Chhiattawh chungchanga Lawmthu Sawina




        Kan Fapa Joseph T.Lalrinkunga (Lalpaw-a) boral chungchangah lawmthu sawitur tamtak kan nei a, mahse, lawmthu sawidan kan thiam lovin, min hmangaihtute leh chhiat kan tawh chungchanga min lainat a, min buaipuitute zawng zawng chungah tihtakmeuhin Chanchinbu kaltlangin Lawmthu kan rawn sawi a ni. Mimal tin hnen ah lawmthu sawisen a nih loh vangin in mi hriatthiamna kan ngen a che u.


        Lawngtlai District Hospital ah a nat tirh atangin kan dah a, Dr.Zothanpari leh a thawhpui Nurse leh midangten theihtawp chhuah in min enkawl sak a, an chungah kan lawm tak meuh a ni. Tichuan, District Hospital atanga kan chhuah hnuin a khawsik a la reh theihloh vangin LCMC-ah kan lut leh a, LCMC a kan awmchhung pawhin thatlam kan pan theih chuan loh avangin Doctor ten Aizawl ah min reffered a, Aizawl pana kan kallaiin Tawipui North bul ah min peihloh san ta a ni.

        Tichuan kan Chanchin hria apiangten In lam lo buaipuiin leh mahni lirthei hmanga min lo hmuaktute zawng zawng chungah tih tak meuhvin lawmthu kan sawi e. Tin, YLA Electric Veng Branch, lawngtlai-III leh Serkawr MTP Branch ten a thih atanga kan vuiliam ni thlenga min buaipuina ah tihtak meuhvin lawmthu kan sawi e. Tin, CCIM Kohhran a a thawhpuite leh amah vui tur a Tuilian kar a lo kal Rev.B.Lalhnema Moderator, CCIM Kohhran chungah te tihtak meuhvin lawmthu kan sawi e.

        Tin, Saiha, Aizawl, Lunglei leh Serkawr atanga kan Fapa ruang lo thlah a, lo raltute zawng zawng chungah lawmthu kan sawi a, thilpek hlu tak tak, Pawisa, Puan, Pangpar leh thildangte min petu leh ei leh in min buatsaihsaktute chungah lawmthu kan sawi e. Tin, Lawngtlai a Mara Welfare in kawng tinrenga min buaipuina leh min duhsaknate avangin an chungah kan lawm tak meuh a ni. Tin, keini hian inthatna leh min hmangaihna hi engtiangmahin kan rul thei dawn lo che u a, Engkimtithei, Kan Pathian-in in za in Malsawmnain vur theuh che u rawh se, tih hi kan Tawngtawina a ni.

                                                      In Khawngaihna Dawngtute
 
                                                   Mr & Mrs. T.Beikhu leh An Fate
                                                       Electric Veng, Lawngtlai.
-------------------------------------------------------------------------------------------------------

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post