Pu A.Vandailova Ex-MDC a boral

Pu A.Vandailova LADC a MDC lo ni tawh chu Lawngtlaia a thlenin ah thi a hmuh ani.Pu A.Vandailova Kum 50.Tuichawngtlang khua chu Niminpiah khan Lawngtlaiah zinin,Pu N.Zangura MDC te in,Lawngtlai Chanmary Kanan Veng ah a thleng a,zan lam ah hlim taka in kawmin,Dam tha takin hun an hmang a, dar 12 vel ah a zung tur thawm pawh a thlenna te hian an hria a nimin zing Dar 8 velah Chawei tura an kaihthawh chuan Tho tur awm lovin,a lo boral der tawh a niin thudawnna chuan a sawi a,Pu Vandailova hi Kum 2005 MDC inthlan ah Sekulh Bial ah Independent candidate niin thlantlin ani a,a tlin hnu hian MNF Party ah lutin 2010 thleng khan Executive Member niin,Social Welfare a chang ani.Thisen sang nei anih avangin heihi a boral chhan ani thei mai angem tih chu amah hrechiangtute rin dan ani a,a ruang hi nimin khan District Hospital lawngtlai ah Post Mortem ani a,an khua Tuichawngtlang panpui nghal ani.A boral thu hriat anih hian LADC a MDC leh sorkar mipawimawh thahnemtak an kal nghal a,an khuaa phurhna tur motor ngaihtuahsakin,a tul ang ang an buaipui ani.Chanmary YLA chuan a kuang an siamsak bawk.Pu Vandailova hian a Nupui leh fate 6 a kalsan ani.

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post