Thursday, July 26, 2012

Legal Metrology Department ten Lawngtlai ah hma an la mek

Lawngtlai khawpui chhung leh a chhehvel hmun thenkhat ah te Legal metrology Department chuan hmalakna an kalpui mek a, Departmet lam atanga thudawndanin, Lawngtlai khawpui chhung ah Sa zuar leh Lawngtlai bazar leh Lawngtlai-IV a Dawrkai te Bukna hman chu endik niin Department lam chuan an Seal vek a, heibak ah hian Kawlchaw thleng in Dawrkai te Bukna hi enfiah a ni tawh bawk. Legal Metrology lam hian Petrol leh Diesel, Mizofed Pump a lo thlengte chu hlanthlak a nih hmain an enfiah thin a,

Eirawngbawlna Gas pawh an enfiah thin bawk tih thudawnna chuan a sawi a, Retailer te pawh Bukna hmang vek turin an hriattir tawh bawk. Hetiang a Legal Metrology Department te lawngtlai a an awmtheihna chhan hi LADC a CEM Pu C.Ngunlianchunga’n Sorkar lam a ngen vang niin, Staff anm indaih loh pawhin LADC Sorkar chuan Staff a pektheih tur thu te, Office thlengin an ngaihtuahsak theih tur thu Mizoram Sorkar a a thlen vangin State Sorkar chuan Inspector L.D.Vabeihruasa a rawn dah a, amah puiturin LADC Sorkar chuan thawktu pahnih pein tunah hian DC Office Complex a District Consumers Forum Building ah an awm mek.

No comments:

Post a Comment