Friday, September 28, 2012

MGNREGA hi kan thatpui nge kan chhiatpui tih chhutfo a ngai DC in ati

Nimin khan Lawngtlai ah Ni 2 awh tur MGNREA kalphung leh inrelbawldan chungchang a Workshop MGNREGA Lawngtlai District buatsaih chu DC, Pu B.Lalhmingthanga,n a hawng.He Workshop chawhma lam hun, T.Vanlalmalsawmsanga BDO Lawngtlai kaihhruai ah DC, Pu B.Lalhmingthanga chuan MGNREGA hi mipui ten kan thatpui ang nge kan chhiatpui ang tih hi chhut nawn fo a tul a, kaihhruaina ang taka kalpui a nih chuan Malsawmna hlutak a nih theih laiin, hmandikloh a nih erawh chuan anchhia ah a chang thei a ni a ti a, mirethei ten he Scheme hnuai a an chanvo diktak an chan a tul a, heivang hian dan in a phalloh thil te tilui lova a nihna ang taka he Scheme hi kalpui a tul a, chu ta tang chuan ramin malsawmna a dawng thei dawn a ni a ti. He Workshop ah hian Lawngtlai District chhung a RD Block pali huamchhung a VC leh Tlawmngaipawl te leh heng Block pali a MGNREGA hnuai a thawktute leh DRDA Office Lawngtlai a helam khawihtu te an tel. Workshop ah hian MGNREGA a VC te mawhphurhna te, Job Card chungchang te, Plan siam dan te, Social Audit chungchang te leh he Scheme hnuai a thilpawimawh chi hrang hrang te zirho tur a ruahman a ni. Tun dinhmun ah Lawngtlai District chhung ah Job card nei 25307 an awm

MRB Day Lawngtlai ah hman a ni.

Nimin khan Mizoram Rural Bank Day a ni a, Lawngtlai Branch chuan chawhnu dar 2 khan a lawmna hun DC, B.Lalhmingthanga ho in an hmang. MRB Day vawi 29 na pual a inkhawm MRB Lawngtlai Branch Office a neih chu Chief Manager R.Zohmangaiha,n kaihruaiin,DC, Pu B.Lalhmingthanga chuan Mizoram Rural Bank chuan Mizo tak in ngaihtuahna sengin hmun kilkhawr zawk ah pawh mipuite harsatna sutkian anih theih nan Branch an hawng thin hi an fakawm hle a ni a ti a, tunlai khawvel ah Bank kaltlang lo chuan sawrkar pawh a kal hleithei tawh lova, MGNREGA leh Scheme dang dang ah pawh Bank chu tangkaitaka hmanmek a ni a ti a MRB hmalakna chu chhuanawm a tih thu a sawi rualin, MRB in Branch a la neih lohna Chawngte ah Branch hawng thei se a duh thu leh Bank thuneitute a ngen thu a sawi.Report a tarlan a nih dan in MRB Lawngtlai Branch chuan kumin April atanga August thla inkar chhung khan hlawkna (Profit) Cheng Nuai 94 a nei a, Deposit Vbc. 55 a awm hman bawk. Loan an pekchhuah ringawt pawh Vaibelchhe 44 a tling tawh a, Agriculture Loan bik ah Vaibelchhe 3 pechhuak in, Zirlai Naupang pahnih an chawmmek bawk. Self Help Group ah Account 300 nei mek in Mizoram pum a Self Help Group nei Account 50% zet chu Lawngtlai Branch hian a enkawl mek. He hun ah hian LADC a E.M Pu Chhuanawma pawhin thusawiin, MRB Lawngtlai Branch chu Bank dang aiin a thawm hriat a nawm thu leh Bank ah thutawp siam tur a Manager aia thuneizawk an awmin mipui ten Bank dawr hrehawm an ti thin a ni a ti.

DC te fimkhur tulin hriattir

Mizoram sorkar Home Department chuan Residential Certificate, a neitu tur dik tak ten an neih theihna turin fimkhur taka kalpui a tulin a hria a. Mizoram chhunga tribal leh non-tribal, mi tu ten emaw, chhan leh vang hrang hrang neiin anmahni bialtu D.C hnenah Residential Certificate an dil thin a. Diltute mamawhna leh he thil hi pawipang khawih thei a ni tih hre reng chungin sorkar chuan fel leh mumal taka pek chhuah tulin a hriain Residential Certificate pek chhuah kawngah dan leh hrai dik taka zawm vek turin DC zawng zawngte a hriattir

Legal Campaign

Nimin khan District Legal Service Authority buatsaihin Bualpui NG ah Dan chungchang in hrilh hriatnan Legal Awareness Campaign nei a ni,he hun hi Liansangzuala CJM in a hmanpui.

Thursday, September 27, 2012

Khasi Hills Autonomous District Council Chairman leh mipawimawh dangten LADC an tlawh

Khasi Hills Autonomous District Council Chairman leh mipawimawh dang ten Lai Autonomous District Council tlawhin, Autonomous District Council hnuaia miten inlungrualna tha zawk an neih zel theih nan hmalakho nise an ti.Nimin zing a Lawngtlai Circuit House a, LADC tlawhtu Khasi Hills Autonomous District Council a Chairman Fabian Lyngdoh leh Secretary pathum te leh LADC a mipawimawh te chu inkawmin, Hmmarchhak bial a Autonomous District Council hnuai a miten inlungrualna leh thawhona tha te, inhmelhriattawnna tha, hruaitute ah chauh nilo, ram mipui te ah a awm theih nan hmalak nise an ti a, Cultural Exachange leh intlawhtawnna lam ang chi te buatsaih tha an ti a, Council dang te nen huamzau zawka la sawizui nise an ti bawk, LADC sorkar aiawhin Chairman F.Rohnuna bak ah MDC rual leh Official pawimawh dang ten heng mikhualte hi an lo dawngsawng a, tukthuan an kilho hnu ah MADC tlawh turin Saiha an pan leh nghal. Hmarchhak bial ah hian Bodoland Territorial Council telin Autonomous District Council 10 a awm mek a ni. LADC tlawh a kal Khasi Hills Autonomous District Council aiawhte hi Chairman Fabian Lyngdoh bak ah A.Shangpliang Secretary, M.Kharkrang Jt. Secretary leh B.Sohtun Dy.Secretary te an ni.

Lawngtlai Dist. PYKKA Competition D.C in hawng.

Nimin khan Lawngtlai District Level PYKKA Competition chu Lawngtlai DC Pu B.Lalhmingthangan a hawng.Hawnna inkhawm Pu C Hrangthianga, Vice Chairman,Lawngtlai Dist.Sports Committee kaihhruai ah DC B.Lalhmingthanga, Chairman, Lawngtlai District Sports Committee ni bawk chuan , Sorkar in Thalai infiammi te hma a buatsaih thin chu lawmawm atih thu sawiin,Block level atangin District Level ah,State Levelah Chutiang zelin Khawvel hriat khawpa infiammi hlawhtlingte hi te takte atanga rawn chawrchhuak te an ni. Kan theihna te hi Khawvel hriata phochhuah theih anih avangin, kan kalna theuhah tih takzetna,insum theihna,Taihmakna nen infiamna hi i kalpui zel ang u ati. PYKKA District Level infiamna ah hian Football,Badminton, Athletics leh Boxing ah te in elna neih tur ani a,henga titha thlanchhuahte hian State Level ah District ai an awh dawn ani.District chhunga Block pali te an telkim.

DCC Meeting nei

Nimin khan District Consultative Committee chu Lawngtlai DC Conference Hall ah DC Pu B.Lalhmingthanga ho in neih ani. Meetingah hian Centrally Sponsored Scheme Bank nen a tangkawp a hmalak ngai chi PMEGP,SGSY, leh kuthnathawktute leh Lo neitute 2012-2013 chhunga Loan lak tawh dan te thlir ho ani a,Loneitute Loan kaltlang a an hmalaknate tha thawkhat a hriat ani a, World Vision India leh NABARD chuan hmeichhia 1150 Self Help group a telte hmalak nan Cheng Nuai 50 a pawm tawh thu sawilan a ni a, State Bank lam chuan Lawngtlai a ATM pakhat chauh awm chu dah belh an tum thu an sawi a, Meeting ah hian Lead Bank Office Lunglei, Lawngtlai a Bank pathum aiawh bak ah DRDA, NABRAD leh World Vision leh Police lam te an tel.

Vote leh Seat awmzat

VC By-Election neihna tur a Vote leh VC thlantur Seat zat chu hetiang hi a ni. Nalbonya Voters 227 awm in VC Seat 5 a awm a,VC thiah vanga inthlan ngai Jamersury ah Voters 327 VC Seat 6 LADC huamchhung a VC thiah Lungpher Voters 965 Seat 7, Member boral vanga hmunruak hnawh khah nan a inthlan ngai Siachangkawn ah Voters 621 an awm, member pakhat thih vanga bawk a thlan ngai Saizawh ‘E’ ah Vote neithei 165 an awm bawk. Inthlan neihna tur a Venhim uluk ngaizual Polling Station a awm lo.

Wednesday, September 26, 2012

ILP leh Trade License endik, ILP diklo 18 hmuchhuah a ni.

Nimin khan Lawngtlai khawpui chhung a Inner Line Permit leh Trade License Sorkar leh Tlawmngai pawl ten an endik a, ILP diklo 18 hmuhchhuah niin, heng ILP neitute hi Court a hruai tur a tih an ni a, Trade License erawh chu la ennawn leh tur a dah a ni. Lawngtlai khawpui chhung a sumdawng te Trade License leh chhan hrang hrang vanga Non-Mizo Lawngtlai a awmte Inner Line Permit endikna ah hian Lawngtlai DC Office a ILP khawihtu te Lai Autonomous District Council a Revenue Department lam te Lai Students Association Gen.Hqrs.Lawngtlai leh Central Young Lai Association aiawh te Police lam te telin Magistrate MH James Sub-Deputy Commissioner lawngtlai in a telpui bawk. Trade License leh ILP diklo an hmuchhuak nual a, heng thil fello an hmuhchhuahte hi thuneitu lam ten an lo bawhzui turin dah a ni. Trade License leh ILP endikna ah hian Sawrkar tawiawma Zirlai thawkchhuak an thahnem hle a ni.Nimin a an endikna ah Hnamdang, hnathawk a awm si Work Permit neilo an man nual bawk.

Health Department in Home 32 tanpui LMH Rs.40000/- in tanpui

Health & Family Welfare Department in JRD Tata Memorial Award atanga sum fai cheng nuai 15 an dawn leh Health Minister, Parliamentary Secretary (Health) leh Doctor ten an nikhat hlawh an thawhkhawm leh Food and Drug Control Administration in an thawh ve sumfai (sum thawhkhawm hi cheng nuai 5 singkhat a tling) a za vaia cheng 20,10,000/- chu Mizoram chhunga home hrang hrang 32 ah sumfai in an tanpui a. Heng home hrang hrang te hi Social Welfare Department hnuaia in register te an ni. Tanpuina pek zing ah Lairam Motherless Home telin Rs.40000/- pek niin he Home ah hian enkawl lai 14 an awm mek.

State Boundary Comt. in hriatthiam har ti

Nimin a Mizoram State Boundary Committee Directorate of Land Revenue & Settlement Office Conference Hall-Aizawl a thukhawm chuan Kum 1994 khan Mizoram leh Assam (Cachar) Ramri chungchangah buaina awmin Mizoram Police leh Assam Police te pawh Ramri chungchangah hian nasa taka in ep na a lo thleng tawh a. Hetiang anih avang hian Home Ministry, Govt. of India chuan Mizoram Sorkar leh Assam Sorkar te chu Ramri chungchangah final Settlement a awm hma chuan ‘Status Quo’ tuna a awm ang hian awm phawt se ti a thu dah anih laia Assam (Cachar) lamin Ramrilung an rawn phun leh ta mai hi Mizoram State Boundary Committee chuan hriatthiam har a tiin pawi a tiih thu an sawi.

BRGF leh LDDVF thawkdun dawn

Lawngtlai District chhung a BRGF hmanga hnathawhte endik turin LDDVF chu Sorkar in a thlang leh dawn niin he pawl hruaitute chuan an sawi a, Sorkar nen MoU pawh an ziakfel thuai dawn niin an sawi.

Press Club zo hnai

DC hmalakna a Lawngtlai Press Club, Conference Hall cheithat mek chu zawhfel a ni tep tawh a, Ceiling leh a chhunglam bang thuah te zawhfel ni a chhuat khawih leh mek a ni.

Bank Day

Naktuk hian Mizoram Rural Bank Day chu Mizoram Rural Bank Lawngtlai Branch chuan DSC ho in an lawm dawn.

CADC leh LADC a VC By-Election Hriattirna

No.H.15011/3/2012-EO(LTI) OFFICE OF THE DEPUTY COMMISSIONER LAWNGTLAI DISTRICT, LAWNGTLAI ( ELECTION BRANCH ) Dated Lawngtlai, the 26th September,2012 N O T I F I C A T I O N State Election Commission of Mizoram chuan an Lehkha No.B.12011/47/2012-SEC/VC/ADC Dt.25.09.2012 thu angin heng CADC hnuaia khua Nalbonya, Jameisury leh LADC hnuaia khua Lungpher, Siachangkawn, Saizawh ‘E’ ah te hian Village Council By-Election neih turin thupek a ti chhuak a, By-Election Schedule chu a hnuai a mi ang hi a ni ang. 1.Date of Issue of Notification : Dt.26.09.2012(Wednesday) 2.Last Date for filling of Nominations : Dt.03.10.2012(Wednesday) 3.Date for Scrutiny of Nominations : Dt.04.10.2012(Thursday) 4.Last date for withdrawal of Nominations : Dt.06.10.2012(Saturday) 5.Date & Time for allotment of Symbol to : Dt.08.10.2012(Monday) Candidates and display of list of Candidates (10:00 AM - 02:00 PM) 6.Submission of list of contesting Candidates : Dt.08.10.2012(Monday) to the State Election Commission and DEO (03:00PM - 05:00PM) Lawngtlai. 7.Date of Poll : Dt.15.10.2012(Monday) (07:00 AM - 04:00 PM) 8.Date of Re-Poll, If any : Dt.16.10.2012(Tuesday) 9.Date of Counting : Dt.15.10.2012(Monday) (Counting of votes shall commence as soon as poll is over) 10.Date on which election process shall be completed: 19.10.2012(Friday) Election Model Code of Conduct pawh Dt.24.09.2012 atangin hman tan nghal a ni a, hei hi Sawrkar hnathawktute, Political Party leh Candidate ten an zawm ngei tur a ni. Sd/- B.LALHMINGTHANGA District Election Officer By-Election to Village Council LADC / CADC Lawngtlai District, Lawngtlai.

Tuesday, September 25, 2012

MJA ten Petrol leh Diesel duhthlantur Mizofed Pump ah awm ve se an duh.

MJA Lawngtlai District ten Lawngtlai a Mizofed Pump ah Petrol leh Diesel lirthei neituten duh an thlantur awm thuai se an duh Nimin a MJA Lawngtlai District Executive Committee, Press Club a thukhawm chuan Lawngtlai a Mizofed Pump ah Petrol pangngai Motor Spirit leh Diesel tha chi Extra Mile awm lo chu mipui ten an tuar mek ni a hriaiin thuneituten mipui ten Petrol leh Diesel ah duhthlantur an neih theih nan chaktakin hmala se an duh thu an sawi. Lawngtlai a Mizofed pump ah petrol man tlawm Motor Sprit chu a thlen ngai loh vangin lirthei neituten an petrol lei tur ah duhthlan tur an nei lova, a manto XP chauh Pump ah hian a awm vangin, a man tihsan ve loh MS chu lirthei neituten leitur an nei thei chuanglo a ni. Hemi chungchang ah hian Pump thuneitu lam chuan lirthei neituten duhthlan tur an neih theih nan MS leh XP neih ve ve a nihtheih nan hma an lakmek thu an sawi a, tunah hian a dahkhawlna tur zem pawh an nei tawh niin an sawi. Tun dinhmun ah Petrol pangngai MS hi Litres 1 Rs.67.77 niin XP chu Litre 1 Rs.76.77 a ni thung a,Diesel ah pawh Diesel tha Extra Mile chu Mizofed Pump ah hian an neilo a, Diesel mantlawm High Speed Diesel chauh an nei thung a ni.

CEM in hmala dawn

Tunhnai a LSA ten Lawngtlai Chanchinbumite kawm a, SSA hnuai a hnathawktur mi paruk, District pawnlammi dah, Sawrkar in hnukkir se an duh thu an sawi chu LADC a CEM chuan lo bawhzui a tum thu nimin khan LSA hruaitu, a mah hmutute a lo hrilh.

Boxer Enkawli Vote theih

Vulmawi Award 2012 sms vote theih a ni mek a vawiin tlai dar 5 thlengin Nomminees te vote theih a ni, Lawngtlai Boxer lalenkawli chu Sport person of The Year Nominee ah a tel a, Best Sport Person tiin Lalenkawli hming chhu in 9612133879 ah hian I vote theuh ang u, tiin Lawngtlai District Boxing Association chuan ngenna an siam.MJA Lawngtlai pawhin Enkawli Vote theuh turin mipuite a sawm.

Council Veng in ruai theh dawn


YLA Council Veng Branch chuan YLA Day kha ruai nen ropui taka lawm an tum laiin, an vengchhung ah chhiattawk an awm vangin an ruahmanna te an thulh hnu ah, Inrinni lo awm tur ah khian YLA Day pual hian ruai nen hun hman tum.

Monday, September 24, 2012

YLA Day vawi 38-na tangkai taka hman a ni.

Central Young Lai Association in ruahmanna a siam angin YLA Day vawi 38 na chu tangkai takin Inrinni khan hman a ni YLA Day September Ni 23 chu Pathianni a nih vangin CYLA chuan Branch YLA te chu Inrinni a Day hmangtur in a lo hriattir tawh a, he Ni hi Branch YLA dinna hmun hrang hrang ah hman niin, Branch tam zawk chuan zingkar leh chawhma lam chu vantlang tana hna tangkai thawh nan hmangin hnatlang an nei a, hnatlang an neih zawh hian Mem,ber te intihhlim nan Infiamma chi hrang hrang an nei bawk. Lawngtlai khawpui chhung a Branch ten Day an hmanna hi Central YLA President L.Z.Tluanga chuan a tlawh kual a, Member te duhsakna a hlan. Central YLA President chuan Day thuchhah a siam ah YLA chu Poilitics rawng kailo tlawmngaipawl, mihausa leh rethei thliar hrang lo, hlawkna leh hmningthatna um lo a, a tul apiang, eng hun ah pawh thawk thin pawl thianghlim kristiante telna a nih thu i hre thar leh ang u a ti. Central YLA hian YLA Day pualin vawiin hian Lawngtlai a Damdawiin pahnih lairam Christian medical Centre leh Christian Hospital Lawngtylai ah tanpuina pawisa Rs.2000/- ve a hlan bak ah lairam Motherless Home ah Rs.3000/- an hlan bawk. YLA Day hi LADC a CEM Pu C.Ngunlianchunga chuan Bualpui ‘NG’ ah hmanpui a, Pu Rualirha, LADC a Executive Member chuan Lungpher ah Day hi hmangin, Pu Lawmkima chuan Cheural leh Rawlbuk a YLA Day hmanna ah a telpui. Kumpuan Committee chuan Day denchhen hian Lawngtlai khawpui chu vawiin thlengin Dry Day atan a puang a, heihi zawm theuh turin ngenna an siam, YLA Day pual vek hian Central Media Cell chuan khawpui chhunga Day hmandan tlangpui Video siamin, Inrinni zan khan Local Cable TV ah play nghal a ni bawk.

Chanchinthar LAI TAWNG a puan, hawng

September Ni 22 Inrinni zan khan SSA, BRC Hall Lawngtlai ah Lai Tawnga chanchinthar puanna leh hawnna inkhawm neih ani. Lairam Media Group a an Chairman LADC a CEM Pu C.Ngunlianchunga nupui Pi KR.Chhingpuii chuan he hun hawnna thuchah sawiin, “ Mizoram a Laifa te chu kan awmna hmun in a zir loh avangin kan tawng, Lai tawng thiam lo tam tak kan awm a, tawng hi kan beng a a luh tam chuan hmasawnna min pek ngei ka beisei a, chutiang a he pawl hmalakna hi a kalzel theihnan mitinte ka sawm che u ani ati. Pi KR.Chhingpuii chuan,Lawngtlai a Cable TV pakhat KT Vision kaltlang a Lai tawng a chanchinthar puan anih zel theihna tur leh Laifa ten hlawkna an hmuh ngei theihnan Lai tawng a chanchinthar puan tan na hun hi a hawng nghal a,Hawnna neih zawh hian Lai tawng a chanchinthar Nl.K.Lalparliani’ a puan chu ngaihthlak nghal ani. September ni 6, 2012 a din,Lairam Media Group Vice Chairman Pu K.Hrekung kaihhruaia hun hman ah hian Mizoram a Laifa ten Lai tawng an thiam loh chhan thusawi hrang hrang atangin ngaihthlak ani a, Mahni tawng thiam tur a hmalak chu kan tihtur diktak anih thu te pawh ngaihthlak ani bawk.Tarlan tawh angin Chanchinthar hi kar khat ah vawikhat puan phawt a ni dawn.

YLA Games a ropui dawn

Lawngtlai a Games neih tawh a hriatreng leh sawizui hlawh tak tur in YLA Games 2012 chu buatsaih tum in helam a mawhphurtuten ruahmana an siam mek a, a hawnna pawh tuna ruahman ang chuan zan lam ah Programme pui tak nen Halmawi chi hrangnen hman tum a ni a, hmanrua tultur te pawh ngaihtuah fel thawhkhat a ni tawh.

YLA in Motor thar lei

Lawngtlai Chandmari Branch YLA chuan Bolero Pick-up thar Rs.5,45,220/- in an lei a, nimin khan Motor thar hi Pathian hnen a hlanna hun an buatsaih.

RTI Week Oct 5 ah hawng dawn

Right To Information Week October Ni 5-12 chhunga neih tur ah Week Hawnna Oct 5 ah neih turin ruahman a ni a, YLA He hunah hian State Department bakah Council Office Department hrang hranga Deptt Head te chu kal vek tura sawm nise,NGO veng hrang hranga hruaitute sawm vek ni bawk se tiin he Week hmandan tur ngaihtuah a Lawngtlai DC ho a thukhawm chuan an ti.

SSA hnuai a hnathawktur a mi 6 dah te hnukkir turin LSA Gen.Hqrs in Sawrkar an ngen

LSA Gen. Hqrs. lawngtlai hruaitute chuan Zirtawpni khan Lawngtlai Press Club ah Press Conference neiin Mizoram Sawrkar in Lawngtlai District chhunga Cluster Resource Centre a Resource Person atan District pawnlammi paruk a dah thu sawiin, sorkar chu a thiltih tawh hnuklet tur a an phut thu an sawi. LSA hruaitute chuan Lawngtlai District a Cluster Resource Centre paruk a thawklai te chu an hna thawh ah an tlin tawkloh vangin ban an ni a, an hmunruak luah khat tur hian District pawnlam mi dah an nih thu sawiin, hriatthiam har an tih thu an sawi a, lawngtlai District chhunga Health & Physical Education Instructor leh Art Education Instructor atan District chhung a mi ngei lak nise an duh thu sawiin, sorkar chuan heng District pawnlammi paruk a dah te hi hnukkir se an duh thu an sawi a, LSA hruaitute chuan tuna District pawnlam mi paruk dah te an hna thawk tur a Order chu kumin June Ni 19 a tihchhuah a nih hnu ah District Project Coordinator SSA Mission lawngtlai ah Joinning Report an pe vek tawh tih sawiin, an awmna hmun tur ah erawh an la awmlo tih LSA chuan an finfiah tih thuthar thehdarhtute hi an hrilh bawk.

Legal Awareness Campaign nei

GRHSS ah Dan lam inzirtirna atan Zirlaite tan intihsiakna Sept. Ni 21 khan buatsaiah a ni .Zirlai ten Dan lam hriatna kawng a hma an sawn theih nan a Lawngtlai District Legal Service Authority ten Higher Seconday School Zirlai te tan a intihsiakna an buatsaih hi chi thum ah then niin, Essay Writting, Poet Writting leh Painting Competition ah te then in, heng Category hrang hrang a titha te hnen ah hian lawmman pek an nih dawn bak ah State Level a intihsiakna neih hunh ah lawngtlai District ai an awh dawn a ni. Heng intihsiakna neih hma chawhma lam khan Zirlai te pualin Legal Awareness Campaign neih niin Pu Liansangzuala Chief Judicial Magistrate, Pu Lalramsanga Judicial Magistrate leh Dr. Lalrinfela Medical Officer ten zirtirna an pe. Hetiang Campaign leh Competition hi tunkar chhungin Bualpui ‘NG’ ah neih leh a ni ang.

Friday, September 21, 2012

Dist Vigilance & Monitoring Committee thukhawm


imin chawhnu dar 3 khan Lawngtlai District Vigilance & Monitoring Committee chu Lawngtlai DC Conference Hall ah MP pahnih Pu CL Ruala leh Pu Lalhmingliana ho in an thukhawm Meeting hi he Committee Co-Chairman Rajya Sabha MP Pu Lalhmingliana'n a kaihruai . Pu Thangchem Zathang Project Director DRDA Lawngtlai chuan Central sawrkar hmalakna DRDA in a enkawl a hna thawhdan tlangpui a sawi a, report a tarlan a nih dan chuan, MGNREGS ah Lawngtlai District a RD Block pali Lawngtlai, Chawngte, Sangau leh Bungtlang South Block ah te Job card nei 25307 an awm a, kumin April thla atangin Ni 15 inhlawhnfakna Job card neiten an nei tawh a, tun ah hian Ni 35 dang inhlawhna tur BDO te kut ah pekchhuah a ni leh tawh a ni, Job card nei te inhlawhna tur a DRDA Office in pawisa a pekchhuah tawh chu a vaiin Rs. 13,03,66,880/= niin heibak ah hian Material Component ah Rs. 2,08,30,703/= pekchhuah a ni tawh bawk. Mirethei Insak na IAY ah kumin chhungin In thar 218 sak niin heng zing a In 200 chu sak mek a ni a, 18 zawhfel a ni tawh a, In a thenlai thawmthat(Upgradation) 202 zawhfel a ni tawh bawk. Tihian IAY ah a pumpuiin pawisa pekchhuah tawh chu Rs.87,53,000/= a ni. MGNREGA leh IAY bak ah SGSY, NSDP, PMGSY, IWMP leh BRGF a hmalakna te pawh thlir ho a ni a, Lawngtlai District Vigilance & Monitoring Committee thutkhawm na ah hian Lawngtlai DC B.Lalhmingthanga, C.Ramhluna MLA, C.Ngunlianchunga CEM, LADC bak ah department leh NGO aiawh te an tel.

Chhimtuipui khuahtur ah Lawngtlai District la inpeihlo- CEM


Nimin khan Lai DCC Office ah tunhnai a District Council ten dinhmun tha zawk an neih theih nan a Central Sawrkar dawr a zin LADC a CEM, Pu C.Ngunlianchunga'n report a pe a, Chhimtuipui khuap tur a hmalakna kalmek ah, he hna thawktur a thlan National Thermal Power Corporation (NTPC) Addl. General manager Pi Urmila an hmuh thu CEM chuan sawiin, tuikhuah hna tan turin NTPC lam chu an inpeih thu leh, tuikhhuah in a chim tur ram lak tur ah Saiha leh Lunglei District an inpeih tawh laiin Lawngtlai District a la inpeih loh thu Addl. General Manager chuan a lo hrilh a, heivang hian NTPC lam chuan hna an la tan theilo a ni a ti.September Ni 16 a Central mipawimawhte dawr a Delhi a kal District Council pathum lai,Mara leh Chakma District Council a CEM theuh te leh mipawimawh dangten Central Sawrkar an dawr na ah hian India ram President, Prime Minister leh Union Finance Minister te an hmuhtheih vanga lawmawm a tih thu a sawi a, Direct Finance chungchang ah Deputy Secretary, Joint Secretary Sambhu Singh Hmarchhak Bialtu te chuan sixth Schedule Amendment chu an khawih mek thu leh an peihfel hun ah, District Council hruaitute nen thlir ho a ennawn leh tur a an ruahman thu an lo hrilh tih Pu C.Ngunlianchunga chuan sawiin,Sixth Schedule siamthat hna hi kumin chhung chuan zawhfel hman a nih an rion loh thu an lo hrilh bawk. Central sawrkar dawr a an kalna ah Ministry of Women and Child development siam thar ah Mizoram ah Lai District chu Partnership atan thlan a nih thu report ah hian sawilan tel a ni. Delhi an dawr nan ah MP Pu C.L.Ruala'n therihtawp a lo chhuahpui vangin LADC a CEM chuan lawmawm a tih thu a sawi bawk. Zin report pekna ah hian Direct Finance Demand Committee a Convener Pu Hmun Hre pawh in thu a sawi.

Martar Ni hmang


Mizoram Hmundang rualin nimin khan Lawngtlai a MNF District Hqrs. Office ah Rajya Sabha MP Pu Lalhmingliana ho in Martar te Ni hman a ni.Martar Day pual a inkhawm buatsaih hi MNF District Hqrs. President Pu N.C.Nguntluanga'n a kaihruai a, he hun hmanpuitu Pu Lalhmingliana MP (Rajya Sabha) chuan Ram leh Hnam tana nunna hlantute kan hrereng a, keini a damte hian Mizo Hnam leh ram tana nun hlantute kan hriatreng rualin keimahni pawh kan ram leh hnam tan i in hlanthar ang u a ti. Martar Day hmanna ah hian Martar Family Association aiawhin Pu A.Lalzara leh Pu J.Rochunga ten thu an sawi a, Lawngtlai West bialtu MLA Pu C.Ramhluna bak ah H.Lalenvela Secretary, General Hqrs.Aizawl te pawhin thu an sawi bawk. He hun ah hian Martar te sun nan ngawireng in minute khat an ding.

VAT Act-2005 Campaign neih a ni

Mizoram Sawrkar in chhiah tam zawk a hmuh theih nan nimin khan Lawngtlai ah Sawrkar Department hrang hrang te pualin Mizoram Value Added Tax Act 2005 hnuai a Contract hna leh sawrkar Department te tana bungrua lei chungchang a chhiah lak dan zirchianna neih a ni He hun hi DC Conference Hall ah hman niin, hun hmanpuitu Lawngtlai DC, B.Lalhmingthanga chuan chhiah tello in sawrkar a kal thei lova, chhiah pek kawng ah Mizo te hi kan la thangharh tawklo deuh a ni a ti a, Sawrkar in Budget liantak a neih teih nan pawh chhiah a pawimawh a, ram mipuite chhiah pek uar tur a kan inzirtir rualin Sawrkar Department te pawhin chhiah pek ah an tihtur diktak an tih a pawimawh a ni a ti. He inzirtirna hun ah hian H.J.Rodinga Deputy Commissioner of Taxes Contractor ten chhiah an pek dan tur te, Sawrkar Department in Bungrua a lei atanga chhiah a pek dan tur te chipchhiar takin a sawi. He hun ah hian State Sawrkar hnuai a Department hrang hrang bak ah Lai Autonomous District Council a helam kaihhnawih Department aiawh te an tel. Chawhnu lam ah BNRGSK Hall ah Lawngtlai a Sumdawngte pualin VAT chungchang leh e-service chungchang inhrilhhriatna leh zirhona neih zui nghal a ni a, he hun ah hian Lawngtlai a Dawrkai te an tel.

Thursday, September 20, 2012

Lawngtlai Petrol Pump ah Petrol pangngai a thleng ngailo

Sawrkar laipui in Tuialhthei man a thar a siam hnuhnung ber tunthla Ni 14 zanlai atanga hman tan ah Petrol pangngai Motor Sprit chu tihsan a ni lova, petrol manto Extra Premium chu litres khat zel ah Rs.6 chuang hret in a tisang a, hetihrual hian Lawngtlai a Petrol pump ah petrol man tlawm Motor Sprit chu a thlen ngai loh vangin lirthei neituten an petrol lei tur ah duhthlan tur an nei lova, a manto XP chauh Pump ah hian a awm vangin, a man tihsan ve loh MS chu lirthei neituten leitur an nei thei chuanglo a ni. Hemi chungchang ah hian Pump thuneitu lam chuan lirthei neituten duhthlantur an neih theih nan MS leh XP neih ve ve a nihtheih nan hma an lakmek thu The Lawngtlai Post hrilh in, tunah hian a dahkhawlna tur zem pawh an nei tawh niin an sawi. Tun dinhmun ah Petrol pangngai MS hi Litres 1 Rs.67.77 niin XP chu Litre 1 Rs.76.77 a ni thung a, lirthei neitu thenkhat ten Petrol man tihsan ah MS tihsan nivelo chu hriaiin, Lawngtlai pump a thawkte chu rate diklo a Petrol pechhuak a an ngaihthu dawn a ni a, Pump enkawltute chuan MS man tihsan veloh chu pekchhuahtur an neih loh vang leh a manto XP chauh a thlen thin vangin lirthei neituten a manto a an lei a ngai ta a ni an ti.

Zirna In 2 kang phen ah thil inthup MZP ten a awm an ring

MZP Hqrs.Lunglei chuan thuchhuah siam in tun hnaia Kamalanagar College Chawngte leh Vijoygiri English School kâng chungchangah a hmun ngeia en fiahna a neih hnu in heng Zirna In pahnih hi tihpalh thil thu a kâng a nih a ring thei lova, he college kâng phenah hian thil thuk tak inthup a awm ngei niin a ngai bawk.Zirna In pawimawh tak, zankhat thil thu a mei vâpa a chang ta mai hi MZP Headquarters Lunglei chuan pawi a ti takzeta, he College kan chhan diktak hi a rang thei ang bera chhuichhuah a nih ngei theih nana hma la turin thuneitute a ngen tih an tarlang.

Truck tlan leh tawh

Lunglei Dist. khawthlang lam kawng chhiat nasat vanga Lunglei Truck Owners Association ten karkhat zet sawrkar nawr nan nitin mamawh leh ei leh bar tur an phurh duhloh hnu ah kawng hi siamthat chhoh mek a nih vangin motor lian chakkhai phur te an tlan leh tan tawh a, thulakna in a tarlan danin Chawngte kawng erawh chu a la chhiat deuh vangin Maxicab te erawh chu an la tlan ngam hrihlo.Chawngte atanga Lunglei kawng zawh a tlan thin Maxi Cab te pawhin Truck ten helai kawng an zawh duhloh hnu ah Maxi Cab tan pawh kalchi loh ah ngaiin an tlan lo a, Chawngte kawng pawh siamthat thuai beisei a ni. Lawngtlai atanga Chawngte kalpawhna Diltlang tantlang kawng chu Blacktop a nih loh vangin ruahtui tlak lai chuan kaltheih a ni lo bawk.

PYKKA Khar

September ni 11 atanga tan Lawngtlai RD Block PYKKA Sport 2012 chu nimin khan khar fel a ni. PYKKA Sport hi Minitry of Youth Affairs & Sport leh Mizoram State Sport Council te hmalakna hnuai ah neih a ni.

Ran Chhiar dawn

Kum nga dan a India ram pum a Ran chhiarpui neih chu kumin hian neih chhoh mek a ni a, Lawngtlai District ah pawh he chhiarpui hi October thla ral hma in zawh hman tum a hmalak niin, ran chhiartur Enumerator te pawh Training pek an ni tawh.

Lai Tawng in News

KT Vision kaltlangin mithahnemngai intelkhawm te chuan Lai Tawngin News puan tumin hma an la mek a, a tir lam ah chuan kar khat ah vawikhat Weekly Round-up ang in kalpui phawt an tum.

Broadband Mumallo

Tunlai hian Lawngtlai ah Broadband chu hman hleihtheihloh in a awm zing hle, He Internet Service hmangtuten intelkhawm a hmalak an duh thu an sawi.

Martar Day hmang dawn

Vawiin hian Mizoram hmundang rualin Lawngtlai ah MNF Dist. Hqrs. Office ah Martar Day, Rajya Sabha MP Pu Lalhmingliana ho in hman a ni dawn. Chawhma dar 11 ah tan a ni ang. He hun hi Pu C.Ramhluna MLA leh MNF Gen.Hqrs. Aizawl hruaitu pawimawh ten an hmanpui bawk ang.

Thursday, September 6, 2012

Teachers Day Lawngtlai ah hman a ni.

Nimin September 5 Teachers Day chu Hmun dang rualin Lawngtlai ah pawh uar taka hman ani.Teachers Day hi Lawngtlai a School hrang hrangte chuan uar takin an hmang a,Kumin ah hian kum dang zawng aiin School Naupangten thilpek an uar niin a lang.Pangpar leh Gift chi hrang hrang pe in,Zirlai ten an Zirtirtute an chawimawi a,he hun hi mahni school rem chan dan anga hmangin,a then chuan Hall ah te an hmang a,mahni School Compound remchanga hmangte pawh an awm.He hunah hian School naupangten an thiam thil chi hrang hrangte an entir a.Thiamthil hmuhnawm tak tak entirna hun an hman bakah,Zirtirtute chawimawina thilpek chi hrang hrang chu an Zirtirtute hnenah an hlan a,He Ni hian School Naupngte leh Zirtirtute inkarah inlaichin na thataksiamin, chawimawina leh duhsakna thilpek an in hlan thin chuan Zirtirtute hlutzia a tarlang hle ani. Lawngtlai DC B.Lalhmingthanga chuan Lawngtlai a Cable TV pahnih kaltlang in nimin khan Teachers Day thuchah sawiin, Zirtirtute chu mi, puitling a chhertu an niin, an hna chu a zahawm hle a ni a ti a, Zirtirna hna chu Missionary hna ah ngai a, theihtawp a tan la turin a chah bak ah, Sorkar in Zirtirtute tan a hamthatna a siam hrang hrang te a sawilang bawk.

Teachers Day Lawngtlai ah hman a ni.

Nimin September 5 Teachers Day chu Hmun dang rualin Lawngtlai ah pawh uar taka hman ani.Teachers Day hi Lawngtlai a School hrang hrangte chuan uar takin an hmang a,Kumin ah hian kum dang zawng aiin School Naupangten thilpek an uar niin a lang.Pangpar leh Gift chi hrang hrang pe in,Zirlai ten an Zirtirtute an chawimawi a,he hun hi mahni school rem chan dan anga hmangin,a then chuan Hall ah te an hmang a,mahni School Compound remchanga hmangte pawh an awm.He hunah hian School naupangten an thiam thil chi hrang hrangte an entir a.Thiamthil hmuhnawm tak tak entirna hun an hman bakah,Zirtirtute chawimawina thilpek chi hrang hrang chu an Zirtirtute hnenah an hlan a,He Ni hian School Naupngte leh Zirtirtute inkarah inlaichin na thataksiamin, chawimawina leh duhsakna thilpek an in hlan thin chuan Zirtirtute hlutzia a tarlang hle ani. Lawngtlai DC B.Lalhmingthanga chuan Lawngtlai a Cable TV pahnih kaltlang in nimin khan Teachers Day thuchah sawiin, Zirtirtute chu mi, puitling a chhertu an niin, an hna chu a zahawm hle a ni a ti a, Zirtirna hna chu Missionary hna ah ngai a, theihtawp a tan la turin a chah bak ah, Sorkar in Zirtirtute tan a hamthatna a siam hrang hrang te a sawilang bawk.

Teachers Day Lawngtlai ah hman a ni.

Nimin September 5 Teachers Day chu Hmun dang rualin Lawngtlai ah pawh uar taka hman ani.Teachers Day hi Lawngtlai a School hrang hrangte chuan uar takin an hmang a,Kumin ah hian kum dang zawng aiin School Naupangten thilpek an uar niin a lang.Pangpar leh Gift chi hrang hrang pe in,Zirlai ten an Zirtirtute an chawimawi a,he hun hi mahni school rem chan dan anga hmangin,a then chuan Hall ah te an hmang a,mahni School Compound remchanga hmangte pawh an awm.He hunah hian School naupangten an thiam thil chi hrang hrangte an entir a.Thiamthil hmuhnawm tak tak entirna hun an hman bakah,Zirtirtute chawimawina thilpek chi hrang hrang chu an Zirtirtute hnenah an hlan a,He Ni hian School Naupngte leh Zirtirtute inkarah inlaichin na thataksiamin, chawimawina leh duhsakna thilpek an in hlan thin chuan Zirtirtute hlutzia a tarlang hle ani. Lawngtlai DC B.Lalhmingthanga chuan Lawngtlai a Cable TV pahnih kaltlang in nimin khan Teachers Day thuchah sawiin, Zirtirtute chu mi, puitling a chhertu an niin, an hna chu a zahawm hle a ni a ti a, Zirtirna hna chu Missionary hna ah ngai a, theihtawp a tan la turin a chah bak ah, Sorkar in Zirtirtute tan a hamthatna a siam hrang hrang te a sawilang bawk.

Central Media Cell thukhawm

CYLA hnuai a din Central Media Cell te chu nimin khan CYLA President ho in an thukhawm a, hmalakna tur atan ruahmana chi hrang hrangte an sawiho.

Central Media Cell thukhawm

CYLA hnuai a din Central Media Cell te chu nimin khan CYLA President ho in an thukhawm a, hmalakna tur atan ruahmana chi hrang hrangte an sawiho.