Friday, July 20, 2012

Ni hnih awhtur State Level Seminar D.C in a hawng


Ni hnih awhtur State Level Seminar on Role of Village Council and Self Help Group in Socio-Economics Development of Mizoram chu nimin khan Lawngtlai ah DC B.Lalhmingthanga'n a hawng He Seminar, SSA, BRC Hall, lawngtlai a neih hi Research Promotion Committee, Government Lawngtlai College leh World Vision, India, Chhimtuipui Area Development Programme te tangdun buatsaih niin, Khuallian Lawngtlai D.C, B.Lalhmingthanga chuan kawng hrang hrang a intodelh a, hmasawn tur in Village Council ten mawhphurhna an nei lian in, mipui lam pawhin tihtakzet a VC te ruahmanna an zawmthiam a tul a, hetiang tho hian Self Help Group te pawh in mahni ke a dingchhuak tur chuan taima takin rinawmna nen hna an thawh a pawimawh a ni a ti.
Seminar hawn na inkhawm, Dr. C.Ramhnehzauva kaihhruai ah hian World Vision,India Programme Manager (Pu) Maren Nampui pawhin thusawiin, World Vision chuan miharsa zawkte khaichhuak a, eizawnna nghialnghet an neih theih nan a hmalak chu a hnapui ber a nih thu a sawi a, DRDA nen tangkawpin Self Help Group thahnem tak an enkawl mek thu a sawi bawk. Seminar neih chhungin Mizoram chhunga College hrang hrang ( Gov't Lawngtlai College, Kamalanagar College, Gov't JB College, Gov't Lunglei College, Gov't Saitual College, Gov't J.Thankima College, Gov't Saiha College leh Mizoram University a thawk mithiam ten zirtirna pe in, Role of Village Council and Self Help Group in Socio-Economics Development of Mizoram tih thupui hmangin Paper an Present thin dawn a ni.

No comments:

Post a Comment