Monday, March 12, 2012

College Veng Branch YLA ten Silver Jubilee an lawm mek

    Kum 1987-March-12-a Lawngtlai Chanmary atanga indang Lawngtlai College Veng Branch  YLA chuan an Kum 25 na Silver Jubilee Lawmna chu Inrinni khan an nei tan. Jubilee Lawmna hi College Veng Community Hall a neih ah Khual Zahawm Pu T.Vanlalmalsawmsanga, BDO.Lawngtlai chuan Kum 25 kalta a Branch YLA din tantirh lai kha ngaihtuah let  ila,chak lohna leh fel lohna tamtak kan nei ngei in ka ring,chu chuan Jubilee kan hman tanna turah chona min pe sela,chaklo tak chunga Kum 25-na Silver Jubilee hial kan lo thleng hi a lawmawm takzetin ka hria tiin,
YLA chu Tlawmngai Pawl anih anga,mi harsa zawk chawmdawlte,chhiatni thatni a mite innghahngamna a nih zelte,Ram leh Hnam humhalhna kawnga Sorkar tanpuitu pawl nih zelte,Ruihhlo Dona kawnga Khawtlang veng himtu nih zelte hi he Silver Jubilee lawmna hian hring chhuak se ka duh takzet ani ati. Jubilee lawmna ah hian Jubilee Choir te chuan mawi takin hla an rem a,MUP ten Hla Do an chham bawk a,MHIP te chuan Lam mawi tak an entir bawk.Chawhnu lamah  infiamna hmanga in elna neih ani a,hun kar lakah Zaithiam leh Fiamthu thiamte an che reng bawk ani.Jubilee lawmna pui ber chu Vawiin hian neih ani dawn a,Zing Dar 7:30 ah Jubilee lungphun chu Pu H.Chhuanawma Bialtu EM chuan a hawng ang,Jubilee hi ruai nen lawm an tum.

No comments:

Post a Comment