Sorkar hna ringawt a innghah tumlo mahni a eizawnna dang dap thinte hi an entawntlak a ni CEM in a ti

LADC a CEM Pu C.Ngunlianchunga chuan Thalai lehkhathiam tamtak an chhuak mek a, heng zing ah hian Sawrkar hna ringawt thawh tumlo, Sorkar behchhan lova mahni a eizawnna dang dap thin engemawzat an awm mek a, heng mite hi an entawntlak hle a ni a ti, heng thu te hi kar kalta a Lawngtlai Bazar a Pu C.Zothanpuia Building a Adalia Restaurant thar Pathian hnen a hlanna hun a hmanpuina ah sawiin CEM chuan lehkhathiam,
sorkar hna an thawh loh chuan hmanna dang awm lo tamtak an awm mek a, Zirna chu kawng tinreng a mihringte dawmkangtu a nih angin Sorkar hna ringawt thawh tum lova, lehkhathiamte chuan an thiamna chu hmang tangkai a, eizawnna dang an dap thiam a tul viau tawh a, hetiang mi te hi midang tan an entawn tlak in, mahni ke a din tum tlat mite hi a tawp ah chuan an hlawhtling nge nge thin a ni CEM chuan a ti. Adalia Restaurant hi Pu C.Ngunlianchunga chuan Ribbon chep chat in a hawng a, Rev.Lalhmingsanga’n Pathian hnen ah a hlan a, he hun ah hian sawmbik tlemte awmin, sawmbik te an tel tha hle a ni.

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post