Thursday, June 28, 2012

Buh thar tam kum bawhzuiin Sensitization Programme, Agri.Deptt. hnuai a thawkte pualin neih a ni.

Nimin khan Lawngtlai ah Agriculture Department hnuai a thawktute pualin 2012 Buh thar tamkum denchhenin Sensitization Programme on More Produce Rice-2012 neih a ni.He hun , DAO Office Conference Hall ah neih hi James Vanlalluaia DAO Lawngtlai chuan kaihruaiin, kum kalta a Mizoram Sawrkar in Buhthar tam kum a puan chu a hlawkna nasa tak a hmun a nih hnu ah kumin ah hetiang kum hi  puan chhunzawm leh a ni a, Lawngtlai District ah chuan thuitak hmalakna kalpui a ni tawh in, kum kalta aia       hlawk zawkin Buh thar chhuah tum in tan nasa taka lak a ni a ti.

Mizoram Project 54 te NEC Plan a tel leh telloh hrelo

Mizoram Sorkar thuchhuah ah tarlan a nihdanin North Eastern Council (NEC) Plenary Meet vawi 61-na nimina New Delhia neihah Chief Minister Pu Lal Thanhawla chuan NEC 12th Plan chhunga khawih tur, Mizoram sorkar Project 54 a thehluhte chu NEC Plan ah telh anih leh nih loh kan hre lo a ti.Tun tuma NEC draft plan chu department hrang te te a sawipui bak, state level a sawihona a awmlo niin a hriat a ni a ti a.

CEM Trophy tan



    Inter Village Fopotball CEM Trophy chu nimin khan CYLA Playground ah khelh tan a ni Team 15 tel a, Lawngtlai pawn atangin Thingfal, Champion lai Lunglei Rahsi Veng leh  Sangau te an tel.

Parking Place siamthar



       Lawngtlai SP chuan Lawngtlai khawpui a Passenger leh Bungrua phur chi lirthei dahna tur leh Two Wheeller dahna tur bak ah Lirthei dah phallohna hmun te a siam thar.

Wednesday, June 27, 2012

Khawvel hmundang rualin Lawngtlai ah Damdawi Tawlhruk leh Hmansual Dona Ni hman a ni.

International Day  Against Drugs Abuse and Illicit Trafficking chu Lawngtlai DC Conference Hall ah DC Pu B.Lalhmingthanga ho in nimin hman a niHe hun ah hian Lawngtlai DC Pu B.Lalhmingthanga chuan  he Ni hman a nihna chhan te sawiin, Ruihhlo   tawlhrute vangin khawvel chu hmuntin mai hi dinhmun hlauhthawnawm ah a ding mek a ni tiin, Damdawi - Ruihhlo hmansual leh hetiang Damdawi zawrh phalloh a ruk a zawrh leh hralh thin hi ralpui phiar a kan phiar a, an laka Indo puan a nih loh chuan reilote ah kan khawvel hi chenna tlak loh ah kan siammai ang tih a hlauhawm hle a ni a ti.

Lawngtlai S.P thar Pu C.Lalzahngova’n MJA te Thingpui a Inpui

Nimin Chawhnu khan Lawngtlai SP thar Pu C.Lalzahngova MPS chuan a Offiice Chamber ah Lawngtlai a Thuthar lakhawmtute Thingpui a Inpui SP  chuan Dan leh Thupek kawnkawhna kawng ah te Police hna hrang hrang ah Chanchinbumite nen tanrualna tha atangin hna chak zawkin thawhtheih a nih thu a sawi a, Lawngtlai Traffic pawh mumal zawka kalchhohpui tum a nih thu leh

Tuesday, June 26, 2012

LADC Plan Fund Cheng Nuai 3242.52 in a pung A takin hmasawnna hna thawh a ni dawn CEM in a ti

Nimin chawhma dar 11 khan tunhnai a Delhi leh Aizawl lam a Sawrkar hotute dawr a zinchhuak Pu C.Ngunlianchunga   Chief Executive Member leh Pu Hmunhre Vice   Chairman Planning & Development LADC te chuan Lai DCC Office ah report an pe a, CEM chuan    LADC Plan Fund chu kum hmasa aiin Cheng         Nuai 3242.52 a tihpun a nih thu a sawi a, kum hmasa khan Plan Fund chu Cheng Nuai 2216 niin, kumin ah hian Cheng Nuai 5458.52 ruahman a ni a ti a,

Direct Finance atan Plan bik ah harsatna a awmlo

Tunhnai a Delhi a Sawrkar Official te dawr a Direct Finance bawhzuitu LADC a CEM leh Vice Chairman Planing Pu Hmun Hre te chuan Direct Finance neitur a hmalakna kalmek ah Plan bik ah chuan harsatna engmah a awm lo tih Official ten an lo hrilh tih nimin khan Lai DCC Office ah an sawi a, Non-Plan bik ah erawh chuan

Lei min nual



     Tunlai a ruah sur nasa vangin Lawngtlai khawpui chhung ah leimin awmnual mahse, chanchin ziaklai thleng hian chhiatna liantham thleng hriattur a la awm hrih lo, ruah a sur zui zel chuan chhiatna liantham zawk thlen hlauhthawnawmna lai a awm nual niin thudawn a ni a, khawchhung inkalpawhna kawng pawh nizan thleng kha chuan a la tlang tha.

Monday, June 25, 2012

Multi Modal kawngpui laihmek ah a nihtur angin KM 25 vel laih zawh a ni tawh

Khawchhak ram te nen a insumdawn tawnna tur kawngpui pawimawh tak Lawngtlai District       chhung a laihmek, Lawngtlai AOC atanga Zorinpui Land Custom Station hmun tur pawh tur, kawngpui laih mek ah tun dinhmun ah kawngpui, a zau zawng te, a chhukchhohdan tur leh thildang tehna hrang hrang ah a nihna tur ang taka laih zawk tawh chu KM 25 vel a ni, he thu hi PWD a SE thar Er.Malsawmdawng-liana chuan kar kalta a a hna a zawm hnu ah Lawngtlai a Thuthar thehdarhtute Thingpui a inpuina ah sawiin,

Report thehlut dawn


     Tunhnai a LADC Sawrkar in Meghalaya a Autonomous District Council, East Khasi Hills ADC leh Jaintia Hill ADC te tlawh tur a a tirh Lawngtlai a Chanchinbumite chuan Press Tour Report chipchiar tak in, Video Document nen Council sawrkar ah thehluh tumin hma an la mek a, CEM in hunawl a neih remchan hun an nghak mek.

CYLA President US ah kal dawn


      July Ni 5 atanga Ni 8 chhung a USA a Indianapolis ah Chin Baptist Churches USA 4th Biennial Conference a tel tur a sawmna a dawn angin CYLA President Pu L.Z.Tluanga chuan he Conference hi hmanpui a tum.

Lai House felfai



       Lawngtlai Chanchinbumiten Lai House Aizawl a mi chu an tlawh a, LO Pu J.Sangthangpuia;n a lo dawngsawng a, Press mite chuan Lai House inrelbawldan chu chhuanawm an tih thu leh thawhtute inpekna chu tha viau a an hriat thu LO hi an hrilh.

Report pe dawn


     Sawrkar tulpawi mawh a zinchhuak CEM Pu C.Ngunlianchunga chuan Lawngtlai a rawn thleng tawh a, vawiin chawhma dar 10 hian Lai DCC Office ah zin Report a pe dawn.

Wednesday, June 6, 2012

N.E Chief Minister Meet ah C.M Hawla’n Mizoram harsatna a sawichhuak

Union Finance Minister Pranab Mukherjee hovin North East Chief Minister ten nimin khan New Delhi-ah sum harsatna leh mamawh chungchangah meeting an nei.Meeting-ah hian Chief Minister Pu Lal Thanhawla chuan State dang Chief Minister te rualin Mizoramin sum lama harsatna a neih te leh mamawh a neihte a sawichhuak a. Mizoramin sum harsatna a tawh mekte hi Finance Commission thar apiangin harsatna dik tak kan thlen thin te a haider luih zel thin vang a ni a ti a. Hei hian Non Plan Sector ah harsatna nasa tak min siam a ni a ti.

MPS Senior Officer te sawnkual

Mizoram Police Service hnuaia senior officer thenkhat chu sawnkual an ni a,Order a tarlan anih danin Aizawl district Traffic SP Lalbiakzama chu Joint Secretary Home department-ah a awm dawn a, a hmunruak hi Lunglei SP Lallianmawia'n a awh  ang. Champhai SP C. Lalthanmawia chu SP CID (SB) ah a awm anga, tuna he hmun luahtu Rodingliana Chawngthu chu Addl. SP (Security) ah a awm ang. Mizoram Home Guard-a SSO nilai Thomas Zodingliana chu Commandant, 3rd IR Bn. a awm bawk dawn ani. Mizoram sawrkar hnuaiah hian Indian Police Service ami 6 vel an rawn awm thar dawn a. Heng mite awmna hmun tur hi  tihfel ala ni lo thung.

Phawngpui leh Ngengpui LADC in enkawl tum

    Phawngpui National Park leh Ngengpui Wildlife Sunctuary te Mizoram Sawrkar enkawlna hnuai a awmmek chu LADC Sawrkar chuan Council hnuai a a awmtheih nan hmalakna a kalpui mek a, thu kan hriatdan in heng Nungchate humhalhna hmun pahnihte hi a thuphung chuan State Sawrkar chuan Council kut a hlan a remti tawh. LADC E&F Deptt. chuan Sunctuary pahnih dang hawnthar tur a nei mek a, hmalakna an kalpui mek bawk.

D.C in Press Club tlawh



       Nimin chawhnu khan Lawngtlai DC Pu Hmingtea chuan Lawngtlai Press Club a tlawh a, DC hi MJA President Pu V.Lal Lianzuala leh hruaitu dangten lo dawngsawngin, MJA Patron member, D.C in Press Club a tlawh chu lawmawm an tih thu MJA te chuan an sawi.

Thingphun dawn



       Nimin kha World Environment Day a ni a, remchanzawkna vangin LADC a Forest Department chuan he Ni denchhen hian E/M Pu Chhuanawma ho in Lawngtlai leh Kawlchaw inkar ah thingphun an tum a, thing an phun bak ah hian phun tawh sa te enkawlzuiin a tulin kawlchaw thleng in tuamchhuah an tum a, phun belh ngai lai ah thing tiak remchang ang te phun belh nghal an tum.

MJA ten E/M kawm



       Nimin khan MJA lawngtlai District hruaitute chuan LADC a Executive Member i/c Information Pu Chhuanawma chu a Office ah kawmin, E/M chu Chanchinbumiten khaweng an hmuh     deuh deuh theih      nan a hmalakna a kalpui    mek ah lawmthu an      hrilh  a,     E/M chuan theihtawpchhuah a a tul dan ang zel a Information Department leh Chanchinbumite  hmakhua atan hmalak chu LADC Sawrkar in a hmachhawp a nih thu MJA hruaitute chu a lo hrilh. MJA hruaitute chuan District dang leh Council Sorkar dang pawh a awm ngailo LADC sawrkar in Chanchinbumite tan a Press Tour a buatsaih tur chu lawmawm an tih thu leh, Chanchinbumite pawimawhna hria Executive Member an nei chu an thlamuan thu leh lawmawm an tih thu E/M hi an hrilh.

Monday, June 4, 2012

Mizoram sawrkar chuan Officer liante hna chanpual a siamtha nual

Mizoram sorkara Secretary-te hna chanpual siam that a ni a, IAS Officer thenkhat sawn an ni. DP&AR atanga thu dawn danin, Secretary-te hna chanpual siksawi zingah Pu RL Rinawma’n Taxation, UD&PA, Land Revenue & Settlement a chang ang a, Pu PC Lallawmsanga’n Industries leh Disaster Management & Rehabilitation a chang ang. Pu K. Lalnghinglova chu School Education leh Higher & Technical Education Secy. thar a ni a, Pi M. Zohmingthangi’n

BCM Zion Biak In thar hawng

Inrinni khan Lawngtlai Vengpui ah Baptist Church of Mizoram Zion Biak In thar chu Bialtu Pastor Rev. L.Lalsawmliana'n a hawng. Biak In thar hi a dung feet 42, a vang feet 30 niin a sak nan hian Rs. 8,44,813/- hmanral a ni. BCM Zion Kohhran ah hian Member 125 vel an awm mek ani.  Biak In thar hawngtu Bialtu Pastor chuan Kohhran thar lo piang chhuak chu Pathian ram zau nan a hmalatu tangkai tak ni turin duhsakna hlan in Kohhran chu Krista taksa a nihna ang taka a kal chhoh zel theih nan Pathian hnen ah a dilsak bawk.

Martyr Lung LIKBK Bazar ten an phun

Zirtawpni khan LIKBK Bazar Kohhran chuan an Biak In tual a Martyr C.Vanlalhlupuii hriatrengna lungphun chu  a hawnna hun an buatsaih a, lungphun hu Local Pastor Pu C.Vantlungluaia’n a hawng, nilengin Lungphun pual hian Kohhran hoten hun an hmang a, chawhma lam in Biak In ah inkhawm urhsun tak neih a ni a, chawhnu lam a Pathian fak a Zaikhawm  niin, tlailam ah ruai an kilho, Lungphun hawnna ah hian tualchhung Kohhran mite bak ah pawnlam atangin tel an awm nual.

Ruang chhar



    Inrinni Jun 2 khan Lawngtlai Dist chhunga mi Saizawh bul Liapha lui kamah Mipa ruang chhar ani a,he an ruangchhar hi Pu C.Saleia s/o Riatu Rawmibawk khua ni a hriat a ni.Pu Saleia hian Ni 28 may khan len deng turin Tuipuiferi ah amahin a riak a, Tui lo lian thut chuan a la ni a rin a ni a.Ni Li vel hnua hmu an niin, ruang chharna hmun ah hian Lawngtlai Police te kal nghal in thiltul   angte an buaipui.

DC in kawm dawn


        Tunkar chhung hunremchang hmasa ber ah DC Pu Hmingtea chuan MJA Hruaitute Thingpui In pui a tum tih MJA President atangin kan dawng

CEM hmuh tum


        Vawiin hian MJA Lawngtlai District hruaitute chuan CEM, Pu C.Ngunlianchunga hmuh an tum, Press Tour chungchang an sawipui ang.

LADS in tanla



       CYLA hnuai a Ruihhlo Do pawl Lairam Anti Drugs Squad te chuan nasa zawkin hmalakna an kalpui mek,chhunzan zawmin Duty an insiam