LADC Budget Session nithum awh chu nimin khan Chairman Pu F.Rohnuna kaihhruaina hnuai ah zawhfel a ni, Session tawpni ah hian hun hmasa lam chu zawhna leh chhanna hun atan hman niin, zawhna leh channa hun tiam chhung a zawhna zawh hmanloh pahnih awm chu House remtihna Chairman in a lak hnu ah zawhna leh chhanna hi chhunzawm a ni a, tihian tun Session chhunga zawhna lutte chhan kim hman vek a ni. Nimin Session ah hian CEM Pu C.Ngunlianchunga’n LADC Budget House a a putluh tawh chu passed a ni a, tarlan tawh angin Kumin a LADC budget hi a pumpuiin Rs.1,12,04,52,000/- a ni a, hetah hian kumin chhunga chhiah lak tura beisei cheng nuai 110 a tel a ni. Budget-ah hian Plan sum, Rs. 54,58,52,000/- leh Non Plan sum, Rs. 57,45,48,000/- a awm a ni. RKVY-ah cheng vbc 11 dah a ni aMinor Irrigation atan cheng vbc 11 tho dah a ni a, Special Project Assistance (SPA)-ah cheng vbc 4 leh nuai 87 dah a ni bawk ani.