July Ni 13, 2012 (Zirtawpni) atanga neih tan, Bualpui(Ng) Joint VC te buatsaih a Ni 3 leh zan 3 chhung, Khawt- lang huap awmnikham Tawngtai inkhawm, IKK Biak In a neih chu nizan khan zawhfel a ni.Joint VC Bualpui (Ng) ten, Khawtlang huap Pathian hnena Tawngtaina buatsaih a nihna chhan hi chhiatna rapthlak tak Thlipui in Bualpui (Ng) khawtlang a nuaibo tur thu, inlarna leh mumang atanga hriattir an nihavanga buatsaih an nih thu an sawiin a,
Kohhrante’n an tih loh tur an tih vanga Pathian hming an tihchhiatna ah te , Pathian ram aia Kohhran Pawl ram thanlenna an ngaih pawimawh zawk avangte, leh Mahni hmasialna leh duhamna hleihluak tak avanga Pathian pawi an khawih avangin Pathian hnenah sualthupha chawi tawngtaina hun an hmang niin thulakna chuan a tarlang, Kum 100 chuang mei mit lova Pathian hruaina khawtlangin an chan avangin Pathian hnena lawmthu sawina hun an hmang bawk.He Tawngtai Inkhawmna hi, nitin leh zantin hun Thum(3) zelah ah thenin Kohhran hrang hrang pakua(9) Pastor te hnen atangin Sermon leh Thlamuanna thuchah ngaihthlak thin ania, Nizan khan Isua Krista Kohhran Assembly, Chairman Elect Upa C.Ngunkara’n kharna hun a hmang.