Thursday, May 24, 2012

NLUP a Puanthui thlangtute hnen ah DC in Puanthui khawl a pechhuak

Nimin Lawngtlai District a Industry Department hnuai a NLUP a Puanthui thlangtute hnen ah Lawngtlai DC Pu B.Lalhmingthanga'n Puanthui khawl leh pawisa a semchhuak Hemi pual a inkhawm, SDIO Office Lawngtlai a neih ah Pu B.Lalhmingthanga chuan Sawrkar hmalakna atangtin miharsa zawk ten leirem an rah theih nan NLUP kalpui a ni chu Lawngtlai District tan a vanneihthlak zual tih sawiin,
thilthlawnpek hi a lawmawm a, a dawn a nuam a, mahse, a thlawn a petuin a pek chhan tihlawhtlingtur erawh chuan tumruhna, inpumpekna leh taimakna a ngai thung a ni a ti. Industry hnuai a Puanthui thlang tu mi 24 awmin heng mite hnen ah hian Puanthui khawl chi hrang pathum Jerome(My Style) Overlock Machine leh Foot Sewing Machine(Ke khawl) bak ah pawisa fai Rs. 22300/- theuh DC hian a sem a ni. Puanthui khawl dawngtute pual hian vawiin chawhma lam khan mithiam ten khawl hmandan an zirtir a bawk a ni. Lawngtlai District ah hian Industry Department hnuai ah NLUP Trade thlangtu mi 500 awmin an vaiin First Instalment pawk vek tawh niin mi 351 hnen ah Second Instalment pek a ni tawh a, tun ah hian Furniture Works thlangtute hnen a pek tur khawl nghah mek a ni. tihian Industry Department hnuai a pawisa semral tawh zat chu Lawngtlai District ah a vaiin Rs.256,39,700/- a ni. Puanthuikhawl semchhuahna inkhawm ah hian kum 10 chuang puanthui a eizawng a, khaw hrang hrang fangkual thin Pi Rohmingsangi Sangau khua chuan thusawiin Sorkar hotute kaltlang a pathian hnathawh hi kan chhungkua chuan kan nghakhlel in kan tangkaipui takzet a ni a ti a, NLUP hmangin eizawnna nghet siam rawh tih intar chu kan tan a nih phak ka ring ngai lova, tunah chuan a takin a chhawrtu kan ni ta hi ka lawm hle a ni a ti.

No comments:

Post a Comment