Monday, July 30, 2012

MGNREGS Ni 15 chhung inhlawhna neih mek ani

Tun Sorkar kum chhung a a tumkhatna atan Lawngtlai District chhung a Rural Development Block pali Lawngtlai, Sangau, Chawngte leh Bungtlang South RD Block huam chhung a Job Card neite te chuan tun sorkar kum chhung a a tumkhat nan Ni 15 chhung inhlawhfakna an nei mek a, tun tum ah hian kum kalta lam a thingtiak phun tawhte enkawlzui hna thawkin, a samfai leh thingphun thi te a thar a thlak bak ah thing tiak dang phun belh in hna an thawk mek ani.

Look East Policy leh Hmeichhiate tih hmangin Seminar neih a ni

Inrinni khan Look East Policy leh Hmeichhiate tih thupui hmangin Seminar, Lairam Isua Krista Baptish Kohhran, lawngtlai-3 Biak In ah neih a ni a, LIKBK Hmeichhe Pawl Secretary Pi C.Z.Rammawipani;n a kaihruai, Seminar ah hian Dr. Jangkhongam Doungel chuan Look East Policy leh Hmeichhiate tih thupui hmangin Seminar a telte zirtirna a pe a, Look East Policy tobul leh tun a hmalakna kalmek te chipchiar taka a sawi bak ah he Policy vanga harsatna thleng thei te a sawilan hnu ah He Policy hmachhawn tur a Hmeichhia te mawhphurhna hrang hrang sawiin,

Kohhran 2 thalaiten thisenpe

LIKBK Thalai Pawl Horeb Unit Member Mipa 12 leh Hmeichhia 3, an vaiin mi 15 ten a mamawh apiangte hman atan Inrinni khan thisen unit 15 an pe a, TKP Vengpui Unit Member 9, Mipa 8 leh Hmeichhia 1 ten a thlawnin thisen an pe bawk. Thisen te hi Kohhran pahnih te Biak In Hall ah Dr. LK Sanga leh Blood Bank a thawk ten a hmun ah kalchilh in an laksak. Blood Bank ah thisen dahkhawlsa a awm mumal loh vangin heng kohhran pahnih thalai te hian Association for Voluntary Blood Donation Lawngtlai te ngenna bawhzuiin thisen hi an pe.

TKP Day vawi

Vawiin hi TKP Day vawi 61-na a ni a. Hemi ni hi Mizoram pumah TKP member ten an hmang dawn . MTKP chuan Day hmandantur kaihhruaina a siam.Thalai Kristian Pâwl hi, July 30, 1951, zan 7:00 ah Missionary te leh Upa Committee aiawhte kaihhruaina-in Serkawn Sikulpui (Middle School)-ah din a ni a. Thalai Kristian Pawl tih hming hi BMS (Baptist Missionary Society) Missionary zinga pakhat, Mrs. F.J.Raper phuah chhuah a ni. TKP Day hi Lawngtlai ah pawh Programme hrang hrang nen hman tum niin, midang tana tangkai tur zawngin Day hi Unit ten hman an tum.

CADC Session tan dawn

CADC Budget Session chu vawiin hian Chawngte ah tan a ni dawn a, CEM Kalikumar Tongchongya chuan tun Sorkar kum kallai a CADC Budget House ah a pharh ang.

Dr.J.Doungel thlah

Mizoram University a a insawn vangin Dr.Jangkhongam Doungel chu nimin tlai khan Lawngtlai Academy of Letters te chuan thlah na hun hmangin ngaihhruihna thuziak an hlan, Dr.J.Doungel te chhungkua hian tukin zing hian Lawngtlai chhhuahsan in Aizawl an pan ang.

Bualpui (Ng) khuaa Bawngpui chuan, no Pahnih;Phir a hring .

Bualpui Ng khua a Pu Zothanliana Bawngpui chuan phir a hring,Bualpui(ng) khuaah hian Bawngpa a awmloh avangin Pu Zothanliana hian a Bawngpui hi Archhuang khaw Bawngpa a pawl tir a, Pangngai taka no pai in, no a neih hma zawng chu Archuang khuaah hian a awm tir nghal a , He Bawngpui hi a rai laiin, A pum len thuah leh a khawsa zia ah pawh Bawngpui pangngai tak niin, No 2 (Phir) a hring ta mai a, A pa zawk piang hmasa in, rei vak lovah A nu alo piang leh nghal a, Pathian Malsawmingna vang liau liau a ni tiin, heng Bawng no te hi Malsawma leh Malsawmi tiin a hming an phuah nghal a ni. A hnute sawrah leh ei leh in chungchangah Bawng no 1 nei nen danglamna awmlo niin Pu Zothanliana chuan a sawi a, in ngeih tak leh in thikna awm miah lovin hnute pawh an hne rual mai thin niin a sawi.

Friday, July 27, 2012

NLUP Third Instalment Agriculture Department ten an sem mek

Tunlai hian District Agriculture Office.Lawngtlai chuan Sawrkar Prog.Kalpui mek NLUP Sem thawh thumna 3rd Instalment chu an kalpui mek a,nimin July 26 khan Chawngte lama sem turin DAO Pu James Lalluaia leh a thawhpuite an thawkchhuaka,tun tuma Agriculture Deptt ten NLUP an sem dan tur chu Tuichawng Cluster ah. WRC 1 ah Chhungkaw 796 hnenah Rs 39,000 theuh.WRC-2 ah chhungkaw 12 hnenah Rs 28,000 theuh.Sugar Cane ah Chhungkaw 8 tan Rs 20,000 theuh ani ang a.Lawngtlai West leh Lawngtlai East ah WRC-1 ah chhungkaw 257.WRC-2 ah chhungkaw 378.

July Ni 15 atanga tan LDFA U-15 Football zawhfel ani

LDFA U-15 Football Tournament ah hian Team 32 an tel a.Team tel atang hian Naupang zual deuh tel an awm nual avangin LDFA hruaitute hian remchang zawngin Kum 12 hnuailam tan a hranin in elna an buatsaih sak ta a,he in elna hi tluang taka neih niin nimin khan Final match hnih khelh niin kharna hun hman ani nghal bawk.He kharna hunah hian Khuallian Pu T.Vanlalmalsawmsanga BDO chuan thu sawiin Football Mizoramin kan hmelhriat avanga eizawnna tlaka kan chhuah thei hi a lawmawm a,

Lawngtlai leh Lunglei inkar kawng chhia siam

Lawngtlai leh Lunglei inkar kawng chu Tunlai hian Motor tan pawha kal hrehawm khawpin a chhia a,he kawng National Highway 54 hi a chhiat em avangin Nimin piah July 25 leh nimin July 26 khan Lawngtlai to Lunglei Sumo Service Thateii Sumo Driver te leh Passenger te chuan Kawngsiam hna hi an theih ang ang in an thawk a,helaia zin vei vak ten fakawm an tih thu kan dawng.He kawng National Highway 54 chungchang ah hian Kumin May 25 khan Central YLA hruaitute leh MJA Lawngtlai te chuan he Kawng siam tura Mizoram Sawrkarin a thlan Bengal Prakalpa Private Ltd.Kolkatta te inkhuarna Thingfal leh Thingkah inkar a mi chu an tlawh a,

Thisen pe dawn


Naktuk hian LIKBK Horeb Unit Thalaite chuan a mamawh apiangte hman atan Thisen an pe dawn, tun dinhmun ah Lawngtlai Bloode Bank ah thisen dahkhawl sa a tlem viau ni a sawi a ni.

Thursday, July 26, 2012

Legal Metrology Department ten Lawngtlai ah hma an la mek

Lawngtlai khawpui chhung leh a chhehvel hmun thenkhat ah te Legal metrology Department chuan hmalakna an kalpui mek a, Departmet lam atanga thudawndanin, Lawngtlai khawpui chhung ah Sa zuar leh Lawngtlai bazar leh Lawngtlai-IV a Dawrkai te Bukna hman chu endik niin Department lam chuan an Seal vek a, heibak ah hian Kawlchaw thleng in Dawrkai te Bukna hi enfiah a ni tawh bawk. Legal Metrology lam hian Petrol leh Diesel, Mizofed Pump a lo thlengte chu hlanthlak a nih hmain an enfiah thin a,

Petrol man thar

Sorkar laipui in Petrol man a tihsan ang in Lawngtlai ah Petrol pangngai Litre khat Rs.66.93 ni thin chu Rs.67.77 niin Extra Premium Litre khat Rs. 69.43 ni thin chu Rs.70.27 ah tihsan a ni, Diesel man erawh tihsan a nilo.

Ni 15 inhlawhna pechhuak

Lawngtlai BDO Office chuan kumin sorkar kum atan, a tumkhat nan MGNREGS hnuai a Job Card neiten Ni 15 inhlawhfakna tur a pechhuak fel tawh, hna hi VC tin ah thawhthuai beisei a ni. Hetihrual hian MGNREGS hnuai atang in VC tin te hnen ah Suahdur leh Bawngtliuthlawh BDO Office atangin pekchhuah mek a ni bawk.

Traffic thawl tawh

Lawngtlai SP thupek anga Lawngtlai khawpui Traffic mumal zawka kalpui a nih hnu ah, Passenger phurchi leh Bungrua phur chi lirthei te, an dinna tur hmun ruat a an din tawh vang te, Parking leh No Parking te lirthei khaltuten an zawm that vangin Lawngtlai khawpui Traffic chu a thawl nuam tawh hle.

LSA Press Release

Gov't Region Higher Secondary School,Lawngtlai-a Sociology leh Geography Zirtirtu hun rei tak dah loh, vawi engemaw zat Minister i/c Education Department hnen a thlen tawh chu Dah sak thuai anih ngei Lai Students'Association, General Headquarters;Lawngtlai chuan a duh a, lehkha leh tawngka in vawi engemaw zat thlen tawh ani a, hmalak na in awmzia a neih loh chuan, hmalakna thar ngaihtuah nise ati ani.

Tin,Lawngtlai District chhung-a High School leh Higher Secondary School hrang hrang-a Zirtirtu indaih lohna khua hrang hrang ah Zirtirtu dah thuai nise a duh bawk a ni.

SSA Mission Lawngtlai District a Thawktute zingah Certifcate diklo(Fake Document) hmanga hnathawk mek Lai Students'Association, General Headquarters;Lawngtlai chuan an awm niin a hria a,

Friday, July 20, 2012

Ni hnih awhtur State Level Seminar D.C in a hawng


Ni hnih awhtur State Level Seminar on Role of Village Council and Self Help Group in Socio-Economics Development of Mizoram chu nimin khan Lawngtlai ah DC B.Lalhmingthanga'n a hawng He Seminar, SSA, BRC Hall, lawngtlai a neih hi Research Promotion Committee, Government Lawngtlai College leh World Vision, India, Chhimtuipui Area Development Programme te tangdun buatsaih niin, Khuallian Lawngtlai D.C, B.Lalhmingthanga chuan kawng hrang hrang a intodelh a, hmasawn tur in Village Council ten mawhphurhna an nei lian in, mipui lam pawhin tihtakzet a VC te ruahmanna an zawmthiam a tul a, hetiang tho hian Self Help Group te pawh in mahni ke a dingchhuak tur chuan taima takin rinawmna nen hna an thawh a pawimawh a ni a ti.

S.Lungpher a High School saklai

Gov’t Ramthar High School, S.Lungpher, School Building chu hun tiam chhunga sak zawh a nih loh avangin zirlai naupangte'n harsatna an tawk mek a, He School Building sak mek hi YLA hruaitute'n a hmunah an enfiah.RMSA Sum, Cheng Nuai 32 leh Singnga - senga sak tura ruahman, Govt. Ramthar High School, S. Lungpher chu Kum 2010 a sak tan niin, Kum 2011 June thla chhunga sak zawh hman tura ruahman anih laiin, vawiin ni thlenga School Building sak zawh a nih loh avangin

I-Day Meeting

Nimin chhun khan DC Pu Hmingtea ho in Independence Day Lawngtlai a lawmdan tur relin District Level Committee an thukhawm a, Day hi CYLA Playground ah hman leh nise an ti a, Mawhphurhna hrang hrang siam nghal in, mawhphurhna nei Department te chu chaktaka hmala turin an hriattir,Football leh Batminton Competition buatsaih tha an ti bawk.

Science Seminar

Vawiin hian SCERT leh DEO Lawngtlai tangdun te buatsaihin Students Science Seminar YLA Hall ah neih a ni dawn, hata titha te hi State Level Science Seminar ah tirh an ni ang.
       

Internet chaklo vei

Lawngtlai-a BSNL Internet chak lo lutuk chu LSA Gen Headquarters;Lawngtlai chuan khawmawm ati in, BSNL thuneituten Internet chak zawk an pek chhuah thuai a ngen a .Hetiang a Internet chak lo tak a awm reng lai a, Bill erawh a pangai reng hi mipui te sum diklo taka chhuhsak na ah LSA Gen Headquarters;Lawngtlai chuan a ngai a, Thawktuten chak taka Internet Connection chak zawk mipui te an pek thuai an beisei .

Sangau ah a tumkhat nan Blood Donation Camp neih a ni.

July Ni 18 khan Baptist Church of Mizoram, Thalai Kristian Pawl, Peniel Unit Sangau te chuan MTKP Day Vawi 61 na pualin Thisen an pe. Thisen Petute hi mipa 14 leh hmeichhia 3, anvaiin mi 17 an ni. Lawngtlai District Hospital atangin Dr.Lalrinfela, Blood Bank Officer leh a thawhpuiten kal chilhin BCM Peniel Biak In Sangau-II ah Thisen hi an la a ni.BCM Peniel Kohhran, Sangau te hi kum in 2012 mai a BCM Sangau atanga indang niin tun dinhmun ah Kohhran Chhungkua 34 awm in member 160 vel an awm mek a ni.Heihi Sangau Block huam chhung ah Blood Donation Camp vawikhatna a ni.

Nu 29 insiam


July 17-18. chhung khan Sangau PHC ah Sangau Doctor thar Dr.PC.Lalhmingliana leh Lawngtlai District Hospital ami Dr.Lalmalsawma leh Dr.Lalrinfela te chuan Tubectomy Camp buatsaihin Nu 29 (Sangau khawchhung 12, leh Sangau khawpawn- 17) te an insiamtir.



   

Treasury Officer thar

Treasury Officer Pu Ch.Vanlalruata a Pension tak vangin a hmunruak luah tur in Sorkar chuan Pu.P.C.Hmarthuama MF&AS chu a rawn dah. Bepawp duh tan Office Phone No.03835-232249 emaw, Cellphone No. 9612026343 ah te biak theih a ni.




      

Thursday, July 19, 2012

Cheng Nuai 71 chuang seng a sak lawngtlai Police Station Building thar, C.Lalzahngova S.P in a hawng.

Lawngtlai Police Station Building thar Kum 2008 June thla atanga sak tan,April Ni 30.2011 a sak zawh chu nimin July 18 tlai khan Lawngtlai SP.Pu C.Lalzahngova MPS chuan Police te tan thahnem ngaihna thar an neih a,mi dangte tana malsawmna an nih theih na hmun ni turin a hawng. He Building hi Mizopa chhiara chhawnghnih ani a,Ground Floor ah hian OC room awmin,I.O Room leh Interrogation Room te,Hmeichhia leh Mipa Lock Up a awm bawk a,Record room fel takin a awm bawk.First Floor ah hian Wireless Room,Malkhana,leh Thawktute hahchawlhna mi 18 leng tur Room dah ani bawk.He Building hi Pu Zahnuna,Zemabawk Aizawl ami sak niin,a vaia an sen zat hi Cheng Nuai 71.32 ani.

U-15 Football Tournament Tan

LDFA buatsaih Under-15 Football Tournament chu nimin July Ni 18 atang khan tan ani a,He Tournament ah hian Team 32 an tel .Hawnna inkhawm Pu C.Hrangthianga President Lawngtlai District Football Association kaihhruaiah khuallian Pu Thathluna Chinzah,Sports & Youth Officer LADC chuan thu sawiin,Naupangte tana infiamna hun buatsaih ani chu lawmawm atih thu sawiin infiammi te kawng engkima hlawhtlinna hmu tur chuan Thuawihna a pawimawh ber zel ani ati a,

Lawngtlai District a Quiz Competition

June 12 atanga tan tawh LIKBKTP,Headquarters.Lawngtlai leh World Vision India,Lawngtlai te buatsaih Quiz Competition 2012 chu Nizan hmasa khan zawhfel ani ta a,he quiz Competition hi Lairam Isua Krista Baptist Kohhran Thalai Pawl huam chhung tan a tih anih angin,Thalai Pawl Unit 13 an tel a,Unit 5 ten Final inelna hi neiin,heng zingah hian pakhatna zawngin,Final ah zanhnih inelnan hun hman a ni a,heta Point hmusangber chu pakhatna ah puan an nita ani.Final zan ah hian World Vision India,Chhimtuipui ADP Proggramme Manager Pu Meren Nampui pawhin telpuiin,

Una Voce MJA President in a tlangzarh






Lai Students' Association, General Headquarters;Lawngtlai Thlakip chhuak tur Chanchin bu LSA Office Bazar,Lawngtlai ah nimin khan Pu V.Lallianzuala President MJA Lawngtlai District in a Release he chanchin bu-a Article thawhtute zawng zawng chungah LSA chuan Lawmthu an sawi. He Chanchin bu hming hi Una Voce tih ani a, Sap tawngin With one Voice, Lai tawngin Bia khat tlaiin tihna ani.Editor Pu K.Thansiama ,Jt.Editor Pu H.Lalremruatfela, Pu NT.Lalmuanzuala, Cir,Manager Pu Israel Thara, Distribution i/c Pu K.Lalsawmliana leh Pu C.Lalrawngbawla he chanchinbu a thuziak duh tan hmun zau tak hawn ani. Chanchinbu tlangzarhna ah hian MJA President hi MJA Lawngtlai District hruaituten an tawiawm.

Wednesday, July 18, 2012

Home Department in raltlan chungchanga thuchhuah a siam, hrilhfiahna a siam.

Ni 17. 7. 2012 (Tue) 2:00pm khan Home Minister, Mizoram hova Home Department   officer-te thukhawm   chuan NC Hills-a Lungreng khua, ni 14. 10. 2011-a hal a nih avanga raltlante enkawl dan tur thupek Home Department-in DC-te hnena dt. 25. 10. 2011-a chhuah chu ennawn a ni a. He thupek chhuah hi India rama Internally Displaced Persons (IDPs) hote enkawl dan, Standard Operation Procedures (SOPs) anga siam a ni a.

NLUP sum nikum aiin 58.12% in tihpun a ni

Finance Minister in Budget Session a a sawidan in Nikumah NLUP tana Cheng vaibelchhe 234 ruahman a nih laiin kuminah chuan  vaibelchhe 370 ruahman a  a. A punna hi za zela 58.12 a ni, a ti. Hei bakah hian NLUP atana hman theih turin RKVY  hnuaiah Rs. Vbc. 40 ruahman belh leh a ni a, hemi nen hian NLUP atana sum hman theih tur hi Rs. Vbc.410 a awm thu a sawi a.

U-15 ah Club 32



    LDFA buatsaih Under-15 Football Tournament vawiin atanga khelh tan tur ah Club 32 an tel, Tournament hi tarlan tawh angin Central YLA Playground ah khelh a ni anga, Knock-Out a khelh a ni ang.

Seminar



    World Vision chuan July 19&20 hian State Level Seminar, SSA, BRC Hall ah buatsaih tumin hmalakna an kalpui mek. Seminar ah hian Self Help Group chungchang bak ah thilpawimawh dangte zirho a ni ang.

MZP te Education Budget ah an lawm

MZP chuan kum 2012-2013 Mizoram Budget-a zirna enkawltu Department pathum School Education Department, Higher & Technical Education leh Mizoram Scholarship Board te budget nasa taka a pung chu lawmawm a tih thu thuchhuah siamin an sawi a,MZP ten zirlaite enkawltu Department te budget a pun theih nana  ngenna a lo thlen tawh thin tihhlawhtlin a ni ta chuan  zirna dinhmun a siamthat ngei MZP chuan a ring tlat a. He budget pung hi zirlaite tan a tulna leh a tangkaina ah ngei hmang turin MZP chuan thuneitute an ngen .

Chanchinbu Release dawn



    Vawiin  dar 2 hian LSA Gen. Hqrs. Chanchinbu Una Voce  chu MJA President Pu V.Lallianzuala’n LSA Office  ah a Release dawn, tunhmalam in Una Voce Chanchinbu hi tihchhuah a lo ni tawh thin a, hun engemawchen chawlhlailawk a nih hnu in chhunzawm leh a ni dawn a ni.


Monday, July 16, 2012

Sorkar hna ringawt a innghah tumlo mahni a eizawnna dang dap thinte hi an entawntlak a ni CEM in a ti

LADC a CEM Pu C.Ngunlianchunga chuan Thalai lehkhathiam tamtak an chhuak mek a, heng zing ah hian Sawrkar hna ringawt thawh tumlo, Sorkar behchhan lova mahni a eizawnna dang dap thin engemawzat an awm mek a, heng mite hi an entawntlak hle a ni a ti, heng thu te hi kar kalta a Lawngtlai Bazar a Pu C.Zothanpuia Building a Adalia Restaurant thar Pathian hnen a hlanna hun a hmanpuina ah sawiin CEM chuan lehkhathiam,

Ni 3 leh Zan 3 Pathian hnen a thuphachawi leh inhlantharna Bualpui ‘NG’ ah neih a ni.


July Ni 13, 2012 (Zirtawpni) atanga neih tan, Bualpui(Ng) Joint VC te buatsaih a Ni 3 leh zan 3 chhung, Khawt- lang huap awmnikham Tawngtai inkhawm, IKK Biak In a neih chu nizan khan zawhfel a ni.Joint VC Bualpui (Ng) ten, Khawtlang huap Pathian hnena Tawngtaina buatsaih a nihna chhan hi chhiatna rapthlak tak Thlipui in Bualpui (Ng) khawtlang a nuaibo tur thu, inlarna leh mumang atanga hriattir an nihavanga buatsaih an nih thu an sawiin a,

U-15 Football Nilaini atangin tan dawn



LDFA buatsaihin CYLA Playground ah tunkar Nilai atang hian Under-15 Football Tournament tan a ni dawn a, vawiin leh naktuk hian CYLA Playground ah Players Checking neih tur a ruahman niin, Tournament a khelhtum Players te chu Birth Certificate emaw, Nau hlanna emaw keng a kalturin LDFA chuan hriattirna a chhuah, Club a tam thei ang ber tel tur a beisei an nih thu kan dawng.

MCS Preliminary Exam ah Mi 249 an tling


Mizoram Public Service Commission- in ni 28 June, 2012 a Mizoram Civil Services (Combined Competitive) Preliminary Examinations a buatsaih result chu Dt.12.7.2012 tlai khan a tichhuak ta a, post 24 lak turah candidates appeared 2050 atangin mi 2040 in an exam zo a, exam tluantling zingah Main Examination hmachhawn turin 249 an tling. MCS (Combined Competitive) 2012 Preliminary Examination a Lawngtlai District atanga tling kan hriat theih te.


1. B.Malsawmtluangi d/o B.Sangkulha(L)

Lawngtlai-IV,

2. C Lalzalena s/o Zahmingthnaga College Veng,

3.Joseph Lalhmingthanga Chinzah s/o C.Lianzama Lawngtlai III,

4.Zirliantluanga Tinthe s/o Buanlala Tinthe

Lawngtlai-IV,

5.N.Lalzarzova s/o N.Kilsaia Bualpui 'Ng',

6.V.Vanlaldingliana s/o V.Vanthawng College Veng

Wednesday, July 11, 2012

Chhimhlei Dingdi lehkhabu BDO Pu Vala’n a tlangzarh

Nimin khan  Lai Student Association(LSA) Joint.Hqrs.Aizawl amite lehkhabu buatsaih Chhimhlei Dingdi tih chu a duh apiangte chhiar theih turin Pu T.Vanlalmalsawmsanga BDO.Lawngtlai chuan a tlangzarh.Tlangzarhna  inkhawm hi H.Vanlaltanpuia, President. LSA.Joint Hqrs.Aizawl chuan a kaihruai a,Pastor H.Lalsangliana LIKBK chuan hunserh hmangin VL.Zuithanga Editor,Chhimhlei Dingdi chuan Lehkhabu an buatsaih chhan leh Buatsaih ani dan ngaihnawm takin a sawi a,

Lairam Gospel Centenary lawmna tur a Committee peng hrang hrangte a huhoin an thukhawm


        Nimin khan  Lairam a Chanchintha a luh Kum 100 na lawmdan tur Rev.Dr.LH.Lalpekhlua Organising Secretary Lairam Gospel Centenary Celebration Committee kaihhruaiin neih ani. Lairam Gospel Centenary Nov. 24-27, 2012 a hman tur a  Committee hrang hrang 10 te  thutkhawmna ah hian Committee peng hrang hrang te chuan hma an lak tawh dan report an pe a, Centenary Zaipawl mi 1000 chuang in Centenary hla an rem dan tur leh he Centenary Building sakna atan Rs. 50.00 lacs chuang sen tawh anih dan te, Lairam chin a Centenary lung phunna tur hmun te sawifiah ani a, Centenary hun hi a ropui thei ang ber a hman anih theihnan a Committee hrang hrang te hmalak dan tur hrang hrang te sawi ani.Lairam Gospel Centenary hman hun ah hian Baptist World Alliance a Gen. Secretary pawh lo tel tur a beisei ani a, Rampawn leh Ramchhung a Zaipawl hrang hrang te lo tel tur a beisei anni bawk.

BRGF High Power Committee chu an Chairman Chief Secretary ho in an thukhawm.

Nimin khan District hnufual dawmkanna tur a Central Sorkar ruahmanna Backward Region Grant Fund (BRGF) a thuneitu sang  High Powered Committee chu an Chairman Chief Secretary hoin Aizawl ah an thukhawm. He Committee hian kum 2012-2013 chhunga BRGF sum hmanga Lawngtlai leh  Saiha District tana hmasawnna hnathawh tur ruahman te chu uluk leh fimkhur takin a ngaihtuah a,

Enkawli a Champion leh ta


    Lawngtlai Boxer chhuanawm tak  Lalenkawli chuan Golden Gloves Vojvodina International Competition for Youth Girls,Serbia a khelh zawh takah Light Fly Weight(48kgs) ah a Champion.Enkawli hi nikum a neih AIBA World Junior and Youth Girls   International Competition,Antalya    Turkey a neih ah khan a lo Champion tawh bawk ani.

Tuesday, July 10, 2012

MZP Federal Council ah Chakma Census ngaihtuah dawn

MZP Gen.Hqrs. chuan July 11 a Tlabung  a MZP Rorelna Sang   Federal Council Sitting neih tura thu ngaihtuah tur Agenda lutte an thlifim a, Federal Council Sitting ah ngaihtuah turin Chakma Foreigner Census neih ni rawh se.   Indo- Bangla border fencing avanga Sawrkar (CADC) in khawthar din a,resettlement a buatsaih a awmtur te hi Mizoram mi ngei an ni em? tih MZP  in enfiah rawh se.Tuna Mizoram dinhmun enin Zofa   ten  a tam thei ang ber Fa   kan neih theih   nan MZP in hma la rawh se.   SCERT in zirlaibu thar an buatsaih mek ah hian Mizo hnahthlak inpumkhatna      leh Mizo hnam ziarang pholang thei tur atam thei ang ber telh ni rawh se. tih te chu an thlang.

LDFA ten tanpui



    Lairam Motherless Home a enkawllai Naupang Sathi Tongchongya Chakma District Council a Kukurleia khua ami  chu  Pathianni khan LDFA te chuan tanpuina an hlan Sathi hi a Nu in a boralsan niin Nikum 2011  khan Motherless Home ah dah ni a,tunah hian thla 10 mi niin A Lung hi a pawp a,Calcutta ah zai tur ani a,Kg 12 a tlin hun an nghak mek.tunah hian kg 10 a ni tawh ni a sawi a ni a,kg 12 a tlin loh chuan Doctor ten an zai ngam lo niin thu lakna chuan a sawi a, LDFA te hian CEM Trophy khelh lai a Sathi Tongchongya pual hian a tanpui duhte tan bawm an dawh a, heta tling khawm Rs.5000/- chu he naupang enkawl nan hian an hlan ta a ni.

Chhiattawh chungchanga Lawmthu Sawina




        Kan Fapa Joseph T.Lalrinkunga (Lalpaw-a) boral chungchangah lawmthu sawitur tamtak kan nei a, mahse, lawmthu sawidan kan thiam lovin, min hmangaihtute leh chhiat kan tawh chungchanga min lainat a, min buaipuitute zawng zawng chungah tihtakmeuhin Chanchinbu kaltlangin Lawmthu kan rawn sawi a ni. Mimal tin hnen ah lawmthu sawisen a nih loh vangin in mi hriatthiamna kan ngen a che u.

Monday, July 9, 2012

KTP Meet-2012 zofel



    Lawngtlai Pastor Bial KTP Meet 2012 chu  Bazar Presbyterian Kohhran Biak In a neih chu nizan khan zawhfel a ni. Meet neih chhungin  Solfa Traning Upa Zothanmawia Khatla Aizawl leh Pu  Lalhmingliana  Leader KTP Dinthar Branch Aizawl ten an neihpui a,Inrinni khan  Thingkah ah Infiamna neiin      nileng in hun an hmang ang. Inrinni zan      atangin Inkhawm apiangin Speaker tur a ruat Upa C.Ngurthantluanga'n Pathian thuchah a sawi thin a, Meet a tel leh chhimtuten an hlawkpui viauin a hriat. Lawngtlai Pastor bial chhungah hian Kohhran pasarih awmin KTP Member  280 vel an awm mek.

D.C zin



     Sorkar tul pawimawh bawhzuiin DC, Pu Hmingte a chu Aizawl ah a la chammek a, naktuk a BRGF High Power Meeting neih tur ah DC hi a tel ang.

Traffic khauh zawkin



       Sorkar in thuneihna a pek hmang a Lawngtlai SP in Khawpui chhung a Lirthei dah na hmun leh dah phallohna hmun a siam te chu vawiin lam atang hian zawm a nih leh nih loh khauh zawkin enfiah a hmalak tan tum a ni.

CEM Trophy zo



     CEM Football Running Trophy chu Zirtawpni khan khelh zawh a ni a, Final ah Champion lai Rahsi Veng Lunglei ten Thingkah 1-0 a hnehin an Champion leh.

Dr.J.Doungel MZU ah insawndawn



    Gov’t Lawngtlai College-a Reader, Dr.Jangkhongam Doungel chuan a hna thar, Associate Professor, Department of Political Science, Mizoram University-ah a zawm thuai dawn a. Associate Professor post hnih ruak hnawhkhat tur hian ani leh Hyderabad lam mi chu lak an ni.  Dr.J.Doungel hi Evolution of District Council Autonomy in Mizoram tih lehkhabu ziaktu, District Council tana thawhhlawk tak a ni. Vawiin lam hian a hnathar zawm turin Aizawl a pan rin a ni.

P&E Deptt. in hriatpuilo



       Lawngtlai Vengpui Power Supply pekna Transformenr chhiat vanga Power an neih theih nan a MGNREGS inhlawhna pawisa cut sak tumna awm ni awma thuthang awm ah P&E Department SDO chuan an Department in engmah an hriatpui loh thu a sawi.

Thisen pe



     Salem TKP Unit Lawngtlai  te chuan Bial TKP Rorel bawhzui nan  July Ni 6 khan  amamawh a piangte hman atan thisen an pe, thisen petute hi mipa 11 leh hmeichhia 2, a vaiin Unit 13 an pe. Thisen hi District Hospital Lawngtlai Blood Bank Officer Dr.Lalrinfela leh a thawhpui ten an Kohhran  Hall ah kal chilh in an laksak.

H R I A T T I R N A







        Election Commission of India thuchhuak angin kum 2013 Electoral Roll siam hna chu tan a lo nih leh tak avangin, Lawngtlai District chhung a Vote nei zawng zawng ten mahni vote neihna Electoral Roll ah theuh mahni thlalak a chuan leh chuan loh enfiah a, roll a thlalak la chuang lo te chuan Dt.30th July 2012 hma ngei a Election Branch DC’s Office, Lawngtlai ah thla lak ngei ngei tur a ni ang. Huntiam chhung a thla la lo, roll a thlalak chuang bawk si lo te chu an hming electoral roll atanga paih / thaichhiat a nih pawhin an sawibuai thei lovang.


        Tin, EPIC Card ti bo siam nawn ngaite chuan mahni vote neihna Polling Station BLO hriatpuina lehkha kengin leh mahni Pianni, Pian thla, Pian kum te hria a, July 20, 2012 hma ngei a siam tir theih a ni ang.


        Tin EPIC Card diklo siamthat ngaite chuan EPIC Card hlui kengin mahni Pianni, Pian thla, Pian kum te hria a, July 20, 2012 hma ngei ngei a siamtir theih a ni ang.

        Hunbi tiam chhunga EPIC Card tibo leh siamthat ngai siam hmanlo te chuan Electoral Roll thar a chhuah leh hma loh chuan EPIC Card a siam theih hrih lovang.



                                                                          Sd/- Beila Khithie
                                                                            Election Officer
                                                              Lawngtlai District, Lawngtlai.
-------------------------------------------------------------------------------------------------------

Wednesday, July 4, 2012

Pu Hmunhre-an Chanchinbumite kawmin Sorkar hmalakna hrang hrang a hrilh

Pu Hmunhre LADC  a Planning & Development a  Vice Chairman chuan Tun hnaia Sawrkar mi pawimawhte kawm a Delhi an kal chungchangah Thuthar thehdarhtute nimkin chawhnu khan a Chamber ah a kawm a,Pu Hmunhre chuan tun tuma an zin chu hlim taka an lo haw thu leh beiseina sang tak an neih thu a sawi a,Direct Finance chungchanga Central mi pawimawhte an dawr naah thataka an lo dawn sawn thu a sawi. Ajay Kanoujia,Dy.Secretary. Ministry Of Home Affair an kawmna ah 6th Schedule hnuaia District Council te  Direct Finance chungchangah Planning Commission leh Finance Ministry ah lehkha kaltir mek anih thu sawiin, Planning Commission lamin Plan Fund reng reng Direct a pawisa pek a harsat loh thu Pu Ajay Kanoujia chuan a sawi niin Pu Hmunhre chuan Press mite hmaah a sawi a,

CEM Relief Fund pe


        Nimin khan Chawngte ‘P’ YLA Branch te chuan CEM Relief Fund atan Rs.3000/- an chhunglut.

Tuesday, July 3, 2012

LADC Sorkar buatsaih a Press Tour a kal ten Council ah Report an thehlut

June Ni 7 atanga Ni 18 chhung a LADC Sorkar buatsaih a Meghalaya State a Autonomous District Council  pahnih East Khasi Hills Autonomous District Council leh Jaintia Hills Autonomous District Council tlawh a zin Chanchinbumite chuan nimin chawhnu khan LADC  Chief Executive Member Pu C.Ngunlianchunga hnen ah Report an thehlut a, Chanchinbumite chuan LADC Sawrkar in District Council dangten an tihve theih loh leh tihnachang pawh an hriatloh, Press Tour Lawngtlai Chanchinbumite tan a a buatsaih chu lawmawm an tih thu an sawi a,

MZP ten Lalnutui M/S Headmaster bangturin an phut.

K.Lalhmahruaia President Lungrang South Students’ Union hnen atanga The Lawngtlai Post thudawnin a tarlan danin Lalnutui Middle School-a class   VIII Zirlai hmeichhe      naupang pakhat chu      he school-a Headmaster thawk         lai chuan 29.6.2012(Zirtawpni) khan a pawngsual a.     He hmeichhe naupang hi Headmaster bula    zingkar tuition class la a kal a ni. Zirtirtu hian a zirlai naupang chunga hetianga khawsa a naupang kumtlinglo a khawihchhia hi Lungrang ‘S’ Student’ Union chuan an hre thiam thei        lova, zirlaite chungah hetiang ang hi thleng tawh lo se an duh hle a, Headmaster  hi suspend mai lova a hna atanga bang turinan duh. Lalnutui khawtlang mipuite  pawhin Thawhtan zing khan an lungawilohna lantirin khaw chhungah kawng an zawh bawk a,an khaw Middle School Headmaster hi bang ngei turin an phut a, a phutawk hremna pe turin thunei tute an ngen    bawk a ni.

Tanpuina pe



    Tunhnai a Vartekkai Tuipui a chesual buaipuitute tanpuina atan Pu.F.Hranglura,Executive Member LADC  Lungtian  bialtu MDC chuan Rs.12000/- Lungtian-I YLA te hnenah ahlan a, Lungtian YLA te a chungah an lawm hle.Pu.F.Rohnuna LADC Chairman pawhin vanduaina tawk tuitla te buaipuitute hnenah Rs.12000/- a pe bawk tih thudawnna chuan a tarlang.

AMFU President Thailand ah

 AMFU Lawngtlai District a  President Pu N.Lalzova chu        tunthla chhung hian  Farmers’ Tour in Thailand ah a zinchhuak dawn

Free Clinic



    Mobile Medical Unit-Lawngtlai in Sangau leh a chhehvela ni thum chhung (Dt.21-23.6. 2012)-khan a thlawna  inentirna an buatsaih a, mipuiten an hlutin  inentir mi 600 chuang an awm.