Tuesday, August 14, 2012

MIZO NATIONAL YOUTH FRONT PRESS RELEASE



Bomb hmanga Politics khelh hi MNF Thalai chuan kan dem tak zet ani.

Vawin ni 13. 8. 2012 (Thawhtan ni)-a MNF Thalai OB meeting chuan,August ni 10 (Zirtawp) zan dar 10 vela Secretariat Complex-a Bomb tihpuah a ni leh, a ti puaktute zinga hnarkaituah Congress thalai President (Aizawl District Youth Congress Committee), Thomson
Lalrambuatsaiha a tel chu a demin sorkarna kengtu Ruling thalaite thil tihah chuan rapthlak kan ti hle.
Sorkar hnathawkte chanvo leh hamthatna danin a phut ang chinte tihlawhtling tura sorkar laka lungawi lohna an lantir hi a thiang a. Hemi kawnga nu leh pa chan chang tur a sorkar laiin vauna aw a chhuah reng mai hi MNF thalai chuan a puitlin loh thlak kan ti a. Hetianga sorkar hnathawkte ‘n an lungawi lohna an lantir tumna hmuna Bomb hial tihpuah a ni zui phei hi chu kan dem takzet a. Congress party opposition-a an awm laia Sorkar bungrua suasam te Revenue Directorate kawta Bomb tih puah te, Bhavan kawta Bomb tih puahte hi, an Sorkar chhungtal hi chuan awm tawh lo tura kan ngaih laiin an chin than an thlah thei lo hi MNF thalai chuan pawi kan ti tak zet a, Congress thalai hian Bomb hmang a mipui ti thlabar zawng a Politics khel lohram turin kan ngen tak meuh ani.
MNF sorkar laia Minister pakhat chu Congress party thalaite chuan ni 3 chhung a office kai tur an dang a, Minister huan bula Transformer chu bomb chhiat zui a ni a, a Dil sangha pawh tûr a hrai a ni bawk a. Tuna Congress thalai President kaihhruaina hnuaia Sorkar office pawimawh awmkhawmna hmun a bomb tihpuah a ni leh, a chenna ina Bomb siamna hmanrua Police ten an man hi MNF thalai chuan tharum thawhna (bomb) leh Congress thalai hian inzawmna thuk tak a neiah kan ngai a,ADYCC thalai President hi anihna atanga chawlh tir mai lovin Congressatanga ban tir nghal turin MNF Thalai chuan kan ngen nghal bawk e.
(LALBEISEIA)
Gen. Secretary,
i/c Information & Publicity Deptt.
MNYF Gen. Hqrs. Mizoram ; Aizawl
Memo.No. MNYF.2012-’13/Pub/49
Dated Aizawl, the 13th August, 2012

No comments:

Post a Comment