Tuesday, May 29, 2012

Minister thenkhatte hna chanpual sawidanglam

Chief Minister thurawn pek angin Governor chuan Minister 4 hna chanpual sawi danglam hlek a ni a, hemi chungchanga sorkar hriattirna chu nimin khan tihchhuah a ni.Minister te hna chanpual siksawi a nih takah hian Chief Minister Pu Lal Thanhawla’n a hna chanpual pangngai bakah Information and Public Relations Dept leh Dist Council Affairs Dept te a chang a,
hengte bakah hian, Vigilance, GAD, Political & Cabinet, PWD, Power & Electricity leh Minor Irrigation te a chang a ni.Tun hmaa Chief Minister chan thin Secretariat Administration Dept leh Fisheries chu Pu R Lalzirliana’n a chang thung a, a hna chanpual pangngai Home, Prison leh Rural Development Dept te a la chelh zui dawn a, Chief Minister chan thin Soil and Water Conservation chu Pu JH Rothuama pek a ni a, ti hian Land Revenue and Settlement Dept, Cooperation leh Excise and Narcotics dept te a la chelh zui ang.Pu JH Rothuama hna chan thin Taxation dept chu Pu Zodintluanga pek a ni a, ti hian Urban Development and Poverty alleviation, Sports and Youth Services leh Information and Communication Technology Dept te a la chelh zui bawk ang.

No comments:

Post a Comment