Friday, July 20, 2012

S.Lungpher a High School saklai

Gov’t Ramthar High School, S.Lungpher, School Building chu hun tiam chhunga sak zawh a nih loh avangin zirlai naupangte'n harsatna an tawk mek a, He School Building sak mek hi YLA hruaitute'n a hmunah an enfiah.RMSA Sum, Cheng Nuai 32 leh Singnga - senga sak tura ruahman, Govt. Ramthar High School, S. Lungpher chu Kum 2010 a sak tan niin, Kum 2011 June thla chhunga sak zawh hman tura ruahman anih laiin, vawiin ni thlenga School Building sak zawh a nih loh avangin
Naupangte'n harsatna an tawk mek a ni. Hun rei tak chhung chu he school a, Zirlai naupangte hi Primary School - ah Zing kar ah class kalpui thin a ni a, Tun hnai khan School Main Building- thiah zawh loh ah in sawn chho leh in, tunah hian class kalna tur mumal nei lovin naupangte an awm mek a ni. S.Lungpher YLA hruaitute'n he School Building sak mek hi a hmuna an tlawh lai hian hnathawktu hmuh tur an awm lova, YLA hruaitute chuan he School Building hi 62% vel chauh hna kalpui anih thu sawiin, School Buliding sakna tur atana sum sen ngaizat atangin, Rs 17,83601/- chu hmanral anih tawh thu an sawi bawk. Zirlaite'n harsatna lian zawk an tawh loh nan thuneitu lamin an harsatna ngaihtuahpui thuai se tih an duhthu an sawi bawk tih thulakna chuan a tarlang.

No comments:

Post a Comment