Wednesday, January 30, 2013

Nimin khan District Level Vigilance & Monitoring Committee an thukhawm

Lawngtlai District Vigilance and Monitoring Committee chu nimin khan an Chairman Lok Sabha M.P Pu C.L.Ruala ho in Lawngtlai DC Conference Hall ah thukhawm in Rural Development Department in Centrally Sponsored Scheme Lawngtlai District a a kalpui mek a hmalak dan leh hmachhawp te an thlir ho He Meeting ah hian kum 2012 September Ni 20 a Meeting neih a ruahmanna siam te bawhzui a nih dan te, Central Scheme hrang hrang MGNREGA, IAY, SGSY, PMGSY, Total Sanitation Campaign, National Rural Drinking Water Programme, IWMP, Backward Region Grant Fund leh National Social Assistance Programme a hmalakdan leh hmachhawp te thlir ho a ni a, nimin Meeting ah hian he Committee a changtlun zawk theih nan scheme hrang hrang a mawhphurtuten meeting ah ziak a report an pek bak ah thlalak nen a theih chin chin ah report pe thin tawh se an ti a, kangmei ven kawng ah Central Scheme te hmantangkai dan dap tha an ti bawk. MGNREGS hnuai ah kumin sorkar kum kallai ah Ni 65 inhlawhfakna pekchhuah a ni tawh a, Lawngtlai District chhungah tun dinhmun ah Job Card nei 25842 an awm, Job Card neite inhlawhfakna hlawh atan Rs.22,48,15,480 hman tawh niin, material Component ah Rs.3,16,80,362/- hman a ni tawh bawk. 2012-2013 chhungin IAY atangin Chenna tur In neilo tan Inthar 218 sak tawh niin, In thawmthat ngai 202 thawmthat a ni tawh bawk.National Rural Drinking Water Programme hnuai ah khua 19 ah tuithianghlim lakna zawhfel a ni tawh thu sawilan a ni. Meeting ah hian Lawngtlai DC Pu B.Lalhmingthanga, Lawngtlai East MLA, Parliamentary Secretary Pu H.Zothangliana, Lawngtlai West MLA Pu C.Ramhluna, LADC a Chief Executive Member Pu C.Ngunlianchunga bak ah Scheme hrang hrang khawihtu Department hotute an tel.

No comments:

Post a Comment