Thursday, August 2, 2012

Boxer chhuanawm Lalenkawli ropuitaka hmuah ani

Boxer chhuanawm, hmabak neitha, Lawngtlai Nula,tun hnaia Golden Gloves of Vojvodina International Competition for Youth Girls, Serbia a Light-fly 48kgs category a Champion bak ah Best Technician Boxer a thlan Lalenkawli chuan nimin khan Lawngtlai thlengin, ropui taka hmuah ani.Golden Gloves of Vojvodina International chawhnu Dar 3 khan Lawngtlai lutin,Lalenkawli hmuahna Lawngtlai Bazar VC leh YLA te buatsaihin,Areopagy ah neih ani a,he hun hi Pu HC. Vanlalruatpuia Bazar Br.YLA President chuan kaihruaiin,Rev. Lalbiaksanga Chinzah. E/S BCM chuan hunserh a hmang a,Pawl hrang hrang leh mimal ten Lalenkawli Champion lawmpuina thilpek an hlan a,Lalenkawli rawn zuitu Nl.Vanlalduati,SAI National Women Championship a Best Boxer ni mek chuan Report pe in,Lalenkawli Champion anih theihna tura a kalkawngte leh an in khelh dan chanchin tawi a sawi bawk.He huna Khuallian Pu C.Ngunlianchunga CEM.LADC chuan Lawmpuina thilpek Rs Singkhat pe in,Lalenkawli hlawhtlinna chhan chu a tum ruh vang anih thu a sawi a,hlawhtlinna nei tur chuan tumruhna a pawimawh em em rualin,mi in sum thei mi chu Sports ah a hlawhtling fo thin a ti a, Kan District chhung ah hetiang mi chhuanawm kan nei hi thalaite tan chona petu ni tura a duh thu a sawi bawk.Lalenkawli hmuahna hun ah hian mipui an kal thahnem hle a,zaithiam te zaiin Hlim takin hun hi hman ani.

No comments:

Post a Comment