah niin, office atanga an pekchhuah theih chin tur a ngaih Lawngtlai khawpui chhung bik tan sem chhuah phawt a ni a, hemi hnu hian thingtlang lam ah semchhunzawm leh an tum. Karkalta Zirtawpni khan chhungkua 75 hnen ah AH & Vety Dept te hian an lo pechhuak tawh bawk, Lawngtlai District chhung ah NLUP ah Vety Department hnuai a Trade thlangtu Beneficiaries 1537 an awm. Tun tuma pawisa pek chhuah hi Ran In sakna tur leh ran vulhna tur hmunhma buatsaihna tur a ni a, Broiler leh Layer Vulh tumte hnen ah Rs. 29363 theuh, Vawk vulh turte hnen ah Rs. 15061, Zobawng ah Rs. 14500 Bawnglainchi vulh tumte hnen ah Rs. 19786/- zel in an pechhuak.

Sudan Ambassador in Home Minister lehkha a thawn

Home Minister Pu R. Lalzirliana lehkhathawn chhangin Johny F Lalhmangaihzuala, thihna chungchangah Sudan Ambassador Khidir Haroun Ahmed chuan May ni 6 khan Home Minister hnenah tawrhpuina thu a rawn thawn a. Sudan sorkar leh mipuite aiawhin he thihna chungchangah hian thinlung taka pawi an tih thu leh vanduaithlak an tih thu a rawn sawi a ni.Sudan Ambassador chuan inthianthatna tura infiamna buatsaihah a nilo zawnga thil a thleng ta chu pawi a tih thu sawiin an ram mi India rama lehkhazir tura lo kal te chu India khua leh tuite nena inngeih tlang taka awm tura an lo hriattir chhunzawm zel tur thu a sawi a.Tunhma atangin hetiang thil duhawm lo hi a la thleng ngai lo tih a tarlang a.Vanduaina hi friendly match khelh laia thleng a nih avangin ruahman lawk leh tum lawk reng vanga tualthah luihna niin a lang lo va. Mahse chu chuan he tuarna hi a ti nepin pawmtlak nihna a pe hauh chuang lo tih sawilangin he vanduaina thlengin a nghawng tuar chhuak thei tur leh vanduaina tuartu chhungkuate channa leh harsatna sutkian sak tura thawhhona tha siam ngei an duh thu an tarlang a ni.Zirlai chhungte tana zangnadawmna pek chungchangah pawh a buaipuitu thuneitute thawhhopui an inhuam thu an tarlang bawk a ni.

TANPUINA DILTHEIH

May, 2012 thleng huam turin sorkar laipui, Ministry of Culture chuan Rabindramath Tagore-a piancham vawi 150-na lawm nan ‘The Tagore Commemoration Grant Scheme (TCGS)’ chu a siam a. He scheme hnuaiah hian Tagore-a hriatrengna, a ropui zia leh Art & Culture lama a thawh hlawk zia tarlang thei project/programme buatsaih duhte tan tanpuina dil theih a ni e.
Non-Profit NGO te tan ‘Project details’ hi Director, NEZCC, Dimapur emaw Ministry of Culture Website www.indiaculture.nic.in ah lak theih a ni e.

Exam duh tan

UPSC hnuaia National Defence Academy leh Naval Academy Exam duh tan IPRO Office Lawngtlai ah zawhfiahtheih reng a nih thu kan dawng.

C.M HOVIN MSHCS MEETING NEI

Mizoram State Health Care Society (MSHCS) chuan vawiin khan Chief Minister’s Office Conference hallah Chairman Pu Lal Thanhawla, Chief Minister hovin Governing Body Meeting vawi-10-na neih a ni a, agenda chhawpchhuah hrang hrang 6 an sawiho.Chief Minister , MSHSC Chairman ni bawk chuan mipui vantlang hriselna hi ngaihpawimawh a tul thu sawiin, central sorkar pawhin 12th Five Year Planah Social Sector zinga ngaihpawimawh ber pakhatah a dah a ni a ti a. Health Care hi social indicator pawimawh tak a ni a, ram changkangte chuan an ngaipawimawh a, an ngaihpawimawh dan zuk hre pha silovin kan lo inti changkang a, kan changkang silo a ti a. Hriselna lamah mipui ten zir tur kan la ngah hle a ni a ti.C.M chuan ram leh hnam in hlawkna an hmuh hma a lo hlawk hmasak tum kan la awm hi a ninawm hle a ni tiin, sorkar hnathawk lian thenkhat zingah an zin veivahna a sorkar pawisa tham tak la awm cheu te hi an tih loh tawp tur a ni a ti. Health Care Society a thawk te chu lo hlawk ruk pui tum an awm loh nan medical bill te chu chik taka enpui thin turin a chah.MSHCS ah hian April 29 thleng khan APL damlo mi 3000 tan Rs. 3,01,19,107 leh RBSY hnuaia BPL damlo mi 208 tan Rs. 9,99,800 a pek sak tawh a. MSHCS a inziaklut mi 5254 atang hian APL damlo mi 1075 tan senso tur Rs. 1,79,78, 901 pawmpui tura kalpui mek a ni bawk RBSY hnuaiah Rs. 22,96,190 senna turin mi 451 inziaklut an awm tawh bawk a ni. MSHCS ah hian APL inziaklut mi 234 leh RBSY hnuaia inziaklut mi 18 te chu hnawl an ni tawh bawk.

Monday, May 9, 2011

LWA ten Ro an rel

May ni 5 khan Lawngtlai Press club ah LWA chuan General Conference Rorelna an nei.LWA te hian conference neih loh kumah chuan Rorelna hi an nei thin a,Pi H.Vanlalhruaii,President LWA Gen,Hqrs kaihhruai rorelna ah hian hmun hrang hranga LWA hruaitu kal thei chin chu an kal tha hle a,tluang taka rorelna pawh neih ani.He Rorelna hunah hian hmeichhia elected VC member mi 6 hnenah chawimawina thuziak an hlan a,BoxerNl.Lalenkawli hnenah Thuziak an hlan bawk. An rorel langsar zualte chu Police Deptt(Force)lam ti lian tura sawrkar ngen nise ; Nupui/Pasal in neihin,Mo lawi ruala Mo thuam chhawm hi ken tawh loh nise,a bik takin hmeichhia in Awngphah chhawm tawh loh nise tihte, Lawngtlai town chhungah hian LPG Agent neih belh tura hma lak ni se tihte leh kum 2011-2012 hi Ruihhlo Do kumah puan ni rawhse tihte ani a,kum 2011-2012 budget atan Rs 60000 an ruahman bawk.

Ziakmi leh Infiammi LSA in lawmpui

Inrinni khan LSA General Hqrs. Lawngtlai chuan tun hnai a Mizorama Boruak nei lian berte pahnih MAL Book of the year 2010 Beiseina Mittui ziaktu Pu Samson Thanruma leh Nl.Lalenkawli World Junior Women Boxing Champion te chu an office ah lawmpuina thingpui an inpui.He hun hi Pu S.Lalmalsawmsanga,Vice President LSA Gen.Hqrs chuan kaihruaiin"keini Lai Fa leh Lai hnam te tana hun chhinchhiahtlak kan tawng hi keini LSA te chuan lawmawm kan ti a,thil tha tak ti theilo mah ila,vawiin ni ah hian heng kan mi chhuan vawrte pahnih tana proggrammee kan buatsaih thei hi kan lawm hle ani"tiin lawmthu kal khawmte hnenah a sawi a.Technical report Tv.Lalnunthangmawia(Patea)hnen atangin Nl.Lalenkawli hun lo tawn tawhte ngaihthlak ani a,Lalenkawli hian kum 2006 atanga Boxing khawvelah lo zuang lutin,SAI ah kum 2007 khan a training tan a,boxing a luh tirh atanga vawiin ni thlengin Medal alak tawhte chu Gold-13. Silver-1.Bronze-1 anih thu ngaihthlak ani.Pu Samson Thanruma pawhin thu sawiin"Hetiang dinhmuna min hruaitu Pathian leh MAL Hqrs hruaitute chungah lawmthu ka sawi a,he ka lehkhabu Beiseina Mittui min hlutsaktu zawng zawngte chungah lawmthu ka sawi ani tiin,mizote hian tun aia nasa zawka lehkhabu chhiar kan uar a pawimawh ani ati a,Kan chettlatna a zira kan tawngkam hman chungchangah he ka lehkhabu a ka tihlan hmar lamin an lo hriat lar vak silohte engemaw zat ka hmang a,kan tawngkam chheh nalh leh mawi tak nia ka hriat hi tih lan zel hi ka tum ani" tiin a sawi. He huanah hian Nl.T.Lalhmingtani chuan mawi takin kalkhawmte hla in a awi bawk ani.Chawhnu lam hunah hian Pu K.Hrekung,President,Lawngtlai Academy of Letters chuan thu sawiin Pu Samson Thanruma leh Nl.Lalenkawlite a chhuan thu uar takin a sawi.He hunah hian mi sawmte an kal tha hle ani.

LIKBK Pastor Bial thar hawng

Inrinni khan Lairam Isua Krista Baptist Kohhran (LIKBK) chuan Pastor Bial pakhat an hawng thar. Pu C.Sangtlinga kaihhruaia Sihtlangpui Pastor Bial thar hawnna hi Sihtlangpui LIKBK Local Church ah neih ani a, Rev.C.Hrangzuala General Secretary,LIKBK chuan Sihtlangpui Bial thar hi Pa leh Fapa leh Thlarau Thianghlim hming in KKohhran hote an lo chak zawk zel theihnan a hawng a, Pathian thuchah sawina a neiin, Pathian in Kohhran a dinchhan te leh Pathian rawngbawlna kawng a tan kan lak leh zual theuh a ngaih thu a sawi bawk. Sihtlangpui Pastor Bial thar hi Rev.F.Raldawna'n a bial dawn a.Khaw pali:- Kawlchaw'W', Sihtlangpui, Chawntlangpui leh Saikah 'L’ khua te he Pastor Bial thar hian a huam dawn ani. He Bial thar ah hian Kohhran UPa-13,Rawngbawltu-24, Kohhran In awmzat-131,KKohhran Member awmzat-620,Thalai Pawl Member-78 leh Hmeichhe Pawl Member-89 an awm mek ani.He Pastor Bial thar a Pastor awmna tur In pawh ruahmanna neih fel tawh ani a, Inrinni a Bial thar hawnna hi Sial leh Vawk in lawmna Ruai buatsaih chu thehho ani.

Saturday, May 7, 2011

LEHKHABU ZIAH HI EIZAWNNA TLAK A NI -Samson Thanruma

Pu Samson Thanruma, Mizo Academy Of Letters in Book of The Year 2010 atan a a thlan Beiseina Mittui tih lehkhabu ziaktu chuan Lehkhabu ziak chu eizawn nan a hman tham a tling a ni a ti. Nimin a The Lawngtlai Post in a kawmna ah Pu Sama chuan Lehkhabu ziaktute tan kawl a eng chho zel a, sumdawnna ang hawi zawnga teh chuan hlawk lemlo mahse, tihtakzet a beitute tan chuan eizawnna tham a tling a ni a ti a, a lehkhabu ziah Beiseina Mittui tih chu chhut hmasak zawng hralh zawh vek niin, chhut nawn leh pawh hralh zawh a ni leh tep tawh a, tunah hian a chhut thumna buaipui leh tumin hma a lak mek thu a sawi a, Literature a tuimite, a bikin Lai District a chengte tan an thuziak pholanna tur tualchhung ah chanchinbu a awm tha tawklo a, heihi micheng kan la tlem vang a ni a ti a, hetiaiang hi nimahse, Aizawl lam ah chuan midangte thuziak chhuah chhawng a Chanchinbu hmanga eizawng an awm nual tawh vangin hengmite hi hmantangkai thiam a pawimawh a ni a ti a,thuziakmite chu tan la sauh sauh se a duhthu a sawi a, a thawnthu ziak ah a zirtir neitha aiin a chhiartute tan a ngaihnawm lam tur a ngaihpawimawh deuh thu Pu Sama chuan a sawilang bawk.

Friday, May 6, 2011

Boxer chhuanawm Lalenkawli ropuitaka lo hmuah a ni,


April 24,2010 atanga Turkey khawpui pakhat Antanyla a Ameteur International Boxing Association buatsaih 1st World Junior Women Boxing Championship a Gold Medal latu Lalenkawli chuan nimin khan Lawngtlai a thleng a, ropui takin ruahmanna fel tak hnuai ah lo hmuah a ni a, mihring leh lirthei tamtham tak nen Ramri a lo hmuah niin, hemi hnu hian Areopagy ah Pu C.Hrangthianga kaihhruaina hnuai ah Lalenkawli lawmna inkhawm hi neih niin, duhsakna thilpek tam tham tak a mah duhsak a ngaisangtu Association, Department leh mimal ten an hlan, he hun ah hian LADC a CEM Pu C.Ngunlianchunga chuan thusawiin Lalenkawli chu Laifate khawvel hriat a pholangtu a ni chu Ram mipuiten an chhuang takzet tih a sawi a, LADC Sawrkar pawhin a chhuang takzet a ni a ti a, lawmpuina pawisa cheng Nuai khat a hlan nghal a, CEM hian LADC Plan Fund atangin Boxing tha taka sak a nih tur thu a sawi. LADC a Executive Member Sport changtu Pu V.Zirsanga pawhin Lalenkawli chu Hnam in a chhuang takzet ani a ti a, a kalzel na tur ah duhsakna hlan in lawmpui nan In hmun pek a nih thu a puang bawk. Lalenkawli hi a khawnawt a lo hmuah a ni a, mipui bak ah Sport Dicipline hrang hrang a hruaitute leh LADC Sorkar a mipawimawh te an tel thahnem hle. Enkawli hian Gold Medal bak ah Dollar 250 a dawng tel a, State atangin cheng Nuai 3 pek a ni anga, Central lam atanga lawmpuina tangka fai a dawntur zat chhiah hi hriatchian la nilo mahse cheng Nuai 2 chu a dawn ngei a rinawm.

Lawngtlai khawpui cheinan Cheng Vbc.463.43 ruahman

Lawngtlai khawpui in hma a sawn theih nan a hmalakna pakhat leh tun dinhmuna hmalakna lianber a ngaihtheih chu a hlawhtlinna hmuhchhoh mek a ni a, hemi chungchang ah hian Pu C.Ngunlianchunga LADC a CEM chuan Lawngtlai khawpui cheithatna tur Upgradation of Lawngtlai Town atan NEC atangin Cheng vaibelchhia 463.43 ruahman fel a ni tawh a ni a ti, hethu hi nimin a Boxer Lalenkawli hmuahna ah sawiin CEM chuan he pawisa ruahman atang hian cheng Nuai 1181.74 sunction fel a ni tawh tih sawiin, Lawngtlai khawpui chhung a cheithat ngai leh khawpui siamthat ngai ah te hna thawh a ni dawn a, Lawngtlai-III leitlahniam te, Step leh Side Drain te khawpui chhung hmun hrang hrang ah siam a ni anga, Areopagy pawh sak that a nih dawn bak ah Fly Over siam a ni dawn a ni ti. Upgradation of Lawngtlai Town atana pawisa hmuh hmang in reilote ah Lawngtlai khawpui hmel chu tihdanglam a ni dawn a ni CEM chuan a ti.

Monday, May 2, 2011

LADC Day-Vawi 39na LADC Complex ah




LADC Vawi 39-na chu April 29 khan LADC Complex ah hman a ni a, Art & Culture enkawltu E/M Pu T.Lalbiakmuana kaihhruaina hnuai ah Day hi hman a ni a, hun hmasa lam chu Pathian hnen a lawmthu sawi a inhlanthar nan hun hman a ni a, Hemi hnu hian LADC sorkar a Industry Department kutchhuak Lai Culturer Dress Exhibition chu CEM Pu C.Ngunlianchunga’n a hawng a, CEM chuan Day thuchah
sawiin, LADC Day chu Laifate tan Independent Day ang hial a pawimawh a niin ngaihpawimawh a phu a ni a ti a, Council kan neih vanga mitamtak ten eizawnna kan neih phah ringawt pawh hi a hlu takzet a ni a ti a, hma kan sawn mek rualin District Council kan neihna chhan ber Hnam ah kan chian deuh deuh a pawimawh hle a ni a ti. CEM chuan District Council a pian theih nan a sul lo sutu zawng zawng te chu Ram in a hre reng a, an mahni vang liau liau a vawiinni hi thleng thei kan ni a, Ram in a theihnghilh thei lova, zahna chibai a buk a ni a ti. CEM hian Kum 2 leh tlem chhung a LADC Sorkar in hmasawnna hna a thawh thenkhatte a sawilang bawk.Pu F.Rohnuna Chairman LADC pawhin thusawiin District Council chuan hma a sawn chho zel a, hruaituten hma an lo lakna pawh Pathian khawngaihna vangin a hlawhtling chho mek a, Direct Funding buaipui mek pawh in hma asawn chho zel a, a kalkawng a thui tham deuh vangin a hlawhtlin hun tur erawh sawi mai theih a nih hrih lo a ni a ti a, Direct Finance chuan dodalna a tawk chho mek reng a, Council huamchhunga chengte hian tharum leh hmanraw thalo hmang lovin, zawldawh takin dikna leh rinawmna nen kan dolet a pawimawh hle a ni a ti.Dr.Jangkhongam Doungel Reader Gov’t Lawngtlai College pawh in District Council pianchhoh dan tawikim takin a sawi a,Council him nan Art & Culture Department ngaihpawimawh a tul ani a ti a,tuna District Council kan neih hi Autonomous District Council ang innge kan kalpui a, Development Council ang tih chu zawhna awmthei a ni tiin a thusawi tlang a kawm a ni.Programme karlak ah hian Hnam ziarang pholang thei zai leh lam te entir a ni bawk a ni.

Boxer Enkawli World Champion

AIBA Womens World Boxing Championship, Antalya Turkey a neih zawh tak ah Lawngtlai Boxer Lalenkawli D/O Dinsangi chuan Gold Medal dawngin World Champion a ni.Lawngtlai Dist.Boxing Association chuan a chhuang hle.

E/M Batminton zofel

LDBA buatsaih a Sport Executive Member Batminton Trophy Chandmary Indoor Stadium a khelh chu Inrinni khan zawhfel a ni a, saiha,Lawngtlai leh Lunglei District atangin infiammi 67 an tel a, Category 10 a then niin Inrinni tlailam khan lawmman sem in hun khar a ni. Mens Single ah Lalnunpuia 2nd Bn MAP a Champion a,Womens Single ah HC Elisa (Saiha) a champion.