September Ni 22 Inrinni zan khan SSA, BRC Hall Lawngtlai ah Lai Tawnga chanchinthar puanna leh hawnna inkhawm neih ani. Lairam Media Group a an Chairman LADC a CEM Pu C.Ngunlianchunga nupui Pi KR.Chhingpuii chuan he hun hawnna thuchah sawiin, “ Mizoram a Laifa te chu kan awmna hmun in a zir loh avangin kan tawng, Lai tawng thiam lo tam tak kan awm a, tawng hi kan beng a a luh tam chuan hmasawnna min pek ngei ka beisei a, chutiang a he pawl hmalakna hi a kalzel theihnan mitinte ka sawm che u ani ati. Pi KR.Chhingpuii chuan,Lawngtlai a Cable TV pakhat KT Vision kaltlang a Lai tawng a chanchinthar puan anih zel theihna tur leh Laifa ten hlawkna an hmuh ngei theihnan Lai tawng a chanchinthar puan tan na hun hi a hawng nghal a,Hawnna neih zawh hian Lai tawng a chanchinthar Nl.K.Lalparliani’ a puan chu ngaihthlak nghal ani. September ni 6, 2012 a din,Lairam Media Group Vice Chairman Pu K.Hrekung kaihhruaia hun hman ah hian Mizoram a Laifa ten Lai tawng an thiam loh chhan thusawi hrang hrang atangin ngaihthlak ani a, Mahni tawng thiam tur a hmalak chu kan tihtur diktak anih thu te pawh ngaihthlak ani bawk.Tarlan tawh angin Chanchinthar hi kar khat ah vawikhat puan phawt a ni dawn.
Kan Lawngtlai khawpui meuhin mahni tawng ngei a, media/chanchinthar lam a hmasawnna rahbi kanlo neita mai hi aropui hle mai. Ka lawm takzet ani. Tunlai ah mahni tawng thiamlo hi chu Lai hnam chauh kan ni awm e.Chuta kara, mahni tawng a hmasawnna bul min hruai theihtu media hmang ngei hian Laifate ril zawkah min hruai in, kan hlohtling chhoh zel pawh ka beisei takzet. ka duhsakna sang ber Lairam tan ka hlan duh bok e.
ReplyDelete