Friday, August 31, 2012

MGNREGA Staff te tan Ni hnih awh Training neih a ni.

A tumkhatna atan nimin khan ni hnih awhtur Lawngtlai District chhunga RD Block pali a MGNREGA hnuai a thawktute tan Lawngtlai ah Training neih a ni.Training hi BNRGSK Hall ah DRDA Project Director Thangchem Zathang kaihhruaina hnuai ah a hawnna hun hman niin, he hun a khuallian Lawngtlai District MGNREGA Programme Co-Ordinator, Lawngtlai DC B.Lalhmingthanga chuan MGNREGA chu a kalpuidan a fuh loh chuan mahni chipuite inbumna a hruailuhna awlsam tak a ni a ti a, VC leh MGNREGA Staff te inkar ah inremsiamna thalo awmthei lak ah thawktute an fimkhur a tul thu te, rinawmna leh dikna nen Staff te chuan an mawhphurhna an hlen a pawimawh thute sawiin, MGNREGA an kalpui dan ah Dan piahlam a harsatna an tawk a nih chuan englai pawhin an mahni tanpui turin an inpeihreng thu a sawi. Training ah hian Lawngtlai District chhunga RD Block pali, Lawngtlai, Sangau, Chawngte leh Bungtlang South RD Block hnuai a MGNREGA Staff te an tel a, mithiam ten MGNREGA kalpui dan a Staff ten hna an thawhdan tur ah zirtirna pein intuaitharna hun hlawk takin an hmang.

Search & Rescue Team ten Training an nei.

Lawngtlai khawpui chhunga chhiatrupna thlen awlsamna tur a ngaih Veng pali a Chanchhuahna hna thawktur a din Team te tan nimin khan Training buatsaih a ni.He Training hi Lawngtlai District Disaster management Authority buatsaih niin, a hawnna inkhawm DC Conference Hall ah neih chu H.Lalrammuana SDC in kaihruaiin, Training hawngtu Pu B.Lalhmingthanga, District Disaster Management Authority a Chairman chuan, chhiatna thlen duhna tur hmun a ngaih Lawngtlai tan, chhiatrupna a lo thlen palh a chetlak dan tur zirna neihtheih a ni chu lawmawm a tih thu sawiin, chhiatna a lo thlenin sorkar atangin pawisa engzat nge tanpuina awmthei tih chuan ngaihven a hlawh chho mek a, hetiang zawng a tanpuina pek chhuah ringawt hi sorkar in a tum a nilo a,

Office sawn

Lawngtlai Dist. Merchants Association chuan Bazar Veng, Lunglei Road a Pu C.Lalhmunsiama Building ah an Offioce sawnin nimin khan Office thar hi an luah tan.

Thursday, August 30, 2012

V.C Association Gen. Conference neih a ni. VC thar sorkarin siambelh a tum

Lawngtlai District V.C Association General Conference vawi-4 na nimin khan Lawngtlai ah hman a ni General Conference hi YLA Hall, Lawngtlai-III ah an pawl President C.Zothanpuia kaihhruaina hnuai ah hman niin, he hun a khuallian T.Lalbiakmuana LADC a Executive member, LAD enkawltu chuan VC te chuan khawtlang inrelbawlna ah mawhphurhna liantak an nei a, LADC sorkar chuan VC tam zawk siambelh a tum mek a ni a ti a, VC te chu Sawrkar in Agency atan a hman nasat vangin, mipuite hmasawnna chu an kut ah a innghat lian hle a ni a ti a. Vc Association General Conference ah hian Resolution pathum passed in chung zingah chuan VC member te lawmman hi Mizoram Sorkar leh District Council hian awmze nei zawkin min siamsak ve thuai rawh se tih te, Kolodyne Hydel Project MW 460 pechhuak theitur a ruahman hi Mizoram Sorkar hian chak zawkin hmala rawh se tih te a tel.Gen. Conference ah hian an member boral mi pakua sunna hun an hmang a, chawhnu lam ah hruaitu thlan tharna neiin President atan Lawngtlai Bazar Veng VCP nilai C.Sangchhunga an thlang. tun dinhmun ah Lawngtlai District Village Council Association huamchhung ah VC 86 an awm mek.

Pu A.Vandailova Ex-MDC a boral

Pu A.Vandailova LADC a MDC lo ni tawh chu Lawngtlaia a thlenin ah thi a hmuh ani.Pu A.Vandailova Kum 50.Tuichawngtlang khua chu Niminpiah khan Lawngtlaiah zinin,Pu N.Zangura MDC te in,Lawngtlai Chanmary Kanan Veng ah a thleng a,zan lam ah hlim taka in kawmin,Dam tha takin hun an hmang a, dar 12 vel ah a zung tur thawm pawh a thlenna te hian an hria a nimin zing Dar 8 velah Chawei tura an kaihthawh chuan Tho tur awm lovin,a lo boral der tawh a niin thudawnna chuan a sawi a,

Zirna In 2 kang

Nizan hmasa zanlai vel khan Kamalanagar College leh a bul a Private School,Vijoy Giri Academy te chu bungrua chhuh hman loh in a kang, kangmei in a tihchhiat hlut zawng hi Vaibelchhia 4.5 vel ni a chhut a ni a, kangmei chhuahchhan hi electric kalsual vang a nih rin a ni. Kamalanagar College hi kum 1992 din niin zairlai 270 an nei a, Vijoy Giri Academy ah hian zirlai 425 an nei mek bawk.

Dist. Sport Commtt. inthlang

Nimin chawhnu khan MJA te kaihhruaina hnuai ah Lawngtlai District Sport Committee chuan DC Conference Hall ah hruaitu thar an thlang. He Committee a Chairman atan sorkar chuan DC a ruatsa a, Vice Chairman ah Pu C.Hrangthianga, Secretary ah Pu C.Hmangaihkima, Asst. Secretary ah Pu. Alex Lalzawmpui, Treasurer ah Pu S.Vanlalkulha te an thlang a, Sport Decipline hrang hrang atangin Executive Committee Member tur pakhat theuh an inruat fel nghal.

Wednesday, August 29, 2012

Malaria leh Nutrition Training buatsaih

World Vision leh Health Department tangkawp ten nimin khan World Vision Development Volunteer te pualin Lawngtlai ah Malaria leh Nutrition Training an buatsaih. World Vision Office Lawngtlai a nimin a Training ah hian World Vision India, Chhimtuipui Area Development Programme leh Health and Family Welfare ten thawh dunna an neih hnuai a hnathawktu Khua 32 atangin Volunteer te telin Health Department lam atangin Dr.Zochhuanawmi District Malaria Officer, District Hospital Lawngtlai a miin Training a telte chu zirtirna pe in, Volunteer ten hriatthiam loh an neih leh rawtna an neih te sawifiah

LADS ten Ganja an suat

Central YLA hnuai a ruihhlo do pawl Lairam Anti Drugs Squad te chuan vawiin khan Thingkah ram ah Ganja chin an suat, Lairam Anti Drugs Squad te hian an thudawn bawhzui in, nimin khan Thingkah ram, Thingfal lam hnaih a lo a Ganja chin chu an suat a, Ganja hi chul ah leh ringthar ah chin niin, hmun hnih a mi hi LADS te chuan an suat a, an hruaitute chuan heng ganja hmun neitu hi Thingkah khua Lalhualhima S/O Bahadur niin an sawi a,

MLA thlan hmain GLWSS

Aizawl a chammek LSA Gen.Hqrs. Lawngtlai a General Secretary chuan PHE Minister Pu S.Hiato an hmuh thu sawiin Greater Lawngtlai Water Supply Scheme hmalakna kalmek ah, chakzawk a hmala tur a an ngen thu a sawi a, Minister chuan nakum a MLA inthlanna neih hma ngeiin Lawngtlai ah Tui pump chhuah hman an tum tih LSA hruaitute a lo hrilh niin a sawi.

Inthlang dawn

Vawiin chawhnu hian Lawngtlai District Sport Committee chuan hruaitu thlan tharna, DC Conference Hall ah, MJA te kaihhruaina hnuai ah an nei dawn. District Sport Committee ah hian Sorkar chuan Chairman atan DC a ruatsa thin a, hruaitu dangte chu vawiin hian an thlang chhuak ang.

PYKKA Sport

Sorkar in thingtlang a cheng te infiamna lam ahmasawnna an neih theih nan a ruahmanna a kalpui angin Lawngtlai RD Block PYKKA Sport chu September 11-15 chhung khian neih a ni dawn.

YLA Day Ni 22 ah

Central YLA chuan kumin TLA Day September 23 chu Pathianni a nih vangin September Ni 22 Inrinni ah Day hi hman nise an ti.

LSA Gen.Hqrs:Lawngtlai PRESS RELEASE

Dt.23/8/2012-a SSA Staff Welfare Association(SSASWA) Lawngtlai ten Press Released an tihchhuah chungchang ah Mizoram mipuite hriat ah hemi chungchang hi Lai Students'Association, General Headquarters;Lawngtlai chuan sawifiah tur leh thil hriatsual palh a awm a a hriat avangin hetiang hian Press Release a ti chhuak a ni.

Lai Students'Association General Headquarters;Lawngtlai in SSA Mission Lawngtlai District hnuaia thawktute Document felhlel awm a ahriat avangin RTI Act hmangin DPC SSA Mission Lawngtlai District hnenah Document dil chhuak in a enfiah a.Dt.23/8/2012-a SSA Staff Welfare Association Lawngtlai ten Press Release siam a tihluihna leh vauna rawngkai ang hial a LSA Office-a Document thehlut tura min han puh hi pawi kan ti a, hetiang hi thil awmdan a ni:-

Lai Students'Association General Headquarters;Lawngtlai hian SSA hnathawkte tumah tihluihna in LSA Office Document thehlut turin kan ti lova kan vau hek lo, State Project Director Mizoram hian LSA Office ah SSA Lawngtlai District hnuaia hnathawk te Document thehlut turin phalna min pe lova amaherawhchu SSA hnuaia hnathawkte Document enfiah anih hnu a, kan hmuhchhuah diklo te an hnena thehlut turin min hriattir a ni.Tin, Vanglaini-a SSA hnathawkte Document kan office a thehlut tura lo lang kha thu hriatsual palh anih kan ring a, hemi avang hian anmahni pawh siamtha turin kan ngen tawh a ni.

Tuesday, August 28, 2012

Hnamdang hnen a Sub-Contract a pek CYLA in tha an tilo,

Central YLA chuan thuchhuah siamin, Contractor tam tak ten an hna thawhtur, Sub-Contact in Hnamdang hnen ah an pe thin tih tarlangin, heihian hnathalo a siam nasa in, hnamdang Mistiri te hian alang a mawi bak an In sak ah an ngaihtuahlo tih an an thuchhuah ah chuan tarlangin, hetiang a nih vang hian, a hlawkna ringawt um vanga ram hmasawnna tura hna thawhte Sub-Contac a hnamdang kuta, viltu pawh awm lova dah a ni ta fo mai chu Central YLA chuan pawi a tiin, hetiang ang hi ching tawh lo turin Contactor te an ngen a, Tlawmngaipawl zawng zawng te chu an theihna zawn theuh ah hmala turin an sawmin, sorkar phalloh a nih vangin tim hauh lova do turin an chah bawk.

Helicopter a Service tan

Nimin chawhnu dar 1:30 khan Mizoram a Helicopter Service Pawan Hans Helicopter chuan a vawikhat nan Lawngtlai atangin khualzin a phur tan a, Nimin a Lawngtlai a Helicopter Service tanna ah hian Lawngtlai atangin Khualzin pahnih, Aizawl pan tur an chuang. Helicopter hi khualzin paruk tumkhat a phur thei tur a niin, Lawngtlai leh Saiha tan seat thum(3) ve ve ruahman niin, September thla atang khian karkhat ah tum thum a service thin dawn a ni.

LSA ten Minister hmu

Nimin khan LSA Gen.Hqrs President leh General Secretary te chuan Pu Zodintluanga Minister i/c UD & PA, Sport & Youth Services Department etc Gov't of Mizoram chu a Office ah an hmu a, Pawl mamawh an thlen a ni.Hemi hnu hian Director Sport & Youth Services Department a Office ah an hmu leh in.Chawhnu lam ah LSA Jt.Hqrs;Aizawl hruaitute nen Lai House ah an inkawmho bawk.

Khawnglunrun entheih

Leitlang Pictures kutchhuak Khawnglungrun Flim chu manchawiin a duh apiang tan Lawngtlai Bazar a Pu C.Haikunga Building, Mizoram Rural Bank hlui ah entheih niin, chhun dar 12, chawhnu dar 3 leh zan dar 7 ah te tihchhuah thin a ni.

VC Conference

Naktuk hian VC Association chuan General Conference, YLA Hall ah an hmang dawn a, hruaitu thar an thlan bak ah, pawl inrelbawlna pawimawh te an sawiho anga, tlai lam ah zanriah an kilho nghal ang.

Training dawn

Vawiin hian World Vision leh Health Department tangkawp buatsaihin World Vision Development Volunteer te pualin Nutrition leh Malaria Training World Vision Office ah neih a ni dawn.

Monday, August 27, 2012

LADS ten ruihhlo Cheng Nuai 25 chuang hu an man tawh

Inrinni khan CYLA hnuai a Ruihhlo Do tur a din Lairam Anti Drugs Squad ten ruihhlo an mankhawm te, CYLA Office bul ah halral a ni ,Ruihhlo halral hun hman hma a Central YLA Office a inkhawm tawi buatsaih, Pu V.Thangzova YLA Kumpuan Chairman kaihhruiai a neih ah he hun hmanpuitu LADC a Executive member Pu V.Zirsanga Central YLA President lo ni tawh chuan ruihhlo do kawng a YLA hmalakina chu chhuanawm a tih thu sawiin, laifate hnam anga dinchhuahna tur a thil pawimawh tak chu thalaiten ruihhlo an hnualsuata, an bansan a, harhfima hmalam hun uluk taka an duanlawk a tul a ni a ti. Central YLA President Pu L.Z.Tluanga pawhin thusawiin,

LSA te ngenna hlawhtling hnai

LSA General Headquarters;Lawngtlai chuan thuchhuah siamin Kum 2003 atanga Gov't Region Higher Secondary School,Lawngtlai-a Geography leh Sociology subject Post Create loh ni reng chu LSA ten Post Create sak tura an ngenna Sawrkar in a tihhlawhtlin sak dawn ni in an tarlang a,LSA te an lawm hle a,Sawrkar chungah Lawmthu an sawi . He Post create anih theih nan hian Bialtu MLA Pu H.Zothangliana Parliamentary Secretary i/c PHE etc. chuan chak takin a bawhzui a a chungah pawh LSA hruaitute an lawm hle a,

Tawngtai Khawmpui

LIKBK Vengpui Pastor bial chuan nimin Pathiani hmang khan Council Veng ah Tawngtai khawmpui an hmang a, Khawmpui hmangtute an hlim viau niin thudawn a ni.

Naupang Khawmpui

LIKBK Pastor bial thenkhat a Naupang pawl chuan nimin pathianni hmang khan Naupang Khawmpui neiin Pathian Thu leh Hla hmangin naupang ten intihsiakna an nei.

World Vision buatsaihin LSTD Programme hman a ni.

Zirtawpni khan Chawnhu ah World Vision India Chhimtuipui ADP buatsaihin LSTD programme an hmang.Life School For Transformational Development(LSTD) Proggramme hi kum tin World Vision hian India rama World Vision Project awmna hmun 130 ah an neih pui thin a.Chhimtuipui Area a khaw 6 ah tun hnai khan he proggramme hi hman ani tawh ani.World Vision Chhimtupui Area ah hian Khaw 30 atangin Sponsored Naupang 2500 an nei mek a,heng zinga 2000 chu LSTD Prog hi an neihpui tawh a,an la tihlohna khuaah te la hman tura hmachhawp mek ani bawk.

LADS ten Ruihhlo an man zat

Kumin May atanga LADS ten ruihhlo chi hrang hrang an man tawh zat:



IMFL(Asenchi) Um 1658

Tualsiam zu

1100
Litres

Parvon Spas

2874 Capsules

Zawlaidi Um 40

Ganja 2 1/2 Kgs

Beer Um 20

Dendrite Bur 30

Tiranga Kg. 1

Khuh Damdawi bur 20

Opium fun 3

Alprozalam 8 Strips

Proxyvon 280 Capsules



Heng bak ah hian ruihhlo siamna hmanrua thahnem tak LADS ten an man tawh bawk ani.

LADS tanpui nan Rs.4000/- lut tawh

Ruihhlo do na a hma chaktaka la mektu LADS te tanpui nan a mi tlawmngaite sum thawhkhawm chu avaiin Rs.4000/- a tling tawh.Thilpek petu chung ah LADS ten lawmthu an sawi nawn leh.

Wednesday, August 22, 2012

Thingzailui ah Pu Palinga ruang chhar a ni

Pu HC.Ramlinga ( Paling-a) Pu HC. Althanga (L) Fapa Kum 43 mi chu August Ni 16.2012  atang khan a awmna chin hriat ani lo a, chhungkhat te chuan a bo atang hian an lo zawng tawh a,a awmna veng Lawngtlai -III khawtlang pawhin zawn chhun zawmin,theih ang angin Lawngtlai leh a chheh vel khua ah te information pek darh ani a,Nizan August Ni 21 Tlai Dar 5:30 vel khan Lawngtlai khawdai mai a awm Thingzai lui ah Lalzuia,Lawngtlai Vengpui ami  Chakai meichher chhit tur a kal chuan Pu Paling-a ruang hi a hmu ta ani.

Science Exhibition-Inspire Award 2012 neih mek a ni

Lawngtlai leh Saiha District tan ni hnih awh tur District Level Science Exhibition-Inspire Award 2012 chu nimin khan Lawngtlai a Goverment Region Higher Secondary School ah neih tan a ni He Science Exhibition hi Ministry of Science & Technology, SCERT leh District Education Office tangkawpte buatsaih niin, LADC a Chief Executive Member Pu C.Ngunlianchunga'n hawngin, Lawngtlai District ah Higher Secondary School ah Science zirna chu sawrkar lam chuan theihtawp chhuah in a nawr mek a, hetihrual hian Lairam Isua Krista Baptist Kohhran Assembly chuan Science Zirna tur Higher Secondary School din tumin hma a la mek bawk a ni a ti a,

LSA ten Prime Minister hnen ah ngenna an siam

LSA Gen. Hqrs. Lawngtlai hruaitute chuan nimin khan ramchhung hmun thenkhat a Hmarchhak mite chung a hleilenna thleng thei laka hmala turin Prime Minister hnen ah ngenna an siam.Prime Minister hnen a, hmala tur a an ngenna lehkha hi Lawngtlai DC Pu Hmingtea kut a hlanin, DC chuan lo thawn chhawng dawn a ni.

Sadbhavana Day hmang

Nimin khan India Prime Minister Rajiv Gandhi Pianchamah Kum danga tih thin ang in,Lawngtlai DC leh Staff te chuan SADBHAVANA DAY puala intiam tharna hun an hmang.He hun hi Lawngtlai DC Pu B.Lalhmingthanga chuan kaihruaiin, kumtinin Prime Minister Rajiv Gandhi Piancham ah he Pledge taking hi neih thin ani a,India ram mi zawng zawngte hi Indian kan ni angin, India khua leh Tui tan a lungrual taka thawkho turin leh,rinawmna, taimakna te a thar a nei leh turin kan in tiam a, North East miten South India lamah harsatna an tawk mek a,thuthang diklo lak a fimkhur turin a chah bawk.

Refregerator pe

Nimin khan Pu LZ Tluanga chuan Lawngtlai Press Club a dah turin Refregerator (Fridge)a pe a, MJA Lawngtlai District te an lawm hle.

Computer pe

Nimin khan Lawngtlai DC Pu Hmingtea chuan LSA hruaitute hnen ah Computer Set a pe a, LSA te an lawm hle.

Friday, August 17, 2012

Lawngtlai leh Chawngte ah Helicopter Test Landing hlawhtling taka neih a ni.

Khawawmdan in a zirloh vanga Test Landing neih theih loh a nih hnu ah Mizoram a Helicopter Service tur Pawan Hans Helicopter chu nimin chawhma dar 11:42 khan Lawngtlai Helipad ah hlawhtling tak in a tum chhin a, Helicopter ah hian Saidenga Deputy Controller Civil Aviation Wing chu rawn chuangin Lawngtlai DC aiawhin H.Lalrammuana ADC in lo dawngsawngin Police leh Fire Service lam te pawh an awm bawk.

Lai DYCC ten Gen.Hqrs.Hruaitute nen Meeting an nei

Nimin khan Lai Dist Youth Congress Committee leh Gen.Hqrs.Aizawl hruaituten Meeting, LaiDCC Office ah an nei a,He Meeting hi Pu R.Lalsangzuala,President LaiDYCC in a kaihruai a,MPYCC Hqrs lam atang hian President C.Lalawmpuii leh John Halliday. Gen.Secretary Lai District bialtu te leh hruaitu dangten thu sawina hun an hmang a,Tunlai Khawvel changkang chho zelah hmasawnna in a ken tel Internet hmang tangkai turin leh Party chakna tura kan Sawrkar hnathawhte a tam thei ang ber pho chhuah thin hi kan mawhphurhna ani tih i hre thar ang u John Halliday chuan a ti a,

Khawfai lawmman, Lawm

Nimin khan Chawntlangpui khua chuan India ram a khawfai thlan chhuah zing ah tel a, lawmman an dawn lawmna hun awmnikham in an buatsaih a, he hun hi Lawngtlai DC Pu Hmingtea’n a hmanpui. Nirmal Gram Puraskar khawfai lawmman dawngtur hian kumtin in endik tur a ruat ten India ram thingtlang khua hrang hrang te an fangkual thin a, Lawngtlai District chhung a hetiang khawfai lawmman dawngthei a an awmvangin Chawntlangpui mipuite an lawm hle a, lawmna hun hi ruai nen an buatsaih.

CEM zinchhuak

LADC a CEM Pu C. Ngunlianchunga chuan Lai District khawthlang lam a fang mek a, nizan khan Mualbu leh Chikhurlui ah Congress Party zawmthar a lawmlut a, zanin hian Vaseikai ah vantlang inkhawm buatsaih ah mithar engemawzat a lawmlut bawk ang.CEM hi Executive Member pathum bak ah LaiDCC President Pu V.Lungmuana ten an tawiawm.

Maxi Cab Counter chhak min

Lawngtlai Chandmary veng a Escoda Maxicab Counter chhak chu Aug.15 tlai khan a min a, Counter hi a delhchhe nual a, thi leh hliam erawh an awm lo,leimin hma hian lei tlem a lo tlak hmasak vangin Counter chhunga awmte hi an tlanchhuak hman niin sawi ani a,bungrua delh chhiat erawh a nei nual ni a sawi a ni.

Thursday, August 16, 2012

FCS&CA Minister ho in Lawngtlai ah I-Day hman a ni

India in Zalenna Ni a neih champha vawi 65 chu CYLA Playground ah FCS&CA Minister Pu H.Rohluna ho in lawm a ni a, Minister hian hnam puanzar pawt pharhin, Parade Contingent ten Hnam Puanzar chibai an buk a chhanglet a,Kuminah hian Lawngtlai a I-Day hman tawh ah Parade an tam ber tum niin,Contingent 25 an awm.Minister chuan Independence Day lawmna a kal zawng zawngte chibai a buk a,sorkar hlalakna pawimawh tak NLUP chu tha taka kalpui zel niin,Sawrkar laipui hnuaia Planning Commission chuan hemi atan hian pawisa min pe zel a,kum 2012-2013 atan Cheng Vaibelchhe 370 min ruahman sak tawh ani ati.Tunah hian Chhungkaw 45,139 in 1st phase ah tanpuina an dawn thu leh 2nd phase ah chhungkaw 45,000 tan reilo te ah tanpuina sem tum anih thu sawiin,tun Financial year tawpah chuan a vaiin chhungkaw Nuaikhat Singhnih pek hman an nih tur thu a sawi.

Lawmman leh Chawimawina hlan

Nimin a CYLA Playground ah I-Day lawmna ah Khuallian Minister Pu H.Rohluna chuan Parade Contingent a tithatePakhatna chu Don Bosco Boys Scout Pahnihna GRHSS Boys Pathumna chu Jehova Jire Girls te, I-Day Football leh Badminton a tithate hne ah lawmman a sem bak ah Boxer Lalenkawli Chu Chawimawina thuziak a hlan bawk. Minister hian District Jail.Hnuchham in leh Hospital ah te Day pualin thilpek a hlan bawk.

Lawi Kawlh vangin I-Day hmangtute buai deuh.

Nimin a India Independence Day Lawngtlaia hman anih laiin Field thlang lam atanga lo chhuak Lawi kawlh chu Field chhungah tlan lutin, Field Sir lama awm School Naupang pakhat a Pir kang lawp a,amah Umzuitu Police Duty Pakhat chu Um let in,Police leia tlu chu a Lu in a zuk tauh bawk a,He Lawi sual hi Field sir lamah kalin,Field sira Motor(Alto dum) chu a tai rang nasa hle a,

Thisen Unit 25 pe

Lawngtlai Pastor Bial KTP te chuan nimin khan a mamawh apiangte hman atan thisen Unit 25 an pe,Thisen pe tute hi Mipa-17 leh Hmeichhia-8,an ni Thisen hi District Hospital Blood Bank ah pe,Lawngtlai Pastor Bial ah hian KTP member hi 274 an awm mek ani.

Pu H.Zothangliana ho in Sangau ah I-Day

Nimin khan Lawngtlai East Bialtu MLA, Parliamentary Secretary Pu H.Zothangliana ho in Sangau ah Independence Day lawmna ropui taka neih niin, Parliamentary Secretary hian Hnam Puanzar pawtpharh in Parade Contingent ten Hnam Puanzar Chibai an buk a chhanglet a, thusawiin Mizoram Sorkar in ram mipui tan a hmalakna hrang hrang chak taka a kalpui mek thu sawiin, khua leh tui tha niturin sorkar hmalakna tawiawm thiam a tul a ni a ti a, India ram in zalenna a neih theih nan a sulsutute chu Ram hian a zahin a chawimawi a ni a ti.

Bungtlang South ah BDO ho in I-Day hmang

India in zalenna a neih champha vawi 65 na chu Bungtlang South ah Marelyn Rualzakhumthangi BDO ho in hman a ni a, DBO hian Hnam puanzar pawtpharhin Parade Contingent ten Hnam Puanzar Chibai an buk a chhanglet a, Sorkar in mipui tana a hmasawnna hna a thawh hrang hrang te a sawi bak ah Zalenna neihtheih nan a beitu, Hnam Pasaltha te zahna chibai, ram mipui ten an buk in, an mahni vangin India ram chuan tun hun hi a thleng thei a ni a ti.

LSA ten Jt.Director Education an kawm, UGS sum hmanna enfiah mek

LSA General Headquarters;Lawngtlai hruaitute chuan ni 14/8/2012 hian Pu B.Lalchhuanliana Jt.Director of School Education Gov't of Mizoram chu Lawngtlai Tourist Lodge ah an hmu a, Gov't Region Higher Secondary School Lawngtlai a Science Stream hawn anih theihna turin an sawipui, Gov't Region Higher Secondary School,Lawngtlai-a Sociology leh Geography Zirtirtu hun rei tak Post create loh chungchang an sawipui bawk.Sociology leh Geography Post hi August 2012 chhung ngei a Sawrkar in a siam lo anih chuan LSA ten an thiam ang ang in hma kan lak zui an tum thu an hrilh,

MLA ho in Chawngte ah I-Day hmang

Chawngte ah chuan Pu Nirupam Chakma MLA ho in Independence Day lawma hun hman niin MLA hian Hnam Puanzar pawtpharh in Parade Contingent te a endik a, Parade Contingent ten Hnam Puanzar Chibai an buk chhangletin, Mizoram sorkar in hnam hnufual zawkte a ngaihsak nasatzia sawiin, NLUP chu Chawngte Area a chengte tan dinchhuahpui na tlak a hmangturin a NLUP dawngtute a chah.

Report thehlut

Laica Zirna in hmaa sawn theihna tura LSA ten Study Group an din chuan Niminpiah khan LSA Gen.Hqrs;Lawngtlai ah an Thilhmuh te an thehlut .Study Group report hi Meeting ah ngaihtuah ani ang a,siamthat ngai awm chuan siamthat ani ang.Hemi hnu hian LADC ah thehluh tur ani

Lai DYCC

Vawiin chawhnu dar 2 hian Lai DCC Office, Lawngtlai Bazar ah Lai District Youth Congress Committee Hqrs. Lawngtlai te chuan Meeting an nei dawn a, zanriah kilho nghal an tum.

Tuesday, August 14, 2012

Sun control hlip tur a tih chuan Lawngtlai ah zawm a hlawh tha

Supreme Court in thupek a lo chhuah tawh, Lirthei a darthlalang bel dumna Suncontrol chu ram pum ah lirthei neitu, sun control, an lirthei a belte chuan hlip vek tur a order a lo chhuah tawh chu Lawngtlai ah chuan Supreme Court Order hian zawm a hlawh tha viau in a hriat a, Deputy Commissioner Motor a suncontrol bel chu August Ni 9 khan hlih thlak vek a ni a, LADC a Chief Executive Member Flag Car a Suncontrol bel pawh August Ni 2 khan hlih thlak ni tawh in,

MIZO NATIONAL YOUTH FRONT PRESS RELEASE



Bomb hmanga Politics khelh hi MNF Thalai chuan kan dem tak zet ani.

Vawin ni 13. 8. 2012 (Thawhtan ni)-a MNF Thalai OB meeting chuan,August ni 10 (Zirtawp) zan dar 10 vela Secretariat Complex-a Bomb tihpuah a ni leh, a ti puaktute zinga hnarkaituah Congress thalai President (Aizawl District Youth Congress Committee), Thomson
Lalrambuatsaiha a tel chu a demin sorkarna kengtu Ruling thalaite thil tihah chuan rapthlak kan ti hle.
Sorkar hnathawkte chanvo leh hamthatna danin a phut ang chinte tihlawhtling tura sorkar laka lungawi lohna an lantir hi a thiang a. Hemi kawnga nu leh pa chan chang tur a sorkar laiin vauna aw a chhuah reng mai hi MNF thalai chuan a puitlin loh thlak kan ti a.

Monday, August 13, 2012

Bengal Prakalpa Pvt.Ltd Hna thawhlai Cancelled a ni.

awngtlai khawpui panna kawng NH-54, Lunglei leh Lawngtlai inkar siamthat hna thawktu Bengal Prakalpa Private Limited ten an thawh thin chu Mizoram Sorkar in a cancelled a, ruahmanna dang an siammek a, heivang hian PWD lam chuan engemawchen chu an thawh a ngai dawn tih PWD lam chuan an sawi a, Lawngtlai atanga Saiha kawng Zero thleng erawh chu Bengal Prakalpa Pvt.Ltd te hian an la thawk zui dawn ani.Lunglei leh Lawngtlai inkar kawng siam hna thawh thatloh a nih vang hian Central YLA lam pawhin Mizoram Chief Minister hnen ah hmala turin an lo ngen tawh a ni.

Missionary 18 an tirchhuak

Nimin Pathianni khan BCM chuan Missionary tirchhuah runpui, hmun hran hran ah an nei Missionary tirhchhuahna hun hi Lawngtlai ah chuan BCM Lawngtlai Bazar Biak In ah neih niin Missionary tan a BCM in a lak mipathum Malsawmsangi Hnialum,BCM nazareth, Vathuampui a thawktur, K.Lalnunmawii,BCM M.Kawngpui an khua M.Kawnpuia thawktur leh H.C.Lalramhnema BCM Cheural, Arunachal Pradesh Far East a thawktur te chu BCM aiawhin Rev.Dr.K.Lalrinthanga AGS i/c Mission BCM chuan Missionary atan a tirchhuak.

Biak In hawng

Cheng Nuai 56 senga sak Lawngtlai Vengpui BCM Biakin chu Inrinni khan Rev.H.Lianngaia General Secretary,BCM.Hqrs chuan Pathian Ropuina turin a hawng a,Biakin hawnna Biakin kawta hun hman ah Rev.H.Lianngaia G/S chuan Monument hawngin,Ribbon a chepchat bawk a,Biakin chu Lalpa ropuina lanna tur atan a hawng.

Senior Grade ah

Chawngte BDO Pu L.Rinliana chu MCS Senior Grade ah hlankai a ni a, Chawngte SDO(C) hna bak ah a hna chelhlai BDO Chawngte a kawp dawn.

Parade Contingent 25 chiang tawh

Lawngtlai a Independence Day lawmna tur ah Parade Contingents ,Arm Contingent Pakhat,Un-Arm Contingen,Pasarih leh School Contingent 17. an vaiin Parade Contingent 25 te chuan an tel tur an tih chian tawh thu Independence Day Meeting ah sawilan a ni.

I-Day Football ah College Veng an Champion

Lawngtlai a Independence Day lawmna chikhat Football Tournament LDFA buatsaih chu Inrinni khan khelh zawh a ni.Kum in Independence Day Football Tournament ah hian Team 17 an tel a,Inrinni a Final khelh hi Lawngtlai DC Pu B.Lalhmingthanga chuan a hmun ah en in,In fiammi te chu Ruihtheih thil chi hrang hrang laka in sum turte,hlawhtlinna tak tak nei tur chuan Taihmak,insum theih leh thuawihna neih a pawimawh hle ani ati.

LSA Gen. Hqrs: Lawngtlai

SSA Mission Lawngtlai District hnuaia thawktu hrang hrang te Document(Marksheet,Certifcate) Lai Students'√Āssociation General Headquarters;Lawngtlai in endik chu SSA Mission State Project Director(SPD) in an hnenah thehlut turin leh Diklo taka hnathawk mek te chu Ban anni ang tiin a sawi a ni.

Friday, August 10, 2012

Direct Finance nei tur a hmalak zel dan tur rel

Nimin khan Lai,Mara leh Chakma Autonomous District Council hotute chuan Lawngtlai ah Direct Finance chungchangah Meeting pawimawh tak an nei. Meeting hi Pu Hmunhre, Direct Finance Committee chairman chuan kaihruaiin,Hun kal tawh a hemi chungchanga an hma lo lak tawh dan te report pe in,Direct Finance hmu tura an dilna kawng thui zia te a sawi lang a,Direct Finance hmuh ngei theih na tura Delhi pawh tum riat ngawt an kal tawh thu leh Central a thu neitu te pawhin an lo dawnsawn that hle thu a sawi bawk.

Pu Chhuanawma E.M in Chanchinbumite thingpui a inpui

LADC a Information enkawltu Executive Member Pu Chhuanawma chuan nimin chhun khan Lawngtlai a Chanchinbumite, a Office Chamber ah Thingpui a Inpui, Pu Chhuanawma chuan LADC Budget Session neih zawh tak ah Chanchinbumite tan Advertisement leh Subscribtion ah pawisa tam zawk dah duh viau mahse, tam tham taka tipung turin sum indaihlohna a awm vangin Budget thar ah Advertisement Fund chu cheng Nuai 1 sing 5 a tihpun niin, a vaiin Cheng Nuai 4 leh Sing 5 dah a nih thu leh Subcribtion ah cheng Nuai 2 leh sing 5 dah a nih thu Lawngtlai Chanchinbumite chu a hrilh a,

Kohhran Hruaitute leh World Vision ten Joint Metting an nei.

Nimin khan SSA, BRC Hall ah World Vision, India CADP,Lawngtlai leh Lawngtlai District Kohhran hruaitu Committee tangkawpte buatsaihin, thawhhona tha zawk neih a nih zel theih nan Kohhran hruaitu te leh World Vision a thawk ten Meeting an nei He Meeting hi Pu Meren Nampui Programme Manager World Vision, CADP chuan a kaihruai a, World Vision India CADP ten mipui tana tangkai hna an thawh tlangpui Pu H.L.Rinawma SOC, World Vision, India chuan a sawi a, Pu Wungmaya, Programme Quality Manager Guwahati chuan Hmarchhak bial chhunga World Vision te hmalakna chi hrang hrang a sawi bawk.

Diltheih

Mizoram Film Development Society a member ni duh tan dilna form I&PR Department hnuaiah a lak theih a. September 11, 2012 thleng dilna hi I&PR Office ah thehluh theih a ni.

Rel kawng sawiho

Sairang thleng a rel kawng sialna tur vil tura din State Level Task Force chu a Chairman Pu Zasanga ,IPS (Rtd) hovin nimin khan an thukhawm a Aizawl District chhunga rel kawng siam nan mamawh ram lak dan dinhmun sawi ho a ni a, 5 August, 2012 a ram leh zangnadawmna report chu Railway Ministry ah thehluh tawh anih thu sawiin zangnadawmna atan Rs. 20.5 crores mamawh anih thu te sawi a ni. Forest Clearance chungchang sawi a niin Enviroment & Forest Department ten April 27, 2012 Ministry of Environment & Forest a dilna thehluh anih thute sawi a ni a, hemi bawhzui dan tur te pawh rel a ni. Pu Madan Singh, C.E, Railways, Malegoan chuan ram a inpeih fel veleh hnathawh tan nghal theih anih thu a sawi.

Thursday, August 9, 2012

House Enquiry Committee an thukhawm.

SSA sum lapse leh lapse loh chungchang leh, Dr. R. Lalthangliana lehkha, phuahchawp a nih leh nih loh chhui chiangtu, House Enquiry Committee, Pu Lalduhoma kaihhruai chu kartir khan Assembly Secretariat Committee Room-ah an thu khawm a, Member zawng zawng, Pu B. Lalthlengliana, Pu PP Thawlla, Pu R. Lalrinawma leh Pu Lalthansanga an tel a ni. Hemi chungchanga thu dawn danin, tun tuma an thut khawmah hian hmasawnna thenkhat awm mah se, lehkha pawimawh, Human Resources Development Ministry atanga an dil, tun thleng la hmuh loh a awm avangin hma a sawn chak theih loh a,

World Class Education theihhrihloh- MZP

MZP general Hqrs. Aizawl chuan nimin khan thuchhuah siamin Zirtirtu khairuallo siamthat an duh thu an tarlang a, Education Minister in World Class Education Mizoram a siam tum a nih thu a sawi chu tun dinhmun ah chuan theihhrihloh a an ngaih thu an an tarlang a, an thuchhuah ah chuan MZP rorelna sang Federal Council Sitting in zirtirtu rualkhai zawka an awm theih nan chak taka hmalak chhunzawm ni rawh se’, ti a a lo rel tawh angin MZP chuan hma a la mek a.Tunlaia MZP Headquaters Serchhip, MZP Headquaters Mamit leh MZP Headquaters Champhai ten an area chhunga zirtirtu indaihlo chungchanga hma an lak mekna chu MZP General Hqrs, Aizawl chuan tha a ti a.

LWA leh MHIP hnatlang

August ni 7, 2012 khan Lawngtlai Electric Veng a Lai Women Assn.
(LWA) leh MHIP te chuan an veng chhung thenfai hnatlang an thawk. LawngtlaiElectric Veng V/C te kaihhruai a LWA leh MHIP te hnatlang ah hian Vengchhung inkalpawhna hrang hrang te thenfai ani a,vantlang kawng khuar chhelutuk te pawh an hnawhkhat nghal bawk. hnatlang ah hian mi 50 vel anthawk chhuak ani. LWA leh HMIP ten hlim taka vengchhung thian faia hnatlang an neichu Hlimawm antih thu leh zawngchhang thlak an tih thu an hruaitutechuan an sawi.

Direct Finance sawi dawn

Vawiin hian lawngtlai ah District Council pathum, Lai,Mara leh Chakma Autonomous District Council aiawh ten Direct Finance neih theih nan a hmalakna kalmek leh hmalak zel dan tur ngaihtuahin an thukhawm dawn a, Pu Hmunhre Convener chuan he inhmuhkhawmna hi a kaihruai ang.

Boxer Enkawli lawmpui

Nimin khan Boxer Lalenkawli pualin Lawngtlai District Boxing Association chuan SSA, BRC Hall ah hun an buatsaih a, hetah hian lawmpuina thahnem tak dawn chu Enkawli hnen ah hian hlan niin, LADC a Sport & Youth Affairs changtu Pu V.Zirsanga chuan Enkawli hlawhtlin lawmpui nan Rs.2000/- a hlan. Thilpek chi hrang hrang petute chungah Boxing Association leh Enkawli chuan lawmthu an sawi.

Pathianni zahturin Synod in ngen

Mizoram Synod chuan thuchhuah siam in Mizoramin kawng hrang hranga hma a sawn mek laiin, infiamna lamah pawh hma kan sawn ve zel a, a lawmawm tak zet a ni an ti a "Infiamna lama hma kan sawnna hi a lawmawm em em rualin, Kristian ram kan nih avangin, kan ni serh pawimawh, Pathianniah infiamna leh intihhlimna lam thil huaihawt lo tur leh, kan ni serh pawimawi hi min zahsak hram turin Mizoram Presbyterian Kohhran chuan Mizorama cheng zawng zawngte a ngen a ni tiin an tarlang.

Saiha MJA President lo zin

Saiha District MJA President Pu CZ Hluna chuan nimin khan lawngtlai rawn tlawhin LADC a CEM a hmuh bak ah LADC Office leh Session Hall te a tlawh a, hemi hnu hian Lawngtlai Press Club tlawhin, nakum a MJA Genral Conference Lawngtlai in a thlentur a MJA Lawngtlai te inbuatsaihna chu fakawm a tih thu a sawi.

Wednesday, August 8, 2012

LADC Budget Session zawhfel a ni

LADC Budget Session nithum awh chu nimin khan Chairman Pu F.Rohnuna kaihhruaina hnuai ah zawhfel a ni, Session tawpni ah hian hun hmasa lam chu zawhna leh chhanna hun atan hman niin, zawhna leh channa hun tiam chhung a zawhna zawh hmanloh pahnih awm chu House remtihna Chairman in a lak hnu ah zawhna leh chhanna hi chhunzawm a ni a, tihian tun Session chhunga zawhna lutte chhan kim hman vek a ni.

Information E/M in MJA te chungah lawmthu sawi

LADC a Information Department enkawltu Executive Member Pu Chhuanawma chuan nimin Session ah Chanchinbumite tana Press Tour Council sorkar in a buatsaih a kal ten District Council dang dinhmun chi hrang hrang te LADC tan an hawn vang te, ziak leh Video thlalak Document pawimawh hrang hrang Council sorkar an pek thu sawiin House kaltlang in MJA te chung ah lawmthu a sawi a, Press Tour ang chi hi buatsaih zel pawh sorkar chuan a duh tih a sawilang bawk.

TFC atanga Building saknan Rs.Nuai 300 hmu

LADC a, CEM Pu C.Ngunlianchunga chuan 13th Finance Commission atangin Council Sawrkar chuan cheng Nuai 300 a hmuh thu House ah, Pu Lalduhsaka zawhna a chhanna a sawiin, he pawisa hian CEM Office, Conference Hall cheng Nuai 211 senga sakmek a ni a ti a, E/M Quarter College Veng ah Cheng Nuai 120, Council veng ah Nuai 180, LADC Hall, LADC Complex ah cheng Nuai 100 seng a sak mek a nih thu a sawi a,

Changtlungzawkin

Information changtu E/M Pu Chhuanawma chuan LADC Chanchinbu Council Aw chu changtlung zawka tihchhuakturin hmalak mek a ni a ti.

Mithiamte thu nghak

Aizawl Bungkawn a Lai House thlang min vanga luahthat ngam mangloh a awmmek chungchang sawiin CEM chuan mithiam te endik tir a nih tawh thu leh heng mithiam te hian hmalak dan tur ruahmanna an siam hma chuan hmalak ngawt chu sorkar in tha a tihloh vangin, mithiamte thurawn nghah mek a ni tih House a hrilh.

Street Light Bill Rs. 31057

CEM chuan kum kalta chhung khan Street Light Bill atan Council Sorkar chuan Rs.31057/- a sen thu nimin session ah a sawi

BADP la fello

Council kut a BADP dah tur a tih chu, inhlandan tur leh tulpawimawh dangte tihfel a la nilo a, Central leh State lam in BADP Council kut a hlantur a tulpawimawh te ruahman tur an la tihchian loh vang a Council kutah dah a la nilo CEM in a ti.

MJA Meeting

MJA Lawngtlai District chuan nimin chawhnu khan Emergency Meeting neiin, LADC Session ah eptu Member pakhat in Chanchinbumite tana ngaihthlak nuamlo House a sawi chungchanga hmalakdan tur an sawiho.

Kumpuan tanpuina pe

Lawngtlai Vengpui, Mission veng MHIP te chuan Lairam Anti Drugs Squad tanpui nan Rs.1000/- an pe a, Pu Hmangaihzuala Principal GRHSS pawhin Kumpuan tanpui nan Rs.500/- a pe bawk. Kumpuan bawhzuina atan a tanpuina petute chungah Central YLA chuan lawmthu an sawi.

Tuesday, August 7, 2012

LADC Session chu zawhna leh chhanna bak ah Budget sawiho nan hmang

LADC Budget Session nimin a chhunzawm ah Chairman Pu F.Rohnuna kaihhruaina hnuai ah hun hmasalam chu chu zawhna leh chhan hun atan hman niin, Chandmary bialtu MDC Independent member Pu C.Lalsawmzuala zawhna chhangin CEM Pu C.Ngunlianchunga chuan tuna DC Bungalow chu an hmun tur diktak Chawnhu ah sawnchhuak turin House a Resolution Passed a nih tawh angin sorkar lam chuan theihtawpin a bawhzui thu leh Mizoram Chief Minister bak ah Chief Secretary ah pawh hemi chungchang hi thlen a ni tawh thu te, an ni atanga chhanna an hmuh pawh bawhzui a nih leh mek thu a sawi a,

DHO inthlak dawn

District Horticulture Officer Pi Ethel R.Sailo chu Tuidam Division, mamit District ah sawn a ni a, DHO,Lawngtlai atan Pu B.Lianbika dah a ni,vawiin hian charge an inhlan ang. Nimin khan DHO Office chuan DHO thlahna hun hmangin zanriah an kilho a,Pi Ethel-i hian Feb.4, 2009 khan DHO Lawngtlai hna hi a thawk tan. Pi Etheli hian lawngtlai a a awmchhunga mipui tawiawmna tha tak a dawn vangin lawmthu a sawi

Boropansury PHC hmantheih thuai tur a hmalaturin hriattir

Thudawnna in a tarlan dan in Borapansury-a Primary Health Centre chu hman theiha siam thuai turin President Secretariat-in Mizoram sorkar a hriattir.
IANS News Agency tarlan danin, he PHC hi kum 1992-a Mizoram sorkarin a sak, tun thlenga hman lohva awm a ni a, hman ve tawh an duh thu hi Mizoram Chakma Development Forum, MCDF invuah te chuan President Pranab Mukherjee hnenah ziakin an thlen a, he an thu thlen bawhzui hian, President chuan Mizoram Chief Secretary hnenah lehkha thawnin he PHC hi a hma thei anga hawng turin a hriattir.

Monday, August 6, 2012

Nithum awh LADC Session neih mek a ni.

LADC Budget Session, nithum awhtur chu kar kalta Zirtawpni khan neih tan a ni a, Budget Session tanni ah Pu F.Rohnuna Chairman kaihhruaina hnuaiah Member boral sunna hun hman niin, Pu J.Dangia Ex MDC. Kum 1982 a Bungtlang'S' Constituency a thlan tlin.Term khat chhung MDC lo ni tawh.Kumin 2012 April Ni 27 a Boralta chu Sunna hun hman ani a,A chanchin tawi Pu Lallawmsanga Apetow-an sawiin.Memberte chuan Minute khat chhung ngawi renga dingin Sunna hun an hmang .Hemi hnu hian zawhna leh chhanna hun hman nghal ani.Pu Lalduhsaka Zawhna MSDP Rural Housing Scheme(IAY) District Level Meeting in LADC chan tur Cheng engzatnge a pek? Engti angin nge sem anih tak ? tih chu CEM Pu C.Ngunlianchunga chuan chhangin

Enkawli chawimawina hun DC ho in hmang.

Boxer Lalenkawli chawimawina hun Zirtawpni khan DC Conference Hall ah Dist. Sport Committee bultumin neih a ni he hun ah hian Pu B.Lalhmingthanga. Chairman,District Sports Committee chuan Lalenkawli hlawhtlinna hi thil namai ani lo a,Khawvel huap in elna a Gold Medal la phak nih hi a ropui tak zet a,District min chawimawi a,Mizoram hming a titha ani tiin Nula Tlangval Zu hmun Sa hmuna in tlak ral mai mai lovin,Zofate hian kan tum tak tak chuan khawvel kan hneh thei ani tih hria ila,tan ila thar theuh angu tiin kalkhawmte hmaah a sawi a,

LADC Budget

Kumin LADC budget hi a pumpuiin Rs.1,12,04,52,000/- a ni a, hetah hian kumin chhunga an chhiah lak tura beisei cheng nuai 110 a tel a ni. Budget-ah hian Plan sum, Rs. 54,58,52,000/- leh Non Plan sum, Rs. 57,45,48,000/- a awm a ni. RKVY-ah cheng vbc 11 dah a ni aMinor Irrigation atan cheng vbc 11 tho dah a ni a, Special Project Assistance (SPA)-ah cheng vbc 4 leh nuai 87 dah a ni bawk a

Diesel man thar

Sorkar laipuiin Diesel man thar a siam ang in Lawngtlai ah High Speed Diesel(HSD) Litre 1 Rs.40.62, Extra Mile (XM) Litre 1 Rs.45.62 a ni.

Home tlawh

KTP Lawngtlai Bazar Branch chuan Project a an neih angin nimin tlai khan Lairam Motherless Home tlawhin Pathian hnen a inhlanna hun an hman bak ah thilpek engemawzat an pe.

Sum indaihlohnatur

Kumin sorkar kum tawp a CADC a sum indaih lohna tur chu Rs.8,88,38,000/- a ni.

Thursday, August 2, 2012

Boxer chhuanawm Lalenkawli ropuitaka hmuah ani

Boxer chhuanawm, hmabak neitha, Lawngtlai Nula,tun hnaia Golden Gloves of Vojvodina International Competition for Youth Girls, Serbia a Light-fly 48kgs category a Champion bak ah Best Technician Boxer a thlan Lalenkawli chuan nimin khan Lawngtlai thlengin, ropui taka hmuah ani.Golden Gloves of Vojvodina International chawhnu Dar 3 khan Lawngtlai lutin,Lalenkawli hmuahna Lawngtlai Bazar VC leh YLA te buatsaihin,Areopagy ah neih ani a,

Helicopter Service tur CM ho in mipawimawh ten an sawiho

Mizorama Helicopter Service neih turah, a hawnna neih tur chungchang nimin khan Chief Minister ho in committee member ten an sawiho .Helicopter service hawnna inaugural flight hi August ni 14 ah Thuampui Helipad ah neih tha an ti a, Helicopter Service hi Pawan Hans Helicopter Ltd enkawlna hnuaia kalpui tur a ni a. Helicopter service tur hi ‘Dauphin Helicopter’, mi 6 chuanna tur chi a ni. A chuan man hi Meghalaya a an kalpui ang zulzuiin minute 1 ah Rs. 50 a ni ang. Tunah hian a thlawhna tur kalkawng (route) 9 ruahmanin, Aizawl Thuampui Helipad chu a hmunpui ber tur ani ang.

Kum 140 tlin lawmtum

Lungtian khua chuan kum 140 (1871-2011) an tlin lawmna chu Ni.17-18 April 2013 khian ropui taka neih an tum, Lungtian khawtlang leh he khawchhuakte an in buatsaih mek

CEM Relief Fund pe


Pu Laltlawmlova Chinzah Secretary LaiDCC chuan CEM Relief Fund atan Rs.2000/- a pe.