Khawvel hmundang rualin Lawngtlai ah Damdawi Tawlhruk leh Hmansual Dona Ni hman a ni.

International Day  Against Drugs Abuse and Illicit Trafficking chu Lawngtlai DC Conference Hall ah DC Pu B.Lalhmingthanga ho in nimin hman a niHe hun ah hian Lawngtlai DC Pu B.Lalhmingthanga chuan  he Ni hman a nihna chhan te sawiin, Ruihhlo   tawlhrute vangin khawvel chu hmuntin mai hi dinhmun hlauhthawnawm ah a ding mek a ni tiin, Damdawi - Ruihhlo hmansual leh hetiang Damdawi zawrh phalloh a ruk a zawrh leh hralh thin hi ralpui phiar a kan phiar a, an laka Indo puan a nih loh chuan reilote ah kan khawvel hi chenna tlak loh ah kan siammai ang tih a hlauhawm hle a ni a ti.
Lawngtlai District bik ah Excise & Narcotics Department awm lo chuan ruihhlo do kawng ah sawrkar tha tithum deuh mahse,  Lairam Anti Drugs Squad te hmalakna chu chhuanawm a tih thu a sawi. DC hian Lairam Anti Drugs Squad te hnen ah chawimawina thuziak bak ah ruihhlo dap nan a tangkai tur hmanrua Torch Light, Rain Coat leh Gum Boot engemawzat a hlan. Nimin a he Ni hmanna ah hian Lawngtlai SP Pu C.Lalzahngova chuan ruihhlo leh sualna te do turin Sawrkar, Tlawmngaipawl leh mipuiten tanrualna tha an neih a pawimawh thu a sawi a, Kum 2011 chhung khan Lawngtlai District ah Parvon Spas Capsule 4829 man niin, Tualchhunga hralhchhuahna anga chhutin Rs. 2,44,950/=  Ganja Gram 50, Rs. 2500/= vel man, man  a nih thu leh Thubuai siamsak mi 29 an awm thu a sawi. Pu Liansangzuala Chief Judicial Magistrate chuan Drugs zuar thinte hrem theihna dan sawiin Mizoram a Thalaiten Ruih nan aa an hman hrang hrang te a sawilang a, heng laka Thalaite inthiarfihlim a pawimawh thu a sawi. Dr.H.Lalrinfela Medical Officer chuan Drugs Addiction chungchang sawiin Drugs Addict te hi Natna chikhat vei anga kan pawm a tul tawh zia leh enkawlna an mamawh zia uartakin a sawi bawk. He hun ah hian MJA lam atangin Elvis Lalthangzuala Gen. Secretary pawhin thu a sawi. He Ni hmanna ah hian Sawrkar Officer, NGO hruaitute leh School Naupang sawmbikte an tel tha hle a ni.

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post