Gas harsatna chungchang Minister leh IOC hotuten an sawi

    Tunlai a Gas harsatna chungchang chu Suplly Minister leh IOC hotuten an sawiho a, IOC hotute chuan Gas chu Mizoram-ah chhuah nilovin ram pumah a harsat thu an sawi a. International market a LPG a van avangin IOC leh oil company dangte chuan LPG an mamawh zat chawkluh tur an hmuh lo a. Hei hian nasa takin Ram pumah harsatna a thlen thu an sawi.
Saudi Arabia tunhma a LPG gas hralh tam berte zinga ami chuan khawvel pum huapa tuialhthei sawngbawlna (Petrochemical Company) lian tak an sak mek avangin LPG an hralh chhuak mang ta lo chu India a gas harsatna thlentu lian ber nia an hriat thu IOC lam hian an sawi. Ram in LPG a mamawh Metric Tonne nuai 7 vel a ni laiin ramchung a siam leh ram dang atanga chawkluh belhkhawm chu Metric Tonne nuai 6 vel chhauh a ni.Hmarchhak biala oil refinery pali awmte  chuan tunhnai khan technical harsatna leh kangmei te an tawrh avangin Refinery te hian gas mamawh zat an siam theih loh thu IOC hotute te hian an sawi a. NRL chu April ni 7 khan a kan avangin Refinery chu khar lailawk a ni a. NRL hi Hmarchhaka a Bulk LPG siamchhuaktu lian ber niin thla tin Bulk LPG Metric Tonne 4000 an siamchhuak thin a. IOC in he Refinery hi June ni 15 lamah hawn anih leh an beisei thu Minister hi an hrilh a. Digboi Refinery pawh April ni 2 atang khan April ni 16 2012 thleng khar a lo ni a. Tin OIL Refinery Duliajan pawh thla khat hnu velah Refinery enfel hna(maintainance) thawh anih dawn avangin ni 15 vel chu khar a nih dawn thu an sawi bawk.

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post