Friday, November 30, 2012

Kum 1953 a PLRC Member te thlalak CEM kut ah Pu Sapliana’n a hlan

Nimin khan  Pu Sapliana Vandir,Ex- MLA.Lawngtlai Bazar chuan Kum 1953 a Pawi-Lakher Regional Council hun laia  Member te Thlalak a vawn that chu LADC CEM Pu C.Ngunlianchunga hnenah a hlan.He Thlalak hlanna Pu C.Ngunlianchunga CEM Office Chambera neih ah Pu Sapliana chuan he thlalak hi Ni 23.April 1953 a Pu Ch.Saprawnga, MLA,Parliament Secretary,Assam in,Lunglei Dhubi mual,tuna C.Thuamluaia mual an tihtaka Pawi-Lakher Autonomous Regional Council a hawn ni a Pawi-Lakher  Regional Council term hmasabera Roreltu te leh Hruaitute thlalak anih thu sawiin
He Thlalaka telte hi tunah nung dama awm an awm tawh loh thu a sawi   bawk. CEM Pu C.Ngunlianchunga chuan thlalak hlutak mai Pu Sapliana’n Council kuta a hlan chu lawmawm atih thu sawiin,  Ram tana Sulsutu mi hmasate thlalak alo la kawl tha thlap chu fakawm atih thu a sawi a.Kan mi hmasa ten kan Ram hruaina kawngah an theihtawk tak meuh an chhuah a,chumi avanga vawin ni hi thleng kan ni a,an sulhnu chhui a,kan Ram tan,kan Hnam tan, tan min lak thar tirtu anih ngei ka beisei ani ati.He thlalak hlanna hunah hian hun hmasa lama mi pawimawhte telin,Lawngtlai S.P Pu MH.Meena IPS.pawhin a telpui .

No comments:

Post a Comment