Thursday, January 24, 2013

PRESS RELEASE Khawpui pawn lam Cable TV Operator ten Fee tihsan rel


        Mizoram Cable TV Owners and Distributors Association(MICODA) chuan Kum 2013 January atanga Monthly fee Rs.250/- a tihsan a rel a.Hei hian LPS leh ZONET Subcriber (Direct a LPS leh ZONET hruai thlenna chin) te a huam ve lo ang.
       
        MICODA Gen. Assembly chuan Cable TV enkawlna senso hautak chho zel ah Aizawl pawnlama Cable TV neitute chu tun dinhmun nguntakina thlir a, tundinhmunah hlawk chu sawiloh,hloh zawk a kal an nih tawh vangin, Cable TV Metwork tlachhe mek chhanchhuahna turin thla tin fee tihsan mai loh chu kawngdang awmin a hre lo a, Monthly fee Rs.200/- nimek chu kum tamtak hman a lo ni tawh a,sorkar in chhiah a lak mek 20% paih hnuah phei chuan Operator kut a lut chu Rs.160 ang a ni.Hetiang a nihvang hian Monthly fee hi Rs.300 emaw a aia tam emawa bithlaih a hun tawhin lang mahse,mipuite hmakhua thlir chungin Rs.250/- a tihsan phawt nise tiin MICODA chuan a rel ta a ni.

   
        Channel leh Programme tamzawk pechhuaktu Aizawl a Cable TV pahnih ten thlatin fee an tihsan loh laia khawpui pawn lama fee tihsan a nih dawntak avanga mipuite rilru tur pawh MICODA chuan a ngaihtuah a,Aizawl a Cable Operator te hian Subcriber nuai tel an neih ve ve bakah Sorkar,Sumdawng leh mimal atanga nitina Advertisement an hmuh pawh Rs.20000 atanga Rs.30000 te a tling phak a,Live Programme leh Programme dang ah sum lakluhna thatak an nei bawk.Hetihlai hian khawpui pawn a Operator te chuan thla fee bak sum lakluhna an nei lova,LIve Programme leh Programme dang reng reng mahni insengso a an kalpui a ngai thung a ni.
       
        Hemi piahlam ah hian tunhnai a LPS leh ZONET ten khawpui pawn lam a an Signal Live a an pekdarh chhoh mek dan leh hemi avanga khawpui pawn a Cable Operator te senso sang chho zel pawh MICODA chuan a thlir a, Cable Operator lian pahnihte signal lakchhawnman sang tak, thlakip a chawi ngai hi mipuite hmakhaw thlir chungin khawpui pawn a Operator te hian tlin leh tlin lo in lak ve zel a tul si a.Tunhnai a hnamdang Film te Mizotawnga letlingtu an pung zel a, heng Flim lettu thahnemtak te hian LPS leh ZONET behchhanin Channel pakhat theuh an nei deuh zel a, a putdarhsaktu an nih vangin LPS leh ZONET te hian sum an pek ve a ngai lo a, hetihlai hian khawpui pawn a Operator te chuan Flim lehlinte hi manto taka an lei a ngai thung a ni.
        Hetianga sum senna lo tam chho vel avang leh hmanraw man lo sang chho zel avang hian Aizawl khawpui pawn lama Cable TV Operator zawng zawng te hian mipui rawngbawl hna an thawhna ah sum indaihlohna nasatak an tawk mek a, Monthly Fee hmanlai Rs.200/- hi kalpui reng a nih chuan khawpui pawn a Cable TV Operator te chu an ral zel dawn tih a lang chiang a, heivang hian MICODA chuan uluk taka thil awmdan thlirin, khawpui pawn a Cable TV Operator te tlachhe mek chhanchhuahna awmchhun chu Monthly fee Rs.250/- a bithliah mai chu niin a hria a, heng harsatnate hi hriat thiam puia Monthly Fee Rs.250/- a khawn tur hi lawmtaka pe theuh turin MICODA chuan Mizoram mipuite a ngen a ni.

                                                                                Sd/-
                                                               (J.Malsawmzuala Vanchhawng)
                                                                   General Secretary
                                                                             MICODA

No comments:

Post a Comment