Tuesday, March 13, 2012

Central YLA Playground - ah Lawngtlai District High School Sport 2012 neih tan a ni.


Nimin khan CYLA Playground ah Lawngtlai District High School Sport-2012 neih tan a ni. District High School Sport 2012 hawnna inkhawm tawite buatsaih, Pu Vanlalruata Chinzah Chairman Organising Committee kaihhruai ah Khuallian Pu T. Vanlalmalsawmsanga MCS, District Transport Officer, BDO         Lawngtlai nibawk chuan thusawiin, Zirlaite chu eizawn na atan a Infiamna hman kher tum lo te tan pawh  Infiamna chu taksa thanlen nan te, hriselna nan leh an zirlai an     zirna ah thil tangkai tak a nih vangin uar deuh deuh tur a chah in,

Home Minister hoin Consultative Committee an thukhawm

    Nimin khan Home Minister Pu R. Lalzirliana hoin Home  Department Consultative Committee chu an thukhawm, Meeting ah hian Bru Tripura a pem lak kir tawh dan leh lak kir leh dan tur te, Sakhan tlang dunga Mizo awm te pawh MHA in Bru te dawn ang pek tur a nih thu te inhrilhhriat a ni. HPC (D) nena inbiak tawh dan leh  sorkar dinhmun te pawh sawi a ni. Human Trafficking lama Police hnathawh dan te sawiho a ni a,

STA Approval nghak


      Lawngtlai a Vehicle Parking siam thar chu a tak a hman a nih theih nan State Transport Authority, Approval nghah mek a nih thu kan dawng a, Parking hi a nihna anga hman a nih hun chuan Parking Fee pawh khawn a ni tawh dawn.

Monday, March 12, 2012

World Vision hmalakna hnuai ah thlathum chhungin Inthar 60 sak hman tumin hna thawh mek a ni.

World Vision India Chhimtuipui Area Development programme hnuai ah Kum 2012 January atanga March thla inkar, thlathum chhung hian Chenna In neilo, khawsak harsa te chenna tur In 60 sak zawh hman tum a ni. In thar sakna hna hi thawh chhoh mek niin, tun dinhmun ah In 17 sak zawh tawh a ni a, a dang pawh zawhfel tep a ni tawh bawk.

College Veng Branch YLA ten Silver Jubilee an lawm mek

    Kum 1987-March-12-a Lawngtlai Chanmary atanga indang Lawngtlai College Veng Branch  YLA chuan an Kum 25 na Silver Jubilee Lawmna chu Inrinni khan an nei tan. Jubilee Lawmna hi College Veng Community Hall a neih ah Khual Zahawm Pu T.Vanlalmalsawmsanga, BDO.Lawngtlai chuan Kum 25 kalta a Branch YLA din tantirh lai kha ngaihtuah let  ila,chak lohna leh fel lohna tamtak kan nei ngei in ka ring,chu chuan Jubilee kan hman tanna turah chona min pe sela,chaklo tak chunga Kum 25-na Silver Jubilee hial kan lo thleng hi a lawmawm takzetin ka hria tiin,

E.M zin dawn

Kar khatchhung cham a Ngengpui thlang lam  a Primary Education leh tulpawimawh dangte en tur in vawiin hian LADC a Executive Member, primary Education enkawltu Pu Lalneihkhuma chuan lawngtlai a chhuahsan dawn. E.M hi Education Department a hotute bak ah SSA, LSA, PTA leh LaiDCC hotu ten an tawiawm ang.

D.C lo haw

Lawngtlai District tan a hnatul pawimawh thawk a Aizawl lam a zinchhuak D.C Pu Hmingtea chuan Inrinni khan Lawngtlai a rawn thleng.

Friday, March 9, 2012

District Legal Service Authority leh MHIP te buatsaih in International Womens Day nimin khan hman a ni

Nimin kha International Womens Day a ni a, he Ni hi  JH.Lorrain Hall ah District Legal Servise Authority leh MHIP Sub.Hqrs. Lawngtlai tangkawpte buatsaih in hman a ni .He Ni puala inkhawm buatsaih  chu  Pi Lalhlupuii.  Secretary. MHIP.Sub-Hqrs.Lawngtlai chuan a kaihruai a,Thupui  atan Observance Of International Womens               Day hmangin  Pu Liansangzuala, Chief Judicial Magistrate, Lawngtlai chuan zirtirna a pe a,

Mampui dai a Tata 407 Truck chesual ah Motor neitu leh khalhtu a boral

Nilaini dar 7:15 vel khan  Mampui khawdai ah Mampui khua Pu Lalrinzuala Sathing, Motor Tata 407.MZ-07/1302 chu kawngthlangah tlanliamin a hmunah Motor neitu leh khalhtu Pu Lalrinzuala kum 43 chu  ka pawh chhawn  lohin a boral.

Thulh leh

Inter Ministerial Team ten karleh a Zorinpui Land Custom Station tur tlawh an tum chu an thulh leh, tun tum hi helai hmun Inter Ministerial Team ten kumin a tlawh an tum an thulh tum hnihna a ni.

Jt.Meeting

Nilaini khan  Middle School Teachers Assn.Sub-Hqrs,Lawngtlai hruaitute leh SSA Mission,Lawngtlai District hotuten,SSA hnuaia Grant hrang hrang dik leh tangkai zawka hman anih theih nan ruahmanna tha zawk siam turin Meeting  an nei a,he meeting hi Pu LZ.Tluanga,DPC,SSA Lawngtlai chuan kaihruaiin,MSTA Lawngtlai aiawhin an President Pu NC.Muankima leh hruaitu dangte an tel.

Seri’ Fields Day

Vawiin hian Sericulture Department chuan Thingkah a mimal thingtheihmu huan ah kuthnathawktute tan Fields Day buatsaih       an tum.

LADC Day lawm dawn

 April Ni 29 LADC Day chu kumin hian   kum dang zawng aia ropui leh changtlung zawkin hman tum a ni a, LADC sawrkar chuan Day hmanna atan hian mawhphurtu ruat in, ruahmanna hrang hrang te siam chhoh mek a ni.

Wednesday, March 7, 2012

Jt.Director ho in Scientific Advisory Committee, KVK Chawnhu ah nimin khan an thukhawm

Nimin khan  Lawngtlai a KVK  Chawnhu ah Scientific Advisory Committee an neih ani,he Committee hi Pu C.Lalniliana,Director  Agriculture(Research & Education) leh Joint Director Pu RL.Thanzuala ten an hmanpui a. Committee hi Pu C.Lalniliana chuan kaihruaiin, Annual Action Plan 2012-2013 thlir         ho a ni,Pu C.Lalniliana chuan  KVK Lawngtlai ah   hian mithiam ten kuthnathawktute  thlai chintur tha  en chhin  mek a ni a,hei hian kum 4 tal aduh avangin   kumin  chho ah chuan  kut hnathawktute hnenah thlai chin tlaka ngaihte an pe chhuak thei tura ngaih ani a ti a,

Former Councellors te CEM & Chairman chung ah an lawm

Former Councellor' Association, Lai District, Hqrs. Lawngtlai chuan thuchhuah siam in,    LADC a CEM Pu,C,Ngunlianchunga    leh Chairman Pu F.Rohnuna te chung ah hetiang hian lawmthu sawina Resolution an passed.

Lottery ah Vbch 60 hlauh


    MNF President Pu Zoramthanga chuan Mizoram sorkar sum hnar ni thin Lotterry-a sorkar in Tender a koh-ah a chhang sang ber ‘Jalaram’ hnena pek a nih lo va, tender an koh chhan engmah awm lovin tih zuzi a nih avangin, March 2011-March2012 chhunga sorkarin sum a hloh zat chu Cheng vaibelchhe 60 a tling tih a sawi. Press mite nimin a kawmnaah “Sorkar kan hrawn mek hian sum tam tak a lakluh theihna tur a ngaihthah mek lai hian, mipuite hnen-ah chhiah (tax) sang uchuak tak takin a khawn mek thung si a ni,” a ti.

Transport Dept in pawiti


    Transport Dept. chuan thuchhuah siam in,March ni 3,  a Darlawn khaw daia MST bus chetsual avanga mi 16 laiin nunna an chan avang leh mi 23 laiin hliam an tuar  avangin Transport Department chuan pawi a ti hle tih an tarlang a. Mitthi chhungte  Pathian thlamuanna chang turin a duhsak a, hliam tuarte pawh an that chhuah leh thuai a duhsak takmeuh a hetiang thil a thlen  tawh loh nan, mimal leh pawl hrang hrang te thurawn ngaithla turin  Department chu a inhawng reng a ni, tih an tarlang.

Tuesday, March 6, 2012

District Council pathum aiawh thukhawm ten hmalakna tur an duang

March Ni 3 a Lawngtlai Circuit House a District Council Pathum hruaitute in hmuhkhawm chuan Direct Funding hmalakna kal mekah,6th Schedule Amendmend siam mek chu Parliament Sessionah pharh anih theih nan hmalak nise an ti a.Delhi lama bawhzui tur an inruat nghal, a rang lama Delhi kal tura tih an ni.Hei bakah hian 1995 a Gupta Commission rawtna anga Enhancement of Power,Autonomous District Council kuta Department 18 zet pek tawh a taka Function tir loh chu a taka hmang thei tura State Sorkarah bawhzui nise an ti bawk.State Sorkarin a hnathawkte bakah Lagislator te leh Former Legislatorte thleng pawha 6th Pay Commission anga hlawh pek anih tawh lai a,Autonomous District Council Area a thawktute leh Legislator te 6thPay anga hlawh pek vena tura an dil,sum awmlo tia an tihtawp ngawt te chu State sorkarah bawhzui nise an ti a,In Order of Precedent chungchangah 1972 UT tirh laia Chief Secretary order hmasaber anga kal leh nise an ti bawk.State Sorkara thil bawhzui ngai awmte chu hma la a bawhzui nghal tur hian Lai,Mara leh Chakma Autonomous District Council CEM theuhte, Chairman theuhte leh President Of District Congress Committeee theuh te an vaiin mi 9 ruat an ni a, heng mite hian vawiin hian Aizawl an pan nghal dawn ani.

Ruang chhar

Nimin chhun dar 12 vel khan Khurpui lui leh AOC luikawr infinna lai ah Chanchinmawia kum 37 Pu Maksanga,Lawngtlai College Veng fapa Ruang chhar ani. Chanchinmawia hi kar kalta Zirtawpni-a alengchhuak chu in lama haw leh tawh lo in a bo a,Khawtlang chuan zawngin,nimin khan a ruang hi an hmu ta a ni. Pu Chanchinmawia hian a fate pathum a kalsan a, a ruang hi nizan khan tlaivar pui niin, vawiin hian College Veng thlanmual ah vuiliam a ni ang. Pu Chanchinmawia hi Lawngtlai Auto Rickshaw Owners & Drivers Association Member nilai a ni.

Col.Lalngaihawmi’n Lawngtlai &Sangau ah Biak In & Quarter ahawng

Kar kalta Zirtawpni tlailam khan lawngtlai a Salvation Army Commanding Officer Quarter sak thar chu Col. Lalngaihawmi’n a hawng a , he hun ah hian Kohhran mipui thahnem tak ten Capt.K.Lalrinpuia ho an tel, C.O Quaeter sak nan hian Cheng Nuai 6 vel sen ral a ni. a tuk March Ni 3 khan Sangau a Salvation Army Kohhran Biak In (Prayer Hall) leh C.O Quarter chu Col. Lalngaihawmi Eastern Territorial Commander in a hawng a. Biak In hawnna ah hian Salvation Army Kohhran hruaitu Maj. Lalfakzuali leh Lt.Col Thanhlira te, Aizawl leh Lunglei lama Salvation Army members thahnem takte bakah Saiha bial Salation Army Songster ten an hmanpui.Biak in leh C.O (Commanding Officer) Quarter te hi `.550,000 senga sak a ni. Kum 2009 April ni 25 khan Sangau ah hian Salvation Army Kohhran hi a ding tan a ni.

D.C zin

Lawngtlai DC Pu B.Lalhmingthanga chu karleh a Inter Ministerial Team ten Zorinpui Land Custome Station tur an tlawh tur a tul pawimawh te buaipuiin Aizawl ah a cham mek.

Meeting dawn

Vawiin hian Sceintific Advisory Committee chu KVK Lecture Hall, Chawn hu ah an thukhawm dawn.

Monday, March 5, 2012

Paithar tlangdung mipuiten kawng tha an duh, Sorkar lam in an duh ang in an siam thei hrih lo.

NCV Road Phase I, Bawngkawn atanga Bungtlang panna kawngpui PWD ten an siam mek chu an siam danah helai tlangdunga khaw awmte hian lungawithlak loh hle a an hriat avangin hmalak an tum a, Saikah,Paithar,Vanhne, Rulkual leh Saizawh khawtlang in telkhawm chuan NCV Road VC Association dinin,NCV Road Phase I Bawngkawn to Bungtlang hi kum 22 zet PWD Department hian an lo enkawl tawh a,hemi chhung hian km 3 chin chauh Black Top-in,hemi bak hi chu khawih a ni lo a,tunah hian TFC atangin Km 10.2 thleng Rs Nuai 34.64 sanction ani a,tunah hian an hnathawh danah repair nana pawisa an sunction ah hian motor rahna chiah chiah repair niin,a bak engmah an khawih lova,chuvangin helai tlangdung Saikah,Paithar,Vanhne, Rulkual leh Saizawh khawtlang VC,YLA leh Mipuite chuan min hmuhsitnaah kan ngai lo thei lova,Full Surfacing ngeiin min tihsak hram turin PWD hotute kan ngen ani,tiin thuchhuah an siam a, Aizawl lamah pawh PWD hotute be tur hian an lo in tir tawh nghe nghe ani. Helai hi kawng pawimawh tak niin,Multi Model Transport Road hnathawh kalpui mekah,Bungrua thiar vel nan an hman ber ani a,Tin,Kolodyne Hydel Project hnathawhna ah pawh helai kawng hi mamawh supply na bera an hman anih thu an sawi bawk.Helai tlangdung mipuite hian nitin khawpui kalna anih avangin Motor engemawzat a service reng bawk a,hetiang kawng pawimawh heti mai mai a siam anih hi tuar thiam har an ti a,hmantlak taka chhuahsak turin thuneitute an ngen thu an sawi bawk.He thu buatsaih lai hian lungawilohna hi engtia lantir tur nge tih an la tifel chiah lo a,Road Block thlenga kal pawh an tum niin an sawi.Hemi chungchangah hian PWD Deptt. EE Pu Hmunsiama chuan hemi chungchang hi a hnenah pawh an thlen tawh thu leh,an ni PWD lam pawhin Aizawl lama an Hotute hnenah Full Surface tura an dilpui tawh thu sawiin,Finance Deptt lamah harsatna an tawh thu leh Finance Deptt lamin an phal loh thu a sawi a,He kawng hi Action Plan nei a ruahman vek anih thu leh PWD lamin lo tih danglam ngawt atheih loh thu leh Patch Repair tura ruahman leh Estimate pawh siam vek anih thu ia sawi.

ADC pathum hotuten Joint Meeting neiin hmalak dan tur an rel

Inrinni khan Lawngtlai Circuit House ah Autonomous District Council pathum Lai, Mara leh Chakma Autonomous District Council hruaitute in hmukhawmin,thu pawimawh tak tak an ngaihtuah ho a,he meeting hi Pu Hmunhre MDC.Vice Chairman,Planning board,LADC chuan a kaihruai a,an thu ngaihtuah te chu Direct Funding chungchangte, Entrustment Of Power chungchangte leh Pay and Allowences Of MDC and Ex-MDC Bill chungchangte ani. he meetingah hian Autonomous District Council pathum -a hruaitute an kal tha hle ani.

ATMA Training tuichhak ah

March 2 khan Agriculture Department.Lawngtlai chuan Sangau tlangdung khaw pali a Vaimim ching tur mi 60 hnenah ATMA Scheme hnuaiah training an pe a,vaimim hi kumin chhung hian Hectare 190 ah chin an tum a, Department hian a chi pe in an enkawlpui dawn ani. a hralhna awmsa anih avangin loneitu te an phur hle tih thu kan dawng a,kumin hian Quintal 9500 vel thar chhuah an in beisei ani.

Kut Miss

Chapchar Kut leh Hlukhla Kut hmanzawh tak ah Mercy remsangmuana chu Miss atan thlan a ni.

Thursday, March 1, 2012

Watershed Committee Members leh Ram neilo tan Training neih a ni

Lawngtlai ah Horticulture Department buatsaih in Watershed Committee Members te leh Ram neilo thlanchhuah te tan Training nimin khan neih a ni.He Training Lawngtlai press Club a neih hi District Horticulture Officer, Ethel R.Sailo, Project Implementing Agency Lawngtlai-I chuan kaihruaiin, ADHO, Lalengzuala'n Integrated Wastland management Programme hnuai a hmalak dan tlangpui sawiin, zawhna leh chhanna hun hman a ni. Nimin a Training ah hian IWMP Project hnuai a hmalak mek te sawilan niin, PIA leh Watershed Committee ten pawisa an enkawl dan tur te pawh kalkhawmte chu zirtir an nih bak ah IWMP hnuai ah Self help Group din dan tur leh Scheme atanga pawisa hmuh hman dan tur te an zirho bawk. Training ah hian lawngtlai khawpui chhung a Watershed Committee Member te leh Department lam ten, ram neilo, tanpui thlak a an ngaih, an thlanchhuah te an tel a ni.

Kum 2011 chhungin Malaria vanga thi 30 an awm

Nikum (2011) ah khan sikserh natna avangin Mizoramah mi 30 an thi a, State Vector Borne Diseases Control Programme hotute chuan, nikum chhung khan sikserh ni-a inhria, mi 2,13,149 thisen endik atangin mi 8,853-te chu sikserh vei an ni tih hmuhchhuah a ni a, heng zinga 8,373 chu PF an ni a, sikserh vei hi Lunglei District- ah an tam ber a, mi 3,434 an ni a, a dawttu, Lawngtlai District-ah mi 3,058 an awm bawk a, sikserh tlemna ber, Aizawl District-ah chuan mi 49 an ni. Thisen endik 2,13,149 zingah hian Lunglei District mi an tam ber a, mi 46,887 an ni a, mi 30-in he natna hi an thihpui a, thi zingah hian Lawngtlai District-ah an tam ber a, 11 an ni a, Aizawl West District-ah mi 5 an thi a, Champhai District-ah thi an awm lo tih thulakna chuan a tarlang.

Vice President lalut

Lawngtlai District Scout & Guide, Vice President atan nimin khan Pu Lalneihkhuma Executive member LADC leh Pi Zaimawii CDPO te chu rinawmna thu tiamtir a lakluh an ni. Vice President lakluhna inkhawm hi President Pu C.Ngunlianchunga CEM,LADC chenna In ah neih niin, Dr.RT Hnialum Chairman, Scout & Guide chuan heng Vice President pahnihte hi a lalut. Lakluhna inkhawm a tel te hian tlailam ah zanriah an kilho ngha

Sorkar a lungawilohna nei ten an thlenna tur website CM in a hawng

Mipui ten computer leh internet hmanga sorkara lungawilohna an neih leh an thil hriat duh an zawh zung zung theihna tura hmanrua ‘website’ thar, Mipui Aw tia vuah, sorkar laipuia Department of Administrative Reforms and Public Grievances leh Mizoram sorkar bultum Centralized Public Grievance Redress and Monitoring System chu nimin khan Chief Minister Pu Lal Thanhawla chuan Mizoram Legislative Assembly Secretariat Conference Hall-ah bul tanna tur a tlangzarh.Mipui AW PG Portal hi http://mipuiaw.nic.in ah tlawh theih a ni.