Tuesday, March 13, 2012

Home Minister hoin Consultative Committee an thukhawm

    Nimin khan Home Minister Pu R. Lalzirliana hoin Home  Department Consultative Committee chu an thukhawm, Meeting ah hian Bru Tripura a pem lak kir tawh dan leh lak kir leh dan tur te, Sakhan tlang dunga Mizo awm te pawh MHA in Bru te dawn ang pek tur a nih thu te inhrilhhriat a ni. HPC (D) nena inbiak tawh dan leh  sorkar dinhmun te pawh sawi a ni. Human Trafficking lama Police hnathawh dan te sawiho a ni a,
mipuite hnenah zau taka inhrilhhriat a pawimawh thu leh hemi atan hian awareness campaign te nei tura hmalak nise tih an rel .CCTNS - Crime Control Tracking Network and System ah India ram state ah Mizorma chu hma la tha ber a nih thu leh State dangte nena rualkhai deuh a hmalak a ngaih avangin duh angin hma a lak chak theih loh        thu ngaihthlak a ni.Police tih changtlunna Central Scheme hmang in building te sak a ni a, silai tha, motor etc. lei a ni.Fire & Emergency Service te pawh tih changtlun zel a ni a, Fire Tender thar 6  lai lei thar a ni.Sainik  School Chhingchhip tan pawh chak taka hmalak a ni DoNER in NLCPR atangin Rs. 50.64 crore Administrative Approval a pek atangin Rs. 1781.38 lakh a rawn pe chhuak tawh a ni.3rd, 4th leh 5th IR Battalion te Headquarters sakna turin Telecommunication Consultants India ltd. (TCIL), Govt. of India, PSU chu rawih tum a ni a, hei hi State Level Consultancy Evaluation Committee in an pawm tawh a ni.

No comments:

Post a Comment