Thursday, August 2, 2012

Helicopter Service tur CM ho in mipawimawh ten an sawiho

Mizorama Helicopter Service neih turah, a hawnna neih tur chungchang nimin khan Chief Minister ho in committee member ten an sawiho .Helicopter service hawnna inaugural flight hi August ni 14 ah Thuampui Helipad ah neih tha an ti a, Helicopter Service hi Pawan Hans Helicopter Ltd enkawlna hnuaia kalpui tur a ni a. Helicopter service tur hi ‘Dauphin Helicopter’, mi 6 chuanna tur chi a ni. A chuan man hi Meghalaya a an kalpui ang zulzuiin minute 1 ah Rs. 50 a ni ang. Tunah hian a thlawhna tur kalkawng (route) 9 ruahmanin, Aizawl Thuampui Helipad chu a hmunpui ber tur ani ang. Heta tang hian Saiha (50 minutes), Lawngtlai (50 minutes), Champhai (25minutes), Khawzawl (20minutes), Lunglei (30minutes), Kamlanagar (45minutes), Hnahthial (30minutes), Serchhip (17minutes) leh Kolasib (15minutes) ah te service thin tura ruahman a ni.Kar khatah ni 6, Pathianni (sunday) tiam lova service thei tura tih, Helicopter service hi ni 16 August 2012 atangin mipuite chhawr theih tura ruahman a ni a. Ticket hi DC office ah lei theih a ni ang a,Helicopter hi mahni puala hire theih tura ruahmanna siam a ni a, darkar 1 thlawh manah Rs. 70,000/- a ni ang a, minute 45 chhung a thlawnin a nghak thei ang a, chumi piah lamah chuan minute 30 dan zelah innghah man Rs. 10,000/- chawi a ngai tawh thung ang.

No comments:

Post a Comment