Mizoram State Assembly Subject Commiittee III chuan nimin khan Tuirial Assembly Bial chhunga Zirna School 38 a Sawrkar Laipui in zirna chungchanga hmasawna hna a thawh hrang hrang, SSA sum hmanga building sak te; RMSA sum hmanga hnathawh leh Midday Meal kalpui dan te a hmunah an enfiah a;
Lungdai, Serkhan, Zanlawn, Kawnpui, Bualpui leh Thingdawl khua-a School te an tlawh a ni.Subject Committee III Chairman Pu Lalrobiaka MLA (ZIDCO Chairman ni bawk) chuan an School tlawh tak te chungchang sawiin sum hmanna a tha hle a; mahse a kaihhnawih (convergence) kalpui dan erawh duhthu a sam zan lo a; Deptt dangin Tui filter an pek leh Naupang zirna tur Computer te chu hman theih loh a awm nual a ni a ti. School thenkhat chu a panna kawng a tha lo a; Zirlai naupang tan chetsual theihna a awm a; ngaih pawimawh leh nise a duh tih a sawi tel bawk.School hrang hrang an tlawhna ah Subject Committee III member te chuan School-in sawrkar atanga sum an dawn leh an hmanna te an enfiah a; rawtna an neih te pawh School enkawltute hnenah an hrilh nghal a; tun dinhmuna Zirlaite harsatna awm thei leh School mamawh te pawh thawktute hnen atangin an ngaithla bawk a ni.Heng Zirna School ah te hian kum 2006 atang khan SSA Mision chuan building leh thil dang siam nan cheng Nuai 183.93 a hmang ral tawh a; RMSA chuan kum 2009 atang khan building leh thil dang atan cheng Nuai 173.26 a hmang tawh a ni.