Greater Lawngtlai Water Supply Scheme hna thawhmek chu MJA Lawngtlai District Member ten a hmun ah an tlawh a, Lawngtlai khawpui chawmna tur tuilak hna kalpui mek ah Chawnhu ram a Pu Thanzinga Tawngtaina tlang ah Main Reservior dahtur a ruahman a ni a, hetatang hian Lawngtlai khawpui chhung hmun hrang hrang a Zonal Tank panga ah semdarh a ni dawn a,
Main Reserver atanga Zonal Tank inkar ah tui Pipe phum hna hi thawh mek niin, Pipe panga phum a ni a, KM 2 zawhfel a ni tawh a ni, Chhimtuipui atanga Chawnhu a Main Reservoir inkar Pipe phum hna chu Contractor kut a awm niin, Pipe phum tur hi chhek ngah vek tawh niin a phum hna pawh tan thuai tur a beisei. Lawngtlai tuilaknatur hi kumhlui 2011 Nov.24 khan Chief Minister Lal Thanhawla'n a lungphum a phum tawh a, pawisa senral tur a ruahman a hi Cheng Vaibelchhia 25.64 a ni. MJA Member te hi PHE Executive Engineer Ngentluanga leh Department hotu dang ten an lo dawngsawng a, PHE hotute chuan Tuilak hna kalpui mek ah mimal ram suttlang ngai tam tak a awm a, phal taka an ram chhunga pipe line leh kawng kaltir tute hnen ah lawmthu an sawi. Greater Lawngtlai Water Supply Scheme hi zawhfel a nih hun chuan mipakhat in nitin tui Litres 40 a dawng thei dawn niin PHE hotute chuan an sawi a, tuna tui dahkhawlna Chawnhu a siam tur atang hian Pump ngai lovin khawpui chhung a Zonal Tank ah semdarh theih a ni dawn a ni.
Main Reserver atanga Zonal Tank inkar ah tui Pipe phum hna hi thawh mek niin, Pipe panga phum a ni a, KM 2 zawhfel a ni tawh a ni, Chhimtuipui atanga Chawnhu a Main Reservoir inkar Pipe phum hna chu Contractor kut a awm niin, Pipe phum tur hi chhek ngah vek tawh niin a phum hna pawh tan thuai tur a beisei. Lawngtlai tuilaknatur hi kumhlui 2011 Nov.24 khan Chief Minister Lal Thanhawla'n a lungphum a phum tawh a, pawisa senral tur a ruahman a hi Cheng Vaibelchhia 25.64 a ni. MJA Member te hi PHE Executive Engineer Ngentluanga leh Department hotu dang ten an lo dawngsawng a, PHE hotute chuan Tuilak hna kalpui mek ah mimal ram suttlang ngai tam tak a awm a, phal taka an ram chhunga pipe line leh kawng kaltir tute hnen ah lawmthu an sawi. Greater Lawngtlai Water Supply Scheme hi zawhfel a nih hun chuan mipakhat in nitin tui Litres 40 a dawng thei dawn niin PHE hotute chuan an sawi a, tuna tui dahkhawlna Chawnhu a siam tur atang hian Pump ngai lovin khawpui chhung a Zonal Tank ah semdarh theih a ni dawn a ni.