Wednesday, August 29, 2012

LSA Gen.Hqrs:Lawngtlai PRESS RELEASE

Dt.23/8/2012-a SSA Staff Welfare Association(SSASWA) Lawngtlai ten Press Released an tihchhuah chungchang ah Mizoram mipuite hriat ah hemi chungchang hi Lai Students'Association, General Headquarters;Lawngtlai chuan sawifiah tur leh thil hriatsual palh a awm a a hriat avangin hetiang hian Press Release a ti chhuak a ni.

Lai Students'Association General Headquarters;Lawngtlai in SSA Mission Lawngtlai District hnuaia thawktute Document felhlel awm a ahriat avangin RTI Act hmangin DPC SSA Mission Lawngtlai District hnenah Document dil chhuak in a enfiah a.Dt.23/8/2012-a SSA Staff Welfare Association Lawngtlai ten Press Release siam a tihluihna leh vauna rawngkai ang hial a LSA Office-a Document thehlut tura min han puh hi pawi kan ti a, hetiang hi thil awmdan a ni:-

Lai Students'Association General Headquarters;Lawngtlai hian SSA hnathawkte tumah tihluihna in LSA Office Document thehlut turin kan ti lova kan vau hek lo, State Project Director Mizoram hian LSA Office ah SSA Lawngtlai District hnuaia hnathawk te Document thehlut turin phalna min pe lova amaherawhchu SSA hnuaia hnathawkte Document enfiah anih hnu a, kan hmuhchhuah diklo te an hnena thehlut turin min hriattir a ni.Tin, Vanglaini-a SSA hnathawkte Document kan office a thehlut tura lo lang kha thu hriatsual palh anih kan ring a, hemi avang hian anmahni pawh siamtha turin kan ngen tawh a ni.

Tin,LSA hian thil diklo haichhuah tuma ke kan penna kawngah mipuite min tawiawi zel turin kan ngen a, Baal hmaa thingthi ngailo Zirlai dikna duh mi tam tak in awm tih kan hriat hian Lai Students'Association chuan lawmawm a ti tak meuh meuh a, SSASWA Lawngtlai ten LSA tih hmingchhiat tumna leh kan hmalakna dodal zawng a hma anla hi pawi kan ti takzet bawk a,he an thiltih avang hian SSA chhungkua ah thil diklo inphumru a awm ngei aniang a, tih hi kan rindan ani zawk e,he Issue LSA ten kan buaipui dawn hian dodaltu leh sawiseltu an awm ang tih hi kan rinlawk dan ani a, amaherawh chu midik te chungah Action Sawrkar in ala dawn lo ani tih kan sawi duh a, kan hmalak mek ah hian SSASWA Lawngtlai te hian min tawiawm zawk turin kan ngen a ni. Tin,LSA chuan Zirtirtu an awmna (Place of Posting) a awmlo te chhuiin an awmna hmun diktak a an awm theih nan hmalak kan tum bawk a ni.

LSA Gen Hqrs;Lawngtlai ten GRHSS Lawngtlai ah Sociology leh Geography post create tura sawrkar kan ngenna chu Cabinet Meeting in Post hnih(2) ve ve min Create sak a, a hlawhtlin theihna tura chak taka min bawhzui sak tu kan Bialtu MLA Pu H.Zothangliana Parliamentary Secretary i/c PHE etc chung ah leh Education Minister Pu Lalsawta chungah Lai Students'Association General Headquarters;Lawngtlai chuan Lawmthu a sawi tak meuh meuh a ni.

Tin, Sport Minister Pu Zodintluangan LSA mamawh thlen te min tihhlawhtlin sak avangin LSA chuan lawmthu a sawi bawk ani.



 

Sd/-

K.Thansiama

General Secretary

Lai Students'Association

General Headquarters;Lawngtlai

No comments:

Post a Comment