Tuesday, February 19, 2013

Fire Prevention Week,D.C in a hawng

Kumtin a hmanthin kangmei ven inzirtir uar Hapta Fire Prevention Week chu nimin khan DC Conference Hall, Lawngtlai ah Lawngtlai District Fire Prevention Committee Chairman Pu B.Lalhmingthanga Lawngtlai DC in a hawng, he hun hi Pu Beila Khithie Addl.DC in kaihruaiin, Week hawngtu Lawngtlai DC chuan week hawn chu kangmei lak a kumtluana fimkhurna tizualtu nise a duh thu a sawi a, kangmei chhuak a awmin, a thelhmit hna chu mitin te mawhphurhna a ni a, kangmei vanga ramngaw chereu nasa lutuk te, Nunna, In leh rohlu kangmei vanga channa thleng thin te chu kangmei ven a tulzia hriatthar nan a hman a pawimawh a ni a ti a, kumin a kangmei venna kawng a hmalakna tur in District Level Committee chuan ruahmanna hrang hrang a duan zing ah Phawngpui National Park chu kumdang aia nasa zawkin kangmei lak ah ven tum a ni a ti. Week hawnna ah hian LADC a Executive Member, Forest changtu Pu H.Chhuanawma pawhin thu sawiin, LADC Sorkar chuan Lohal hun te, tullova kangmei tichhuak lo tur leh hengmite hrem an nih tur thu hriattirna a tihchhuah tawh thu a sawi.Week hawnna ah hian kumdang zawng aiin tel an thahnem.

No comments:

Post a Comment