FCS&CA leh CYMA ten MoU an ziak


    Nimin khan Food Civil Supplies & Consumer Affairs Department leh Central YMA hruaitute chuan tunlai eirawngbawlna Gas harsatna thleng thin chungchangah Inremna an ziak.Inremna ah chuan, Mizoram hmun hrang hrangah LPG harsatna avangin mipui an mangang hle a. Misual thenkhat ten Gas Cylinder khawih chingpen an chin avangin Gas bur khat hman chhung a rei ta lo em em a.  LPG    kan dawn ang ang hi dik tak leh rualkhai zawka mipui ah sem anih theih nan leh Gas bur / Petrol / Buhfai etc. khawih chingpen chingte hi man chhuah a hrem an nih theih nan Food & Civil Supplies & Consumer Affairs leh Central YMA chuan thawhhona thuthlung (Memorundum of Understanding) hetiang hian  an ziak ta a ni.
Nitina Gas Distributor tin a LPG Cylinder an      tih thlen thin,  Distribution Point-a sem thin hi enpui turin an semna veng/point a YMA te duty tur inruat nise. Gas distributor te hian Distributor        a sem tur an pek chhuah hian, sem tur zat chhinchhiahna lehkha (challan) Local Council / VC te entir zel tura    hriattir an ni a. An lehkha ken leh an rawn phurh   zat hi en mil thin nise. An sem rual hian Gas Cylinder tina a rih zawng in ziak khawih chingpen leh bik tlinglo te a awm em tih enfiah nghal nise. Heng distributor Point-a Gas sem te hi zawh anih veleh,  duty te hian Directorate Office ah  report thin nise. Thil dik lo a awm chuan a tul anga hmalak zui nise tihte chu MoU an ziak a a langsar zual te an ni.

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post