Monday, February 25, 2013

Morgue Van CEM in District Hospital thuneitute hnen ah a hlan

Lok Sabha M.P Pu C.L Ruala'n MP Local Area Development Fund atanga a lei Ruang phurhna Motor, Morgue Van chu Inrinni zing khan Lai Autonomous District Council a Chief Executive Member Pu C.Ngunlianchunga'n Lawngtlai District Hospital thuneitute kut ah a hlan Morgue Van inhlanna hun tawite, CMO Pu HC Thangkima kaihhruai ah hian LADC a CEM Pu C.Ngunlianchunga chuan Lawngtlai District ah a biktaka ruahman Ruang phurna Motor awmloh vangin harsatna nasa tak tawh a ni thin chu Lok Sabha MP Pu CL Ruala thahnemngaihna vangin sutkian ani ta a ni a ti a,

Zu man

CYLA hruaitute atang thudawn danin kar kalta khan Hmawngbu YLA leh Longmasu MTP tangkawp ten Kakichhuah ah Zu Asenchi Um 430, Local Um 140 Zu bilhlai bel 17 leh Brite 6 Dawidim Kg 2 man in,heng an ruihhlo mante hi a hmun ah an tichhe nghal.

CEM zin dawn

LADC a CEM Pu C.NGunlianchunga chu District khawthlang lam tlawhin tukin hian a zinchhuak dawn a, CEM hi kar hnih vel a thang ang.

World Vision ten SHG te tan Training an buatsaih

    Kar kalta chhung khan  World Vision India.Chhimtuipui ADP chuan an  khaw hrang hrang ah Self Help Group Training pe in,   Chawngte C ah pawh he hun hi an hmang,    World Vision India Chhimtuipui ADP leh DRDA Lawngtlai ten thawh hona thuthlung an siam ngin,Lawngtlai District a RD Block hrang hrang a  Self Help Group te tan Level-I Training ,Bualpui NG. Sangau.Nghalimlui. Bungtlang S leh Chawngte C ah Training hi an neihpui ani

MGNREGS & NLUP kalkawptir

State Sorkar ruahmanna hnuai ah MGNREGS Lawngtlai District a kalpui mek ah State Flagship Programme NLUP Benefiaciries te tan MGNREGS sum cheng Nuai 224 sing 5 sng 8 za 3 sengin tuidahkhawlna leh Agriculture Link Road  cheithat hna thawh a ni tawh. NLUP hnuai a thlai chin thlangtute, tuilak tur tha neilo te tan MGNREGS hnuai atangin tuilaktur an neih theih nan Farm Pond siamin kumtluanin kuthnathawktuten tui   an neih theih phah a, hei bak ah hian NLUP Benefiaciries te  thlai thar te an phurh chhuahna tur kawng Agriculture Link Road cheithat hna thawkin Culvert thahnem tak siam a ni tawh bawk a ni.

Thursday, February 21, 2013

Zo Hnahthlak Inpumkhatna Seminar Lawngtlai ah neih a ni

Nimin khan Lawngtlai Academy Of Letters,Chhimtuipui Academy Of Letters leh Mizo Academy Of Letters,Joint Hqrs.Lunglei te buatsaihin Zohnahthlak inpumkhatna Seminar Lawngtlaiah neih ani.He Inpumkhatna Seminar   JH.Lorrain Hall,Lawngtli Bazara neih chu Pu K.Hrekung. President,Lawngtlai Academy Of Letters chuan a kaihruai a,he huna Khuallian Pu T.Vanlalmalsawmsanga,MCS,District Transport Officer.Lawngtlai chuan thusawiin Zo hnahthlak inpumkhatna hian Mizo  mipui tam zawkte Rilru ah chuti em em in hmun a luah thuk lemlo a,

Cheng Nuai 64 chuang senga sak DAO Office Agriculture Minister in a hawng

Nimin khan Agriculture Minister Pu Liansailovan cheng Nuai 64.35 seng a sak District Agriculture Officer's Office Lawngtlai ah a hawng Hawnna inkhawm C.Lalzarliana Director Agriculture(Crop Husbandary) kaihhruai ah hian Pu Liansailova chuan Sorkar chuan kuthnathawktute tharchhuah tihpun a hlawk zawk a hna an thawh theih nan a hmalak chu sorkar tumber a ni a ti a, NLUP chu  tihtakzet a ti te tan dinchhuahna tham a ni tiin,

Tuesday, February 19, 2013

Fire Prevention Week,D.C in a hawng

Kumtin a hmanthin kangmei ven inzirtir uar Hapta Fire Prevention Week chu nimin khan DC Conference Hall, Lawngtlai ah Lawngtlai District Fire Prevention Committee Chairman Pu B.Lalhmingthanga Lawngtlai DC in a hawng, he hun hi Pu Beila Khithie Addl.DC in kaihruaiin, Week hawngtu Lawngtlai DC chuan week hawn chu kangmei lak a kumtluana fimkhurna tizualtu nise a duh thu a sawi a,

DIG Southern Range in Lawngtlai District a tlawh

Pu L.H.Shanliana DIG Southern Range Mizoram, Lunglei chuan ni ruk chamin Lawngtlai District a Police te dinhmun a hmun ah tlawhin a , District khawtlang lam Parva thleng kalin, nimin zing khan Lawngtlai a lut a, Lawngtlai Circuit House ah Tlawmngaipawl hruaitute nen inkawmin, Pu Shanliana chuan Tlawmngaipawl leh mipui ten Police te hnathawh an tanpui thinna ah lawmthu a sawi a, Police te tha tichak zawng a hmala zui zel turin a sawm nghal bawk.

Inpumkhatna Seminar

Mizo Academy of Letters Lunglei, Lawngtlai Academy of Letter leh Chhimtuipui Academy of Letters Saiha ten IZo Hnahthlak Inpumkhatna Seminar ti a vuah a Joint Seminar an neih thin chu naktuk hian Lawngtlai Bazar a JH Lorrain Hall ah neih a ni dawn a, Pu T. Vanlalmalsawmsanga DTO, Lawngtlai chu khuallian a ni ang, Seminar ah hian Pipute Mitthi sawngbawldan tih RK Lalhluna ziak leh Lai leh Mara Pasalthate tih Dr.S.Hrachu ziak te an zirho ang.

Office hawng dawn

Naktuk hian District Agriculture Officers Office Building sak thar chu Agriculture Minister Pu Liansailovan a hawng dawn, he hun hi Parliamentary Secretary Pu H. Zothangliana pawh in a rawn hmanpui ang.

Power mumallo vei

Central YLA chuan District Hqrs. dang nen khaikhinin Lawngtlai in Power Supply a hmuthalo bik ni a hriain mumal zawk a Power supply hmuh a nih theih nan Power & Electricity Department chu hmala tur in an ngen.




     


Monday, February 18, 2013

Kangmei ven kawng ah nasa zawkin rampum ah hmalak tum a ni

Kumtin a hmanthin Kangmei ven kawng a inzirtirna beih uar hapta chu vawiin atang hian Mizoram pum ah hman tan a ni dawn a, Hapta Hawnna puiber chu Aizawl ah neih a ni ang. Lawngtlai District chhung a he Hapta hawnna chu vawiin chawhma dar 11 hian DC Conference Hall ah neih a ni dawn.

CADC Draft E/Roll ah Voters 26012 an awm




 

State Election Commission thupek angin Chakma Autonomous District Council, 2013, inthlanna lo awm tur atana ruat Electoral Registration Officers-te chuan Draft Electoral Rolls ni 12.2.2013 khan an tichhuak a. He Draft Electoral Rolls hi Deputy Commissioner/District Election Officer, Lawngtlai office, Electoral Registration Officer office-ah leh Asst. Electoral Registration Officer office-ah te en theih tura tarchhuah a ni.

Power Tlem zual

Mizoram in Power Supply a neih chu a tlem chho leh hret a, State chhung a Power siamchhuah te chu tihtham a tling lo in, Serlui ‘B’ atang a Power pekchhuah theih chu tunlai hian MW 2 vel chauh niin sawi a ni a, Chalfilh bial By-election neih tur a mumal taka Power an neih theih nan thuneitu lam chuan ruahmanna an siam a, hmundang ah chuan Power hi ainchhawk a pekchhuah zui mek a la ni.





Tuesday, February 5, 2013

Multi Modal Kawngpui laih hna chhunzawm a ni leh tawh

Kaladan Multi Modal Transit Transport Project, Lawngtlai AOC atanga Zochachhuah inkar KM 100 a thui laih hna RDS Company leh ARSS Infrstucture Ltd. ten an thawh mek chu he kawngin a paltlang ram neitu intelkhawm ten Zangnadawmna an beisei ang an la hmuh theih loh vanga sorkar nawr nan January Ni 21 atanga he lai kawngpui laih mek titawp tur a sawrkar an nawr hnu ah, hna engmah chhunzawm loh a nih hnuin

Lawngtlai ah Road Safety Week hman mek a ni.

Road Safety Week nimin atang khan Lawngtlai ah hmantan a ni. Lirthei lak a chetsualna a thlen loh nan a fimkhurna Hapta, kumtin a hmanthin chu vawiin atang khan Mizoram hmundang rualin Lawngtlai ah pawh hman a ni a, khawpui chhung ah M.V Department te duty in lirthei kalvel te Documant leh Driving License te an endik a, a fello te chu an lehkha pawimawh te hren sakin an tihfel nan hun an siamsak a, week hian Faeb. Ni 8 thleng a awh dawn a, hemi chhung hian tumdang aia nasa zawkin lirthei endik hna hi Motor Vehicle Inspector leh a thawhpui te chuan thawh an tum a, thawktu an indaih dan azirin khawpui chhung hmun tamzawk ah Duty Post siam zui zel an tum thu an sawi.

MJA Gen.Conference atan inbuatsaihna kalpui mek a ni.

A tumkhatna atan March Ni 6 & 7 khian MJA Lawngtlai District chuan MJA General Conference a thleng dawn a, hemi atana inbuatsaihna chu General Hqrs. leh a thlengtutur District MJA te chuan ruahmanna siamin, inbuatsaihna an kalchhohpui mek a, Conference Nikhatna March Ni 6 ah Khuallian atan Lawngtlai DC, MJA Lawngtlai District a Patron member nilai Pu B.Lalhmingthanga chu beisei a ni a, hemi ni chawhnu lam ah rorel inkhawm neih a ni ang. Conference Ni hnihna March Ni 7 ah Lawngtlai leh a chhehvel a hmasawnna hna thawh te khawmpui a Palai kalten an endawn bak ah LADC Office pui pawh tlawh tur in ruahmanna siam a ni.