Monday, April 30, 2012

World Veterinary Day 2012 Chawnhu ah hman a ni

AH & Vey Deparment Lawngtlai buatsaihin  Inrinni khan World Veterinary Day, 2012 Chawnhu ah hman a ni,World Veterinary Day 2012 denchhen a Chawnhu Community Hall a   Free Clinic neih  chu Lawngtlai DC Pu B.Lalhmingthanga,n a hawng a, he hun Dr.F.Laldawla Dist, AH & Vety Officer kaihhruai ah hian Lawngtlai DC     chuan Ran te hian Pi leh Pu atang tawhin Mizo   nun ah pawimawhna tamtak an nei a, Ran te hi enkawl ngai an ni a,

Lawngtlai-III khawtlangin NH-54 tuitling an thianfai

National Highway 54 a lei tlahniam, Lawngtlai-III vengchhung a mi chu engemawchen siamthat ni tawh mahse, fur ruahsur ah tui a tling  nasa lutuk a, Lirthei leh ke a kalte tan pawh kal harsa  a nih vangin Inrinni khan Lawngtlai-III khawtlang chuan hnatlang koin tui paihkang hna hi an  thawk.

Council veng khawtlang in Mi harsa In an sak sak

Lawngtlai Council veng YLA te chuan Inrinni  khan  an vengchhung ami Pu Rinsanga  In chu hnatlangin an saksak a, Pu Rinsanga hi a fate pahnih nen an khawsa mek a, amah hi natna benvawn nei, mi hrisello tak a nih avangin an chhungkua chenna tur In hi an saksak ta a ni. In hi a dung Feet 22, a vang Feet 12 niin Assam Type a sak a ni a,  bialtu MDC Pu Lallura Chinzah chuan rangva bundle 3 a thawh a, Council Veng chhunga mi inphalte hnen atangin cheng Rs.16000 leh Thingzai Cubic 20 thawhkhawm a ni bawk heibak ah hian   DC Pu B.Lalhmingthanga chuan insakna tur senso ngai tur te ngaihtuah sakin a tul ang angin hma a lakpui bawk. Insakna nan hian tha 160 sen a ni a, khua in a zirloh vangin Ni thum chhung sak ani

Inkawmhona nei dawn



        MJA Lawngtlai District huaihawtna hnuai ah May Ni 4 khian Lawngtlai a State leh Council a Department hotute nen ram leh hnam hmasawnna atana hnathawh chak zawka kalpui a nih theih nan te, inhmel hriattawnna tha zawk a awmtheih nan te inkawmhona hun Lawngtlai Circuit House ah neih a ni dawn.

CYLA in Squad din


        Central YLA chuan April Ni 27 khan CEC Meeting an nei a, ruihhlo do na a chak taka hmalak a nih theih nan Lairam Anti-Drugs Squad(LADS) an din a, he Squad a mawhphur tur pawh an ruat nghal, May Ni 7 khian Areopagy ah Kum puan hawnna neih nise an ti.

LADC Day hmang dawn



      Nimin Pathianni kha Mizoram a District Council pathum te din champha a ni a, Pathianni a nih vangin vawiin hian LADC  Sawrkar chuan Day hi hman turin a ruahman a, Central YLA Playground ah Day hi Programme changtlung tak nen hman a ni dawn a, Day hi ropui taka hman a nih theih nan inbuatsaihna pawh hunrei tak atang khan kalpui a lo ni tawh a ni.

KM 29 zo tawh



      Kaladan Multi Modal Transit Tranport Project kawngpui laih mek ah  tun dinhmun ah Kilometres 29 zawh fel a ni tawh a, hna hi thawh chhunzawm mek a ni. Tarlan tawh thin angin kawngpui laih hna hi RDS Company leh ARSS  Infrastructure Ltd. ten an thawk.

JCB Chesual


       Inrinni khan RDS Company ta JCB chu Central Go-Down bul a leimin a thenfai laiin a chesual a, Operator chuan a lu a hliam a tuar , JCB hi Metres 180 vel a lum

Broadband tha lo



      Tunlai hian BSNL Internet Service Broadband chu a mumallo hle a, hmunpui lam atanga thalo niin thudawnna chuan a sawi.

Thursday, April 19, 2012

Zirlai 25575 te tana Pre-Matric Scholarship pekchhuah a la ni lo chu MZP ten pawi an ti

MZP chuan nimin khan MZP Pisa Puiah executive meeting neiin kum 2011-2012 chhunga zirlai 25575 te tana Pre - Matric scholarship tur   semchhuah theih loh a a la awm chu MZP chuan pawi a ti hle. MZP ten thuchhuah an siam dan chuan Zirlaite scholarship tur Rs 249.27 lakhs (i.e 75 %) central sawrkarin 7th December 2011-a a sanction tawh  laia state sawrkarin a lo tum ve tur matching share (25%) a pek loh avanga tun thlenga zirlai harsa tak tak ten scholarship an lak theihloh avangin MZP chuan Mizoram sawrkar chu a rang thei ang bera zirlaite harsatna chinfel sak turin a ngen

Zorinpui tlawh tum



    Nimin khan Commissioner & Secretary Pi Renu Sharma hoin kar leh April ni 24-26, 2012 chhung a India Inter-Ministerail Team leh Myanmar palai ten  Zorinpui Land Custom dahna hmun tur tlawh a  zin tur dawn sawn dan Department hrang hrang hotu ten an sawi ho.India aiawh in Shri Ranjan Mathai, Foreign Secretary in a ho anga, palai 9 an ni ang a. Myanmar lam hi Utun Htay, Port Officer, Rakhine State in a ho ang a, member 8 an ni bawk ang. Myanmar palai ah hian Ambassador to India leh a Frist Secretary te pawh an tel bawk ang.

FCS&CA leh CYMA ten MoU an ziak


    Nimin khan Food Civil Supplies & Consumer Affairs Department leh Central YMA hruaitute chuan tunlai eirawngbawlna Gas harsatna thleng thin chungchangah Inremna an ziak.Inremna ah chuan, Mizoram hmun hrang hrangah LPG harsatna avangin mipui an mangang hle a. Misual thenkhat ten Gas Cylinder khawih chingpen an chin avangin Gas bur khat hman chhung a rei ta lo em em a.  LPG    kan dawn ang ang hi dik tak leh rualkhai zawka mipui ah sem anih theih nan leh Gas bur / Petrol / Buhfai etc. khawih chingpen chingte hi man chhuah a hrem an nih theih nan Food & Civil Supplies & Consumer Affairs leh Central YMA chuan thawhhona thuthlung (Memorundum of Understanding) hetiang hian  an ziak ta a ni.

Wednesday, April 18, 2012

Lawngtlai District chhunga thawktute tan IGMSY Training neih ani


Nimin khan ICDS hnuaia Sawrkar Scheme  Indira Gandhi Matritva Sahyog Yojana (IGMSY) chungchanga Training chu YLA Hall.Lawngtlai-III      ah neih ani a.He Training ah hian Lawngtlai District Chhunga Anganwadi  Workers leh Helper te an kal tha hle ani.Training ah hian Social Welfare Deptt.Aizawl atangin  Pi Lalrammawii leh Pi Lalngaihawmi te chuan zirtirna an pe a,

JF-a sulhnu ‘Thungaihnawm’ tih Speaker in a tlangzarh

    Mizoram khawvela thu leh hla-a sulhnu ngah ber leh mi ngaihsan hlawh ber te zing ami J.F. Laldailova’n kum 1965-1977 inkara a thuziak ngaihnawm tak tak lawrkhawmna lehkhabu ‘Thu Ngaihnawm’ tia vuah leh a fapa tlum ber Peter Lalthangkima (J.F. Jr. tia hriat lar) lehlin ‘Web of Deceit’ chu nimin khan Assembly Speaker Pu R. Romawia’n Aizawl Press Club- ah a tlangzarh.

Priya leh Kei Top-3 ah



       Samson Thanruma ziak Priya leh Kei tih chu MAL in kum 2011 chhunga lehkhabu chhuak zing a atha a thlanna a neih mek ah a thazual 3 zing ah a la tel.

MIPUITE HNENA HRIATTIRNA LEH NGENNA




            Lai Autonomous District Council House, Aizawl ah hian khualzin mite Official leh Non-Official kan thleng thin a. Room Accomodation a tlem avangin entilement leh protocol tih theih loh chang a awm fo thin a. Tin, mikhual thlenna tur room a tlem avangin room chang lo kan awm fo bawk thin a, hengah hian mikhualte hriat thiamna kan ngen a. Engemaw loh theih lohna avanga room changlo kan awm palhin in sawisel mai lo leh thawktute dem nghal ngawt  mai lova, kan House neih chhunin a tlin tawk kan hriatthiam fo a tul a ni. Lai House hi damlo leh harsatna tawkte leh kan Laifa Thalai zirlaite tlukluhna ber In a nih avangin kan hnam hmel lanna ber kan Embassy ang a ni a, chuvangin duat tak leh uluk taka kan enkawl hi kan zavaia mawhphurhna a ni tih kan hriat a pawimawh. Tin, mikhual Lai House a thleng thinte pawhin kan nundan leh khawsak dan thleng pawh a kan inuluk a kan fimkhur a ngai a ni. Hemi kawngah hian mipuite thawhpuina leh tawiawmna kan ngen takmeuh a kan tanrual a kan thawhho that chuan kan Lai Hnam hi a lo zahawmin a lo mawi zel thei dawn a ni.



        Lai House hi kan ta a ni a, tumah inthlahrung lo leh hahdam taka in lo thlen hi thawktute duhthusam a ni. Chutihrualin a neitu nihna rilru leh thinlung kan put erawh a tul hle a ni. Tun dinhmun a Lai House Room neih zat chu hetiang hi a ni.


        1.    VIP Room        -    8    9 Beds

        2.    Ordinary Room    -    6    12 Beds

        3.    Gents’ Dorm        -    1    6 Beds

        4.    Ladies’ Dorm        -    1    4 Beds

        5.    Drivers’ Room        -    1    6 Beds  


        A chunga tarlan ang khi Lai House-a Room kan neih dan a ni a, thlenna chungchanga harsatna lo tawk an awm palh chuan thawktute’n an pui thei reng ang che. Lai House a lo zahawm a in enkawlna fel tak kan neih theih nana thurawn (suggestion) nei thei kan awm chuan lawm takin kan dawng sawng zel ang.


      
                                                              Sd/- J.SANGTHANGPUIA
                                                                     Liaison Officer
                                                Lai Autonomous District Council House
I&PO(LADC) No.9/12                                      Bungkawn, Aizawl.




Tuesday, April 17, 2012

Health Deptt. leh SCERT tangdun buatsaih Malaria Awareness Seminar Zirlaite pualin neih a ni.

Mizoram Sawrkar hnauia Health Department leh SCERT Mizoram tangkawp ten  District tin a Malaria Awareness Seminar,      Secondary school te      tan buatsaih tur a a ruahman angin nimin    khan Lawngtlai-3 a YLA Hall ah, Lawngtlai District tan he seminar hi neih a ni.

Horticulture Deptt. ten NLUP 3rd Instalment an sem

Horticulture Department hnuai a NLUP tanpuina dawng tur chhungkua 113 te hnen ah nimin khan  Rs. 30,000/-(cheng singthum) theuh NLUP First Phase, Third Instalment atan pekchhuah a ni a, hemi puala inkhawm, Horticulture  Division Office Lawngtlai ah neih chu Lai Autonomous District Council a CEM Pu C.Ngunlianchunga'n hmanpuiin, NLUP dawngtute chuan tihtakzetna nen tan an lak a, sawrkar ruahmanna te ti thuanawptu nilova, sawrkar thawhpuitu tha ni tur a chah

Mamit an Champion


    7th MFA Inter District Under-19 Football CYLA Playground a khelh chu nimin khan zawhfel a ni a, Tournament kharna hun hi Pu C.Ngunlianchunga LADC a CEM in a hmanpui. Final hi Aizawl leh Mamit ten khelin hun pangngai ah 1-1 in an in draw a, hun pekbelh ah Mamit lam hian Goal khat tilutin, heihi an Champion pui ta a ni.

Campaign tan



      May Ni 3 Council inthlanna neih tur ah MADC ah Campaign an bei ngawrh tan viau tawh a, boruak duhawmlo thleng awm lovin MPF lam in tan an la nasa hle.

SDC Aizawl ah awm dawn



    Pu Lalremruata Kullai I&PRO chu MCS a a tlin hnu ah a hna thawhlai I&PRO chu a bansan dawn a, nimin khan Order thar  chhuakin SDC Aizawl atan dah a ni.

Lai Dress en dik



      LADC Sawrkar in kartin thawhtanni apiangin LADC Staff ten Lai Dress engemaw tal an inbel tur a ni ti a thupek a lo siam tawh chu zawm a hlawh leh hlawh loh nimin khan endik a ni a, hmeichhe zing ah Lai Dress inbello an hmu nual.

Monday, April 16, 2012

MADC, May Ni 3 ah inthlang dawn EVM hmangin Vote thlak a ni ang

Mizoram Governor chuan  State Election Commission hnenah Mara Autonomous District Council (MADC) inthlan chungchanga mawhphurhna a hlan a. Hemi bawhzui hian  SEC chuan MADC inthlan chungchanga hriattirna a chhuahfel tawh a,Pu C. Ropianga, IAS(Retd) State Election Commissioner (SEC) Mizoram MADC inthlan dan tura ruahmanna(Schedule of Election) chu a puang in Model Code of Conduct chu  Saiha District-ah hman tan nghal a ni a ti.

Gas chungchang ah Marketing Discipline Guideline hman phut

Mizoram Consumer Union chuan tunlai a Mizoram mipui ten ei rawngbawl na gas-a harsatna  thleng sutkian nan dan dinglai ,LPG Control  order leh Marketing Discipline Guideline hmang turin IOC leh Mizoram sorkar a phut.

Bawngkawn ah Dawr 8 Bungrua chuh hmanloh in a kangral

Nimin  zing dar 1:20 vel khan Bawngkawn Bazar bula Assam type building pahnih dawr 6 awmna leh a bula concrete building hnuai dawr pahnih te chu bungraw chuh hman lohin a kang ral vek

Ph.D hmu


    Govt. Lawngtlai College a Asst. Professor Ramhnehzauva chuan Ph.D A hmu ta. Lawngtlai College ah hian Doctorate Degree nei 3 an awm ta.            

Bawhchhiaah puh


    Inrinni khan MNF President Pu Zoramthanga chuan Governor Pu Vakkom Purosothaman hmu-in Education Minister,  leh   Dr.  R.  Lal thangliana te thu inchuh chhui tu tur,  House Inquiry Committee a din danah Speaker,  Pu R.  Romawi a chu  House thutlukna siam  bawhchhi a-ah a puh. 

Mara Thyutlia Py hruaitute


President : T.Chatlua. Senior V/President : Pheiki Solo. V/President : Martin L.Nohro. G/S : R.Israel Chozah. Treasurer: Sahlo Bohia. Secretaries :TA.Beihnia. HC.Hachhua. C.Siatha. Kichho chozah leh L.Beirangia te an ni.

UPC(NEI) hruaitu thar



    UPC NE India Unit General Conference    vawi 44-na AR Lammual-a neih ah Kum 2012-2014 chhung a an    hruaitu atan General Superintendent Rev P Chunga,   General Secretary ah Rev R Lalrinsanga,     General Treasurer      atan Rev Lalmalsawma Sailo te an thlang thar.

Friday, April 13, 2012

Chief Minister in Lawngtlai a tlawh ‘Coruption zung phawi tawh, Phoro huntur la hre theilo’

Mizoram chhimlam tlawh a zin Chief Minister Pu Lal Thanhawla chuanApril 11 Nilaini zan dar 7 khan Lawngtlai a thleng a, Circuit House ah CEM Pu C.Ngunlianchunga, DC Pu B.Lalhmingthanga leh LADC leh State Sawrkar a mipawimawh ten lo hmuakin, Chief Minister puala inkhawm buatsaih  ah DC Pu B.Lalhmingthanga leh  CEM Pu C.Ngunlianchunga ten inlawmna thu an sawi a Chief Minister Pu Lalthanhawla chuan coruption chu sawrkar in a haw hle tih sawiin, Mirethei te chanpual, a khawihtu Sawrkar hnathawk ten lo lak ve ngawt a thiang lo a,

MJA Hruaitute leh Information Director inkawm

Nimin khan MJA General Hqrs. hruaitu thar te chu I&PR Director Pu Jim K. Chozah in lengah sawm in an inkar thawh hona boruak chungchangah huam zau taka ti ti hona an nei.MJA  President thar Pu C.Lalrambuatsaiha leh a thawhpui Executive Member leh I&PR Director Pu Jim K. Chozah leh a thawhpui Officer te inkawm hona ah hian an thawh hona tluang taka a kal zel chu lawmawm tiin thawh hona tha tak chhawmnung reng tura tan ho an duhthu te sawi lan a ni a.

Nghialnghet duh



      Saiha atanga Aizawl a panna ah zankhat riak a Lawngtlai tlawhtu Chief Minister chuan Congress Sawrkar chuan District Council ah sawrkar nghialnghet a din chu an duhber a nih thu sawiin, Aizawl lam atangin an thawhpui theih tur ringawt ngaihtuah in hma an la ve ngailo tih a sawi a,

LFG ah member 1152



        Internet Social Network pakhat Facebook a Group pakhat LFG (Lawngtlai Future Group) ah nimin tlai dar             4:08 thleng khan Member 1152 an awm tawh, nitin in  Member hi an pung chho zel a, Mizoram chhimlam ah chuan     Thalai te Internet    hmanga an titi hona   lianber zing a mi a ni mek.

KM 25 lai zo tawh



      Multu Modal Transit Transport Project Kawngpui laih mek chu KM 100 laih tur a KM 25 laih zawh a ni tawh niin Chief Minister in a sawi.

Zirtirtu khawmpui


      Ni hnih awh tur Middle School Zirtirtu khawmpui chu nimin khan YLA Hall Lawngtlai-III ah tan a ni a, vawiin hian chhunzawm leh a ni ang. Nimin lam ah Power Supply mumal loh vangin ruahmanlawk angin Programme an kalpui hleitheilo niin kan hria.

UPC Khawmpui




    UPC North East India Unit General Conference vawi 44-na chu nizan khan Aizawl Lammual-ah tan a ni.UPC International Hqrs USA atanga lokal te leh Australia atanga lokal ten he hun hi an hmanpui vawiin hian  LAD, Missions leh Sunday School ten rorelna an nei dawn a, naktuk ah kohhranpui rorelna neih a ni ang , NE India UPC hruaitu inthlan tharna neih a ni bawk ang. UPC NE India hnuaiah hian District 11 a awm a, chung zinga District 4 chu Mizoram chhunga awm a ni a, District dang 7 chu Mizoram state pawn NE State chhunga awm an ni. 2011 chhiarpuiah khan member member 94,189, chhungkua 18,689, kohhran 701, Preaching Point 119 an awm.

Tihdanglam tumlo



    Assembly Speaker, Pu R. Romawia chuan MNF Legislature Party ngenna anga House Inquiry Committee a din thar leh chu tihdanglam a tum tawh lo. Chairman nena mi 5 awmna, House Inquiry Committee a din hnuah MNF Legislature party-in an party mi dah ve tura an ngenna chu pawmin member atan Pu B. Lalthlengliana a dah belh tih Speaker chuan a sawi a, tuna Assembly ding laiah hian an inziah luh danin Legislature Party 3 – Congress Legislature Party, MNF leh MDF Joint Legislature Party leh MPC leh ZNP tang dun United Legislature Party an awm a, Chairman nena mi 6 awmna, House Inquiry Committee a din thar lehah hian Legislature Party tin atangin member 2 theuh an awm ta tih sawiin, hei hi tha tawkah a ngaih thu  Media te zawhna chhangin a sawi.

Larsap Kum 84 tling tawh



    Nimin kha Mizoram Governor Pu Vakkom Purushothaman piancham vawi 84-na ani a. Raj Bhavan ah Officers leh staff ten cake zai in an lawmpui a. Assembly Speaker Pu R. Romawia leh Brig. S.P. Rawat, Commander 23 Sector, Assam Rifles ten lawmpuina pangpar an hlan.

Press Club tan pe



     Pu L.H.Pachuau, Proprietor ZOPLAST  chuan Aizawl Press Club in a mamawhna hriain ZOPLAST Water Tanky a MJA Gen. Hqrs. a pe a, a chungah MJA chuan lawmthu a sawi.

Wednesday, April 11, 2012

Sport Minister in 7th MFA Inter-District U-19 Football Tournament Central YLA Playground ah a hawng

Pu Zodintluanga, Minister Sports & Youth Services etc chuan nimin khan 7th MFA U-19  Inter District Football Tournament 2012  chu Central YLA Playground ah a hawng. Pu C. Ngunlianchunga, CEM, LADC leh Pu B. Lalhmingthanga, DC, bak ah, District chhunga Sorkar mi pawimawh te leh MFA Official ten an hmanpui bawk.

MJA leh LFG ten Minister Pu Zodintluanga nimin khan an kawm


    Nimin khan Lawngtlai MJA te chuan Information changtu Minister Pu Zodintluanga chu Circuit House ah hmuin, Tuna Lawngtlai a Information & Public Relations Officer   Pu
Lalremruata Kullai chu MCS a a tlin tak avangin I&PRO hna hi a kalsanmai dawn a, a aiawh tur dahsak nghal turin an ngen a,I&PRO hun rei tak an lo neih loh avanga harsatna an tawh te an thlena,Minister chuan MJA te hi an harsatna te a hriatthiam pui thu leh ahmalam a ngaihtuahpui a tum thu asawi.Minister hi Internet Social Network  Facebook a group pakhat," Lawngtlai FutureGroup" (LFG) aiawh te chuan hmuin,

Direct Finance Central in pawm


    Chief Minister Pu Hawla chuan Saiha a Vantlang inkhawm ah District Council te hi an sorkar apianga thuneihna sang zawk an pek thin thu sawiin,Direct Finance an dil pawh a sorkar chuan an thlawp anga central ah recommendation an thehluh pawh central sorkar chuan a pawmpui tawh a ni, a ti. Chief Minister hi a nupui Pi Lal Riliani bakah Cabinet Minister 5, Parliamentary Secretaries leh MLA 8 ten an tawiawm a. Zanin ah  Lawngtlaiah riakin vantlang inkhawm ah thu a sawi ang.

Hmasawn dan tur Minister in ngaipawimawh


    Pu Zodintluanga, Minister chuan Lawngtlaia a cham chhungin ihruaitu hrang hrang te a kawm a. Lawngtlai  mipui harsatna  ngaithlain a sutkian dan tur an ngaihtuah a. NH-54 a AOC atanga Bazar panna kawng lei tlahniama tui luanna (drain) siam dan tur leh Lawngtlai a UD&PA hmalak theihnate bakah  khelmual hrang hrang chungchang te, CYLA playground-a phul lem (artificial turf) phah chungchang te an sawi ho.Minister hian nimin zingah khan  Vengpui khelmual tlawhin LDFA te nen hmalak chhunzawm dan tur an thlir ho a. Minister hi Pu C. Ngunlianchunga, CEM, leh Pu Lalremruata Kullai, IPRO, Lawngtlai ten an tawiawm a ni.

RLCable Network siammek


      Tunhnai a thli tleh khan RL Cable Network ten Signal an hmuhna Disc chu a tih chhiat nual vangin Channel an pekchhuah te an tawp deuh vek a, nimin lam khan siamthathna an thawk leh a,  zo hman tur a beisei an ni.

Tuesday, April 10, 2012

Nimin khan CMO Conference Hall ah World Health Day hman a ni.

Nimin khan CMO Conference Hall.Lawngtlai ah    District Hospital a     thawkte chuan World Health Day an hmang a,  he hun hi Dr.HC.Thangkima.      Chief Medical Officer chuan kaihruaiin, Dr.Lalrinsanga Khiangte, Medical                          Superintendent, Dist.Hospital,      Lawngtlai chuan    thu sawiin, Mihring kan  hrisel lohna chhante sawiin heng Cancer,Thisensang, Stroke te kan lo         veina chhan hi ei leh     inah kan in sum loh vangte ani a,

U-19 Football 2012 vawiin ah tan dawn

Vawiin hian Central YLA Playground ah ,Mizoram Football Association(MFA) buatsaih Inter District Under-19 Football Tournament 2012 chu tan a ni dawn.Hawnna inkhawm chawhma dar 10:30 ah tan a ni dawn a,Sport Minister Pu Zodintluanga’n a hawng ang.

KM 16 zo tawh


      KM 78 a thui Lunglei leh Lawngtlai inkar kawngpui siamthatu Bengal Prakalpa Pvt.Ltd chuan KM 16 an zofel tawh tih thulakna chuan a tarlang a, tuna thawh hmabak an neih chu KM 62 a ni. Nov.28,2009 khan hna hi thawh tan a ni tawh a, thawhzawh hun tur a tih ah zawh hman a nih loh vangin tum hnih pawhsei sak an ni a, tun thla chhung hian zofel tur a tih an ni.

Anganwadi Centre chhia



      Tunhnai a thlitleh khan Bungtlang South a Anganwadi Centre pakhat chu a bang zatve a chhem chhia, Centre bang atan hian Brick hman a ni.

Zanriah kilho dawn


     DIPRO Pu Lalremruata Kullai chuan tunkar Zirtawpni khian Lawngtlai a Chanchinbumite Zanriah kilpui a tum. Pu Remruata hian MCS a a tlin vangin a hna chelhlai hi  bansan a tum.

HIV + 6739 hmuchhuak tawh



    Kum 1990 October thla atanga kumin (2012) February thla thleng khan Mizoram-ah HIV positive 6,739 hmuh -chhuah an ni tawh a. February, 2012 bikah  HIV positive 102 hmuh -chhuah an ni.

Monday, April 9, 2012

Zirtawpni leh Inrinni a thli tleh khan Bungtlang South leh Hmunnuam ah In 78 a ti chhia



Kar kalta Zirtawpni leh Inrinni  tlai lam a thli tleh khan Bungtlang South leh Hmunnuam khua ah chenna In 78 a tichhia, In 500 vel awmna Bungtlang South ah chuan Chenna In luah tlak loh a thli in a tih chhiat vek panga awmin, a thenlai chhia In 48 a awm a, Hmunnuam khua In 102 awmna ah thli tleh vang a In chhe vek panga awmin, a thenlai chhia In 20 a awm,

Chhimtuipui khuah hna a taka tan a hnai chho hret tawh

April Ni 4 khan Chief Secretary ho in Aizawl a Chhimtuipui khuah tur chungchang  ngaihtuahin mipawimawh te an thukhawm a, he thutkhawmna ah hian Lawngtlai DC Pu Hmingtea chuan he tuilhuah hna kalpui a nih mek dan chipchiar tak a sawiin, tuna harsatna an tawh, tuikhuah in a chim tur ram la tihchian loh chu tuikhuap tu tur NTPC lam ten survey nei se, ram a tihchhiat tur hriatchian hnu ah a tul anga hmalak zui nise ti a rawtna a thlen chu pawm niin,

YCA Khawmpui Minister in hmanpui




    April Ni 5 khan 36th Young Chakma Association Annual Conference kharna chu  Kamalanagar ah Pu S.Hiato,  Minister Tourism, PHE etc. chuan a hmanpui.Pu S. Hiato chuan Chakma thalai kalkhawmte chu Mizoram sorkar atanga hmasawnna tur sum  an dawnte dik taka hmang turin a fuih a,

MJA Conference Lawngtlai ah



      Kum 2013 MJA Gen. Conference chu Lawngtlai  ah nghah a ni a, District MJA ten inbuatsaihna an kalchhopui tan tawh.

C.M lokal dawn



     Vawiin chawhnu hian Chief Minister Pu Lalthanhawla chuan Lawngtlai a rawn tlawh dawn a,Saiha ah a tlang chho ang.