Thursday, February 21, 2013

Cheng Nuai 64 chuang senga sak DAO Office Agriculture Minister in a hawng

Nimin khan Agriculture Minister Pu Liansailovan cheng Nuai 64.35 seng a sak District Agriculture Officer's Office Lawngtlai ah a hawng Hawnna inkhawm C.Lalzarliana Director Agriculture(Crop Husbandary) kaihhruai ah hian Pu Liansailova chuan Sorkar chuan kuthnathawktute tharchhuah tihpun a hlawk zawk a hna an thawh theih nan a hmalak chu sorkar tumber a ni a ti a, NLUP chu  tihtakzet a ti te tan dinchhuahna tham a ni tiin,
tuna NLUP a hlawhtling te pawh an dinhmun nguntakin sawrkar chuan a  vilzui reng a, vanduai vanga hlawhchhamte dinhmun pawh a enreng a ni a ti a, NLUP hmang a tuna hmalakna kalpui chu a rahbi  pakhat na chauh a ni a, kuthnathawktute an dinchhuah a eizawnna nghialnghet an neih theih nan sorkar chuan a ngaihvenzui  zel dawn a ni a ti bawk. He hun ah hian Lawngtlai East bialtu MLA, Parliamentary Secretary Pu H.Zothangliana pawhin  thusawiin, Lawngtlai District chhung a Chamdur phai chu Mizoram ei leh bar tharchhuahna hmunpui a siamtheih a nih thu a  sawi. Vawiin a District Agriculture Officers Office hawntak hi May, 2010 ah saktan niin, April 30, 2011 ah zawhfel a ni a, a building zau zawng hi Square Metre 364.59 niin cheng Nuai 64.35 seng a sak zawh a ni.

No comments:

Post a Comment