Thursday, August 9, 2012

House Enquiry Committee an thukhawm.

SSA sum lapse leh lapse loh chungchang leh, Dr. R. Lalthangliana lehkha, phuahchawp a nih leh nih loh chhui chiangtu, House Enquiry Committee, Pu Lalduhoma kaihhruai chu kartir khan Assembly Secretariat Committee Room-ah an thu khawm a, Member zawng zawng, Pu B. Lalthlengliana, Pu PP Thawlla, Pu R. Lalrinawma leh Pu Lalthansanga an tel a ni. Hemi chungchanga thu dawn danin, tun tuma an thut khawmah hian hmasawnna thenkhat awm mah se, lehkha pawimawh, Human Resources Development Ministry atanga an dil, tun thleng la hmuh loh a awm avangin hma a sawn chak theih loh a, heng lehkha pawimawhte hi en turin Delhi-a kal an tum na a, HRD-a Officer pawimawh-te nen programme an siam fel theih loh avangin Delhi-a kal chu an thulh ta rih a ni. House Inquiry Committee Member, Pu PP Thawlla’n a bial, Tuipang lam fanga zin chhuah a tum avangin an thutkhawm leh theih hun tur chu thla leh lam a ni dawn niin thudawnna chuan a tarlang.

No comments:

Post a Comment