Tuesday, February 19, 2013

DIG Southern Range in Lawngtlai District a tlawh

Pu L.H.Shanliana DIG Southern Range Mizoram, Lunglei chuan ni ruk chamin Lawngtlai District a Police te dinhmun a hmun ah tlawhin a , District khawtlang lam Parva thleng kalin, nimin zing khan Lawngtlai a lut a, Lawngtlai Circuit House ah Tlawmngaipawl hruaitute nen inkawmin, Pu Shanliana chuan Tlawmngaipawl leh mipui ten Police te hnathawh an tanpui thinna ah lawmthu a sawi a, Police te tha tichak zawng a hmala zui zel turin a sawm nghal bawk. DIG chuan thilsulal titu emaw, thisual titu a puh te Police kut a an awm hnu ah mipui te Police hmun leh Jail ah te punkhawm thin chu thalo a tih thu leh hetiang ang chi hi awmlo se a duh thu a sawi bawk. DIG Southern Range chuan India ram pum a Police Station tin te Internet hmanga thlun zawm vek a nih theih nan Crime & Criminal Treking & Network System(CCTNS) chu Mizoram ah pawh kalpui mek niin Computer set 332 leifelin Police Station tin ah Computer set li theuh dah a ni tawh a ni a ti a, Lawngtlai District a Police lam indaihlohna pawh a hriat thu sawiin Tlawmngaipawl lam ten a bikin khawpui chhung ah zan lam ah Police Petrolling awm thei se an duh thu an sawite pawh lo bawhzui a tum thu a sawi.DIG Southern Range huamchhung a District pathum Lunglei, Lawngtlai leh Saiha District chhung ah hian Police Station 14 leh Out Post 7 a awm mek a, Mizoram pum ah Police Station 38, Anti Narcotic leh ACB pakhat ve ve a awm mek tih inkawmhona ah hian sawilan a ni.

No comments:

Post a Comment