Wednesday, January 30, 2013

Nimin khan District Level Vigilance & Monitoring Committee an thukhawm

Lawngtlai District Vigilance and Monitoring Committee chu nimin khan an Chairman Lok Sabha M.P Pu C.L.Ruala ho in Lawngtlai DC Conference Hall ah thukhawm in Rural Development Department in Centrally Sponsored Scheme Lawngtlai District a a kalpui mek a hmalak dan leh hmachhawp te an thlir ho He Meeting ah hian kum 2012 September Ni 20 a Meeting neih a ruahmanna siam te bawhzui a nih dan te, Central Scheme hrang hrang MGNREGA, IAY, SGSY, PMGSY, Total Sanitation Campaign, National Rural Drinking Water Programme, IWMP, Backward Region Grant Fund leh National Social Assistance Programme a hmalakdan leh hmachhawp te thlir ho a ni a,

Sceintific Advisory Committee neih a ni

Nimin khan KVK.Lawngtlai buatsaih Scientific Advisory Committee BNRGSK Conference Hall, Lawngtlai ah neih a ni a, Pu C.Lalniliana,Director, Agriculture ( Research and Education) in he Committee hi a kaihruai He Meetingah hian Kum 2013-2014 chhunga KVK Lawngtlai hmalakna turte uluk taka ngaihtuh ho ani.He Meeting ah hian Lawngtlai District chhunga Lo neituten hmasawnna an neih theihna tur a thil tulte leh pawimawhte an sawi ho a.Kum 2013-2014 chhunga hmalakna tur Action Plan sawi zauna hun Pi Vanlalliani,SMS (Horti) i/c Proggramme Co-Ordinator.KVK Lawngtlai chuan hmangin,hmasawnna tura an hmachhawpte a lem nen entirin kalkhawmte zirtirna a pe bawk.He Meetingah hian Lawngtlai District a Deptt hrang hranga Scientific Advisory Committee Member te leh KVK,Subject Matter Specialist te an tel a.Hetiang Meeting hi vawiin hian Saiha ah neih a ni ve leh ang.

MJA ten Ngengpui Wildlife Sunctuary an tlawh

Thawhtanni khan Lawngtlai District MJA te chuan Ngengpui Wildlife Sanctuary 110Sq.Km a zau chu tlawhin, Pu K.Hramzama Range Officer, Chhimtuipui Wildlife Division chuan a kaihruai a ni.Ngengpui Wildlife Sanctuary hi Mizoram Sanctuary zau pawl tak a ni. He Sanctuary ah hian Mizoram a nungcha awm zen zen lo a awm nual a. He Sunctuary enkawltuten an sawidanin,Sanctuary chhungah hian Sai-8, Samang, Sazuk, Sanghal, Saza, Sakei-1,Keite leh Sele te tunah hian an awm bawk a. Tin, heng bakah hian Sava chi hrang hrangte pawh a awm nual bawk a ni.

CADC Term pawtsei

District Council Affairs Department thuchhuah in a tarlan danin tuna Chakma Autonomous District Council hun March ni 10, 2013-a tawp tur chu HSLC, HSSLC leh Degree examination-te ni 22.2.2013 atanga 25.3.2013 chhung a awh dawn avangin inthlanna huaihawt a tikhaihlak dawn a. Hemi avang hian Mizoram Governor chuan tuna CADC Sorkar Term chu March ni 10, 2013-ah ti tawp lovin April ni 30, 2013 thleng a pawh sei sak .

Friday, January 25, 2013

Lawngtlai DC leh LADC Sorkar ten a hrang ve ve in Laifa MCS tling thar lawmpuina hun an hmang

 

Nimin chhun khan Lawngtlai DC Pu B.Lalhmingthanga chuan MPSC Combined Service Exam 2012 a Laifa MCS tling thar te a Office Chamber ah lawmpuina Chibai bukin thingpui ruai a buatsaih sak a, he hun ah hian Lawngtlai DC Office a MCS Officer te leh MCS a tling thar ten inhmelhriattawnna leh inkawmhona hun hmangin MCS Senior te chuan sorkar hna kalphung leh mipui rawngbawlna a MGS tling thar ten an hriattur pawimawh te hrilhin ram leh hnam tana mitangkai tak niturin duhsakna an hlan.

District Council ten thuneihna sang zawk an neih theih nan hmalakna kalpui mek a ni, LADC a CEM in a ti


Pu C.Ngunlianchunga chuan District Council te chu India danpui tlawhchhana thuneihna nei leh Sixth Schedule to the Constitution of India hnuaia Executive Power, Legislative Power leh Judicial Power te a inhumhimna nei an ni a ti a,  District Council te chu a dinna ngai a ding reng lova hmasawn tur a ni a, heivang hian Danpui hnuai ah dinhmun sang a District Council te an din theih nan hmalakna kalpui mek a ni a ti a, hethu hi nimin a Lawngtlai a CEM Office Chamber ah Dr.J.Doungel lehkhabu ziak 'Ram Darthlalang'(Socio Political Issues in the Sixth Schedule Area of Mizoram) tih a tlangzarhna a sawiin

Thursday, January 24, 2013

Rupublic Day atan ruahmanna peihfel a ni tawh Inbuatsaihna kalchhoh pui mek a ni.

Kumin a Indian Republica Day Inrinni a lo thleng tur Lawngtlai District a lawmnapuiber tur Central YLA Playground a neih tur atan ruahmanna hrang hrang te peihfel a ni      tawh a, heng ruahmanna tihhlawhtlin a nih theih      nan hian chanvo changtu ten inbuatsaihna kawng hrang hrang a an kalpui mek a, nimin khan Lawngtlai DC hoin Republic Day lawmna neihtur atan a hmalakna kalmek te thlirin DC Conference Hall ah mawhphurhna nei hrang hrang te an thukhawm a, hetah hian chanvo nei ten an chanvo bik a hmalakna an     kalpui dan leh an         thlen chinte report an pe a,

Ram Darthlalang


      Tarlan tawh angin vawiin chawhma dar 11 hian Dr.J.Doungel lehkhabu Ram Darthlalang tih chu LADC a CEM, Pu C.Ngunlianchunga’n a Office Chamber ah a tlangzarh dawn.

Ngengpui tlawh dawn


       Karleh Thawhtanni khian MJA Lawngtlai te chuan DFO Pu Pradan a hoin Ngengpui Wildlife Sunctuary a hmalakna kalpui mek leh Forest Department in he Sunctuary an enkawl dan te hrechiang turin a hmun ah an tlawh dawn.MJA te hian Phawngpui National Park pawh hun hmasa lam ah an lo tlawh.

MJA te lawm



      Kumin a MJA General Conference, Lawngtlai District MJA ten an thlenna tur a inbuatsaihna kalpui mek a Sorkar Department ten MJA te hnen ah Conference tanpuina engemawzat an pe a, heng tanpuina petute chungah hian MJA Lawngtlai District chuan lawmthu an sawi.

PRESS RELEASE Khawpui pawn lam Cable TV Operator ten Fee tihsan rel


        Mizoram Cable TV Owners and Distributors Association(MICODA) chuan Kum 2013 January atanga Monthly fee Rs.250/- a tihsan a rel a.Hei hian LPS leh ZONET Subcriber (Direct a LPS leh ZONET hruai thlenna chin) te a huam ve lo ang.
       
        MICODA Gen. Assembly chuan Cable TV enkawlna senso hautak chho zel ah Aizawl pawnlama Cable TV neitute chu tun dinhmun nguntakina thlir a, tundinhmunah hlawk chu sawiloh,hloh zawk a kal an nih tawh vangin, Cable TV Metwork tlachhe mek chhanchhuahna turin thla tin fee tihsan mai loh chu kawngdang awmin a hre lo a, Monthly fee Rs.200/- nimek chu kum tamtak hman a lo ni tawh a,sorkar in chhiah a lak mek 20% paih hnuah phei chuan Operator kut a lut chu Rs.160 ang a ni.Hetiang a nihvang hian Monthly fee hi Rs.300 emaw a aia tam emawa bithlaih a hun tawhin lang mahse,mipuite hmakhua thlir chungin Rs.250/- a tihsan phawt nise tiin MICODA chuan a rel ta a ni.

Wednesday, January 23, 2013

Compansation chungchang ah District Collector ho in Meeting neih a ni.

Lawngtlai atanga Zochhachhuah inkar kawngpui Multi Modal Transit Transport Project hnuai a kawngpui laihmek chu Compansation chungchang vangin  kawngin a paltlang ram neitu intelkhawm Land Owners Association te chuan  Thawhtanni atang khan kawnglaih hna chhunzawm tawhlo turin Lawngtlai DC hnen ah lehkha an thehlut a, hemi chungchang ah hian nimin khan Lawngtlai DC  ho in DC Conference Hall ah Meeting neih a ni a, hetah hian DC Office a helam buaipuitute, LADC a Executive member pahnih Pu H.Vanlalthaliana Revenue changtu leh Pu H.Chhuanawma Forest changtu bak ah Senior Revenue Officer bak ah Land Owners Association lam aiawh te an tel a.

Electric man vangin mipakhat a thi a, mipakhatin hliam a tuar

Chawngtelui khua chuan Thawhtanni khan hnatlangin an khua a Electric ban an phun  sawn a, hnatlang an thawhlai hian Power supply a awm thut vangin, Electrict ban a  lawnlai Chawngtelui khua Lalhumhima kum 32     S/O Jindro (L) chu Electrict hian man in  a boral  a, electric hruai pawh mar tummek T.Zokhuma Evangelist Teacher Bru Baptist Church chu Electric hian man tel in, a kut vel ah hliam a tuar nual a,

CADC Election sawiho


    Nimin khan State Election Commissioner (SEC) Pu C. Ropianga hoin Chakma Autonomous District Council  inthlan hun tur puan a nih huna tluang taka inthlan buaipui a nih theihna turin meeting  neih a ni a.  Pu C. Ropianga chuan Governor-in inthlan hun tur a ruatfel veleh harsatna awm lova an tih tur theuhte tluang taka an tih theihna tura inhmakhua a tul thu sawiin, harsatna awm theite leh a sutkian dan turte pawh ruahman lawk a ngaih thu a sawi.   E/Roll ennawnna  dan tur rel a ni a; hming belh a awm dawn lova,hming chuangsa, paih ngaite enfiah a ni ang.

Thursday, January 17, 2013

HDFC Bank, Lawngtlai Branch, Lawngtlai DC Pu Hmingtea’n nimin khan a hawng.

Nimin Jan.16 khan  Lawngtlai DC Pu B.Lalhmingthana'n HDFC Bank, Lawngtlai  Branch thar a hawng.HDFC Bank thar hawnna inkhawm, Pu John Jongte, Chief Manager, HDFC Bank Mizoram chuan kaihruaiin, he hun a khuallian Lawngtlai DC Pu B.Lalhmingthanga chuan Ribbon chepchat a Bank thar a hawn bak ah Bank thar hawnna puala a Cake siam a zai a, thusawiin Pu Hmingtea chuan Mizo mipui ten Bank kan ngaihdan chu zawi zawiin a inherdanglam chho hret hret a,

Thla 8 chhung a Health Department dinhmun thlir ho a ni.

Nimin chawhnu khan nikum 2012 April atanga November 2012 chhung a Lawngtlai District a Health Department dinhmun, DC Conference Hall ah, Lawngtlai DC Pu B.Lalhmingthanga ho in thlir ho a ni a, he hun ah hian Health Department lam ten hmalakna hrang hrang an neih te thlir ho a nih bak ah kum 2013-2014 chhung atan Lawngtlai District Health Action Plan an thlir ho bawk.

DC in MJA te Thingpui a Inpui


    Nimin  khan DC, Pu B.Lalhmingthanga chuan MJA hruaitute a Office Chamber ah thingpui a inpui.DC chuan kumthar atan Pathian hnen ah tawngtaia inhlanna hun a hman hnu ah thusawiin, kum kalta chhung a Chanchinbumite leh sorkar lam ten thawhhona tha tak an nei chu lawmawm a tih thu sawiin, kumthar  ah pawh  thawhhona tha  neih chhunzawm zel a duh thu a sawi a, chanchinbumite chu mipui leh sorkar kawngdika hruai turin an pawimawh em em a ni a ti. He hun ah hian MJA hruaitute chuan  hmasawnna a tan rawtna an neih te an sawichhuak.  MJA lam hi an President Pu V.Lallianzuala'n a ho a, DC chu Addl.DC Pu Beila Khithie bak ah DC Office a MCS bakah Superintendent in a  tawiawm.

Gas chungchang sawiho


   
     PiM.Zohmingthangi,      IAS, FCS&CA Director ho a  Gas chungchanga State Level Advisory Committee chuan Ministry of     Petroleum & Natural Gas thupek anga ni 13.09.2012 atanga chhungkaw khat tana kum khata LPG cylinder (14.2 kg) 6 a bituk chu Mizoram-ah pawh  September 14, 2012 atanga hman tan a nih thu tarlan a ni. Mizoram chhunga gas bur khat (non-subsidised) man atan he meeting hian Rs. 1067/- a bithliah a; Vairengte bikah erawh chuan Rs. 1066/- a ni ang.

Road Safety Week hmandantur rel

Nimin khan Transport Minister Pu PC Zoram Sangliana hovin  kumina Road Safety Week hman dan tur relin Road Safety Council member te an thukhawm.Road Safety Week thupui atan ‘Nun him nan, rui          chungin lirthei khalh suh’ tih chu a thlang a. February ni 4 leh ni 8 inkara hman nise anti. Minister chuan lirtheia chetsualna pumpelh    nan fimkhur taka        lirthei khalh a pawimawh zia sawiin kumina       Road Safety Week hman turah zau thei ang bera mipuite inhrilhriat leh zirtirna pek a tul thu a sawi.

Wednesday, January 16, 2013

Lawngtlai District a Assembly Bial pathum ah Voters 69254 an awm

Nimin khan Lawngtlai District a Assembly bial pathum a Electoral Roll, Special Summary Revision 2013 zawhfel tak  chu Final Publication neih a ni.ElectoralRoll Publication hi Lawngtlai DC Pu B.Lalhmingthanga ho in,  DC Conference Hall ah neih niin, Political Party, NGO leh Chanchinthar thehdarhtu lam te he hun ah hian an tel a, Lawngtlai DC chuan E/Roll tha tak neih theih a ni chu lawmawm a tih thu leh hemikawng a thahnemngai taka thawktute chung ah lawmthu a sawi a, E/Roll thar hi Political Party hrang hrang leh NGO te hnen ah DC hian a hlan nghal.. Lawngtlai District a Assembly bial pathum Tuichawng, Lawngtlai East leh West bial ah te Draft Roll ah voters 67473 awmin, tuna Final E/Roll ah hian heng biual pathum a voters awmzat chu 69254 niin Draft Roll aiin Voters 1781 in a tam a, a punna hi 2.63% a ni. Tuichawng bial ah Voters 26008 awmin a punna hi 2.81% a ni a, Lawngtlai West ah Voters 22433 awmin 2.31% in a pung a, Lawnghtlai East ah Voters 20813awmin 2.77% in a pung a ni.

Huaisen Chawimawina Ramdinthara(L) in a dawng dawn.

Pu L.Rinawma, lawngtlai-III fapa kum 16 a upa nikum 2012  March 31 a a thiante tuitla chhan a tumna lam a a nun chan ta Ramdinthara chu Huaisen chawimawina, Bravery Award dawng tur a thlan a ni a, Republic Day ah Prime Minister in Huaisen lawmman hi Ramdinthara chhungte hnen ah a hlan ang. Ramdinthara hi nikum 2012 March 31 khan Tuipui ferry Saiha leh Lawngtlai a a thiante te nen an kal a, hetah hian a thiante tuitla chhan a tumna lam ah a nun a chan phah ta a ni, he mi tum a, Ramdinthar bak ah midang pahnih tui ah hian an tlahlum. Indian Council for Child Welfare chuan kumtinin naupang huaisen, kum 16 hnuailam te atangina thlang chhuak thin a, Lawngtlai-III a mi Ramdinthara hi thlanchhuah zing ah a    tel a ni.

HDFC Bank hawng dawn



        Vawiin chawhma dar 11:30 hian HDFC Bank, Lawngtlai chu hawn a ni dawn a, DC Pu Hmingtea’n he Bank thar hi a hawng ang. HDFC Bank, lawngtlai hi Lairam Christian Medical Centre (LCMC) bul ah a awm.

Thingpui inpui dawn



       Vawiin chhun hian MJA Lawngtlai District Member te chu Lawngtlai DC Pu B.Lalhmingthanga’n a Office Chamber ah kumthar kum bul tanna atan thingpui ruai a buatsaih sak dawn.MJA Member te kimtaka he hun a tel tur hian an in hriattir.

MP lokal dawn


      Lok Sabha MP Pu C.L.Ruala chuan tunthla tawp hian Mizoram chhimlam a rawn tlawh dawn a, January 29 ah Lawngtlai District Vigilance & Monitoring Committee chu ah Chairman a nih angin Meeting a neihpui anga, ruahmanlawk ang chuan hemi ni vek hian Saiha a pan nghal ang.

NLUP zirchiang dawn



    Mizoram a NLUP kalpui dan chu MINNESOTA, USA a Expert Team, Profesor mi pali te chuan an zirchiang dawn a, January 18 hian heng Team te hian Lawngtlai District an rawn tlawh dawn a, Mampui a NLUP kalpuidan a hmun ah an thlir ang.

LPS in tanpui



      LPS chuan Lawngtlai AOC Veng a Hlupuii leh Diltlang a Pi Nitumte chu, LPS TV Programme pakhat Samari Mittha, tanbpui ngaite tanpui thinna hmingin, tanpuina Rs.10000/- ve ve an hlan a, heng thilpek hlanna hi Lawngtlai a Cable TV ah pawh tihchhuah a ni.

Tuesday, January 15, 2013

Kuthnathawktute Ni, YLA Hall ah hman a ni. NLUP titha te hnen ah Chawimawina Minister in a hlan.

Nimin khanYLA,            Hall, Lawngtlai ah Kuthnathawktute Ni hman a ni.Kuthnathawktute Ni Lawngtlai a hmanna hi Lawngtlai DC, Pu B.Lalhmingthanga’n kaihruaiin, he hun a khuallian Pu Nihar Kanti Chakma, Minister of State chuan Sorkar chuan kuthnathawktute dinhmun chawikan chu a ngaipawimawh takzet a, NLUP hnuai a hmalakna pawh chaktak a kalpui a ni a ti a, Sorkar lam in theihtawp chhuah mahse, NLUP dawngtu lam ten tihtak tak nen hna an thawh loh chuan awmzia a nei dawn chuang lo a ni a ti a,

Pangkhua in Rs.Nuai 1 dawng



 Nimin a Kuthnathawktute Ni Aizawl a hmanna ah State Level a NLUP kalpui tha khua thlanchhuah ah, Lawngtlai District a Pangkhua chu Consolation Prize dawngtu pali zing ah tel in Cheng Nuai khat an dawng.

Thingpui inpui



      Nimin chawhnu khan Pu Lalsiama Fambawl, Dy.Director, Information & Public Relations chuan I&PRO Office Lawngtlai ah Lawngtlai a Chanchinbumite thingpui a inpui a, Pu Siama chuan Lawngtlai a Information Officer awmlo chu, sorkar in dah thuai tum a hmalakna a kalpui mek thu a sawi.

Office hawng



       Nimin khan Lai District Congress Committee chuan an Party Office, kum thar 2013 atan an hawng tan a, nimin vek khan MNF District Hqrs. Lawngtlai pawh in kumthar atan an Office an hawng bawk.

E/Roll Publish dawn



      Vawiin hian Lawngtlai District a Assemb;ly bial pathum aElectoral Rolls Summary Revision chu DC Conference Hall ah publish a ni dawn.

ADVERTISEMENT



           
            Mizoram Sorkarhmalakna hnuaiah “Rural Information KIOSK (RIK)”khua zathum (300)-ah din tum a ni a, hemi enkawltu tur hian mi zathum (300)lak tum a ni. A dil duh chuan dilna form leh guidelines-te hi office hour chhungin ZENICS’s Office, Treasury Square, Aizawl-ah lam theih a ni ang. Tin, website http://zenics.mizoram.gov.in atang pawhin download theih a ni.  Dilna Form hi 22nd February, 2013 hma ngeiin theh luh tur a ni. A khua mite duhsakbik an ni ang.

Hrechiang duh tan, Phone: 0389-2326129 / 8974116478 / 9089671322

         
             Sd/-
    ( LALTHLAMUANA )
Managing Director, ZENICS