Thursday, August 16, 2012

FCS&CA Minister ho in Lawngtlai ah I-Day hman a ni

India in Zalenna Ni a neih champha vawi 65 chu CYLA Playground ah FCS&CA Minister Pu H.Rohluna ho in lawm a ni a, Minister hian hnam puanzar pawt pharhin, Parade Contingent ten Hnam Puanzar chibai an buk a chhanglet a,Kuminah hian Lawngtlai a I-Day hman tawh ah Parade an tam ber tum niin,Contingent 25 an awm.Minister chuan Independence Day lawmna a kal zawng zawngte chibai a buk a,sorkar hlalakna pawimawh tak NLUP chu tha taka kalpui zel niin,Sawrkar laipui hnuaia Planning Commission chuan hemi atan hian pawisa min pe zel a,kum 2012-2013 atan Cheng Vaibelchhe 370 min ruahman sak tawh ani ati.Tunah hian Chhungkaw 45,139 in 1st phase ah tanpuina an dawn thu leh 2nd phase ah chhungkaw 45,000 tan reilo te ah tanpuina sem tum anih thu sawiin,tun Financial year tawpah chuan a vaiin chhungkaw Nuaikhat Singhnih pek hman an nih tur thu a sawi. Kawlphetha tam zawk siam chhuak turin hma a lak mek thu sawiin, Tuirial HEP 60 MW pechhuak turin chak taka hmalak anih thu leh Tuivai HEP 210 MW pechhuak turte,Kolodyne HEP 460 MW te,Lungreng HEP 815 MW te,Chhimtuipui 635 MW pechhuak turte chu hmachhawp mek anih thu a sawi. Pu H.Rohluna chuan kum 2011-2012 chhung khan khaw 122 tui pek anih thu a sawi a,2012-2013 chhungin khaw 57 tui pek tum anih thu a sawi bawk.Inkalpawhna kawngpui tha Sawrkarin a ngaihpawimawh thu sawiin,Mizoram chhung National Highway te siam that mek anih thu a sawi a,Hrangchalkawn leh Lawngtlai inkar Contractor chuan hna a thawh hleihtheihloh avanga Cancel anih thu leh kum 2012-2013 atan helai kawng siam nan Cheng Vaibelchhe 85 dah anih thu a sawi bawk.Hmasawnna chuan kan ram a tuam mek a,Tunah hian Mizoram chhunga District zawng zawngte leh Khawpui lian deuhte tlawh turin Helicopter service kan lo nei thei ta hi thil chhinchhiahtlak tak anih thu sawiin,Lengpui Airport pawh thuam that mek anih thu a sawi bawk.Pu H.Rohluna Minister chuan a thusawi tlip nan Muanna vawnghim zel turin mitin kan pawimawh in,mawhphurhna kan nei vek ani tiin Ram Zalenna Ni ah hian Muanna kan neih a hlutzia hrethar leh in,Vawnghim turin mitinte i inhlan thar angu ati.

No comments:

Post a Comment