Zirtawpni leh Inrinni a thli tleh khan Bungtlang South leh Hmunnuam ah In 78 a ti chhia



Kar kalta Zirtawpni leh Inrinni  tlai lam a thli tleh khan Bungtlang South leh Hmunnuam khua ah chenna In 78 a tichhia, In 500 vel awmna Bungtlang South ah chuan Chenna In luah tlak loh a thli in a tih chhiat vek panga awmin, a thenlai chhia In 48 a awm a, Hmunnuam khua In 102 awmna ah thli tleh vang a In chhe vek panga awmin, a thenlai chhia In 20 a awm,
heng khaw pahnih a In, a thenlai chhia te hi, thli in In chung a hlih sak leh bang a chhemchhiat te an ni a, luahtlak loh a chhia zing ah, thliin a       chhem darh vek te pawh a awm bawk. Heng khua pahnih ah hian Good     Friday tlai a thli tleh leh a tuk Inrinni a thli tleh   nawn in In a tihchhiat nasat vangin Easter Sunday pawh kohhran ten an tum angin an hmang hleithei lova, nimin khan Lawngtlai DC Pu B.Lalhmingthanga chuan Bungtlang South leh Hmunnuam khua hi tlawhin chhiattawkte a tlamuan a, heng khua pahnih a In chhiate chu an thawm that nan leh an sak that nan Sawrkar atanga tanpuina hmasa awmthei te a pe nghal. Heng khua pahnih a khawtlang hruaitute leh thli in a tihchhiatsak In neitute chuan harsatna an tawhlai a DC in a tlawh chu lawmawm an tih thu sawiin, DC chung ah lawmthu an sawi. DC hi Pu Beila Khithie Add.DC,  BDO Bungtlang bak ah Lawngtlai atangin thuthar lakhawmtu thenkhat ten an tawiawm.

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post