Nimin khan ICDS hnuaia Sawrkar Scheme Indira Gandhi Matritva Sahyog Yojana (IGMSY) chungchanga Training chu YLA Hall.Lawngtlai-III ah neih ani a.He Training ah hian Lawngtlai District Chhunga Anganwadi Workers leh Helper te an kal tha hle ani.Training ah hian Social Welfare Deptt.Aizawl atangin Pi Lalrammawii leh Pi Lalngaihawmi te chuan zirtirna an pe a,
an ni hian Workers kalkhawmte hnenah he Scheme in a tumte hrilhfiahin,Nu,Raipuar leh Naupawmte in enkawl chungchang leh he IGMSY scheme in a ruahman anga heng Raipuar leh Nau pawmte tana Pawisa Rs Sangli dawn theih anih dan te an inhrilhfiah a,Naupai,thlaruk chinah AWC a inentir leh IFA damdawi dawn te,AWC ah emaw VHND ah emaw zirtirna dawn te,Nau neih hnu thla 3 ah AWC a in register tur thu leh Zenghri danna leh DPT 1&2 lak turte,Nau neih hnu thla 6 ah Nu hnute chauh rin tir tur anih te,Zenghri danna DPT-3 lak turte,hemi chungchanga zirtirna dawn te,heng zawng zawng Nu in atih chuan he scheme in a phal angin,cheng Sangli an dawn theih tur thu te zirho ani.He Trainingah hian Kalkhawmte atangin hriatfiah loh zawhna hun te pawh hman ani bawk ani.He IGMSY Scheme hi Mizoramah Lawngtlai District chiah hi thlan a ni a,Deptt lam atanga zirtirna pe te hian Sangau leh Chawngte lamah pawh zirtirna hi an la pek zel an tum.