LADC Plan Fund Cheng Nuai 3242.52 in a pung A takin hmasawnna hna thawh a ni dawn CEM in a ti

Nimin chawhma dar 11 khan tunhnai a Delhi leh Aizawl lam a Sawrkar hotute dawr a zinchhuak Pu C.Ngunlianchunga   Chief Executive Member leh Pu Hmunhre Vice   Chairman Planning & Development LADC te chuan Lai DCC Office ah report an pe a, CEM chuan    LADC Plan Fund chu kum hmasa aiin Cheng         Nuai 3242.52 a tihpun a nih thu a sawi a, kum hmasa khan Plan Fund chu Cheng Nuai 2216 niin, kumin ah hian Cheng Nuai 5458.52 ruahman a ni a ti a,
heng pawisa te hi ataka hmasawnna hna thawh nan hman a ni dawn a ni a ti a, pawisa hmanna tur chu ruahmansa vek a nih vangin tunhma lam a mumallo taka Plan sum riral thin ang kha a awmthei tawh dawn lo a, hnathawktute pawhin tihtakzet a ram tana an thawh a pawimawh dawn a ni a ti. Pu C.Ngunlianchunga chuan Ministry of DoNER ah School Building sakna tur Phase-II atan cheng Nuai 1132 te, Delhi a Students’ Hostel sakna tur cheng Nuai 632 te chu bawhzui a nih thu leh Hostel hmuntur pawh ngaihtuah mek a nih thu a sawilang tel a, LADC Budget pangngai ringawt ah chuan innghahna tham a awm tawh loh vangin Bawm lian zawk zawn a ngai tawh a, Central sum hailut tur a hmalakna chu chaktak a kalpui a ngai a ni a ti. Mizoram Sawrkar chuan NLCPR ah Priority List 14 na leh 15 na ah Lawngtlai khawpui By-Pass Road Cheng Vaibelchhia 27 hmanna tur leh Lawngtlai to Lungpher Road Cheng Vaibelchhia 17 hmanna trur te te chu a dah tih a sawilang tel bawk. CEM chuan Malsawmna tamtak Lawngtlai District chhung ah  aluanglut mek a, ram mipuiten inbuatsaihna tha an neih loh chuan heng malsawmnate hi an tan Thang leh Fal a ni thei dawn a ni a ti a, duhsakna tinreng petu Chief Minister Pu Lal Thanhawla leh a kaihhruai Sawrkar lak ah Laifate chuan lawmthu sawitur an ba nasa hle tih a thusawi ah hian a sawilang tel bawk a ni.

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post