Monday, February 18, 2013

Kangmei ven kawng ah nasa zawkin rampum ah hmalak tum a ni

Kumtin a hmanthin Kangmei ven kawng a inzirtirna beih uar hapta chu vawiin atang hian Mizoram pum ah hman tan a ni dawn a, Hapta Hawnna puiber chu Aizawl ah neih a ni ang. Lawngtlai District chhung a he Hapta hawnna chu vawiin chawhma dar 11 hian DC Conference Hall ah neih a ni dawn. Kangmei chhuak tur ven na lam ah hmalakna kalpui dan tur hi Lawngtlai DC Pu B.Lalhmingthanga, District Level Fire Prevention Committee a Chairman nibawk ho in siam a ni tawh a, kumin chhungin nasa zawkin kangmei ven na lam ah hmalakna kalpui nise ti in ruahmanna hrang hrang te siam a ni tawh a ni. Lawngtlai District chhung ah kumtin a kangmei chhuah duhna hmun Phawngpui national Park chhehvel a khua te pawh kumdang aia uar in kangmei ven na lam a hmala tur a beisei an nih bak ah Forest Department lam pawhin khawlai ah thuziak te tarin zirtirna mipui ah an pe bawk a ni. Hetiang bawk ah hian dang ah pawh kangmei tichhuaklo tur a mipui zirtirna leh hrilhhriatna te uar taka neitur in khawtlang hruaitute chu beisei an ni a, MGNREGS hnuai a inhlawhna tur pawh mei kawng sial nan te, kangmei a chhuah palh a thelh mit tur a hmalak tur atan te a tul ang a hman remtih a lo ni tawh bawk.

No comments:

Post a Comment