Monday, June 25, 2012

Multi Modal kawngpui laihmek ah a nihtur angin KM 25 vel laih zawh a ni tawh

Khawchhak ram te nen a insumdawn tawnna tur kawngpui pawimawh tak Lawngtlai District       chhung a laihmek, Lawngtlai AOC atanga Zorinpui Land Custom Station hmun tur pawh tur, kawngpui laih mek ah tun dinhmun ah kawngpui, a zau zawng te, a chhukchhohdan tur leh thildang tehna hrang hrang ah a nihna tur ang taka laih zawk tawh chu KM 25 vel a ni, he thu hi PWD a SE thar Er.Malsawmdawng-liana chuan kar kalta a a hna a zawm hnu ah Lawngtlai a Thuthar thehdarhtute Thingpui a inpuina ah sawiin,
helai kawngpui hi tluangtak a laih a zawhfel a nih theih nan Sawrkar hmalakna chauh a innghah theih a nih loh thu te, mipuite nen tanrualna tha a awm a pawimawh thu a sawi. Kawngpui hi tun dinhmun ah Motor hmanga zawh theih chu thuitak ni tawh mahse, a nihtur anga la laihzawh loh thuitak a awm vangin hnathawkktuten laihzawhfel tawh anga an puanzar theih chu KM 25 vel a ni a, tihian laih hmabak KM 75 vel a la awm a ni. Tarlan tawh thin angin Mizoram PWD te enkawlna hnuai ah helai kawngpui hi RDS Company leh Atlanta ARSS Joint Venture ten an lai mek a, RDS te hian KM 0-38 leh KM 71-99.83 inkar te an lai mek a, ARSS te hian KM 38-71 inkar an lai mek bawk. Helai kawngpui laih mek ah hian kawnglaituten harsatna tenau tawk zeuh zeuh mahse, harsatna liantham erawh tawh an la neilo             niin kan hria.

No comments:

Post a Comment