Monday, October 31, 2011

Kawngchhe zual siamtha turin Nov.15 thleng ngaihchan an tum

October Ni 28 a Lawngtlai District Drivers & Owners Association Joint Meeting chuan Lawngtlai District chhunga kawngpui chhe lutuk chungchang chu ngaihmawhawm an tiin hmalak dan tur an ngaihtuah a, Meeting hian All Vehicles Drivers & Owners Joint Ation Committee din in President atan Pu J.Rohlupuia ZDU President an ruat a,hruaitu dang pawh an ruatfel nghal. Joint Action Committee chuan kawngpui chhe lutuk siamtha turin sawrkar ngen nise an ti a, NH-54 Thinfgfal to Kawngchaw West te, Lawngtlai to Vaseikai kawng BRTF enkawl te te a khuar zuallai tal Boulder lung hmanga hnawh turin sawrkar ngen tha an ti a, Lawngtlai-III huamchhung a Slab Culvert siammek, khuar hnawhkhah nan a Contractor in leivung a hmang chu rintlak a an ngaih loh vangin a hnawhkhah nan Boulder lung ngei hmang turin an phut bawk a ni. Heng an thil ngen te hi November Ni 15 thleng hmalakna ngaihchan nise an ti a, an thil ngen ten awmzia a neilo a nih chuan Joint Action Committee chuan a tul anga hmalak nise an ti. Ngenna te hi vawiin hian an thehlut ang.

MJA ten Pu R.Zathang chhungte hnen ah ralna an hlan

Nimin chawhnu dar 1:30 khan MJA General Hqrs. Aizawl ten MJA Member, Senior Journalist Pu R.Zathang, Lawngtlai, kum 2010 December Ni 10 a Nazareth Hospital Aizawl a Cancer natna a boral ta nupui Pi Sangzuali Lawngtlai Council Veng hnen ah ralna tangkafai Rs.10000/- an hlan. He hun hi MJA Genl Hqrs. lam in Lawngtlai District MJA te kut a a dah angin District MJA Vice President Pu V.Lal Lianzuala'n kaihruaiin, ralna hi Lalngheta Ralte Treasurer in Pi Sangzuali hnen ah hian a hlan.District MJA President Pu ZD Dengngura chuan Journalist senior, Chanchinbu lam a Mizoram tana sulsutu hmasa Pu Ronunga chu MJA ten an hriatreng thu leh engtik ah mah theihnghilh theih a ni dawn lo a ni a ti. Pu R.Zathang ralna ah hian chhungkhat laina hnai te an tel tha hle a, LADC a E/M Pu Lallura Chinzah pawhin he hun hi a hmanpui. Pu R.Zathang Nupui Pi Sangzuali chuan Chanchinbumite inhmangaihna chu ropui a tih thu leh an chhungkua chu Chanchinbumite chhungkua a an inngaih tlat thu leh MJA hmalakna te chu chhuanawm a tih thu a sawi. Pu R.Zathang hi Mizoram a Chanchinbumite zing ah Senior ber pawl niin, Chhimlam ah phei chuan Chanchinbu lam a sulsu tu langsar tak niin, hunrei tak ama pualin Chhimthli Chanchinbu a ti chhuak a, Boral hian The Lawngtlai Post Joint Editor a ni.

ABC Khawmpui

Kar kalta Zirtawpni zan atanga tan Lawngtlai Area Baptist Council Inkhawmpui vawi 41-na Chanmari BCM Biakin a neih chu nizan khan a tiak ta Inrinni khan Rorel ni in Area hruaitu tur an thlang nghal a Chairman Elect atan Pu C.Thankila an thlang ,rorel palai 247 an kal a Pathianni chawhma ah Kohhran Upa 16 Rev.C. Lalbiaksanga Executive Secretary in a nemnghet a, chawhnu lam ah Lalpa zanriah sacrament an kilho .Lawngtlai Area ah hian Kohhran 34 an awm mek a,chhungkua 2673 awm in,Kohhran member hi 13487 an awm mek bawk .Pastor Bial hi Bial 6 awmin,Kohhran Upa 229 leh Rawngbawltu 312 an nei mek bawk aniNakum 2012 a Area Baptist Council neihna tur atan Lawngtlai Bazar an ruat.

Press Conference

LSA Gen. Hqrs chuan HSLC Exam Form Fill-up ah uchuak taka pawisa lak awm ni a an hriat chungchang ah vawiin hian Lawngtlai Bazar a an Office ah Chanchinbumite kawm an tum.

T.Vanlalsawmpeka ropui taka hmuah a ni

LPS Comedian Search 2011 a pahnihna Kawlchaw West tlangval T.Vanlalmalsawmpeka chuan Zirtawpni khan an khua a thleng a, Lawngtlai ah Friends Club leh Two Wheeler Club te huaihawtin ropui taka lo hmuah niin, ramri atangin amah duhsakna lantirin Motor thahnem tak nen Lawngtlai luhpui a ni a, Areopagy a ama pual inkhawm buatsaih ah LADC a Executive Member Pu V.Zirsanga chuan Malsawmpeka, lawngtlai District ti hmingtha tu chu chhuanawm a ti thu a sawi a, lawmpuina tangkafai Rs.5000/- a hlan bak ah CEM in Rs.5000/- a pek a hlan bawk. Central YLA President Pu V.Thangzova pawhin Malsawmpeka chu Central YLA chuan a chhuang takzet a ni a ti a, tangkafai leh thuziak a hlan bawk.Areopagy ah hian duhsakna thilpek thahnem tak hlan a ni Lawngtlai atanga an khua Kawlchaw West a panna a khua Chawntlangpui leh Sihtlangpui ah te ropui takin a khawnat in lo hmuah a ni a, Parthi bak ah duhsakna thilpek chi hrang hrang a dawng bawk. Kawlchaw West ah VCP kaihhruaiin a pual a inkhawm buatsaih ah mipui thahnem tak in lo hmuakin an lo lawm a, Kawlchaw West khawtlang chuan Malsawmpeka chunga duhsakna lantirtu zawng zawng te hnen ah lawmthu an sawi.T.Vanlalmalsawm peka pual hian Kawlchaw West chuan Inrinni khan Ruai an buatsaih.

Larsap intawhkhawmna ah Mizoram Larsap a tel

Mizoram Larsap Pu Vakkom Purushothaman chu ni hnih awh,(October ni 29 leh ni 30) Larsap te intawhkhawmna 'Conference of Governors' Rashtrapati Bhawan, New Delhi a neihah a tel a,thusawitu Mizoram Larsap chuan Mizoram chu Hmarchhak biala state ralmuang ber, Peace Accord ziah ni atanga kum sawmhnih panga chuang zet a ral hnu pawha remna leh muanna in nghet taka zung a kaih tlatna ram anih avangin nasa takin hmasawnna kawngah Mizoramin ke a pen a ni, a ti a. Chutihlai chuan he ram hi ruihthei thil leh drugs bakah pawisa lem tawlhruk nan te, State thenawm Assam, Manipur leh Nagaland-a helpawl hrang hrang ten ralthuam tawlhrukna remchangah te Mizoram chu an hmang ve mek bawk a ni, a ti. Larsap chuan India leh Bangladesh ramri hung hna chu a kal tluang hle a, Border Security Force ten ramri an ven atangin dan kalha chetna awm thin pawh a ziaawm tawh hle a ni, a ti a. India leh Myanmar ramri vengtu Assam Rifles te pawn dan leh thupek kengkawhtu dangte nen tang tlangin ralthuam leh drugs tawlhruk thahnem tak an man tawh ani a ti. Agriculture chungchang sawiin Larsap chuan mipui huapzo hmasawnna tluantling Mizoramin a neih theih nan sorkarin ruahmanna thar a duanchhuah New Land Use Policy (NLUP) chu January 14, 2011 khan a hman tan thu a tarlang a. He ruahmanna thar hian thingtlang lo neih(Jhum Cultivation) a eizawng tu te tan eizawnna ngelnghet leh tlo zawk siam sakin Mizoram sum leh pai dinhmun pawhin rahbi thar duhawm tak a chuangkai ngei dawn a ni, a ti. Autonomous District Council te chungchang pawh sawiin Larsap chuan an hnathawh chu tha thawhkhat viau nia a ngaih thu a sawi a, Council te hian Sorkar Laipui atanga direct funding hmuhtheih an inbeisei thu leh fund tam zawk dawn an duh thu kalkhawm te hmaah a sawi lang nghal bawk a ni. Zirna chungchang sawiin Larsap chuan Mizoram chu rampum huapa ziak leh chhiar thiam tamna ber pawl ani mek a, chutihrual chuan Technical leh Professional Course zirna College hmuh tur a awm manglo a, chuvangin hemi kawngah hian nasa takin Mizoram hi thuamchak a ngai a ni, a ti. Ram buai a nih ve loh avangin Mizoram sorkar chu hmasawnna hna thawk turin a insawrbing thei a, amaherawhchu sorkar laipui tanpuina sum ringawta innghat anih avangin hmasawnna ruhrel, ei leh bar dinhmun siam thatna kawngah duh anga chakin a thang theilo a ni, a ti a. Mizoramin sum hnar mumal a neih loh te, a ram leilungin a zir loh te, inkalpawhna kawng leh inbiakpawhna hmanrua that tawkloh te leh hunbi neilo a ruah nasa tak sur thut thut thin te hre rengin Mizoram hi State dang te aia ngaihpawimawh bik a tul a, he State hmasawnna atan hian Fund tam zawk pek a tul a ni, Mizoram Larsap chuan a ti. source :diprmizoram

Friday, October 28, 2011

LSA leh Forest Deptt. ten Awareness Campaign on Conservation Forest & Prevention of Wildlife an buatsaih

Nimin khan YLA Hall. ah LSA Gen. Hqrs. leh Forest Department LADC te tangkawp buatsaihin Awareness Campaign on Conservation of Forest & Prevention of Wildlife hman ani.He hun Sissy DZ.Zampuii,Lecturer, Gov't Lawngtlai College kaihruai ah hian ,Khuallian LADC a CEM Pu C.Ngunlianchunga chuan thu sawiin,' Kan District chhungah hian nasa takin ramngaw kan ti chereu thin a,chungte avang chuan a chhunga cheng ramsa te hmuh tur an tlem ta,ramngaw humhalh kawngah nasa taka kan thanharh a hun ta takzet ani tiin kawng kama Roadside Plantation enkawl zui zel pawh hi Forest kutah dah mai lovin,mipui te hian kan enkawl zui zel hi kan mawhphurh naah ngai theuh ila a lawmawm hle ang ati a.Ngengpui Sanctuary leh Phawngpui National park kan neih chhun te pawh hi nasa taka enkawltute kan tanpui hi District chhung mipui ten kan mawhphurhna ani tih i hre thar ang u a ti.Thuisawitu dang Pu H.Chhuanawma Executive Member i/c Forest chuan District chhunga ramngaw te humhalh kawnga forest Deptt in nasa taka tan an lak thu leh thawktu pawh engemawzat an lakbelh thu sawiin,henga thawktu ringawt hi an tawk lo a,kan zavaia kan ramngawte enkawl hi kan tihturah i dah ngam ang u, ati bawk..He hunah hian Pu K.Romawia.DCCF LADC buatsaih Wildlife Prevention tih chu zirho a ni bawk.

DC ho in District Health Society Meeting neih a ni.

Nimin khan DC Conference Hall ah Lawngtlai District Health Society meeting neih ani. Meeting hi D.C Pu B.Lalhmingthanga’n a kaihruai a, Lawngtlaia District Hospital hnathawhte fakawm atih thu sawiin Pu Hmingtea chuan Mihring nunna kawltu Doctor leh Nurse te mawhphurhna san zia a sawi a,henga hnathawktute inthlahdah avanga nunna hlutak hloh an awm thin chu pawi atihthu a sawi.He hunah hian CMO Dr.HC.Thangkima chuan 2011-2012 Second Quarter District Hospital Achiefment tlangpui report a pe a, Report a tarlan a nih dan chuan Naupiang 458 awmin TB vei 53 hmuhchhuah a ni a, thisen Unit 6963 Blood Bank lam in an dawng a, Malaria vei 1230 hmuhchhuah niin Malaria vang thi an awmlo a, In 15273 ah Thosi kah a ni a, HIV/Aids Test 341 awmin Raipuar thisen test 138 an awm a, HIV Positive 6 hmuhchhuah a ni. Lawngtlai District dinhmun Population- 1,24,889 Dist Hospital- 1 CHC– 1 PHC – 5 Main Centre – 8 Sub Centre- 39 Total No.of ASHA- 174 Total No.of VH&SC- 165

Zaithiam Chhingpuii Album CEM in a tlangzarh

Nimin Oct 27 khan CEM Office Chamberah LR.Chhingpuii Chinzah Music Video Album pakhatna tlangzarh ani.He tlangzarhna inkhawm ah hian Master Of Ceremony Pu C.Lalhmangaihkima,President MZI.Lawngtlai Dist. niin Hunserh Pro Pastor C.Chanchinmawia LIKBK chuan a hmang a,Album Preview tu Pu A.Lalzara chuan hetiang Music Video buatsaih thei a awm hi lawmawm atih thu sawiin,Album-a hlate ngaihnawm takin a sawi a,he Album tlangzarhtu Pu C.Ngunlianchunga CEM.LADC chuan tlangzarhna hun a hman zawha thu sawiin,"Thil hautak tak mai,a duh pawhin an tih hleihtheih loh,Music Video Album Vawikhatna siamtu LR.Chhingpuii a chhuan thu a sawi a,Hla in thu a sawi a,chu hla hmanga thusawi tu kan nei hi a lawmawm takzet ani ati.A hmasa ber atan Chhingpuii Album hi CEM hian Rs 5000 in a lei sak ani.LR.Chhingpuii Album neitu pawhin thu sawiin,he hun hruaithlen anih avanga lawmawm atih thu leh buaipuitute zawng zawng hnenah lawmthu a sawi a,he a Album tlawm tak hi a ngaihthlatu tana malsawmna anih ngei a duh thu a sawi a,hla pakhat sa in kalkhawmte a awi bawk ani. LR.Chhingpuii Chinzah Music Video Album hmasaberah hian Hla 10 a awm a,Hla 4 chu Lai hla niin,a dang 6 chu Mizo hla ani. n.

Western Daily Tlangzarh

Nimin Oct 27 khan Daily News Paper Western Daily News paper chu Release ani.He hun hi Israel Thara Editor Western Daily News chuan a kaihruai a, chanchinbu an buatsaih dan tawifel takin report a pe nghal bawk.Chanchinbu tlangzarhtu Pu V.Lal Lianzuala Lawngtlai District MJA,Vice President,chuan thu sawiin,Lawngtlai Chanchinbu ti hausa tura ke pen tute fakawm atih thu sawiin,chanchinbu buatsaih hautak zia hretu anih anga,he chanchinbu a mawhphur tute chu taima taka thawk tura a duh thu a sawi bawk.He huna sawmte chuan thu tawi an sawi theuh bawk ani.He Western Daily News Paperah hian Editor Israel Thara niin,Jt.Editor Robert VL.Malsawmtluanga ani a.News Editor 2 awmin,NT.Lalmuanzuala leh B.Sakhawliana te an ni.

Danlo a sumdawngdapchhuak

Nimin khan MADC Revenue Department, MTP Hqrs leh MJA te tangkawp chuan Saiha ah dan lova sumdawng te dapchhuah beihpui an thlak. MADC in Sublet dawr thahnemtak Warning alo pek tawh dawr la hawng te kharsakna tur Order keng nghalin, dawr 15 kharsak nghal anni. thil diklo tamtak an manchhuah bakah Licence engemaw zat an man bawk a.Tin, ILP neilomi 7 an man chhuah te Police ten anla nghal bawk.

CYMA Hruaitu thar

YMA General Conference Kolasib a neih ah CYMA hruaitu nimin khan thlan niin, thlanchhuah te chu: President T.Sangkunga Vice President: Lalbiakzuala, General Secretary: Vanlalruata, Asst. Secretary: R.L.Rindika Treasurer: R. Lalngheta, Fin.Secretary: J.Lalsailova te an ni.

Thursday, October 27, 2011

YLA General Conference neihtur CEC in nimin khan an thlir lawk

Nimin khan Central Young Lai Association Central Executive Committee Meeting neih ani.He Meeting hi Pu A.Lalmalsawma Vice President,CYLA chuan kaihruaiin,November Ni 1atanga Ni 3 chhunga neih tur YLA General Conference vawi 25-na neih tura Proggramme ennawnna leh Agenda thlir lawkna an nei a,Proggramme duansa chu a that thawkhat thu sawiin,chanvo nei tura ruatte an remchan loh thu hriat anih loh avangin ring tlang ni maise an ti a,Branch hrang hrang atanga Agenda lolut te thlir ho niin,heng zinga pariat te hi Conference-a chhawpchhuah nise an ti a,heng Agenda zinga langsar zualte chu Lai tawng tih hmasawn anih theih nan YLA in hmala rawh se tihte,Land Reform chungchangah YLA in hmala rawh se tih leh YLA Dan bu hman mek hi siamthat ni rawhse tih leh Environment humhalh kawngah YLA in nasa zawkin hmala rawh se tihte ani.YLA Conference hi Niawhtlang khuaah neih ani dawn a.Tunah hian inbuatsaihna peih fel thawkhat niin,Conference a kal tur hian YLA Member atam thei angber thlengtu Branch te hian an sawm ani.Kumin Conference ah hian CYLA Hruaitu thar turte thlanna an nei nghal dawn ani.

Chawntlangpui khua in NH-54 chhelai an siam

Nimin zing khan Chawntlangpui khua chuan an khua panna kawng National Highway-54 chhe zual lai siamin khawtlangin hnatlang an nei. Hnatlang chhuakte hian kawng chhe zuallai hi lung la chhawpin an hnawh a, hnatlang chhuak hi an vaiin mi 70 zet an tling. Nimin a hnatlang a kawng an siamlai hi kum 20 zet lei chetna hmun niin, kawngchhak lam hi Lunglakna atana hman thin a ni a, Motor te chi tan phei chuan kal harsa khawp a a chhiat vangin hnatlang hian kawng siam hna hi an thawk ta a ni.

PMEGP Awareness Campaign neih a ni

October Ni 25 khan YLA Hall ah PMEGP Loan latu leh latur te pualin District Level Awareness Campaign neih a ni. He hun Pu C. Dokulha SDIO kaihhruai ah hian khuallian DC Pu B.Lalhmingthanga chuan Loan hi Mizote hian rulh leh lam aiin pek ang a ngaitu kan tam hle a, Loan rulh that duhloh hi rinawmlohna lantirtu a ni a ti a, Bank lam hian a pung awmlovin Loan a pechhuak ngawt thei lo a, Bank chu mipuite tan a awm a nih vangin Loan rulh that loh hian nghawng thalo a nei thui thei hle a ni a ti a, PMEGP hnuai a loan latute chu tum mumal tak neiin ruahmanna feltak hnuai ah Loan pek an ni a,, Pawisa a hmanna tur ang lo a hman hian hlawhchhamna a thlen thin vangin Loan latute chuan an loan lakte diktaka hmanga, thatak a an rulh chu an tih makmawh a ni a ti.He hun ah hian Industry Deptt. aiawh leh Bank lam hotu ten loan latu leh latur te chu zirtirna an pe

PYYKA a tithate D.C in Thingpui ruai a buatsaihsak

October Ni 25 chawhnu dar 2:30 khan Lawngtlai District Sport Committee Chairman, Lawngtlai DC Pu B.Lalhmingthanga chuan a Chamber ah tunhnaia Mizoram Aizawl, Champhai leh Lunglei a District Level PYKKA sport neih zawh taka Lawngtlai District Infiammi te Medal hawn lawmna hun buatsaihin Infiammi tithate Thingpui ruai a buatsaihsak. .He hun Pu C. Hrangthianga Lawngtlai District Sports Association Vice Chairman kaihhruai ah hian Pu B.Lalhmingthanga chuan,"Hlawhtlinna ropui tak Lawngtlai District in a nei chu lawmawm a tih thu sawiin, rimtaka Medal hlawhchhuak tute chu fakawm a tih thu a sawi a, in fiammi te chu ruihhlo lak a insum tlat tur a ngenin ,mi insum theilo te an hlawhtling ngailo ani a ti.Hun lokal zel turah District ti hmingthatu ni zel tura a duhsak thu a sawiin,hetiang dinhmuna an din theihna tura kaihruaitu sports lama hruaitute fakawm atih thu a sawi bawk.He hunah hian District Sport Committee hruaitute leh District chhunga Sport Decipline hrang hrang hruaitute pawhin fuihna thu an sawi bawk a ni. District level PYKKA Sports neih zawh tak ah khan Lawngtlai District chuan Badminton,Football Mipa ah Champion an nih bak ah leh Boxing Gold pakhat,Silver pakhat leh Bronze Medal 5 High Jump ah Gold pakhat an lak bak ah Volleyball ah Pahnihna an ni bawk a ni.,heng Items hrang hranga tithate hi LADC Sport & Youth Services Department chuan Incentive Cash Award, a lo hlan tawh bawk a ni.

Hmuak dawn

LPS Comedian Search a pahnihna T. Vanlalmalsawmpeka chuan naktuk hian Lawngtlai a rawn lut dawn a, Friends Club leh Two Wheeller Club te chuan Ramri a lo hmuah an tum bak ah Areopagy ah Malsawmpeka pual hian inkhawm buatsaih a ni bawk ang.

Tuesday, October 25, 2011

Infiammi tithate hnen ah Pu V.Zirsanga E/M Sport in Incentive Cash Award a hlan

Nimin khan LADC a Sport & Youth Services Department chuan infiamna lam a tithate hnen ah tanpuina Incentive Cash Award, Pu Thathluna Chinzah District Council Sport & Youth Officer kaihhruaina hnuai ah Sport changtu Executive Member Pu V. Zirsanga chuan a Office Chamber ah a sem. He hun ah hian tunhnai a PYKKA Sport a titha Football Mipa, Batminton leh Boxing a Medal late hnen ah Incentive Cash Award hi Pu V.Zirsanga chuan a hlan a, Fooball ah mi 18 hne ah Rs.500/- theuh hlan a ni a, Batminton ah Gold Medal latu mi pathumte Rs.3000/- theuh pek an ni a, Boxing Gold Medal latu mi pakhat hnen ah Rs.3000/- Silver Medal la mi pakhat hnen ah Rs.1000/- Braonze Medal latu mi 5 hnen ah Rs.500/- hlan a ni a, tunhnai a Punjap, Patiala a 6th Junior Women Boxing Championship a Silve Medal latu Lalenkawli chu Rs.3000 hlan a ni bawk Incentive Cash Award atan a pawisa pek chhuah hi a vaiin Rs. 27000/- a ni. Pu V.Zirsanga chuan Infiamna lam ah Lai District in hmasawnna duhawm tak tak a nei chho zel chu lawmawm a tih thu a sawi a, infiammite chu hlawhtlinna an chan chu tawp nan a hmang lova, bultan nan a hmangturin a chah a, kumhlui ah Sawrkar chuan Incentive Cash Award atan Budget ah Cheng Nuai 1 a dah chu hman zawh a ni lova, tun ah chuan Budget ah Rs.70000/- dah a ni a, hmang tur an awm phawt chuan sawrkar chuan a tihpun lam ah harsatna a nei dawn lo a ni a ti.

Bharat Scouts & Guides President atan CEM lakluh a ni

Nimin chawhma dar 11 khan LADC a Chief Executive Member Pu C.Ngunlianchunga a Office Chamber ah chu Lai District Association, Bharat Scouts & Guides President atan Dr.R.T,Hnialum, Vice President Bharat SCout & Guides Mizoram chuan rinawmna thu tiamtirin a lalut. Pu C.Ngunlianchunga chuan Pawl zahawm, midangte tan a thil tha ti thin Bharat Scouts & Guides a District President a ni thei chu lawmawm a tih thu a sawi a, bharat SCouts & Guides te inkaihhruaina dan hi engkim ah a tha in a rintlak a, he dan ang hian awmthei theuh ila chuan kan khawtlang nun hi a nuam hle dawn a ni a ti a, Bharat Scouts & Guides te midangte tan a an inpekna chu chhuanawm a tih thu a sawi a, thangthar ten hmasawnna kawng an zawh chhoh mekna ah chhungkaw khawsak in a phak loh thleng a inchhungkhur a nun tum an tam ta chu vanduaithlak a tih thu a sawilang tel bawk. Lai District Bharat Scouts & Guides President lakluhna inkhawm hi Dr.RT Hnialum Vice President Bharat Scouts & Guides Mizoram, Chairman Executive Committee Lai District chuan kaihhruaiin, District Chief Commissioner Pu Lalduna Chinzah DEO, Lawngtlai chuan Bharat Scouts & Guides Lawngtlai dinhmun tlangpui a sawi a, he hun ah hian Exsecutive Member pali bak ah LADC a Officer pawimawh leh Scouts & Guides thahnem tak an tel.

D.C hoin NLUP Meeting an nei

Nimin khan DC Pu B.Lalhmingthanga ho in NLUP Line Department ten DC Chamber ah Meeting an nei. NLUP Second Phase dawng tur October thla chhung a thlanfel an nih dan tur sawiin, thlanchhuahte hi Leilung behchhan a eizawnna thlangtu, ram neilo an nih chuan VC emaw District Council in ram ngaihtuahsak tur a hmalak nise an ti a, October thla chhung ngei a, NLUP Implementing Board pawmpui tur a thehluh hman turin Line Department tin ten theihtawp chhuah se an ti. Line Department ten a tlangpuiin thawktu an indaih loh thu an sawi a, hemi chungchang ah hian ah hian LADC leh CADC lam an inhuam angin Benifiaciaries thlan zawh ah Council lam atangin Staff dil nise an ti.

Pu H.Zothangliana’n Press Club a tlawh

Nimin chawhnu lam khan Parliamentary Secretary Pu H.Zothangliana chuan Lawngtlai Press Club a tlawh a, President Room ah, Chanchinbumi, a mah lo dawngsawngtute hma ah thusawiin, Pu Zothangliana kawngchhia chuan vei a hlawh thu leh Sawrkar chuan sum lama indaihlohna kar ah pawh kawng siam that hna chu a thawk mek tih a sawi a, Greater Lawngtlai Water Supply Scheme kalpui mek chu mipui ten hnianghnar zawk a tui an neih theih nan thawktute chuan ruahmanna tha tak an nei tih sawiin, Rural Norm anga kalpui nimahse tunah chuan Lawngtlai chu Census Town ah puan a nih tawh vangin Scheme pawh tihlen a tuaihnum zel theih a ni a ti a, November thla tawp lam khian lungphum phum turin ruahmanna siam a ni a, Chief Minister chu lungphum phum tur a beisei mek a ni a ti bawk..Mirethei khawpui a chengte tan In sak na tur pawh kalpui thuai a beiseiawm tih a sawi a, NLUP chungchang sawiin, Lawngtlai East ah Second Phase ah chhungkua 1250, Lawngtlai West ah 1450 thlan a ni dawn a ni a ti.MLA hian a bial chhung a fang kual mek a, vawiin tlai hian Chandmary-II a tlawh ang,nimin khan Lawngtlai Electric Veng a tlawh.

PMEGP Training

Vawiin hian YLA Hall ah PMEGP hnuai a Loan la tur te tan Training buatsaih a ni dawn, he hun hi Pu B.Lalhmingthnaga DC in a hmanpui ang.

MJA Meeting

Nimin tlai khan MJA Lawngtlai District chuan an President Pu ZD Dengngura ho in Meeting ah nei a, MJA chuan Socio-Economics & Caste Census neih mek a dik leh fel taka census hi neih a nih theih nan helam thawktute chu theihtawp chhuah in thawk se an duh tih Resolution siamin an passed.

Lai tawng hmang

LADC Office ah Executive in a theih chin chin ah File chu lai tawng a ziak nise an tih chu tunlai hian Office File kalvel engmawzat ah lai Tawng hman a ni mek.

Monday, October 24, 2011

MNF Kum 50 tlin lawmna Pu Lalhmingliana MP hoin neih a ni.

Hmundang rualin Inrinni khan MNF District Hqrs. Lawngtlai buatsaihin Lawngtlai Bazar a an Party Office ah MNF Golden Jubilee, Rajya Sabha MP Pu Lalhmingliana ho in an lawm , chawhma dar 10:30 ah MP hian Golden Jubilee lungphun MNF Office kawt a mi a hawn hnu ah thlanbikten Jubilee dar vawi 50 an vua a, hemi hnu hian MNF District President Pu NC Nguntlunga kaihhruaiin Jubilee lawmna inkhawm neih chhunzawm a ni a, he hun a khuallian MP, Pu Lalhmingliana chuan Mizoram buailai chanchin ziakna Pu C.Zama lehkhabu 'Lo thlaphang suh kan Zoram' tih a tlangzarh hnu ah thusawiin Mizote hi Pathian in a rawngbawl turin min dah a, Hnam hruaitur in Hnam rilru pumi Pathianin a thlang chhuak thin a, Pathianin a thlanchhuahte pawhin humsual an dai palh chuan an chungah hremna a lek thin a ni a ti a, MNF chuan kawng bumbouh tam tak a lo paltlang tawh a, hetiang a Golden Jubilee hial lawm thei a MNF Party a awmna chhan hi Pathian in Hnam hruaitur a a duh vang a ni a ti a, MNF Party chu Hnam hruai turin Pathianin a dinthar mek a ni a ti bawk. Golden Jubilee lawmna ah hian MNF Gen.Hqrs a General Secretary Pu TC Pachhunga leh Lawngtlai West bialtu MLA Pu C.Ramhluna bak ah District Hqrs. hruaitu ten thu an sawi a, Martarte sunna hun hman a nih bak ah MNF chanchin tlangpui ngaihthlak a ni a. Tlailam ah Jubilee ruai an kil ho nghal bawk a ni.
>

Nupa tuak 66 te Dan angin an innei

October Ni 22 Inrinni khan Lairam Isua Krista Baptis Kohhran Lawngtlai Bazar leh Lawngtlai Electric Veng ah te Inneih runpui buatsaih a ni a, hetah hian Nupa tuak 66 te an innei. Lawngtlai Bazar bik ah Upa tuak 3 leh rawngbawltu tuak 5 telin Nupa tuak 44 te an innei a. Rev.A.Vanlaldinpuia Bialtu Pastor in inneih thutiam chhamtir in Pathian leh Kohhran dan thianghlimin a inneih tir a Pathian hnen ah Malsawmna a dilsak bawk. Lawngtlai Electric Veng ah chuan Nupa tuak 22 te bialtu Pastor Rev.F.Zionvarmawian thutiam chham tirin a inneih tir bawk.Kohhran hruaitu te chuan hetiang a a rual a inneih that buatsaih chhan hi sawiin nupa a lo insiam tawh Kohhran leh Pathian hriatpuia la inneilote tan a buatsaih an nih thu leh Thangthar ten pathian leh Kohhran hma a inneihna an ngaihhlut a , an ngaihpawimawh zel theih nan a buatsaih an nih thu an sawi a, tunlaiah sawrkar thilpawimawh ah te Inneih Certificate hman tangkai a lo nih tak zel vanga buatsaih an nih bawk thu an sawi. He hun ah hian Kohhran hoten Inneite pualin Thningpui ruai an buatsaih sak a, Kohhran mipui lam pawhin an hlut viau in a hriat a ni.

32nd State Level Students Science Exhibition khar a ni

Oct 21 khan 32nd State Level Student Science Exibition 2011 chu kharna hun leh Lawmman semna hun hman ani.He hun hi Govt Region High School Hallah neih niin,Pi Ngurhmingliani Chinzah,Principal.DRS.Lawngtlai chuan a kaihruai a,Highlights of Exibition hun hi Pu RS.Chauhan,Dy.Director,Science Promotion Wing,SCERT:Aizawl chuan hmangin he Exibition 2011 ah hian District 6 atangin School 12 an tel thu sawiin,Naupang 42 ten model an entir ani,heta titha te hi nakum 2012 january thla a India Science Fair,New Delhi a neih turah State aiawha an kal tur thu a sawi bawk.He huna khuallian Pu C.Ngunlianchunga CEM,LADC chuan thu sawiin Kan thil zir,a tak taka pho lanna hun kan nei hi a lawmawm ka ti a,Science thiamnaropui tak,a chhe zawnga hman chuan khawtlang leh ram tichhe vek thei,khawvel tizim em em tu he science thiamna in a ken tel tlat hi zirlai lokal khawmte hian a tha zawnga kan hman chuan kan ram,kan khawtlangin hma nasa takin a sawn dawn ani tih i hrereng ang u tiin keini District Council hnuaiah hian science lam thiamna kawnga nasa taka hma kan laknaah hian heng Engineer,Doctor zirlaite,Polytecnic lam zir te pawh kumtin Incentive Cash Award kan pe thin ani ati.He hunah hian Result puanna leh Lawmman semna neih ani a,Sub-theme ah lawmman 6 siam niin 1na Rs 1000+Certificate,2na Rs 800+Certificate, 3na Rs 600+Certificate te pek an ni a,a pumpuia Lawmman an lak dan chu 1-na Downtown English MediumSchool.Lawngtlai niin Rs 5000+Certificate an dawng a,pahnihna St.Pauls Higher Secondary School,Aizawl niin Rs 3000 + Certificate an dawng bawk a.pathumna Don Bosco School,Lawngtlai niin Rs 2000+Certificate an dawng ani,heng lawmmante hi Khuallian Pu C.Ngunlianchunga chuan a sem ani.Student Science Exibition 2012 chu Kolasibah nghah tum ani

Rajya Sabha MP ho in DLV&MC an thukhawm

October Ni 21 khan DC Conference Hall Lawngtlai ah Lawngtlai District Level Vigilance & Monitoring Committee te chu an Chairman Pu Lalhmingliana MP ho in an thukhawm. Meeting ah hian Ministry of Rural Development hnuai atanga Lawngtlai District chhunga hmasawnna hna thawh hrang hrang a hmalakna kalmek te an thlir ho bak ah hmalak zui dan turte an sawiho a, Centrally Sponsored Scheme hrang hrang kalpuitu Department ten hmalakna an kalpui leh hmachhawp an neihte chipchiar takin an sawi . Vawiin Meeting ah hian Central Sawrkar hnuai a hnathawh hrang hrang an sawiho zing ah MGNREGS, IAY, IWMP leh NRHM te pawh a tel. Pu Lalhmingliana MP chuan MGNREGS ah ni 55 inhlawhfakna hmuh tawh chu thlaphanna tur a awmloh thu leh mamawh anga dilbelh zel theih a nih thu sawiin, Department lam ten Guideline in a phut anga an tihtur an tih fel zung zung a pawimawh a, hmunkilkhawr, Internet hman theihlohna a mite pawhin Internet kaltlanga thawhtur an neihte chu Internet hmantheihna hmun ah an thawh zung zung a tul a ni a ti a, MP chuan IAY thlandan ah Gram Sabha ten IAY dawngtur Lawngtlai District a an la thlang lo chu Gram Sabha ten an thlan theih nan hmalak a tul thu sawiin, meeting a telte chuan Gram Sabha ten IAY dawngtur an thlan theih na turin ruahmanna tlangpui an siam nghal bawk. Meeting ah hian Lawngtlai DC Pu B.Lalhmingthanga bak ah MLA pahnih Pu H.Zothangliana leh Pu C.Ramhluna, CEM pahnih Pu C.Ngunlianchunga LADC leh Pu Kali Kumar Tongchongya CADC, Pu Thangchem Zathang Project Director DRDA bak ah Line Department hotute leh NGO aiawh te an tel tha hle.

NRHM bultumin MDC te tan Training buatsaih a ni

October Mi 21 khan Lawngtlai a SSA, Block Resource Centre Hall ah, National Rural Health Mission bultumin Lawnghtlai District chhung a Naupang thi leh Raicheh athi chungchang leh Hriselna lam hawi hmalakna chungchang, Lai Autonomous District Council Member te nen zirhona hun neih a ni a,he Sensitization Workshop, Dr. H.C.Thangkima CMO Lawngtlai kaihhruai ah hian he hun hmanpuitu Pu C.Ngunlianchunga chuan NRHM hmalakna vangin hriselna kawng ah hmasawnna duhawm tak tak hmuhtur a awm mek laiin, Lawngtlai District chu kawng engkim ah District hnufual a nih vangin hriselna lam a hmalakna chuan duhthu a sam zo lo a ni a ti a, hriselna lam a chaktaka hmalakna kalpui a nih theih nan tanrualna tha a pawimawh a ni a ti a, Raicheh a thi leh Naupang thi tamchhan pawh chenna hmun in a zirloh vangte, thawktuten an vil hneh tawkloh vangin, mihringte nunphung a la hniam vangte a ni a ti. Dr.Gordon Zohmingthanga, Mission Director NRHM chuan hetiang workshop buatsaih a nihna chhan chu Hriselna lam a hmalakna ah hian Health Department chauh rinchhan a fuh ber loh vangte, ram changkang ah chuan mipui kut ah hriselna hi thuitak a innghah tawh vangin Mizoram ah pawh ram hruaituten hmalakna te chiangtaka an hriat a, hmalakna tur duan leh hmalakho a tul zia te an hriat deuh deuh theihna tur a nih thu a sawi. Report a tarlan a nih dan in Lawngtlai District ah Health Department a thawktu an indaih loh hle a tun dinhmun ah District Hospital-1, Community Health Centre-1, PHC-5, Main Centre-8, Sub-Centre-39 leh ASHA Workers 174 an awm mek a, mipui 1,24,889 zet an huam chhungah an awm a ni., kum kalta 2010-2011 chhungin naupang kumkhat hnuailam thi 34 awmin naupang kumkhat hnuailam 1000 zel ah 22 thi ang a ni.Sensitization Workshop neih ah hian LADC Member 28 ah 14 an tel.

Loneitu Training

October Ni 21 chawhma khan KVK Lawngtlai chuan Chawnhu-a KVK Training Hall-ah Lawngtlai District a loneitute tan Thlasik Thlai chin dan (Production Technology of Winter Vegetables) an zirtir a, Training hi Pu Vanlalhruaia, SMS(Plant Protection) in kaihruaiin Pi Vanlalliani, SMS(Horticulture)-in he training hi a pe in, thlasik thlai chin chungchang a loneitute hriattur pawimawh te a sawi a, loneituten harsatna an tawh te pawh a sutkian dan tur an sawiho bawki. Training-a kal loneitu 54 te hnenah thlasik thlai chi, Broccoli, Zikhlum, Tomato leh Parbawr te an sem bakah an Green-House-a heng thlasik thlai an kui tiah sa an sem bawk.

Friday, October 21, 2011

Seminar on Popularisation of Science, GRHSS Hall ah nimin khan neih a ni

Nimin khan GRHSS Hallah One Day Seminar On Popularisation Of Science neih ani. He Seminar hi Science Seminar Wing SCERT.Mizoram leh NCERT.New Delhi te Sponsored ani a,International Year Of Chemistry denchhena buatsaih ani.He huna inkhawm tawi neih chu Pu RS.Chauhan,Dy. Director.Science Promotion Wing.SCERT,Aizawl chuan kaihruaiin,Pu Chauhan chuanSCERT hnuaia Science tihhmasawnna chungchanga an hmalakna te a sawi a,Mizorama Middle School leh High School tan Inspire Award pek anih leh dawn thu a sawi bawk.He huna khuallian Pu V.Zirsanga.EM i/c Middle School.LADC chuan thusawiin" Science thiamna hian kan duh emaw duh lo emaw,kan ram,kan hnam,kan chhungkua ah min chenchilh mek a,chumi science thiamna chu a chhawr tangkai apiang an changkang zel dawn ani.Science chu 'a tiha tih ani' tia kan hriat ang khan Science thiamna hi mi taimate kuta awm ani tiin zirlai naupang te pawhin,changkanna, hmasawnna kan duh takzet anih chuan taima taka kan zirlai kan zir a pawimawh ang,ati a.Council sawrkar pawhin Science thiamna a ngaipawimawh em em a,kumin Budget ah pawh Nuai ruk a dah ani.Chuvangin naupangten kan zirlaiah tan ila sauh sauh angu tiin kalkhawm zirlaite hnenah fuihna thu a sawi. Vawiin a Science Seminar neih ah hian Pu K.Pachhunga,Associate Professor Govt.Lunglei College leh Pu F.Liansanga Science Consultant.SCERT.Aizawl te Paper buatsaih chu zir ho ani.

Full House Vol-III, CEM in a tlangzarh

Nimin zing khan Pu C.Ngunlianchunga CEM. Pu Biakchhunga Chinzah lehkhabu ziak Full House Lalpa tan Vol III chu a duh apiang leitheih turin a tlangzarh .He Lehkhabu tlangzarh inkhawm hi Exodus Centre Of Life te Office hmunah neih ani a.Hemi puala inkhawm Upa T.Chhuanawmana kaihruai ah, CEM chuan Kohhran inpumkhatna tur a hmalakna chu lawmawm a tih thu a sawi a, tun din hmun ah Kohhran pakhat ah la awm ho vek theilo mah ila, Maicham intawm thei lo kan la awm hi hmalakna tichaktu nithei se a duh thu a sawi a, Pu C.Ngunlianchunga chuan Hetiang lehkhabu tha,Kohhran hote inpumkhatna hlutna leh hlawkna chungchang ziakna hi a chhawr fuhte tana inpumkhatna ropuizia an lo hmuh ngei theih nan duhsakna ka hlan ani tiin,he lehkhabu chu Rs 2000/ in a leisak nghal bawk an Lehkhabu Preview na hun Pu H.Vanlalthaliana EM.i/c Revenue LADC pawhin thu sawiin,hetiang lehkhabu tha hmuh leh chhiar theih tura chhawpchhuaha alo awm leh ta hi,a buatsaihtu inpekna leh taimakna anih thu a sawi bawk. Full House Vol -III hi phek 337 a chhah niin,Rs 150 man ani.

M.J.A Press Release

Rambuai lai thu mu hnu kaitho a, mi dangte rilru tina thar leh thei thu hmanga Mizoram Political Party-te tunlaia an inpuhmawh hian thil chhe lehzual a thlen thei dawna a lan avangin MJA chuan tha a ti lo a, duhtawk tawh turin political party-te a ngen a ni. Hetiang thu sawi leh ziak an awm pawhin, put darhsak tawh lo turin MJA chuan thuthar thehdarhtu zawng zawngte a ngen e. (H.ZOSANGLIANA) (R.LALHMANGAIHZUALA) President General Secretary Mizoram Journalists Association Gen.Hqrs.Aizawl

DV&MC Meeting

Vawiin hian Lawngtlai District Vigilance & Monitoring Committee chu an Chairman MP ho in an thukhawm dawn, Lawngtlai District a hmasawnna hna thawh hrang hrang te thlir letna leh hmalak zui dan tur te an sawiho ang.

Lalut hnai

Bharat SCout & Guide Lawngtlai District chuan an President ah CEM, Patron atan DC lakluh thuai an tum

Exhibition khar dawn

Ni thum awh State Level Science Seminar, GRHSS a neih mek chu vawiin hian khar a ni dawn, Kharna hun ah hian Pu C.Ngunlianchunga CEM chu khuallian a ni ang.

Joint Meeting

Vawiin hian NRHM hotute leh LADC Sawrkar a mipawimawh ten Lawngtlai District a hriselna lam a hmalakna leh tulpawimawh dang te an sawiho dawn.

Thursday, October 20, 2011

State Level Students Science Exhibition Lawngtlai ah neih mek a ni

Ni thum awh tur Science Promotion Wing SCERT Mizoram leh NCERT New Delhi te tangkawpin an buatsaih State Level Students Science Exhibition 2011 chu nimin (Nilaini) khan Gov't Region Higher Secondary School, ah tan a ni. Exhibition tum 32 na hawnna inkhawm Pu Lalduna Chinzah DEO, Lawngtlai kaihhruai ah khuallian Pu Beila Khithie Election Officer chuan Lawngtlai a State Level Science Exhibition hman a ni chu lawmawm a tih thu leh a buaipuitute chu fakawm a tih thu a sawi a, Zirlai naupang te chu Science thiamna chu midang tana hnawksak zawng a hmang lova, ram leh khawtlang in a tangkaipui theih tur zawng a hmang turin a chah. . Pu F.Lalliansanga Science Consultant SCERT chuan Report pein kum 1979 atangin State Level Students Science Exhibition chu neih tan niin, tuntum hi Lawngtlai in a thlen tum khatna a nih thu te, Exhibition a titha te Naupang 20 thlanchhuah te chu nakum January thla a Kolkota a Eastern Indian Science Fair ah tirh an nih tur thu leh, tuntum Exhibition neih atang hian 39th Jawahar lal Nehru Science Exhibition a tel tur thlan an nih tur thu a sawi. Exhibition ah hian Mizoram District hrang hrang atangin High School 12 an tel.

Infiamna tihhmasawn dan tur DCS&YO hoin sawiho

Nimin khan LADC Sawrkar hnuai a Sport & Youth Services Department hnuai a Lawngtlai District Level Sport Association hrang hrang hruaitute chuan Pu Thathluna Chinzah District Council Sport & Youth Officer ho in a Office Chamber ah Infiamna tih hmasawn dan tur an sawiho. he hun ah hian Infiamna lam a titha te Council Sawrkar atanga Incentive Cash Award pek chungchang te, Sport Association ten hmalakna mumal zawka an kalpui dan tur te leh Infiamna tihhmasawnna tur a ruahmanna hrang hrang te an sawiho a, Pu Thathluna Chinzah chuan Lawngtlai District chuan infiamna lam ah hmasawnna duhawm tak tak a nei chho mek a, PYKKA Sport neih zawh tak ah Football leh Batminton ah Gold Medal anlak thu te, Mimal ah High Jump Mipa ah Mizoram Record siamin Gold Medal an lak thu te leh Infiamna dang ah pawh Medal an hawn nual thu a sawi.

Socio-Economics & Caste Census Training neih a ni

Nimin October Ni 19 khan DC Conference Hall, Lawngtlai ah Pu K.Lalramliana Census Charge Officer, kaihhruaina hnuai ah Socio-Economics and Caste Census, Lawngtlai khawpui chhung a neih tur ah Supervisor leh Enumerator ten Training an nei. He hun ah hian Pu Thangchem Zathang, Census Nodal Officer chuan Supervisor leh Enumerators te chu hna pawimawh tak an ko a innghat chu theihtawp chhuah a thawk tur in a chah, Pu Beila Khithie, Census Facilitator leh Pu Lalhmunsanga Lawtlai SDO(Sadar) te pawh in thu an sawi bawk. Vawiin Training ah hian Master Trainer Pu Vanlalzuata Khenglawt Master Trainer in Supervisor leh Enumerator te chu zirtirna a pe. Lawngtlai khawpui chu Block29 ah then niin, Supervisors 8 leh Supervisors 2 ruat an ni a, an vai hian Lai Autonomous District Council hnuai a thawk an ni.

Jubilee lawm dawn

MNF Golden Jubilee chu MNF District Hqrs. lawngtlai chuan ropui taka lawm tumin hma a lak mek thu kan dawng a, Inrinni chawhma dar 10:30 atangin an party Office ah Jubilee lawmna lianber chu neih tan a ni anga, tlailam ah ruai an kilho nghal ang. Zirtawpni zan ah Jubilee Mei det a ni bawk dawn a, meidet na hmun tur hian Helipad tlang ruahman a ni.

LSA leh Sawrkar in hmalakdan tur sawiho

LSA ,General Headquarters;Lawngtlai leh Revenue Department LADC chuan tunhnai khan RO Room ah Joint Meeting annei a, Phalna nei lova sumdawn thinte enfiah turin L.S.A te hi Sawrkar in hman atum tih LSA hruaitute atangin kan dawng. Heibak ah hian tunkar turlam khan L.S.A General Headquarters;Lawngtlai leh Forest Department ten EM i/c Forests etc Room ah meeting annei a Awareness Campaign on Conservation of Forest & Prevention of Wildlife neih hun atan Dt.27/10/2011 an ruat,He Awareness Campaign hi Lawngtlai Khawpui chhunga Zirtirtu te pualin neih tur ani a, a hmun atan BRC Hall nise an ti.

MZP hruaitu chuhtur te

MZP chu kum 2011-2013 chhunga hruaitu tur thlang turin a inbuatsaih mek a, nimin khan hruaitu ni tura Nomination file te tan Secrutiny neih a ni. Hruaitu ni tura post hrang hrang atana pawmte chu heng mi te hi an ni. President : James Thanghmingmawia, S.Lalrinawma, Vice President : David Ramengmawia, Lalsangzuala Ngente G/S : H.Lalremsiama, Lalhmachhuana, Asst. G/S : Lalhruaitluanga Kawlni, L.Ramdinliana, Treasurer : C.Lalhmunmawia, R.Lalrokima, ECM Fin Secretary : Lalnunnema Ralte Thangchhuahliana,

Pu Zothangliana lokal dawn

Ruahmanlawk ang chuan Pu Zothangliana, Parliamentary Secretary chuan vawiin hian Lawngtlai a rawn kal dawn a . Ni 21.10.2011 hian District Vigilance & Monitoring Committee Lawngtlai ah neih tur ah a tel ang. Ni 2.11.2011 hian Young Lai Association General Conference ah Khuallian niin a hmanpui ang.

Mizo tawng ngaihtuah

Aizawl Press Club-a Mizo tawng chungchanga thuneitu din dan ngaihtuah a pawl hrang hrang MAL, MJA, MILTA, ZOPPEN, MUP leh CYMA aiawh kalkhawm te chuan hetiang hian resolution an siam- Mizo tawng humhalh leh tihhmasawn kawnga sulsutu leh thuneitu Mizo Language Development Board din thuai nise a ti a. Hemi chungchang hi Chief Minister sawipui nise an ti a. Mizo Language Development Board din a nih theihna tura sul lo su turin Convener Prof Lalthangfala Sailo, Secretary Prof. Laltluangliana Khiangte bakah, President MWA, MJA, MUP leh CYMA te chu member atan an ruat nghal.

Pu Hawla ruat

Union Ministry of Home Affairs chuan Standing Committee of the Inter-State Council a member 15 a ruat tharte zingah Mizoram Chief Minister Pu Lal Thanhawla chu a rawn ruat tel a ni. Heng member ruat tharte zinga 9 te chu State Chief Ministers an ni a, a bak zawng member 6 te hi Union Ministers vek an ni.

Science Seminar

GRHSS hall ah vawiin hian Science Exhibition neih mek in a kentel pakhat Science tihlarna atana hmalakna chikhat atan Seminar buatsaih a ni dawn.

Power Off

Chawngte (Kamalanagar) ah niminpiah zan khan Power Supply an hmuh that loh lutuk vangin chhungtin ten a rualin Power Line chu main Switch ah an Off vek.

Wednesday, October 19, 2011

Industries Department hnuai a NLUP First Instalment dawnglo tan Nuai 1000 sem a ni dawn

Industries Sector hnuaia NLUP tanpuina sem chhunzawm dan tur ngaihtuahin nimin khan NLUP Implementing Board Chairman Pu R.Selthuama, MLA hovin mawhphurtu Industries Department hotute, Aizawl DC leh Nodal Department Agriculture hotute chu an thukhawm a. Tuna Mizoram puma Ist Instalment sem mek chu chhunzawm zelin tunkar chhung hian cheng nuai 300 sem tura ruahman a ni a, beneficiary te Bank Account ah thun fel hman vek tum a ni. Aizawl leh Lunglei khuaa beneficiary te hnena sem turin cheng nuai 700 pawh draw phalna hmuh vek tawh niin kar leh chhung hian sem hman tura hmalak mek a ni bawk. Hetah hian Auto Rickshaw leh Desktop Publishing trade a tel rih dawn lo a, bul tan tak tak nan sum tam tham deuhva a hlawma pek tura ruahman a ni. Tunah hian Aizawl khawpuia beneficiary te hnena Ist Instalment sem chhunzawmna turin Rs. 1,01,70,000 /- chu chhungkaw 362 te hnenah tunkar chung ngei hian sem hman tura ruahman a ni bawk.

PYKKA ah titha

Tunhnai a Lunglei leh Champhai a PYKKA Sport neih ah Lawngtlai District ten Football Mipa ah Gold, Batminton ah Gold, Volleyball Mipa ah Silver, Boxing ah Gold-1, Silver-1 leh Bronze-4 an lak bak ah High Jump Mipa ah Record siamin Gold an la a, Long Jump leh 800 Meters Race ah Silver an la ve ve bawk tih District Soprt Committee Secretary Pu C.Lalhmangaihkima hnen atangin kan dawng.

Exhibition

Vawiin October Ni 19 chhun hian GRHSS Hall ah 32nd State Level Science Exhibition neih a ni dawn, he Exhibition hi Pu Beila Khithie Election Officer chuan Khuallian niin a hawng ang.

Mizoram a Rubber tam zawk chindan tur sawi ho

Ministry of Commerce & Industry, Govt. of India hnuaia Rubber Board hotu K.G.Mohanan, Additional Rubber Production Commissioner, Zonal Office, Guwahati leh a thawhpui pakhat, chuan Chief Minister Pu Lal Thanhawla chu a Office-ah an hmu a, Mizorama Rubber that duhna hmunte haichhuak a, scheme duanchhuah dan chungchangte an sawiho a ni.Chief Minister chuan Tripura a rubber an chin dante zira chumi zulzuia Mizorama a chin ve theih dan turte a sawipui a. 12th Five Year Plan lo awm turah uar zawka rubber chin kalpui a duhthu K.G. Mohanan hi a hrilh a. New Delhi a ram pum huap, ni 22 October 2011 a neih tur National Development Council Meeting-ah Mizorama rubber chinna senso zawng zawng 100% chu Rubber Board in tum tura sawi chhuah a tum thu Chief Minister hian a hrilh bawk a ni.

Kawng siamtha dawn

World Bank kawng ti a hriatlar, Lunglei leh Aizawl inkar chhe zuallai Pukpui leh Haulawng inkar chu cheng Nuai 10 sengin thawmthat a nih tur thu PWD thuneitute chuan an sawi.

D.C zin

District Bawrhsap Pu B. Lalhmingthanga chu sawrkar tul pawimawh thawk turin Aizawl ah a chammek. Pu Hmingtea hi Meeting pawimawh a a tel hnu ah tunkar chhung hian Lawngtlai a rawn thlen leh hman beisei a ni.

Tuesday, October 18, 2011

Road Tax sang vangin Auto Rickshaw ten Sawrkar nawr nan Flag dum tarin an Service

Nimin atang khan Mizoram pum a Auto Rickshaw neitu leh khalhtute chuan Sawrkar in Road Tax chawitura an tih chu sang uchuak lutuk ni a an hriat vanga sawrkar in ennawn se an duhzia lan tir nan Flag dum an tar a Lawngtlai ah pawh Auto Rickshaw te chuan flag dum tarin an service.Lawngtlai Auto Rickshaw Owners & Drivers Association te chuan thuchhuah siamin, Road Tax Rs 250 chawi thin,tuna Sawrkarin Rs 850 chawi tawh tura a tih chu hriatthiam har an tih thu an thuchhuah chuan a tarlang a, Auto khalha nitina eizawn nan a hmang thin Lawngtlai khawpuiah hian mi 250 vel an awm a,heng te hian nitin Rs 200 atanga Rs 350 vel an lalut tlangpui a,Petrol man lo sang chho zel nen,tuna sawrkarin Tax chawi tura an tih zat hi an chawi zel dawn anih chuan kan tan chuan awmzia a nei lo ani tiin Kan Sawrkar hian a rang lama kan harsatna min ngaihtuahsak a,heti em em lo deuh a min siam sak hi kan phut tlat ani tiin Auto Rickshaw ten naktuk Nilaini thleng Flag dum tarin an lungawi lohna hi tihlan an tum thu kan palai an hrilh a,Mizoram pumpuiah he an lungawi lohna hi Auto Ricshaw Owners leh Drivers Assn.te hian an lantir dawn ani.

Lai Hla Solo Competition

November thla atan turin Friends Club Lawngtlai bultumin lai Hla Solo Competition buatsaih tumin hmalak mek a ni.

SE&C Census

Naktuk hian Socia-Economics & Caste Census Urban Area a neih tur a Enumerator leh Supervisor te tan DC Conference Hall ah Training bguatsaih a ni dawn. Hetiang Training hi Rural Area a thawk tur te tan October Ni 13 khan neih a lo ni tawh.

Free Health Camp hawng

MJA President Pu H Zosangliana chuan nimin khan Kulikawn-ah Zo Diagnostic Research Institute & Madicare (ZoDRIM) in ni 4 chhung Free Health Camp an neih tur a hawng.

LSA hmachhawp

Inrinni khan Lai students' Association General Headquarter hruaitute an office ah an thukhawm a Lawngtlai khawpui chhunga trade Licence enfiah nise an ti a,KMTTP Road ah Pass lem a awm em tih enfiah nise,Birth certifcate lem siam chungchang DC Lawngtlai hnena thlen chu chak taka bawhzui tha an ti a, LSA hmalakna a chak lehzual nan LSA special task force din tha an ti bawk.

Lo kal leh lo

Election Observer lo kal a, E/Roll Summary Revision neih mek a sawi duh neite tan a sawi theih tur a ruahman chu, Observer hi a dam that loh vangin Lawngtlai a rawn tlawh leh thei dawn lo.

Lai DCC inthlang dawn

November Ni 17, 2011 khian Lai District Congress Committee hruaitu thlan na neih turin ruahmanna siam a ni.

Member pakhat rua

k Consumer Disputes Redressal Forum(District Forum) Member tur kum 30 - 65 inkar, Bachelor Degree nei tan Lawngtlai District ah Mipa pakhat tan hmunruak awm, hrechiang duhtan DC Office ah ngaihven theih a ni.

YLA Gen.Conference

November Ni 1 -4 khian YLA General Conference chu Niawhtlang ah neih tur a ruahman a ni a, General Conference a tulpawimawhte CYLA lam chuan a buaipui chho mek.Kumin hian CYLA hruaitu thlan tharna neih a ni ang.

Rs 5000 pe

T,Vanlalmalsawmpeka Kawlchaw West, Comedian Search 2011 Finalist chu CEM Pu C.Ngunlianchunga’n Rs.5000/- a pe.

Kawng zauh mek

Assam Rifle Gate leh AOC inkar kawngpui chu laih zauh hna thawh mek a ni a, helai kawngpui laihzauh ngai zuallai te chu zawhfel thawhkhat a ni tawh.

Endik dawn

LDDVC chuan khawpui chhunga hnathawh hrang hrang te chu tunkar chhung hian endik tan an tum

Monday, October 17, 2011

Tlawmngaihna Seminar, Thingkah Branch LWA ten an buatsaih

Inrinni khan Thingkah ah LWA Seminar neih ani. Lai Women Association Thingkah Branch ten an buatsaih 'Tlawmngaihna Inzirtirna' Seminar Pi Lalramngaihzuali, President,LWA Thingkah Br.chuan a kaihruai ah Khuallian Pu A.Lalngailova Executive Member i/c Social Welfare chuan Tlawmngaihna tungding thar leh tur chuan Nu te in pawimawh hle a,kan Bible ah chuan Naupang chu a kalna awm kawngah chuan zirtir ula,a upat hun pawhin a thlah lovang tih kan hmu a, LWA te pawh hi Nu te enkawlna hnuai atanga naupan tet atanga vawiin ni a Nu leh Pa,Pitar Putar a seilianin ni tiin,Lalpa tihna nen nuten in fate ah bul tan a,tlawmngaihna ral lek lek tawh hi a parvul leh theih nan theihtawp i chhuah angu a ti.Khuallian chuan LWA Thingkah Br,hnenah Rs 5000 a pei.He hunah hian Pi KR.Chhingpuii, Asst.Secretary LWA Gen.Hqrs,Pu J.S.Siammawia,President YLA Thingkah Br. leh Pu J.Lalhruaizela,VCP. Thingkah te Paper Buatsaih chu zirho ani a,he huna Paper Buatsaihtu Pi KR.Chhingpuii chuan Kawvel ram dangin an neih veloh Tlawmngaihna kan nei hi kan vannei hle a,he tlawmngaihna hi chhiatni ah nasa leh zuala kan lantir hi a tula,Keini Lai Fa te hian he tlawmngaihna hi chhawm nung zel turin tan ila sauh sauh ang u a ti.He Seminarah hian LWA Gen.Hqrs. atangin hruaitu ten an telpui a,tlaiah zanriah an kilho nghal ani. Pi Laldinsangi Secretary hnen atangin report tawi ngaihthlak niin.LWA Thingkah Branch ah Member 270 an awm mek a,kumin chhungin Ruihhlo ngaite puala an thawhlawm lakkhawm Rs 600 chu Exodus Centre Of Life an hlan a,Pangpar siam Training te neiin,mirethei mi 3 hnenah tangkafai tanpuina an pek thu a sawi bawk.

Thingfal Driver leh YMA te NH-54 siamin an hnatlang

Kar kalta Zirtawpni khan Thingfal To Lawngtlai kawng National Highway 54 chhe zuallai siam in Thingfal Drivers Union leh Thingfal YMAtangkawp ten ,hnatlang neiin mi 70 vel an thawkchhuak.Kawngpui siamtha tur a Company lam ten hna an thawk lo chu Thingfal Drivers Union chuan hriatthiam har an ti a,a kum telin kawng lah chu a chhe telh telh lehnghal nen,an chak lakna ber Lawngtlai panna hetiang alo nih tak avang hian hnatlang hi an ko ta niin an hruaitute chuan an sawi. hnatlang hi PWD Multi Model Highway Division chuan an SDO Pu Zirthanmawia hoin an tawiawm a,Motorte pawh an thawhchhuahpui bawk ani.Kawngsiam hnatlang an neihnaah hian Thingfal khuaa Motor lian leh motor te nei te chuan an thawhchhuahpui chuan ,hnatlangte hnathawh a ti samkhai hle a,TDU hruaitute chuan lawmawm an tih thu an sawi bawk.He kawng hnatlangin an siam avang hian Sawrkar lam chuan ngaihthah chuang lose,arang lama hma laksak an duh thu Pu ZD.Nihera Adviser Thingfal Drivers Union chuan a sawi

Broadband pe hrihlo

Tundinhmun ah Lawngtlai ah Broadband Internet chu a chak tha vak lo a, a chak vakloh na chhan hi thawktute chuan Broadband Internet Connection la an tam tawh vang ni a sawiin, mi 180 vel an nih tawh thu leh pekchhuah chhunzawm a harsat tawh thute, Connection an pek chhunzawm chuan Internet chu hmanhleih theih loh in a awm a hlauhawm thu an sawi.

Friday, October 14, 2011

Socio-Economics & Caste Census thawk turte tan Training buatsaih a ni

Nimin khan BNRGSK Conference Hall, Lawngtlai ah Socia-Economic and Caste Census-2011 neih tur a Enumerator leh Supervisor te pualin Training bautsaih a ni a, he Training Pu T.Vanlalmalsawmsanga BDO i kaihhruai ah hian Principal Census Officer, Pu B.Lalhmingthanga DC chuan India ram pum ah Miretheite dawm kan tum a hmalakna chu chaktaka kalpui a ni a, State sawrkar pawhin a ngaipawimawh hle a ni a ti a,BPL Common List a awm loh vangin hmalakna thenkhat ah harsatna a awm thin a ni a ti a, BPL Common List nei tur a hmalakna remchang tak Socia -Economics and Caste Census neih a ni tur chu a thawk tu ten tihtakzet a an thawh a pawimawh hle dawn a ni a ti. Pu Hmingtea chuan Enumerator leh Supervisor te chu an mawhphurhna pawimawhzia hria, an thawh that leh that loh ah an hnampui, an thisen zawmpui ten an tuar thei tih hre reng chung a ram tana rawngbawlna pawimawh tak an ko a innghat chu hlenchhuak turin a chah. He hun ah hian Pu Thangchem Zathang District Census Nodal Officer pawh in fuihna thu a sawi. Hemi hnu hian Master Trainers ten Census an neihna tur a tulpawimawhte an zirtir. Socia Economics and Caste Census a Enumerator leh Supervisor hna thawk tur hian MGNREGS hnuai a VLA leh VLW te hman an ni dawn ani.

World Sight Day Lawngtlai ah hman a ni.

Nimin kha World Sight Day anih ang in Lawngtlai ah pawh Lawngtlai District Blindness control Society bultum in GRHSS ah hman ani, He hunah hian Dr.H.Lalrinfela Medical Officer, chuan, mit pawimawh dan leh enkawl dan te sawiin, khawvel ah mi maktaduai 284 mit thalo anni a, heng zing ah hian mi maktaduai 39 chu mitdel,khaw hmu thei lo an awm mek ani a ti. Wolrd Sight Day ah hian GRHSS naupang mi 320 te mit ensak anni a, heng zing a mi 11 te chu Tarmit vuah ngai anni tih hmuhchhuah ani a, tarmit vuah ngaite hi District Blidness Control Society chuan a thlawnin Tarmit an pe dawn a ni. Kum in 2011 chhung hian Lawngtlai Dsitrict a School 24 a School naupang te mit ensak anni tawh bawk a ni. Lawngtlai Dist. Blindness Control Society hian Kumin 2011 chhung hian Mit an ensak zawng zawng chu 6000 tling tawh in, heng zing a mi 2800 vel chu mit enkawlzui ngai an ni a, mi 102 te chu mit naute paw (Cataract) anni a, zaisak nghal annih thu leh Zirtirtu 30 te chu mit chungchanga zirtirna leh eye screening tithei turin training pek an nih tawh thu Dr.Lalrinfela chuan a sawi bawk. World Sight Day hmanna hi Govt' Higher Secondary School Principal Pu Lalhmangaihzuala'n a kaihruai a ni.

V/C te tan Room pe

District Bawrhsap Pu Hmingtea chuan Lawngtlai District V.C Association ten Sawrkar an dawr na ah awlsam zawk nan Room an dil chu a tihfel sak tawh a, BDO Office Building a Room pakhat chu V.C te tan ruahman a ni.

Kawng siam dawn

Vawiin hian Thingfal khawtlang chuan an huamchhung a National Highway-54 chhe zuallai siamtha tur in khawtlang huap in hnatlang an ko.

Enfiah dawn

LDDVF te chuan District chhunga hmasawnna hna thawhte a hmun ah kalin enfiah hna an thawk dawn. LDDVF te hi hnathawhte enfiah turin sawrkar chuan a thawhpui dawn a, tulpawimawhte tihfel a ni tawh.

Lawm dawn

Faina Hapta hmanzawh tak a Office fai lawmman pathumna an dawn chu Chief Judicial Magistrate Office chuan vawiin hian lawm an tum.

M.J.A President zin

MJA Lawngtlai District President Pu ZD Dengngura chu MJA tulpawimawh bawhzuiin Aizawl ah a zin a, vawiin lam hian MJA President hian lawngtlai a rawn thlen leh hman beisei a ni.

Lawmthu sawi

LPS Comedian Search a mipuite lawm hlawh tak, T.Vanlalmalsawmpeka kawlchaw West chuan duhsakna thilpek thahnem tak a dawn vangin a Pa chuan thilpek petu te chung ah lawmthu a sawi.

COLLEGE A SUBJECT ZIRTUR SEMZAI CHUNGCHANG AH INRAWNKHAWM

Nimin khan I&PR Auditorium-ah Mizoram chhunga sorkar College hrang hranga zirtur subject semzai leh kalpui dan tur chungchanga inrawnkhawmna hun chu Directorate of Higher and Technical Education huaihawtin College Principal leh zirtirtu thahnem takin an hmanga, H &TE Minister Pu Lalsawta’n hmanpuiin thuchah a sawi. Minister chuan Mizoram sorkarin khawvel huap zirna tha leh changkang neih a tum mekah hian thlirlawk leh tinzawn (vision) fel tak neia kal a nih thu leh chu vision-ah chuan sorkar a chiang tawka, duhthusam leh tawngvaih thil mai mai a ti kan ni lo, a ti. Zirna tih hian hriatthiamna tak tak a pawchhuak ngei ngei tur a ni tiin Pu Lalsawta chuan Mizoram chhunga zirna peng zawng zawngah tanlak mek anih dan a tarlang a. Rampum leh khawvel thangchak tak mila zirna kalpui thiam a tul a, tun dinhmuna Mizoram College hrang hranga subject zirlai semzai leh ruahman tharte pawh a tul tak avangin he inrawnkhawmna hi buatsaih a ni, a ti a. Mizoram College pawhin National Assessment and Accreditation Council leh University Grants Commission duhdan zuia kal a tul avangin insawi danglam (change) a ngai dawn a ni, a ti. H &TE Minister chuan Hrangbana College ten tunhnaia NAAC atanga A Grade dinhmun an thleng chu Mizoram zirna pumpui a thil chhinchhiahtlak leh lawmawm a nih thu a tarlang bawk. Nimin a inrawnkhawmna hun buatsaih hi H &TE Director Dr. H.L. Malsawma’n a kaihruai a. Hun hmanpui tu H &TE Secretary Pi Esther Lalruatkimi pawhin he inrawnkhawmna atanga an thutlukna siam chu sorkar-in enzuiin a tul anga bawhzui tur anih thu leh kalphung pangngai thlakthleng tum ngawr ngawrna satliah ni lovin zirna in hmasawnna leh thil tha a thlenchhuah theih zawk beisei a buatsaih a nih dan kalkhawm te a hrilhfiah a ni.

Thursday, October 13, 2011

AMFU ten IWMP a PIA an nihna hmukir turin October Ni 30 thleng nghah an tum

Nimin khan AMFU District Hqrs. Lawngtlai chuan lawngtlai bazar a an Office ah Lawngtlai a Thuthar thehdarhtute an kawm. . Nimin a thuthar thehdarhtute an kawmna ah hian AMFU President Pu N.Lalzova chuan IWMP hnuai a Project Implementing Agency (PIA) atan a ruat an nihna chu chhuhsak tumna awm tih sawiin, kum 2010 khan Lawngtlai-IV , PIA atan hian ruat an lo ni tawh a, mahni sum seng a Training leh Awareness Campaign te nei a hma an lak chhoh mek lai in, PIA atan Sangau BDO ruat a nih na Order an hmu ta mai chu hriatthiam har an tih thu leh mak an tih thu a sawi a, He Order hi Mizoram sawrkar a RD Dept. chuan Septermber Ni 26, 2011 khan Order a tichhuak tih a sawi a. Hetihlai hian Sangau BDO chuan Project Director DRDA Lawngtlai District hnen ah lehkha thehlutin IWMP Lawngtlai-IV PIA thlak chungchang chu State Level Nodal Agency (SLNA) leh MORD atanga thutlukna siam la awmlo ni a sawiin, AMFU Lawngtlai chu PIA atan thlanfel tawh an nih leh hma engemawchen an lo lak tawh avangte, MGNREGA leh hnadang avanga a buai vanga PIA atana ruat lo tur a a ngenna thu a thlen tih AMFU President chuan sawiin, heti chung a Sangau BDO chu PIA atan ruatna order an tichhuak chu induhsakna hleihluak awmngei ni a an hriat thu leh miretheite rahbehna a nih thu a sawi a,AMFU President chuan PIA turin AMFU chu SLNA Meeting in a approved a nih lai a, a chhan fumfe sawitur awm si lo a, PIA nihna chhuh tumna awm chu hriatthiam har kuthnathawktute chuan an tih thu a sawi, hemi chungchang ah hian PIA atana ruat an nih zui theihna turin hma an lak thu sawiin, ngenna pawh sawrkar ah an thlen tawh thu leh Ni 30, October, 2011 thleng sawrkar an ngaihchan tur thu leh chumi hnu a an ngenna a hlawhtling lo a nih chuan a tul anga hma an lakzui zel tur thu a sawi.

MNF President Pu Zoramthanga’n mi 752 a lawmlut

MNF Gen.Hqrs. President Pu Zoramthanga chuan nimin tlai khan Lawngtlai Bazar a an party Office a inkhawm buatsaih ah MNF Party zawmthar mi 752 a lawmlut. A lawmluh zing ah hian mi langsar tak tak thahnem tak an tel thu dawn a ni . Pu Zoramthanga hi Saiha atanga Lawngtlai rawn pan a nih vang in, a puala inkhawm buatsaih hi Dar 2 a tan tur a ruahman ni mahse Saiha mipui ten an bawr nasat vang leh tihtur tulpawimawh a tam vangin Lawngtlai a a Programme hi a hun takah a rawn hmang thei lova, heti chung hian Lawngtlai Bazar MNF Office Hnam Run chhehvel ah chawhnu dar 1 vel atangin a thusawi ngaithlak tumtu mi thahnem tak an pungkhawm tan a ni. Pu Zoramthanga chuan mikhual sorkar ah beisei tur a tlem zia te, Hnam anga harh a hun thu te, Sawrkar lai ah mipui tan beisei tur a awmloh thu a sawi. Pu Zoramthanga hi nizan khan Lawngtlai ah riakin tukin hian Lunglei panin a chhuak ang.

Rammi nilo 100 chuang awm

Mizorama lo let Bru-te Mizoram mi dik tak an nih leh nih lohenfiahtute chuan Mizoram mi dik tak ni lo 100 chuang an awm niin an sawi.Bru endik hna hi NGO leh party 3 - aiawh ten thlahlui khan an thawk a, Mamit dist-a Bru-te chenna khaw hrang hrang an tlawhnaah Bru 100 chuang Mizoram mi ni lo an hmu tih an sawi .

Serlui B enfiah dawn

Serlui B Hydel Project , a tui luan kawng a tui luang thununna (surge shaft gate) enfiah turin Mizoram sorkar chuan ‘Verification team’ a din.Enfiah tura an ruat te chu P&E Engineer-in-Chief, Er. CL Thangliana, PWD Chief Engineer, Er. VL Duhsaka, Geology and Mining Jt. Director, H.Lallenmawia te bakah Geology and Mining Department a geologist te an tel.Cheng vaibelchhe 192.9 sen tawhna Serlui B Hydel Project hi hnathawh tur 99% chu zawhfel a ni tawh tih Sorkar thuchhuah ah tarlan a ni.

NLUP ah chhungkua 45000 thlang dawn

NLUP Implementing Board Vice Chairman, Pu P L Thanga chuan NLUP thawh hnihna dawngtu tur, District tina tuna an thlan mekna lehkha chu tun thla chhunga NLUP, Implementing Board hnena thawn thlen vek tur a nih thu a sawi. Khaw hrang hranga Base line Survey lo neih tawh hmangin Village Level Implementing Committee-in an khua theuhah an thlang ang a, District Level Committee-in uluk takin a enfiah ang a, a dawng tur an thlan fel chu NLUP Implementing Board-ah tun thla chhung hian an thehluh a ngai a ni a ti. Heng mite hna thawh tur thlan pawh November ni 28 ral hma-in Board-ah thehluh vek a ngai a, hna thawh tur thlang tura District Level Implementing Committee an thut khawm hunah District level-a Line Department tin aiawh bakah Directorate atanga an Department aiawh pawh an tel ang a, tanpuina dawng turte zingah “Ka hna thawh tur thlan ni lo thawk turin min ti ” ti an tlem theih dan ber tur zawn a ni ang. NLUP tanpuina dawngtu tur thlan thawh hnihna ah hian Mizorama District 8 atangin chhungkaw 45,000 thlan tur a ni a, a hmasa zawk, tuna kalpui mekah hian chhungkaw 45,139 tanpui mek an ni.

DC leh CEM lalut dawn

October Ni 18 khian Bharat Scout & Guides Lawngtlai District chuan Patron member atan DC leh CEM an lalut dawn, lakluhna inkhawm hi DC Office tual ah neih tur a ruahman a ni.

Wednesday, October 12, 2011

Thingsai,Bualpui,Sangau,Pangkhua,Saisihchhuah (TBSPS) kawng chungchang DC ho in sawiho

Nimin piah khan Lawngtlai DC Pu B.Lalhmingthanga ho in TBSPS kawnglaih chungchangah meeting neih ani.He Meeting hi DC Office Chamber ah neih ah,Thingsai, Bualpui, Sangau ,Pangkhua,Saisihchhuah kawnglaih mek a harsatna an tawhte sawiin,harsatna an tawhte sutkian dan tur an sawi ho.He TBSPS kawng hi kum 2008 a laih tan niin,kawng laih tura Huan,Lo,leh Ram neite hnenah Compensation pek vek ani tawh ni a ngaih chu hmaih palh tlem an lo neih thu BRTF lam chuan an sawi a , kawng paltlang tur a in ding thiat duh lo an awm avangte,compensation dawng vek tawh,mahse dawng tlem in ti avanga harsatna siam leh Court hial thleng an awm avanga harsatna an tawhte sawilan ani bawk a.Harsatna an siam avangin Sangau atanga Saisichhuah kawng laih chu chawlhsan ani a,he an harsatna hi Ni 2/9/2011 khan en alo ni tawh a,hetah hian DC aiawhte,Council lam aiawhte,Police lam te pawh kalin,ahmunah thilawmzia an hmuh dante report ngaihthlak ani bawk ani.Henga an harsatna tawh mekah hian Thingsai atanga Km 10 a thui hi Lunglei District anih avangin,Compensation an pek dan te zawh chian a,zirchian phawt nise an ti a,BRTF hnena lungawilo awmte hi an ni hian lo bawhzui se,arang lama kawnglaih hna hi chhunzawm anih thuai theih nan hmalak nise tiin an rel ani.He Meetingah hian BRTF lam aiawh leh heti lama mawhphurtu Officialte an tel ani.

College Veng Kumpuan Duty ten Zu thahnem tak an man

Nimin zing dar 9:30 vel khan Lawngtlai College Veng YLA Kumpuan Sub-Committee te chuan Taxi pakhat atangin Rakzu Litre 20 an man a,an zu man hi Factory atanga an rawn ken niin.an han chhui zel chuan a dang pawh an dah tha niin an sawi a, chumi chu YLA Kumpuan Duty te chuan bawh zuiin, Culvert hnuaia an thuhruk Rambo Polythene Fun 29 chu an va haichhuak leh ta ani.He an Zu man hi avaiin Fun 30 ani a,Factory neitu hi Lalrammuana Phunte khua,tuna Lawngtlai Bazara khawsa nia in sawi niin,an Zu man hi a pawisa a chhut chuan cheng Singruk man ani a,nimin chhun khan an Factory awmna Phaikhang ram,Lawngtlai atanga Km 9 vela hla ami chu tichhe turin YLA Kumpuan Committee,College veng leh Lawngtlai Bazar te an kal ani.Zu Factory ah hian Bel Set hnih( Bel lian 6) an man tel bawk.Heng Factory neitu leh Factory-a thawkte hi Lawngtlai Bazara khawsa vek an nih avangin College Veng YLA te hian Bazar branch YLA hruaitute hnenah an hlan ani.Heng an zuman te hi avaiin leihbuak nghal vek ani.

LDDVF hmang dawn

Lawngtlai District a hmasdawnna hna thawh thenkhat te a hmunah kala en turin Lawngtlai District Development Vigilance Forum te chu Sawrkar in hman a tum mek ni in thudawnna chuan a sawi.

Press mite kawm dawn

AMFU Lawngtlai chuan vawiin hian Chanchinbumite kawm an tum a, kawm an tumna chhan an tarlan ah IWMP Project-IV chu diklo takin Sorkar in Project Implementing Agency an nihna an laksak vang niin an tarlang.

Tuesday, October 11, 2011

Lawngtlai Academy of Letters Rising Day-sum-Seminar neih a ni

Nimin khan Lawngtlai Circuit House, Lounge ah Lawngtlai Academy of Letters (LAL) chuan an pawl din champha vawi 8 na lawmna leh Seminar an buatsaih.Chawhma lam hun Dr.Vanlalringa Bawitlung in a kaihruai a, V.Saingura Secretary LAL chuan report tawi pein Lawngtlai Academy of Letters chu Ni 10.10.2003 a dintan a nih thu leh tun dinhmun ah Members 39 an awm thu a sawi. Kumin atangin LAL hian Thu leh Hla lam a mihmingtha te chawimawina a nei tan a, kumin ah hian Dr.R.T.Hnialum chu Chawimawi phu ni a an hriat avangin a hmasaber atan Chawimawina thuziak leh tangkafai Cheng Sangnga keng tel LAL Award chu he hun hmanpuitu Khuallian Lawngtlai DC Pu Hmingtea’n a hlan.D.C B.Lalhmingthanga chuan thu sawiin, thu leh hla ziak a dah hi a hlu em em a, ziak a dah hlut zia entirna tha ber chu Bible hi a ni , Thu leh Hla ropuina kan puanchhuahna hmanraw ropuiber chu ziak a kan dah hi a ni tiin, thu tha tak tak kan ngaithla thin a, kan hrezui leh tawh kher thin lo, amaherawhchu ziak a dah a nih chuan a mamawh leh duhtu in a hmang tangkai thei a,kha Literature khan kawng hrang hrang in hlutna a nei ta thin a ni a ti. Khuallian thusawi zawh hian Pu B.Lalhleia paper buatsaih ‘Chhiatni leh Thatni a inrelbawldan thlir zauna’ tih chu zirhona leh sawihona a hun hman a ni. Chawhnu lam hun Pu PC Chuaudinga kaihhruai ah Hla Chham mi nei ten an Hla chhammi neihte an chhiar chhuak a, a duh apiang tan sawihona hun zautak hawn a ni bawk, Lawngtlai Academy of letter Rising day pual hian tlai lam ah zanriah buatsaih a ni bawk.

Khawpui cheithat tur ah CEM hoin VC te an thukhawm

Lawngtlai khawpui cheithatna tur atan a Ministry of DoNER hnuai a NLCPR atanga pawisa hmuh hmang a hmalak dan tur nimin khan CEM Pu C.Ngunlianchunga ho in a Office Chamber ah Lawngtlai khawpui chhung a VC ten sawihona hun an nei a, he hun ah hian Nodal Officer Pu Lawmsanga AP&DO bak ah LADC a Engineer te pawh an tel. tarlan tawh angin NLCPR ah hian Lawngtlai khawpui cheithatna turin Cheng Nuai 1182 ruahman niin, tun ah cheng Nuai 463.43 hmuh a ni tawh a. khawpui cheina tur ah hian Khawpui chhunga VC te hnen ah an huamchhung a hnathawh tul te Estimate siamtur a tih an nih angin VC te hian an siam fel tawh a, heng Estimate an siamte hi thlirho nghal a ni a, a rang lamin hmalakna kalpui nise tha an ti.

Pu Rama lokal dawn

MNF President Pu Zoramthanga chuan vawiin hian Saiha a thleng dawn a, naktuk ah saiha a mithar lawmluhna a neih hnu ah Lawngtlai ah rawn chhukin mithar lawmluhna a nei zui leh ang. Pu Zoramthanga hi MNF hruaitu lian tak tak bak ah Councellors pali in an rawn tawiawm dawn a, an zing ah hian Mali pawh tel tur a beisei a ni.

Multi Modal Meeting

Nimin chawhnu lam khan DC Pu Hmingtea ho in a Office Chamber ah Multi Modal Project hnuai a kawngpui laih mek chungchang ah Meeting neih a ni a, hmalakna kalmek leh hmalak zui dan turte an sawi ho.

Office kai hun

Mizoram sorkar GAD thuchhuah angin October 15, 2011 atang hian Mizoram sorkar hnuaia office zawng zawngte chu zing dar 9:30 atanga tlailam dar 4:00 thleng office kai hun a ni ang. He office kai hun hi nakum February 15 thleng a ni ang.

MPCC in MNF President chu ngaihdam dil turin an phut

Mizoram Pradesh Congress Committee chuan MNF President, Pu Zoramthanga’n MNF-in “Tual kan that lo, ral kan that a ni” tia a sawi chungchangah mipuite hnena ngaihdam dil turin MNF President an phut. Hemi chungchanga MPCC ten Aizawla thuchhuah an siamah , tun thla ni 3-a Kolasib-a Remna champha vawi 25-na lawmnaa MNF President, Pu Zoramthanga thu sawiah “MNF ten zalenna kan sual lai khan India sipaiten min kapin min that a, tual kan that an ti ngai lo, MNF-ten min beitute kan do letna-a anmahni leh an kut tichaktute an thahin tual that min ti thin, tual kan that lo, ral kan that a ni,” tia a sawi chu tarlangin Congress chuan, MNF President-in “Ral an ni a, kan that,” tia sawi chu India sipaite leh Mizoram mi an thahte nia sawiin Mizoram mi an thahte zingah “kawktu nia puh” te, itsikna vanga hek an nih vanga thah, pawi sawi lo tam tak an awm nia sawiin, heng mite ral anga sawi chu tha lo an tih thu an sawi a, pawi sawi lo an thah chhungte hnenah leh zalenna sual tura an bum chhuah, ram tana nunna hlantu, Martar chhungte hnenah ngaihdam dil turin Congress party chuan MNF President, Pu Zoramthanga chu a phut a ni.

Kumin chhungin Hmeichhe chung a hleilenna 137 ziaklut tawh

Kumin January atang khan hmeichhe chunga hlei-lenna (crime against women) case 137 ziahluh a ni tawh a. Kum 2008 atang khan hetiang case hi 639 ziah -luh tawh niin, heng zinga 303 chu pawngsual an ni. Hetih lai hian kumin chhunga mahni intihlum chhinchhiah chin 53 zinga 15 (28. 30%) chu hmeichhia an ni.Police record atanga a lan danin, kum 2008 atanga kumin 2011 September thla inkar chhungah, kum 2010 kha hmeichhe chunga hleilen-na thubuai ziahluh tam ber kum niin thubuai 196 chhinchhiah a ni a, kum 2008 ah 154 awmin, 2009 ah 152 a awm a, kuminah September thla thleng khan thubuai 137 a awm a ni. Hemi chhunga pawngsual vawi 303 thlengah tum 156 chu kum 16 hnuailam chunga thleng niin, tum 147 chu kum 16 chunglam laka thleng a ni. Hmeichhe rukbo vawi 5, hmeichhe hralh (immoral traffic) vawi 5, pawngsual thleng lova hmei-chhe khuaikhem thubuai, kum 16 aia naupang lakah 89 leh kum 16 chunglam lakah 140 a thleng bawk. Hmeichhe tihnat thubuai ziahluh 53, an pasal ten an nupui te laka rawng tak kutthlak 29 bakah khuai-khem tum leh mawilo zawnga hmei-chhe chhawnchhaih thubuai ziah- luh 15 a awm bawk a ni.

Monday, October 10, 2011

Faina Hapta khar a ni. Veng faiber ah Chandmary Veng thlan a ni.

Inrinni khan D.C Conference Hall ah Lawngtlai a Faina Hapta kharna inkhawm neih ani. LADC a Revenue changtu Executive Member Pu H.Vanlalthaliana kaihhruaia Faina Hapta kharna inkhawm neih ah hian D.C Pu B.Lalhmingthanga chuan thusawiin," A awm lohna hmun tur a thil a awm hian Bawlhlawh ani thin a, Sawrkar leh khawtlang leh mimal ten a awmna leh dahna hmun tur a thil kan dah chuan bawlhhlawh a awm lo mai dawn a, Pathian kan an teuhna ber Faina hi mitin in kan ngaih pawimawh ani a ti a, khawthlang ho nundan kan entawn nasa hle a, heng an nunzia atang a kan entawn atan ka duh ber chu Faina leh thianghlimna hi ani a, Faina hapta kan hman chhung chauh ni lo hian tan ila sauh sauh ang u," ati. Faina Hapta Kharna inkhawm ah hian Faina hapta hman chhung a hmalakna hrang hrang te SJSRY a District Project Officer Pu Beila Khithie chuan report a pe a, Hapta hmanchhung a inelna hrang hrang buatsaih a lawmman late hnen ah D.C in lawmman a hlan a,Chungte chu Veng fai ber- Chandmary Chanchinbu Faina kawng a thuziak tha ber- The Lawngtlai Post, Office faiber- District Horticulture Office, Zirna In faiber-Govt.Model English School, Hotel/Restaurant Faiber ah - Sugar & Spice Restaurant te thlan anni a, Lawmman hi Pathumna thleng siam a ni a, Damdawi bik ah chuan pathum chauh a awm vangin pakhatna chauh thlan niin, District Hospital thlan a ni. Faina Hapta kharna inkhawm ah hian kum dang zawng aiin tel an thahnem ni in kan hria.

Khawpui cheithat dan tur en

Inrinni zing khan Minister of DoNER hnuai a NLCPR atanga Lawngtlai khawpui cheithatna tur Upgradation of Lawngtlai Town atan a pawisa hmuh hmanga hmalakdan tur CEM Pu C.Ngunlianchunga ho in en a ni. Areopagy atanga Vengpui Haihmunga Road zauh dan tur leh Sobji Bazar peng atanga Chengkawllui Road zauh dan tur te en a nih bak ah chhun lam ah Chawnhu khelmual zauh dan tur en a ni bawk., heng kawngpui pawimawh tak pahnih te hi kawngchhak lam a zauh a ngai deuh vek bak ah, kawng chhak nek harsa leh remlo lai ah te chuan kawng thlanglam nek nise tih a nih bak ah, tun a kawng awmsa nekchep zawng a Tuizem leh thil dang awmte chu a neitute hnen ah senghawi tur a tih tha an ti. Upgradation Of Lawngtlai Town atan hian NLCPR ah Cheng Nuai 1182 ruahman a ni a, heta tang hian za zel a 40, Cheng Nuai 463.43 hmuh tawh niin, a rang thei ang ber a hmalak tum a nih thu CEM Pu C.Ngunlianchunga chuan a sawi. Kawngpui zauh dan tur en na ah hian CEM hian E/M Revenue Pu H.Vanlalthaliana bak ah Official lam leh mipawimawh engemawzat in an tawiawm.

Nupa tuak 79 innei

Inrinni khan LIKBK Ebenezer Local Church Lawngtlai AOC Veng chuan an Kohhran chhung a la inkutsuih lo te pualin Inneih runpui an buatsaih a, Tuak 33 te Pastor Zaionvarmawia’n a inneih tir, an zing ah hian Upa 3 leh rawngbawltu paruk an tel.October Ni 6 khan LIKBK, Bethel Lawngtlai Vengpui Kohhran ah pawh a huho a inneihna buatsaih ni in Nupa tuak 46 te Pator A. Vanlaldinpuian a inkutsuih tir , inkutsuih zingah hian Kohhran Upa pakhat leh Rawngbawltu panga an tel a ni. Kohhran pahnih a innei te hi tuak 79 an ni.

LSA hmalakna

LSA General Secretary K.Thansiama hnen atangin LSA hmalakna chungchang hetiang hian kan dawng LSA Gen Hqrs.;Lawngtlai chuanResolution bawhzuina Kawngpui kama thingphun te enkawl puitlin anihtheƬh nan Forest Department,LADC nen tangkawpin zirtirtute pualinAwareness campaign October 21,2011 khian neih an tum. Tin LSA-SSALawngtlai District nen tangkawpa Painting competition hlawhtling takneih ani hi lawawm ati takzet a, Pu LZ.Tluang DPC leh a thawhpui techungah lawmthu LSA chuan asawi ani.Gen.Conference Resolution tihhlawhtlinna tura Sawrkar-a an thlen hrang hrangte,thuneituten an tihhlawhtlin thuai an beisei tlat ani.

Corruption ven na a hmalakna tur ah Sawrkar tihtur a sangfal

Tunhnai a Prism Discussion Forum thukhawm chuan Mizorama corruption veng tura mawhphurtu hrang hrang an siam chhuak a. Sorkar mawhphurhna a sang fal hle tih Prism thuchhuah ah tarlan a ni. .Prism Discussion Forum hian July thla atang khan corruption chungchang an lo sawiho tawh a. Mi 5,000 aia tam ngaihdan lutkhawm atangin September thla khan corruption venna tur point 35 an siam fel a. Heng point 35 te tihlawhtling tura hma la tu tur ruahmanna siamah hian sorkar tih tur 31, Kohhran te tih tur 5, Political Party te tih tur 7, MPF tih tur 5, NGO hrang hrang tih tur 12 leh mipui nawlpui tih tur 7 te a awm a ni.Heng thil te bawhzui nan hian Prism chuan mawhphur tura ruahman hrang hrang te hi an mawhphurhna an hlen theihnan an dawr zui dawn a. Priority List siam chhuakin tihhlawhtlin anih theih nana bawhzui turin thawhpui tur an zawng chho dawn ani. A tupui apiang pawl leh mimal pawh hmalak pui atan Prism chuan an sawm thu kan dawng

Road Tax ennawn turin sawrkar phut

Serchhip Auto Rickshaw Association chuan thuchhuah siamin The Mizoram Motor Vehicles Taxation (Amendment) Bill 2011 hman a nihhma in kum 1 atan road tax hi Rs.250/- niin dan tharah chuan Rs.850/- a tling ta a. Hei hi eizawnna atana hman chi lirtheiatanga chhiah lak za zela 20 vela tihpun tur ni a, Mizoram Assembly-a sawiho laia sawi chu a tak a lo thlen chuan a punna chu za zela 240 atlin daih avangin Mizoram sorkar chuan an dinhmun hriat thiam pui a ennawn sak turin an phut. Lawngtlai Auto Rickshaw neitute pawh in Road Tax hi ennawn a tihniam turin an lo phut tawh bawk.

Inhnukdawk

October ni 27-a YMA General Conference-a CYMA hruaitu thlanna neih tur atan hming 16 nominate a ni a, nominate zinga inhnukdawk, Vice President ni mek JH Zoremthanga chuan, President a lo nih tawh avangin midangte dipdal thei a nih thu te, principle an lo siam tawh anga kaltlang phawt mai tha a tih thu a sawi a ni.

Fai lawmman dawngtu te

Veng 1. Chandmary2. Bazar veng 3. College Veng Office 1.DHO Office, 2. S.P Office 3. CJM Office School 1. Gov’t Model English School 2. Rev.Thanzinga Memorial School Chawnhu 3. Gov’t Thingkah Middle School Hotel/Restaurant 1. Sugar & Spice 2. J&R 3. Lairam Hotel Hospital 1. District Hospital Newspaper 1. The Lawngtlai Post 2. Rameng. 3. Lairam

Thursday, October 6, 2011

Hmundang rualin Nimin atang khan Lawngtlai ah RTI Week hman tan a ni.

Nimin khan DC Conference Hall, Lawngtlai ah RTI Week hawnna inkhawm neih a ni a, he hun Pu Lalhmunsanga Lawtlai SDO(S) kaihhruai ah hian DIPRO Pu Lalremruata Kullai chuan Week hmanchhan leh RTI Act in a tum tlangpui a sawi a, Khuallian Pu B.Lalhmingthanga District Apeleate Authority, District bawrhsap ni bawk chuan RTI Week hman a ni chu, hun pawimawh bik Mellung pawimawh tak a ni a ti a, RTI Act chu Sawrkar khalhngil nan tangkai tak a nia ti , SPIO leh ASPIO ten mipui te dikna leh chanvo an rapbet thianglo a, an hriatduh ah Information chiangkuang lo pechhuak lo turin hnathawktuten fimkhur tak a an hna an thawh a tul a ni a ti a, RTI Act in a tum ber chu Rorelnadik luipui anga a luantheih nan leh Felna chu luipui kang ngai lo anga a luan theih nan mipui ten sawrkar a an chanvo an neih ve theih na Right pek leh a nei tuten dik taka hman a ni a ti.Week hawnna ah hian Lawngtlai a SPIO leh ASPIO te, NGO aiawh leh Media lam te an tel tha hle a, RTI chungchang a hriatduh nei te leh sawi zau duh ten hun an hmang a, Pu Thangchem Zathang Project Director DRDA chuan lawmthu sawiin hun hi a khar a ni.

Apex Bank thuamtha mek

Mizoram Co-Operative Apex bank chu thuam that mek a ni a, hmalakna kalmek ah nimin khan Aizawl a Treasury Square a ATM Booth chu Pu J.H. Rothuama, Minister Land Revenue & Settlement chuan a hawng.MCAB chuan tunlai technology changkan rual hian Banking transaction te pawh Bank dang ang bawk a tihchangtlun tumin tan a la nasa hle a. Software hman lai chu a changkang zawk leh a thar a thlak a ni a. Tunah chuan software thar chu Aizawl khaw chhung Main Branch, ah hman a ni tawh a. He software thar atan hian HMA STARware Pvt. Ltd Chennai te nen tie-up arrangement neiin Pilot Project angin Main Branch leh Dawrpui Branch ah May 2010 atangin hmalak tan a ni a.He software thar ah hian ABB (Any Branch Banking) leh ATM te hi kalpui tura ruahman a ni. Heng atana tul Hardware leh software te hi lei chhoh zel a ni a. Connectivity atan BSNL leased line hman an tum a. Tunah hian Central Server ah thlungkhawmin Aizawl khawchhunga branch panga te leh ATM hi thlungzawm a ni ta a ni. Aizawl pawn lama an Branch te computeriesd tur pawhin hmalak chhoh mek a ni bawk. Branch zawng zawng TBA (Total Branch Automation) kalpui anih hnuah hian a remchan anga hma la zelin Core Banking Solution (CBS) lamte pawh an hawi chho dawn a ni.

Faina Hapta hmang uar

Nimin a MJA Lawngtlai District hruaituten Lawngtlai khawpui chhung fangkualtute chuan faina Hapta hmanmek chu kumdang zawng aiin kumin hian uar zawk a hman a nih thu an sawi a, sawrkar Office, an tlawh chin ah Faina Hapta denchhen a hnatlang te, Office leh a chhehvel thenfai tha tak tak te bak ah, Veng an paltlang te pawh Faina lam a hmala tha tak tak an hmuh thu an sawi a, hetiang a Faina Hapta uar zawk a hman a ni chu MJA hruaitute lawmawm an tiin, Chanchinbu hmanga theihtawp chhuah a hma an lo lak ve te pawh a hlawh tling tan mek a an hriat thu an sawi.

Bial khawmpui

Zanin atang hian BCM Pastor bial hrang hrang te chuan inkhawmpuina tur a ruat Kohhran hrang hrang ah Bial khawmpui an nei tan dawn, pathianni thleng a awh ang.

Thlanmual ngaihtuah

Nimin khan DC hoin Multi Modal Kawngpui laih vang a Thlanmual sut chhiat tur chungchang ngaihtuah in Meeting DC Chamber ah neih a ni a, Chanchin lakkhawm lai hian an thurel kimchang kan hre thei hrih lo

Wednesday, October 5, 2011

Job Card fello zawnchhuah hna thawh mek, D.C ho in thlir ho a ni.

Nimin khan DC Pu B.Lalhmingthanga ho in, a Office Chamber ah Lawngtlai District chhung a MGNREGA hnuai a Job Card diklo zawnchhuah hna kalpui mek a, hmalakna thlirho a ni. Meeting ah hian District chhung ah Job Card fello engemawzat hmuhchhuah a nih thu leh hengte hi paih nghal vek a nih thu sawilan a ni a, heng Job Card fello atang hian Job card lem dik tak zawnchhuah hna kalpui mek chu chak tak a thawhzui nise an ti.Job Card fello zing ah hian a tam ber chu Job card neitu a thih vangte, hmundang a a pem vangte, hmundang pem hnu ah an chhuahsan khua leh an pemna khua ah Job Card nei kawp an awm vang te a ni. Chhiarpui hnuhnung ber a In awmzat leh Job card neizat chu a inmil thei tak tak thei lo tih Meeting ah hian sawilan niin, Chhiarpui neih lai a Sakhuana thil vanga inziaklut duh lo, Job Card nei si an awm vangte, Chhiarpui neih zawh tawh hnu a indang an awm vang te, In pakhat chhungkua inluah tawm an awm nual vangte a nih thu sawilan a ni Meeting ah hian Convergence chungchang sawiho a ni a, Line Department paruk ten ruahmanna an neih te an thlir ho a, tun kum kallai mek ah hian a theih chin chin ah Convergence hi kalpui nise an ti a, Kum 2012-2013 Labour Budget ah Convergence chu chak zawka kalpui a nih theih nan Scheme mumal tak siamin Line Department ten October thla chhungin thehlut se an ti. Meeting ah hian Pu Thangchem Zathang Project Director DRDA, Lawngtlai District chhung a BDO te bak ah Line Department hotu te an tel.

Chandmary Veng kawng siamin an hnatlang

Nimin khan Lawngtlai Chandmary V/C te huaihawt in an veng chhung a National Highway 54 chhe lutuk leh kalkawng hrang hrang te siamthat hnatlang neih ani. He hnatlang ah hian NH 54 chhe lutuk hnawhkhah hna leh an veng chhunga inkal pawhna hrang hrang siamthat ngai laite siamtha a cheithat ani Kalkawng chhia hnawhkhahna tur lei vung leh a phurhna tur hi Pu C.Lalsawmzuala MDC Chandmary bialtu in JCB ( Excavator) leh Tripper a thawh a, Pu C.Hranghluna'n a JCB a thawh bawk. Hnatlang thawk hi mi 700 chuang niin, Group hrang hrang a inthen in kawng siamthat hna hi thawh ani.

Executive thurel thenkhat

Oct 3 a CEM ho a LADC Executive Committee chuan Lawngtlai to Zochachhuah,Multi Model kawng laih mekah Compensation lak tumna avanga Pass lem tamtak awm nia sawi chu lo endik a,chhui chiang turin Pu H.Vanlalthaliana Executive member i/c Revenue kaihhruaina hnuaiah Sub-Committee din chuan tunkar chhung ngei hian Executive Committee ah an thil hmuhchhuah te thehlut se an ti a. LADC Office a thawk ten a theih chen chenah Lai tawng a File deal nise,Lai tawng pawh Councila thawkte chuan thiam ngei tura hmalak nise an ti bawk. Ngengpui Wildlife Sanctuary leh Phawngpui National Park,State Sorkarin a enkawl mek chu Council enkawl tawh tura State sorkara thlen nise an ti.

Lem in ziak siak

Nimin khan LSA Gen.Hqrs leh SSA Mission.Lawngtlai tangkawp chuan Govt Of India,Ministry Of Power atanga Power renchem tura in zirtirna pakhat atan Lawngtlai khawchhunga Middle School zirlaite tan lem in ziak siak Painting Competition, BRC Hall ah an buatsaih a,He Competitionah hian khawpui chhung Middle School 13 atangin Naupang 50 an tel.Competition hi Pu Lallawmsanga Asst. P & DO.LADC chuan khuallian ni in a telpui lawmman atan 1-na Rs 5000, 2-na Rs 3000, 3-na Rs 2000 leh Consolation Prize Mi 5 tan Rs 500 theuh siam ani

MP hoin Meeting dawn

October Ni 21 hian Lawngtlai District Vigilance & Monitoring Committee chu an Chairman MP ho in an thukhawm dawn, hmasawnna hna thawhmek te chipchiar takin an thlir ho ang.

MLA Tlabung ah

Pu H. Zothangliana, Parliamentary Secretary chu vawiin hian Tlabung lamah a zin dawn a. MSU General Conference & Tin Jubilee lawmna a hmanpui ang, ni 7.10.2011 hian Jubilee Pa a ni ang.

Post Office ah Account

Department of Posts chuan Post Office hrang hrang a Saving Bank Account-ah mimal leh Joint Account a tam lam a bithliah alo siam thin chu a titawp a, a duh apiang ten an mahni duh ang zat zat an dah theih tawh a. Cheque account atan a tlem ber-ah Rs. 500/- a ngai a, cheque account ngailo chi atan Rs. 50/- in Account hi a hawn theih.

Tuesday, October 4, 2011

LADC Primary School a Zirna kalphung thlak danglam dawn

LADC hnuai a Primary School a Medium of Instruction chu Kum 2001 atang khan English a kalpui ani a, Kum 10 zet English a zirna kalpui anih hnu in 2012 atang chuan Medium Of Instruction ah Mizo Tawng hman ani ang. Nimin a LADC a Primary School changtu E/M Pu C.Lalneihkhuma Office Chamber a Mizoram Primary Teachers Assn. District Hqrs. Lawngtlai ten Mizo tawng a zirna kalpui anih dawn avang a Lawmthu sawina hun E.M Primary changtu hnena an neihna ah hianPu Lalneihkhuma chuan, LADC a MDC Constituency 22 an tlawh a,Zirlai leh Zirtirtu harsatna chu English ani tiin, LADC hnuaiah Primary School 116 a awm a, English a zir nge an duh Mizo a zir tia Survey an neihna ah 92% in Mizo Tawng a zir an duh thu te,Right to Education Acts 2009 Chapter V Clause (f) na in Zirlai in an pianpui tawng in an zir thei ang tih anih angin Dt. 30/9/2011 a LADC CEM Office Chamber a Executive Meeting chuan lungrual takin Mizo Tawng a Primary School a zirtirna kalpui chu a remti a, Kum 2012 atang chuan LADC hnuaia P/S ah chuan Mizo tawng in Zirna chu kalpui ani dawn ta ani, ati. MPTA District Hqrs Lawngtlai te chuan Kum in March ni 3 khan Primary School a zirna chu Mizo tawng a thlak tur in E.M P/S changtu hnenah hian an lo thlen tawh a. Hetih rual hian MPTA District Hqrs Lawngtlai te chuan khaw tamtak ah Zirtirtu te chu English a zirtirna kalpui anih hian an thiam lova,School pawh an kal thatloh phah nia an hriat thu te, LADC hnuaia School ah te zirlai an tlem chhan pawh Zirtirtu in English a an zirtir thiam loh vang anih thu te an sawi lang bawk.Thuhriatdanin Chakma Area ah chuan Zirna hi English a kalpui a ni zui thung ang.

Faina Hapta CEM in a hawng

Nimin zing khan Faina hapta,chu LADC a CEM Pu C.Ngunlianchunga’n a hawng.Hawnna inkhawm Areopagy ah neih chu Chairman Clean Mizoram lawngtlai District Pu B.Lalhmingthangan a kaihruai a, thu sawiin CEM chuan hmanlai kan pi leh pute hun lai chuan inbual te pawh hi vun a hek mai mai an ti thin,tunah chuan kan lo changkang ta a,fai hi Pathian anna ani tih pawm tute kan lo ni ta.Veng,Khua alo balh viau chuan kan in thlahdah thin,Lawngtlai khawchhungah Faina chungchangah hma kan sawn em em laiin duhthusam lohna tamtak erawh chu ala awm ani.Kan kawngdungte,kan khawchhungte tifai a,vawng thianghlim tur hian mitinin mawh kan phur ani tih i hre nawn theuh ang u tiin Pathianin Ram min pe a,Ram min pek hi tithianghlima,hmangaih taka enkawl tur kan ni a ti. Hapta hawnna inkhawm zawh hian District Bharat Scouts & Guides ten kawngpui dung thianfai a hnatlang an nei nghal ani.

LADC Executive thukhawm

Nimin chawhnu khan LADC Executive Meeting CEM ho in neih a ni a, an thurel zing ah Ngengpui Wildlife Sunctuary leh Phawngpui national Park te Council enkawlna hnuai a awm tawh se tih te, MSDP leh thil pawimawh dang engemawzat an rel.

RTI Week

October Ni 5, naktuk atang hian Lawngtlai District ah Right to Information (RTI) Week hman tan a ni dawn, chawhma dar 11 ah DC khuallianna hnuai ah DC’s Conference Hall ah Week pual inkhawm buatsaih a ni dawn.

Wildlife Week hawng

National Wildlife Week vawi 57 na hmanna chi khat atan Environment & Forests Department leh Mizoram Artist Society buatsaih, ni nga chhung awh tur Wildlife Painting Exhibition chu vawiin chhun dar 1 khan Vanapa Hall-ah Mizoram Journalists’ Association Vice President Pu Vanlalrema Vantawl-an a hawng.Mizoramah sava chi hrang 370- 490 lai awm anga chhut ani.

Monday, October 3, 2011

Lawngtlai District a Assembly bial pathum a Draft E/Roll ah Voters 65684 an awm.

Election Commission lam in ruahmanna a siam angin Electoral Roll Summary Revision-2012 buaipui mek ah October Ni 1, Inrinni khan hmundang rualin Lawngtlai District a Assembly Constituency pathum, Lawngtlai East, Lawngtlai West leh Tuichawng Assembly Constituency a Draft Electoral Roll chu tarchhuah a ni, he mi puala inkhawm DC Conference Hall a neih ah District Election Officer, Pu B.Lalhmingthanga'n E/Roll tha neiturin mitin te tanrual a ngai a ni a ti. Draft Electoral Roll tlangzarh ah hian Lawngtlai Esat ah Vote neithei 19788, lawngtlai West ah 21689 Tuichawng ah 24215 awmin Lawngtlai District a Constituency pathum a Voter awmzat chu 65684 niin, Voters zawng zawng te hian EPIC an nei vek tawh a ni. Draft Roll atanga sawi duh neite tan November Ni 1,2011 thleng hun hawn a ni dawn. Final Roll hi Januray5,2012 ah tarchhuah a ni ang. Draft E/ Roll tlangzarhna ah hian Pu Beila Khithie Election Officer, Pu Thangchem Zathang PD, DRDA bak ah Political Party aiawh leh Chanchinbumite an tel tha hle. District Election Officer chuan Draft E/Roll hi Political Party leh Tlawmngai pawl te hnena sem nghal.

Midangte tan a thlawna thisen pek runpui buatsaih a ni.

Inrinni kha National Voluntary Blood Donation Day ani a,he ni pual hian Association For Voluntary Blood Donation chuan thisen pek runpui JH.Lorrain Hall.ah an buatsaih, Dr.Lalrinfela Bloodbank Officer leh a thawhpui ten mitlawmngaite thisen pek hi an laksak.He ni puala inkhawmna tawite Rev. Lalhmingsanga, Chairman,Association For Voluntary Blood Donation,i kaihhruaia ah Khuallian Pu Lalneihkhuma EM. i/c Edn.LADC chuan Nunna hi a hlu a,miten nunna an neih theihna tura thisen kan pe thin hi a hlu takzet anir berte,mi hausa ber berte,.Dr.Lalrinfela, Bloodbank Officer chuan Kumin January thla atang thisen a thlawna an dawn tawh chu Unit 307 anih thu leh Za zela 92 chu Voluntary a an dawn anih thu sawiin,lawmawm atih thu a sawi bawk. He hunah hian PYD North East.Lawngtlai North Section te chuan Social Work Day an hman thin pualin Thisen hi an pe bawk ani.Thisen petu te hi Mipa 19 leh Hmeichhia 5,an vaiin 24 an ni.

Upa te Ni hmang

October Ni 1 kha Khawvel pum huapa Upa te Ni anih angin,District Hqrs Lawngtlai MUP te chuan Upa te pualin a thlawna in entirna hun Chanmari Indoor Stadium ah an buatsaih a,he in entirna hi Social Welfare Deptt te bultuma neih niin, District Hospital atangin Dr.Rinsanga leh Dr.Lalmalsawma te bakah Nurse leh Technician te kalin,X-Ray khawl leh Ultra-Sound khawlte an thawhchhuahpui a,Damdawi pawh a thlawn a pek an ni.Beng thalo te chu Social Welfare Deptt in a thlawnin Bengdar an pe dawn a,Mit chaklo tarmit mamawhte pawh Social Welfare Dept. in tarmit man a pe dawn bawk ani.Damlo inentir hi an thahnem hle.

Faina Hapta hmang dawn

Clean Mizoram, Lawngtlai District bultumin vawiin atang hian Lawngtlai District ah Faina Hapta hmantan a ni dawn, tukin hian Areopagy ah hawnna inkhawm neih a ni anga, tunkar Inrinni ah khar a ni ang. Hapta hmanchhungin Veng,Zirna In, Office leh Restaurant fai leh thianghlim thlan a ni ang. Chanchinbu faina lam hawi ziaktha thlan a ni dawn bawk. Inelna a tithate hnen ah Hapta kharna inkhawm ah lawmman hlan a ni ang.